ހުރާގައި ބޯޓުޔާޑެއް ހަދަން ދޭ ބޮޑު ބިން ބަޔަކާ ހަވާލުކޮށްފި

ކ. ހުރާގައި ބޯޑުޔާޑެއް ހަދަން ފިކްސް އިން މެރިން ކުންފުންޏާ ބިން ހަވާލުކުރުމަށް ބޭއްވި ރަސްމިއްޔާތު -- ފޮޓޯ: ހުރާ ކައުންސިލް

އިފްރާޒް އަލީ، މިހާރު

15 ޑިސެމްބަރ 2022 - 12:19

2 comments

ކ. ހުރާގައި ބޯޓްޔާޑެއް ހަދަން ކުއްޔަށް ދޫކުރަން ނިންމާފައިވާ 100،000 އަކަފޫޓުގެ ބިން އިއްޔެ ބަޔަކާ ހަވާލުކޮށްފި އެވެ.

އެ ރަށު ކައުންސިލުން މިއަދު ބުނީ، އެ ބިން ކުއްޔަށް ދިނީ ފިކްސް އިން މެރިން ޕްރައިވެޓް ލިމިޓެޑާ ކަމަށެވެ. ހުރާގައި ބޭއްވި ހާއްސަ ރަސްމިއްޔާތެއްގައި ކަމާ ގުޅޭ އެއްބަސްވުމުގައި ވަނީ ސޮއިކޮށްފަ އެވެ.

ފިކްސް އިން މެރިން އަކީ ރާއްޖޭގައި ބޯޓު ބަނުމާއި މަރާމާތު ކުރުން ފަދަ މަސައްކަތްކުރާ ކުންފުންޏެކެވެ.

ހުރާގެ ހުޅަނގުފަރާތުގައި ޒަމާނީ ފެންވަރުގެ ބޯޓުޔާޑެއް ހެދުމަށް ބޮޑު ބިމެއް ކުއްޔަށް ދޫކުރަން ނިންމައި، ކައުންސިލުން ބިޑަށް ހުޅުވާލީ މިދިޔަ އޮކްޓޯބަރު މަހު 23 ގަ އެވެ.

Huraa gai Boatyard eh hadhan 100,000 aka footuge bimeh kuyyah dhenee

The most trusted news source in the Maldives

Mihaaru

ގިނަވެގެން 30 އަހަރަށް ކުއްޔަށް ދޫކުރާ އެ ބިމުގައި އޮޑިދޯނިފަހަރު ބަނުމާއި މަރާމާތުކުރުމާއި އަދި އެ މަސައްކަތާ ގުޅުން ހުރި އެހެން ވިޔަފާރިތައް ވެސް ކުރެވޭނެ ކަމަށް ހުރާ ކައުންސިލުން ބުންޏެވެ. ބިން ކުއްޔަށް ހިފަން އެންމެ ކުޑަ އަގެއްގެ ގޮތުގައި ހުށަހޭނެ ކަމަށް ބުނީ އަކަފޫޓަކަށް 1ރ. އެވެ.

ހުރަ އަކީ ލާމަރުކަޒީ ގާނޫނުގެ ދަށުން މިހާރު ކޮންމެ ރަށެއްގައި ވެސް ހަދަން ޖެހޭ ލޭންޑް ޔޫސް ޕްލޭން އެންމެ ފުރަތަމަ ނިންމައި ޕްލޭނިން މިނިސްޓްރީގެ ހުއްދަ ލިބުނު ރަށްތަކުގެ ތެރެއިން އެއް ރަށެވެ.

ސަރުކާރުން 2020 ވަނަ އަހަރު ހުރާގައި 23 ހެކްޓަރުގެ ބިމެއް ވެސް ހިއްކި އެވެ. އެ ބިން ބޭނުން ނުކޮށް އަދިވެސް އޮތީ ހިއްކި ގޮތަށެވެ.

ކ. ހުރާ ބޯޓްޔާޑް ހުރާ ކައުންސިލް

2 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމްސް

16 December 2022

ތިޔައީ އަނެއްކާ ތިވަރު ކަމެއް ކުރެވޭނެ ވަރު ބަޔެއްބާ؟ ނޫނީ ދުވަސްކޮޅަކުން ފެންނާނީ ކަންނުވެ އެކަމަކު، ކޯޓްގަ މައްސަލަ ޖައްސައިގެން، ބަދަލު ގޮތުގައި މިލިޔަން މިލިޔަނުން ދައުލަތުން އަތުލާން އުޅޭތަން!