މިރޭގެ ޖަލްސާގައި ރައީސް ވާހަކަ ދައްކަވަނީ: ނުކުޅެދުންތެރިކަން ހުންނަ. މީހުންނަށް ދޭ މާލީއަށް އެހީއަށް ވަރަށް އަވަހަށް ބަދަލު ގެންނާނެ ކަމަށް ވިދާޅުވި --- ފޮޓޯ/ރައީސް އޮފީސް
06 ޖެނުއަރީ 2023 - 02:09
17 comments
ނުކުޅެދުންތެރިކަން ހުންނަ ފަރާތްތަކަށް ދައުލަތުން ދޭ އިނާޔަތްތަކަށް ގެންނަ ބަދަލުތައް ވަރަށް އަވަހަށް ހާމަކުރާނެ ކަމަށް ރައީސް އިބްރާހިމް މުހައްމަދު ސޯލިހް މިރޭ ވިދާޅުވެއްޖެ އެވެ.
ބައިނަލްއަގްވާމީ ނުކުޅެދުންތެރިކަން ހުންނަ މީހުންގެ ދުވަސް ފާހަގަކުރަން ރ. އަލިފުށީގައި މިރޭ ބޭއްވި ޖަލްސާގައި ވާހަކަ ދައްކަވަމުން ރައީސް ވިދާޅުވީ ނުކުޅެދުންތެރިކަން ހުންނަ ފަރާތްތަކަށް ދައުލަތުން ދޭ އިނާޔަތްތަކާއި އެހީތަކަކީ ހަމައެކަނި އިޖްތިމާއީ ރައްކާތެރިކަމާ ގުޅުންހުރި ކަމެއް ނޫން ކަމަށާއި އެއީ ފަރުދުންތަކަކަށް ފޯރުކޮށްދޭ އެހީތަކެއް ކަމަށެވެ. އަދި އެ މީހުންނަށް ދައުލަތުން ދޭ އެހީތައް ލަސްތަކެއް ނުވެ، ހާމަކުރާނެ ކަމަށް އެމަނިކުފާނު ވިދާޅުވި އެވެ.
"މި ގެނެވޭ ބަދަލު އިރާދަކުރެވިއްޔާ ލަސްތަކެއް ނުވެ އަޅުގަނޑުމެން ހާމަކުރާނަން." ރައީސް ވިދާޅުވި އެވެ.
ރައީސް ވިދާޅުވީ ނުކުޅެދުންތެރިކަން ހުންނަ ފަރާތްތަކަށް ދޭ މާލީ އެހީގެ އިތުރުން އެ މީހުންނަށް ދޭންޖެހޭ ފަރުވާގެ ކަންކަން މިހާރު ވެސް ކުރިއަށް ގެންދާ ކަމަށާއި އެކަންކަން ވެސް ކުރިއަށް އޮތް ތަނުގައި އިތުރަށް ހަރުދަނާ ވާނެ ކަމަށް ވިދާޅުވި އެވެ.
ރައީސް މިރޭގެ ޖަލްސާގައި --- ފޮޓޯ/ރައީސް އޮފީސް
ރައީސް ވިދާޅުވި ގޮތުގައި ނުކުޅެދުންތެރިކަން ހުންނަ މީހުންނަކީ މުޖްތަމައުއަށް ބޭނުންތެރި ބައެކެވެ. އޭގެ ހެއްކެއްގެ ގޮތުން، އެމަނިކުފާނު ވިދާޅުވީ ނުކުޅެދުންތެރިކަން ހުންނަ މީހުންގެ ތެރޭގައި އަމިއްލަ އީޖާދުތަކާއި މަސައްކަތްތެރިކަމާއި ދަނޑުވެރިކަމާއި ކުރެހުމުގެ ދާއިރާއިން ވެސް ފާހަގަކޮށްލެވޭ މީހުން ތިބުމެވެ.
ރައީސް ވިދާޅުވި ގޮތުގައި އެފަދަ މީހުންނަށް ފުރުސަތުތައް ފަހިކޮށްދެވިއްޖެނަމަ، އޭގެ ފައިދާ ކުރާނެ އެވެ.
"އެފަދަ ކޮންމެ މީހެއްގެ ކިބައިގައި ވެސް މުޅި މުޖްތަމައުގެ މަސްލަހަތާ ގުޅިފައިވާ އެހެން ކުޅެދުންތެރިކަމެއް ހުރެދާނެ. އަދި އެއީ ބައެއް ކަންކަމުގައި އެހެން މީހުންނަށް ވުރެ މާ ގާބިލް މީހަކަށް ވެސް ފަހަރެއްގައި ވެދާނެ." ރައީސް ވިދާޅުވި އެވެ.
ރައީސް ވިދާޅުވީ ނުކުޅެދުންތެރިކަމެއް ނެތަސް، އެތައް ބަޔަކު މުޖްތަމައު އާއި އާއިލާތަކުން ބާކީވެފައި އެބަތިބި ކަމަށާއި ދައުލަތުގެ ބެލުމުގެ ދަށުގައި އެ މީހުން ތިއްބަސް، މިހާރު ވެސް އެ މީހުން ތިބީ އާއިލާތަކުގެ އިންތިޒާރުގައި ކަމަށް ވިދާޅުވި އެވެ. އަދި އެފަދަ ފަރާތްތަކަށް އާއިލާގެ އެހީ ބޭނުންވާނެ ކަމަށް ވިދާޅުވި އެވެ.
"އެ މީހުން މިއަދު ލޯބޯކޮށިވެ، ގައިބާރު ދެރަވެފައި ތިއްބަސް، އެ މީހުންގެ ގާތްތިމާގެ މީހުން ދިރިއުޅެމުން އެ ދަނީ މިއަދު ނިކަމެތިވެފައި ތިބި މީހުން ކޮށްދިން ހިދުމަތްތަކާއި ދިން އެހީތެރިކަމުގެ ސަބަބުން. އެ ސަބަބަށްޓަކައިވެސް، އެ މީހުންނަށް އެހީތެރިވެ، އާއިލާގެ ތެރެއަށް ގެންދިއުމަކީ ކޮންމެހެން ކުރަންޖެހޭ ކަމެއް." ރައީސް ވިދާޅުވި އެވެ.
މިރޭގެ ޖަލްސާގައިވަނީ ނުކުޅެދުންތެރިކަން ހުންނަ މީހުންގެ ރަސްމީ ދަފްތަރުގެ ޑިޖިޓަލް ޕޯޓަލް މިރޭ ވަނީ ލޯންޗްކޮށްފަ އެވެ. އެ ދަފްތަރު ލޯންޗްކޮށް ދެއްވީ ރައީސްގެ އަނބިކަނބަލުން ފަޒްނާ އަހުމަދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބީލެ
06 January 2023
ޖަހާހާ ބެރަކަށް ނުނަށާނަން
ލަތީފު3435ތ3
06 January 2023
މިއީ އެއްވެސް އިހުލާސްތެރިކަމެއް ހުރި ބައެއްހެން ހީނުވޭ. ވެރިކަމަށް އައި އިރު ބުނި ޝަރުއީ ދާއިރާގެ މުވައްޒަފުންގެ ކަނޑާލި މުސާރަ (ސްޓެޕް އެލަވަންސް) ހަމަޖައްސާނަމޭ.. ވެރިކަން ނިމޭއިރުވެސް އެކަމެއް ނުވި.ވަރަށް އަނިޔާވެރި
އައްޔަ ބޮޑޭ
06 January 2023
2022 ވަނައަހަރު ރިޔާސީ ބަޔާނުގައި އަހަރުގެ ފަހުކުއާރޓާރގައި ނުކުޅެދުންތެރިކަން ހުންނަ މީހުންގެ އިނާޔަތް ބޮޑުކޮއްދޭން ބުނީ މިރައީސެއް ނޫންތޯ! އަހަރު ނިމިދިޔައީ އެބުނާ ފަހު ކުއާރޓާރ އަދި ނާންނަނީބާ! އިއްޒަތްތެރިި ރައީސް ދެންތި އިނާޔަތުގެ ވާހަކަ އަހުރެމެން ގާތުނުދައްކަ ފާނަންތޯ!!!
ނުކުރާނެ
06 January 2023
ވޯޓަށް ކަޑަ ޖަހަން ފެށީދޯ. މީހުން މިހާރު ގަބޫލެއް ނުކުރާނެ ތިހެން ބުނެލާއިރަކަށް. ޖެހޭނީ ބޮޑުކޮށްފަ ވޯޓުހޯދަން ދުވަން.
ޗޯރު
07 January 2023
ވެރިކަން ފެށުނީއްސުރެ އެހެން ކިޔަނީ
ސައި
06 January 2023
ނުކުޅެދޭމީހުން ޑޮކުޓަރަށް ދައްކަންވެސް އެބަޖެހޭ ތަންކޮޅެއްފަސޭހަވާން މިހާރު ކިޔުގައިޖެހިގެން މަހެއްވާއިރުވެސް ދައްކަން ބޭނުންވާ ޑޮކުޓަރަށް ނުދެއްކޭ
އައްޔަ
06 January 2023
އިންތިޚާބެއް ކައިރިވެއްޖިއްޔާ ކެނޑެނައޮތްހާ ފޮންޏެއް ވެސްކަނޑާނެ, ދެއްކޭ ނުދެއްކޭ ވާހަކަ އެއްވެސް ނޭނގޭ ހާލަތުގަަ ތިބޭނީ, އާނއެހެންނާ ފަހެ ތިޔަ އިޔާޔަތެއްގެ ވާހަކަ ވެސްއަޑުއަހާ ފޫހިވެއްޖެ,
ގަރަޑަމާ
06 January 2023
އާ ރަސްމީ ދަތުރެއްގައި ތިއުޅެނީދޯ؟ ކޮސްނުގޮވާ ސަރުކާރު ފައިސާ ހޭދަކޮށްގެން ކެންޕޭން ނޫން ދެން ކޮންކަމެއް ތިކުރަނީ ދައުރު ނިމެން ވީމަދޯ ތިކަންވެސް ކުރަންވީ ތިތާކުނެތް ހަމަ ރަނގަޅު އެކަކުވެސް.
ޟކޮބ
06 January 2023
ރައީސް ވިދާޅުވި ގޮތުގައި ނުކުޅެދުންތެރިކަން ހުންނަ މީހުންނަކީ މުޖްތަމައުއަށް ބޭނުންތެރި ބައެކެވެ. ތެދެކެވެ. ޢެމީހުންނަކީވެސް ވޯޓު ދޭނެ ބައެއްކަމާ ވޯޓު އަތުލައިގަންނަން ޖެހޭ ބައެއްކަން ވޯޓާ ޖެހުނީމާ މިއޮތީ ހޭލައިފަ. އާ ވާހަކައަކާއެކި ފެންމަތިކުރައްވައި ކުރިން ބުނިއެތި މަތިން ހަނދާން ވީ ބަރާބަރު 5 އަހަރުފަހުން. އަދިވެސް ދިރާސާކޮށްލާ ކޮށްލާ ތިބޭ.،
އައްޔަ
06 January 2023
ނުކުޅެދުންތެރިކަން ހުންނަފަރާތްތަކައް ދޭން އެބުނާ އިނާޔަތަކީ ވަރައް ބޮޑުއަދި އެހާމެބަރުއެއްޗެކެވެ ހީވާގޮތުގަ އޭތިދިހަވަރަކައް މީހުނައްނޫނީ އުފުލެވޭވަރައް ވުރެބަރެވެއަހަރުނިމިގެން ދިޔައީ އެނިކަމެތިންނައް އެހުވެން ދެއްކުމާ ގުނބޯހެއްދުމުގައެވެ އަދިވެސް އެބުނަނީ ވަރައްއަވަހަށޭ ! ވަރައް މިބަހުގެ މާނަ އެނގޭބާ!!
ޢާމްރޫމް
06 January 2023
2022 ވަނަ އަހަރު ފެބްރުއަރީ 3 ގެ ރިޔާސީ ބަޔާނުގައި މަނިކުފާން ވިދާޅުވި، 2022 އަހަރުގެ ފަހު ކުއާރޓަރގައި، ނުކުޅެދުންތެރިކަން ހުންނަ ފަރާތްތަކަށްދޭ ޢިނާޔަތް ބޮޑުކުރުމަށް. 2022 ވަނަ އަހަރު ނިމި 2023 ވަނަ އަހަރު ފެށުނު އިރުވެސް މިކަން ނުވޭ، ރިޔާސީ އިންތިހާބަން ބާކީ 07 މަސް ، ބޮޑު ކުރިޔަސް ދެން ވޯޓް އެއް ނުލިބޭނެ. ސްލޯ ސަރުކާރު.