20 ޑިސެމްބަރ 2022 - 16:25
8 comments
ޗައިނާގެ މާކެޓު އަންނަ އަހަރު ހުޅުވާލައިފި ނަމަ އަމާޒަށް ވުރެ 10 ޕަސެންޓް އިތުރަށް ޓޫރިސްޓުން ރާއްޖެއަށް އަންނާނެ ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމު ވިދާޅުވެއްޖެ އެވެ.
ރާއްޖެއަށް 1.6 މިލިއަން ވަނަ ޓޫރިސްޓު އައުން ފާހަގަކުރަން ބޭއްވި ރަސްމިއްޔާތުގައި މައުސޫމު ވިދާޅުވީ، އަންނަ އަހަރު އެންމެ ބޮޑު އުންމީދެއް ކުރަނީ، ޗައިނާ އިން މީހުން ރާއްޖެއަށް އަންނަން ފެށުން ކަމަށެވެ. މިހާރު މި އަންނަ މާކެޓުތަކުގެ އިތުރަށް ޗައިނާ މާކެޓުން ޓޫރިސްޓުން އަންނަ ފަށައިފި ނަމަ، ފަސޭހަކަމާ އެކު ރާއްޖޭގެ އަމާޒަށް ދެވޭނެ ކަމަށެވެ. އަންނަ އަހަރަށް ސަރުކާރުން ކަނޑައަޅާފައިވާ އަމާޒަކީ 1.8 މިލިއަން ޓޫރިސްޓުންނެވެ.
ސަރުކާރުން މިއަހަރަށް ކަނޑައެޅި ޓާގެޓު 1.6 މިލިއަން ޓޫރިސްޓުން ރާއްޖެއަށް އައިސްފައިވަނީ އަހަރު ނިމެން 10 ދުވަހަށް އޮއްވަ އެވެ.
މައުސޫމު ވިދާޅުވީ، އަންނަ އަހަރުގެ ދެވަނަ ކުއާޓަރަށް ޗައިނާގެ ބައެއް އެއާލައިންތަކުން ދަތުރުތައް ފަށަން ރިކުއެސްޓްކޮށްފައިވާ ކަމަށާއި އެއާ އެކު ސީދާ ދަތުރުތައް ފެށޭނެ ކަމަށް އުންމީދު ކުރާ ކަމަށެވެ. އޭނާ ވިދާޅުވީ، ވޯލްޑް ކަޕް ނިމުމުން، އަނެއްކާ ވެސް އިތުރު ސެލެބްރިޓީ ޓޫރިސްޓުން ރާއްޖެއަށް އަންނާނެ ކަމަށް އުންމީދު ކުރާ ކަމަށެވެ.
1.6 މިލިއަން ވަނަ ޓޫރިސްޓަށް ހާއްސަ ހަދިޔާއެއް ޓޫރިޒަމް މިނިސްޓަރު މައުސޫމު އަރުވަނީ--ފޮޓޯ:ފަޔާޒް މޫސާ | މިހާރު
"މިއަދު އަޅުގަނޑުމެންނަށް ހާސިލު ކުރެވުނު ކާމިޔާބީގައި ވަރަށް ބޮޑު ހިއްސާއެއް އެބައޮތް ދާއިރާގައި މަސައްކަތް ކުރާ މުވައްޒަފުން. މިއީ އެރައިވަލް ނަންބަރުތައް. ނަންބަރުތައް އިންޑިއާ އާއި ރަޝިޔާ ދާދި އެއްވަރު. އެހެން ނަމަވެސް ބެޑްނައިޓުތަކުން ބަލައިފިއްޔާ ރަޝިޔާ އުޅެނީ މާ ކުރީގައި،" އޭނާ ވިދާޅުވި އެވެ.
މި އަހަރު އެންމެ ގިނަ ޓޫރިސްޓުން ރާއްޖެ އައީ އިންޑިއާއިންނެވެ. އެއީ 220،000 ޓޫރިސްޓުންނެވެ. ރަޝިއާ އިން 180،000 ޓޫރިސްޓުން އަދި އިނގިރޭސި ވިލާތުން 160،000 ޓޫރިސްޓުން ވަނީ މިހާރު ޒިޔާރަތްކޮށްފަ އެވެ.
ރާއްޖޭގައި 160 އަށް ވުރެ ގިނަ ރިސޯޓު ހިންގާ އިރު 870 އަށް ވުރެ ގިނަ ގެސްޓް ހައުސް އަންނަނީ ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަބޫ
21 December 2022
ކަލޭމެން އިންޑިޔާއިން ގެނަންވީނު.
878
20 December 2022
ހުސް ދޮގު. ތިކަމުންވެސް ވައްކަން.
ކަތިބުރުމާ
20 December 2022
މިހާރުދެން ރާއްޖޭގައި މީހަކު ނުބުއްޔަސް ހޮވޭނީ އިންޑިޔާމީހުން.....
ރޯޅި 7
20 December 2022
ނަމާގަ ރިހަ ކައްކަބަލަ. ޗައިނާ ނުހުޅުވާގެން ތަ ޕައުންޑު ނުލިބިފަ އެތިބި. މައުސޫމު ބުނެބަލަ މިހާރު ދިއްގަރުގަ ކިތައްގެސްޓުން އެބަތިބިތަ.
ގުލްޒާރު
20 December 2022
އައްޑޫމީހުންގެ ޖީބުތައް ޕައުންޑުން ބަރާވެ އެ ފައިބަނީ ބިމަށް.
ގުދުގުދުލީބެއްޔާގެ ތެދުބަސް
20 December 2022
ނަމަނަމަ ނުކިޔާ. ނަމަނަމައިގާ ރިހަ ނުކައްކާ. ދެން ކޮބާ ނަންބަރުތައްޖަހާއިރު ޓުރިސްޓުވިސާގާ ވަންނަހާ ބަންގާންޅީން. އަދި އިންޑިޔާމީހުންވެސް ޓޫރިސްޓުންގޮތުގާ އައިސް ކޮންޕެނީހަދައިގެން ވިޔަފާރިއެބަކުރޭ. އެހުންނަނީ ދާއިމީ ޓޫރިސްޓުން. މައުސޫމު ބޭނުންވަނީ ކޮންމެގޮތެއްހަދާފާނަމަވެސް ނަންބަރު ބޮޑުކުރާން. ކޮވިޑުތެރޭގާވެސް ކުރީ އެކަން. މެދުއިރުމައްޗަށް ދާ އިންޑިޔާމީހުން ވަގުތީ މަންޒިލަކަށް ވީ މިގައުމު. ދެން ބުނީ ގައުމު ކިހާބޮޑަކަށް އިޝްތިހާރުވާނެނޫންހޯ.
ދިއްދޫމީހާ
20 December 2022
އެއިރުން އައްޑޫމީހުންގެ ޖީބަށް ޕައުންޑު ވަންނާނެ؟؟ މިއުޅެނީ މުޅިންވެސް ތޮށަލި ތަކުރާ ޖެހުނު ވިގަނިތައް
ވަހީދުބެ
20 December 2022
އިންތިޚާބުގައި ބުނަންވާނެ %10 ޗައިނާއިން ގަނެފިޔޭ. އެއަރ ބޭސް އަޅައިފިޔޭ.