ޑިޕްރެޝަނުން އަރައިގަންނަ އޭނާ ވަނީ ޖިމަށް. ދެން ހުޅުވުނު ފިޓްނަސްގެ ދުނިޔެ އަށް ވަދެ ޝައުގު އުފެދުނީ. ބޮޑީ ބިލްޑިން ޖަޖެއްގެ ގޮތުގައި ކުރިއަށް ދިއުމަށް މިއަދު ފުރަތަމަ ފަހަރަށް، އެ ހައިސިއްޔަތުގައި ވޯލްޑް ޗެމްޕިއަންޝިޕްގެ ޕެނަލްގައި މަރީ އިށީންނާނެ.
މަރީ: ޑިޕްރެޝަނުން އަރައިގަންނަ އޭނާ ވަނީ ޖިމަށް. ދެން ހުޅުވުނު ފިޓްނަސްގެ ދުނިޔެ އަށް ވެދެ ޝައުގު އުފެދުނީ ބޮޑީ ބިލްޑިން ޖަޖެއްގެ ގޮތުގައި ކުރިއަށް ދިއުމަށް މިއަދު ފުރަތަމަ ފަހަރަށް އެ ހައިސިއްޔަތުގައި ވޯލްޑް ޗެމްޕިއަންޝިޕްގެ ޕެނަލްގައި މަރީ އިށީންނާނެ
09 ޑިސެމްބަރ 2022 - 09:58
10 comments
ތައިލެންޑްގައި އިއްޔެ ފެށި ދުނިޔޭގެ ބޮޑީ ބިލްޑިން މުބާރާތުގެ ފަނޑިޔާރެއްގެ ގޮތުގައި ހަރަކާތްތެރިވާ މަރްޔަމް ޝިހާނާ (މަރީ)ގެ ވާހަކަ ލިޔަން މިއަށްވުރެ މުނާސަބު ދުވަހެއް ނެތެވެ. ބޮޑީ ބިލްޑިންގެ ދުނިޔޭގެ އެންމެ ބޮޑު ސްޓޭޖުގެ ހަވާސާގައި މަރީ، ފުރަތަމަ ފަހަރަށް މިއަދު އިށީންނާނީ ބައިނަލްއަގުވާމީ ބޮޑީ ބިލްޑިން މުބާރާތެއްގައި ފަނޑިޔާރުކަން ކުރާ ފުރަތަމަ ދިވެހި އަންހެން ޖަޖުގެ ގޮތުގަ އެވެ. އޭނާ އާ އެއް ސަފެއްގައި ދުނިޔޭގެ ބޮޑީ ބިލްޑިންގެ އެންމެ ނުފޫޒުގަދަ ފަނޑިޔާރުން ވެސް މިއަދު އިށީންނާނެ އެވެ.
އެކަމަކު އެ އިސް ސަފަށް ވާސިލުވުމުގެ ކުރިން މަރީ ހޭދަ ކުރީ ހިތްދަތި ފަރުދާއެއްގެ ބިއްދޮށުގަ އެވެ.
އުމުރުން 21 އަހަރުގައި ކުރި ކައިވެންޏަށް 10 އަހަރު ނުވަނީސް ކައިވެނި ރޫޅުނެވެ. ނުހަނު ލޯބިން ގެތި ދިރިއުޅުމުގެ ވާފަށް ކެނޑުނު އިރު އެ ކައިވެންޏަށް ދެ ދަރިން ވެސް ލިބިފައި ވެއެވެ. އުމުރު ދުވަހަށް ދެމިތިބުމުގެ އުންމީދުގައި ކުރި އަގުދު ރޫޅުމުން މަރީ ދެން ވެއްޓުނީ ބޮޑު އަޑިގަނޑަކަށެވެ.
ލިބުނު މާޔޫސްކަމުގައި މަރީގެ ހަޔާތަށް ޑިޕްރެޝަންގެ އަނދިރި ހިޔަނި އެޅިއްޖެ އެވެ. ދިރިއުޅުމަށް އިސްކަން ދޭން އުންމީދު ކުރިއަސް ފުރަތަމަ މަރުހަލާގައި އޭނާ އަށް ތެދުވެ ކުރިއަކަށް ނުދެވުނެވެ.
އެކަމަކު އެ ވޭނުގައި ދެމިހުންނާނީތޯ ނުވަތަ ދިރިއުޅުމުގެ ބަރު ކޮނޑުމައްޗަށް ނަގައިގެން ހަމަ އިސްކޮޅަށް ދެމިލާނީތޯ ކަނޑައަޅަން މަރީ އަށް ޖެހުނެވެ.
ބޮޑީ ބިލްޑިން ވޯލްޑް ފެޑެރޭޝަންގެ ކޮންގްރެސްގައި ދިވެހި ޑެލިގޭޓްގައި މަރީ
ދެ ދަރިންގެ ހައްގުގައި އެކަނިވެރި މައެއްގެ ހައިސިއްޔަތުން އޭނާ ނިންމީ އެ ވޭނުގައި ނޫޅެ ކުރިއަށް ދިއުމަށެވެ. އެކަމަށް އޭނާ އިހްތިޔާރު ކުރީ ފިޓްނަސް އާއި ނަފުސާނީ ތެރަޕީ އެވެ.
"ނަފުސާނީ ރަނގަޅު ޑޮކްޓަރެއްގެ ލަފާއާއެކު އަދި އަމިއްލަ ހިތްވަރުން ކުރިއަށްދާން ޖެހޭނީ. އެގޮތަށް އައި ފައުންޑް ދެޓް ފިޓްނަސް ވޯޒް ރިއަލީ ހެލްޕްފުލް. އެންޑް އޯލް ވޭސް ފޮލޯ ގުޑް އެޑްވައިސް ފްރޮމް ދަ ޑޮކްޓާ،" ޑިޕްރެޝަނުން އަރައިގަތުމަށް ކުރި މަސައްކަތް މަރީ ކިޔައިދިނެވެ.
ބޮޑީ ބިލްޑިންގެ ފަނޑިޔާރު ކަމާ ހަމަ އަށް އޭނާ އަށް ދެވުނީ ފިޓްނަސްގެ ތެރޭގައި އުޅެންޖެހުމުންނެވެ.
"އޭގެ ކުރިން އަޅުގަނޑަކީ އެއްވެސް ވަރަކަށް ފިޓްނަސް އަށް އިސްކަން ދިން މީހެއް ނޫން،" މަރީ ބުންޏެވެ.
ޑިޕްރެޝަނުން އަރައިގަންނަށް ޖިމަށް ވަން މަރީ އަށް ދެން ހުޅުވުނީ ފިޓްނަސްގެ ދުނިޔެއެކެވެ. ރިވައިވް ފިޓްނަސްގައި އޭނާ ފެށި ފިޓްނަސް ޕްރޮގްރާމްގައި ކުރިއަށް އެޅި ހަލުވި ފިޔަވަޅުތަކާ އެކު ޑިޕްރެޝަންގެ ބުރަކަމަށް ލުޔެއް އަންނަން ފެށި ކަމުގެ އިހްސާސް އޭނާ އަށް ކުރެވުނެވެ.
ބޮޑީ ބިލްޑިން ވޯލްޑް ފެޑެރޭޝަންގެ ކޮންގްރެސްގެ ތެރެއިން މަރީ
މިއަދު ފުރަތަމަ ފަހަރަށް ބޮޑީ ބިލްޑިން ޖަޖެއްގެ ގޮތުގައި މަސައްކަތް ފެށުމުގެ ކުރިން، ފިޓްނަސްގައި އެކި ދާއިރާތަކުގައި މަސައްކަތް ކުރި އެވެ. ފިޓްނަސް އިންސްޓްރަކްޓަރެކެވެ. ރިހިބިލިޓޭޓާއެކެވެ. ބޫޓު ކޭމްޕު ހިންގައި ގިނަ އަންހެނުންނެއް ފިޓްނަސްގެ ދުނިޔެ އަށް މަގު ދައްކައިދިން ޓްރޭނަރެކެވެ.
"ސިންގަލް މޮމް އެއް ގޮތުގައި އެ ހުރިހާ އެކްޓިވިޓީއެއްގައި އުޅެމުން އަޅުގަނޑަށް ކުރިއަށް ދެވުނީ ވަރަށް ހިތްވަރުކޮށްގެން. އޭގެ ތެރެއިން ޑިޕްރެޝަނުން އަރައި ގަންނަން ވަރަށް ބޮޑަށް މަގުފަހިވި،" މަރީ ބުންޏެވެ.
"އެކަމަކު އެއީ ވަރަށް ގިނަ ބައެއްގެ ސަޕޯޓާއެކު. ދެ ދަރިންގެ ކަންކަމުގައި ކުރީގެ ހަޒްބެންޑް އަދި އޭނާގެ އާއިލާއިން ވެސް ވަރަށް ސަޕޯޓިވް. ދެން ފާހަގަ ކޮށްލަން ރިވައިވް ފިޓްނަސްގެ ނޫރާ. ޝީ ވޯޒް ރިއަލީ ހެލްޕްފުލް ފޯ މީ މި ހިސާބަށް އައުމަށް."
ފިޓްނަސްގެ ދުނިޔެއިން ފެށުނު އާ ހަޔާތެއް
ރާއްޖޭގެ ބޮޑީ ބިލްޑިން އެސޯސިއޭޝަންގެ ރައީސް އިބްރާހިމް ހަމީދު (އިއްބެ) ގެ އަންހެނުން، މަރީ އިއްބެ އާއެކު އޭނާގެ ދެވަނަ ކައިވެނީގެ ގުޅުން ފެށުނީ ވެސް ފިޓްނަސްގެ ތެރެއިންނެވެ. އެ ދެމަފިރިންގެ ކައިވެނި މީގެ ތިން އަހަރު ކުރިން ކޮށް އެ ކައިވެންޏަށް ދެ ދަރިން ވަނީ ލިބިފަ އެވެ.
ބޮޑީ ބިލްޑިން ވޯލްޑް ފެޑެރޭޝަންގެ ރައީސް ދާތުކު ޕޯލް ޗުއާ އާއެކު ރާއްޖޭގެ ކޮންޓިންޖެންޓްގައި މަރީ
މަރީ ބުނި ގޮތުގައި އޭނާ އަށް މިއަދު ވާސިލުވެފައި ހުރި ހިސާބަކީ އޭނާގެ ފަހަތުގައި އިއްބެ ހުރެގެން މަގު ދައްކައި ދީގެން ވާސިލު ވެވުނު އާ މަރުހަލާ އެވެ. މީގެ ކުރިން ވޯލްޑް ޗެމްޕިއަންޝިޕް އަދި އޭޝިއަން ޗެމްޕިއަންޝިޕްގެ ޖަޖެއްގެ ގޮތުގައި މަސައްކަތް ކުރި އިއްބެ އަކީ އޭޝިއާގެ ވެސް ސީނިއާ ޖަޖުންގެ ތެރޭގައި ހިމެނޭ އިސް ފަނޑިޔާރެކެވެ.
"އަޅުގަނޑުގެ އެންމެ ބޮޑު ސަޕޯޓަކީ އިއްބެ،" އަންހެން ކަނބަލުންނަށް ހާއްސަ ޖިމް "ކަމަނަ ފިޓްނަސް" ގެ ހިންގުންތެރިޔާ ބުންޏެވެ.
އިއްބެ ވެސް ޖަޖެއްގެ ގޮތުގައި ފެންނާތީ އުފެދުނު ޝައުގުވެރިކަމުގެ ތެރެއިން އިންޓަނޭޝަނަލް ފެޑެރޭޝަންގެ ޓްރޭނިން ޕްރޮގްރާމް ފުރިހަމަކޮށް ބޮޑީ ބިލްޑިން ފަނޑިޔާރު ކަމުގެ ލައިސެންސް ހާސިލު ކުރި މަރީ ބުނީ މިއަދު އަނެއްކާ ވެސް ހުޅުވެނީ އޭނާގެ ހަޔާތުން އާ ސޮފްހާއެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފރސ
08 January 2023
"އުމުރުން 21 އަހަރުގައި ކުރި ކައިވެންޏަށް 10 އަހަރު ނުވަނީސް ކައިވެނި ރޫޅުނެވެ." މީގެ މާނައަކީ ކޮންމެ ކާވެންޏެއްގައިވެސް މަދުވެގެން 10 އަހަރު ދެމިތިބެން ޖެހެއޭތަ؟
އނޒއޓ
08 January 2023
ޑިޕްރެޝަން ސިމްޕާތީ ހޯދަން ނޫޅުނަސް ކާމިޔާބީގެ ވާހަކަ ދެއްކިދާނެ
ސަންތި
13 December 2022
ޢިއްބެގެ ކުރީގެ ވައިފްގެ ޑިޕްރެޝަންގެ ވާހަކަ އަޑުއަހާލީމަ އިނގޭނީ
ހަރާސް
10 December 2022
ފޮނިވާހަކަ ތައް ލިއުއްވިދާނެ. އެމަކު އެކަކުގެ ދިރިއުޅުން ހަލާކޮކޮށްލާފަ ތިމާއަކަށް އަބަދަކު މޮޅެއް ނުވާނެ. ތިމާ ޑިޕްރެޝަން އިން އަރައިގަންނަން އަނެކާ ޑިޕްރެޝަނަށް ވައްޓާލާކަށް ނުވާނެ. ވަރަށް ވާހަކަ
ސުކުން
10 December 2022
ދިރިއުޅުމުގަ ހުރިހާ ކަމެއް ރަނގަޅުވާނެކަން އަދި ހުރިހާ ދުވަހެއް އަމާންވާނެކަމަށް ގަބޫލުކުރުމަކީ ގޯހެއް. ކައިވެނި ރޫޅި ދަރިން ގޮވައިގެން ދުނިޔޭގައުޅެން ފަސޭހައެއް ނުވާނެ. ހަމަ އެގޮތަށް ޓޮކްސިކް ކައިވެންޏެއްގައި ދަރިންނަށްޓަކާ އުޅުންވެސް އެއީ ކުޑަ ކަމެއްނޫން.މިވާހަކައިން ލިބޭ ފިލާވަޅަކީ.ރަނގަޅު ކަސްރަތު ރަނގަޅު ސިއްހަތަށް މުހިންމުކަން. އަދި ހިތްވަރު ކޮށްގެން ދިރިއުޅުމަށް ރަނގަޅު ބަދަލު ގެނެވިދާނެ ކަން
ޕޫރުބެ
10 December 2022
ދުނިޔޭގެ އިސްސަފަށް ދެވުނުއިރު، އާޚިރަތުގެ އިސްސަފާމެދު ފިކުރު ބެހެއްޓުމަކީ ބުއްދިވެރިކަމެއް.
ސާބަސވ
10 December 2022
ޑިޕްރެޝަނޭ ބުނީމާ މިހާރު މިޤައުމުގައި އެއަށްވުރެ ބޮޑު ބައްޔެއް ނެތް ކަމަށް ވެއްޖެ. އެކަމަކު ހަޤީޤަތަކީ ކޮންމެ މީހެއްގެވެސް ޑިޕްރެޝަން ހުރޭ. އެކަމުން އެކަކަށްވެސް ސަލާމަތެއްނުވޭ. ދިރިއުޅުމުގައި ހާސްކަމާ ކުރިމަތިލާންނުޖެހޭ އެކަކުވެސް ނެތް. ކުޑަކުޑަކަމެއްވިއަސް " މަ ޑިޕްރެޝަންވީއޭ" ބުނާމީހުން ދަނީ ގިނަވަމުން. ކަމެއްނުވިއަސް އެކަންވާން ބޭނުންވާ މީހުންވެސް އުޅޭކަހަލަ
އަޑަފި
09 December 2022
ޖިމާއި ކަސްރަތަކީ ނަފްސާނީ ބަލިތަކަށްވެސް ފަރުވާއަކަށް ވާއިރު ޖިމް ފީ އާސަންދަ މެދުވެރުކޮށް ކަވަރ ކޮށްދޭން އެބަ ޖެހޭ. މިއީ ބަލިތަކަށް ހުށަހެޅުމުގެ ކުރިން ޕްރިވެންޝަންގައިވެސް މުހިންމު ކަމެއް. އައި.ވީ.އެފް އަށް އާސަންދަ ހޯދުމަށް މަޖިލީހަށް ހުށަހަޅައިން އުޅޭ އިރު މިއީވެސް މުހިންމު ކަމެއް
މުޑަމަ
09 December 2022
ސިއްހީގޮތުން ރާއްކާތެރި ރަގަޅު ކާނާ ކެއުމަކީވެސް ބަލިތަކަށް ހުށަހެޅުމުގެ ކުރިން ޕްރިވެންޝަންގައި މުހިއްމުކަމެއް. އެހެންކަމުން ކާތަކެތި ގަތުމަށް ކުރާ ޚަރަދުވެސް އާސަންދައިން ލިބޭނެގޮތެއް އޮތްތޯ ބަލާލަދޭންވީނުން.
ދެރަ
10 December 2022
ދަރިމައިނުވެގެން މުޅި ޢުމުރު އެކަމުގެ ހިތްދަތިކަމުގައި އުޅުމާއި ތިކަމާ އަޅުވާ ކިޔޭނޭގޮތެއް ނޭނގެ. ޑިޕްރެޝަނަކީ ތިމާ އަމިއްލައަށް ފައިޓްކޮށްގެން ކުޑަވަގުތުކޮޅަކުންވެސް ބަދަލުވެވިދާނެ ތިމާގެ ވިސްނުމާ ގުޅިފައި ހުރިކަމެއް. އެކަމަކު ދަރިމައިވުމަކީ ގުދުރަތީގޮތުން މެދުވެރިވާ ޙާލަތެއް.