ވެލާނާ އިންޓަނޭޝަނަލް އެއާޕޯޓުގެ ފްލައިޓްތަކެއް. ފްލައިޓް މޫވްމަންޓްގެ އާ ރެކޯޑެއް ވަނީ ހަދާފައި--ފޮޓޯ:މިހާރު
11 ޖެނުއަރީ 2023 - 12:49
23 comments
ރާއްޖެ އަށް އަންނަ ޕްރައިވެޓް ޖެޓްތައް އިތުރުވެ، ފްލައިޓް މޫވްމަންޓްގެ އާ ރެކޯޑެއް އަނެއްކާވެސް ހަދައިފި އެވެ.
އެމްއޭސީއެލުން ބުނީ މިދިޔަ ހޮނިހިރު ދުވަހު އެއާ ޓްރެފިކް މޫވްމަންޓްގެ އަދަދު 856 ގައި ރެކޯޑް ކުރި ކަމަށެވެ. އޭގެ ތެރެއިން 605 އަކީ ސީޕްލޭންގެ މޫވްމަންޓެވެ. އިންޓަނޭޝަނަލް 102 މޫވްމަންޓާއި ޑޮމެސްޓިކް 114 މޫވްމަންޓް އަދި ޖެޓްތަކުގެ 35 މޫވްމަންޓް ހިމެނެ އެވެ.
މީގެ ކުރިން ރަންވޭގެ ފްލައިޓް މޫވްމަންޓްގެ އެންމެ ބޮޑު އަދަދެއްގެ ގޮތުގައި ރެކޯޑް ކޮށްފައި ވަނީ މިދިޔަ އަހަރުގެ ޖެނުއަރީ 2 ވަނަ ދުވަހު އެވެ. އެ ދުވަހު ވަނީ 826 މޫވްމަންޓް ރެކޯޑް ކުރެވުނެވެ.
ފްލައިޓް މޫވްމަންޓްގެ އާ ރެކޯޑެއް މި ފަހަރު ހެދީ، ރާއްޖެ އަށް އަންނަ ޖެޓްތަކުގެ އަދަދު އިތުރުވުމުގެ ސަބަބުން ކަމަށް އެމްއޭސީލުން ބުންޏެވެ. މިދިޔަ އަހަރު އެކަނި ވެސް ޖެޓްތަކުގެ މޫވްމަންޓްތައް ވަނީ 2،600 އަށް ވުރެ އިތުރުވެފަ އެވެ. މިދިޔަ މަހު އެކަނި 300 އަށް ވުރެ ގިނަ ޖެޓް މޫވްމަންޓް ރެކޯޑު ކުރި އެވެ.
އާ ރަންވޭއާ އެކު ވެލާނާ އިންޓަނޭޝަނަލް އެއާޕޯޓުގެ ފްލައިޓް މޫވްމަންޓްތައް އިތުރުވަމުން އަންނަ އިރު ރާއްޖެ އަށް އިތުރު އެއާލައިންތަކުން ދަތުރުތައް ފެށުމުގެ މަސައްކަތް ވެސް ދަނީ ކުރިއަށެވެ. މި މަހު ޗައިނާގެ އެއާލައިންތަކުން ވެސް ރާއްޖެ އަށް ދަތުރުތައް ކުރުމަށް ވަނީ ހަމަޖެހިފަ އެވެ.
މިދިޔަ އަހަރު ރާއްޖެ އަށް 1.6 މިލިއަން ޓޫރިސްޓުން އައިސްފައިވާ އިރު ޖުމުލަ ފަސިންޖަރުންގެ އަދަދު ދެ މިލިއަންނަށް އަރަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަންޕާ
12 January 2023
ޖެޓުތައް ގިނަވެ ރިޒޯޓުތައް ބަންޑުންވާއިރުވެސް ސަރުކާރުގެ ކޮރަޕްޝަން ބޮޑުކަމުން ދެކޮޅު ނުޖެއްސިގެން އަދިވެސް ޓެކްސް ބޮޑުކުރަނީ
މުޝްތާގު ސުޕަރ ޖީއެމް
12 January 2023
އެންމެން އަތްޖަހާ. ޢިއްޔެ އުމްރާއިން އައިސް ބޯޓުން ފައިބަން ދޮޅު ގަޑިއިރު. ފްލައިޓަކަށް 1 ބަސް. ބަހުން މީހުން އެރައިވަލް އަށް ގެންގޮސް ބާލުވާފަ ދެންތިބި މީހުންބަލާ. ލަގެޖް އަންނަށް އަނެއް ގަޑިއިރު. ފަސް ގަޑިއިރުގެ ފްލައިޓެއް ވެލާނާ އިންޓަނޭޝަނަލް ގެ ދޮނާ އެންޑް މުޝްތާގް އެރައިވަލްގަ 3 ގަޑިއިރު.
އިސްމާލި
11 January 2023
މޫވްމަންޓް އިތުރު ވަނީ. ފްލައިޓް އަންނަ ވަރު ގިނަވަނީ. އަތްޖަހާ މީހުން ވަނީ ގިނަ. އަދިވެސް ލަގެޖް ނަގަް ހުރީ 3 ބެލްޓް. އެރައިވަލް ގައި ސްކޭން ކުރަން ހުރީ އެންމެ މެޝިނެއް. ދެތިން ބޯޓު އެއްފަހަރާ ޖައްސައިފިނަމަ އިމިގްރޭޝަން ކިއޫ ނުކުމޭ ޓަރމިނަލް އިން ބޭރަށް. އައު ޓަރމިނަލް ގެ މަސައްކަތް އަވަސް ނުކޮށް ދަރަނި ނަގައިގެން މާ ދުރު އެއަރޕޯޓުތައް ކައިރި ގައުމަކަށް ވިއްކާލަން ފޫ ގަޅާފައި.
އިސްމާލިއައްޕަ
12 January 2023
ބޭފުޅާ، އެރައިވަލްގަ 4ބެލްޓް ހުންނާނެ. އެބެލްޓުތަކަށް ބޭފުޅާގެ ލަގެޖްލާނީ ބޭރުގައިހުރި މެޝިންތަކުން ސްކޭންކޮށްފަ. ދެން ތިބޭފުޅައި އެހެންކަހަލަ އެއްޗެއް ލަގެޖްއަށް ލައިފައި އޮވެއްޖިއްޔާ އިތުރަށް ސްކޭންކުރަން އެތެރޭގައި އެއް މެޝިންބައިދާފަ އިންނާނެ. ދެން ފަހަރަކުން އެކަހަލަ އެއްޗެއް ލަގެޖްއަށް ނުލައްޗޭ. އެއިރުން އަވަހަށް ނިކުމެވޭނީ. ؛)
ޞޮޑާ އާދަނު
11 January 2023
ށުކުރިއްޔާ ރޯނު އެދުރު ތާހަ
އަހްމަދުފުޅު
11 January 2023
ސުކުރިއްޔާ ރައީސް ޔާމީން.
ހަސަން
12 January 2023
ސުކުރިއްޔާރައީސް ޔާމީން
ޢެމެރިކާ
11 January 2023
ޢިންޑިޔާ ހަސަދަވާނެ މިކަމަ.
ހާމިދު ޝާހިދު
11 January 2023
ތިކަމުގެ ހުރިހާ ޝަރަފެއް ލިބިވަޑައިގަންނަވަނީ މިހާރު ޖަލުގައި އޮންނެވި ކުރީގެ ރައީސް ޔާމީންއަށް. އެމަނިކުފާނުގެ 5 އަހަރު މެކުހަށް ޖަހާފައި ގެންނަން ފެށި ތަރައްގީގެ ފޮނިމީރުކަން މިކާލަނީ އިބްރާހިމް ސޯލިހު. ދުރުވިސްނޭ މޮޅު ލީޑަރުން މަދުވާނެ، އޭގެ ލޭޑަރެއް ރައީސް ޔާމީން އަކީ. އުންމީދަކީ 2023 ގައި އެމަނިކުފާނަށް ވާދަ ކުރެވޭނެ މަގު ތަނަވަސްވެ، 2 ވަނަ ދައުރެއް ލިބިވަޑައިގެން ތަރައްގީ ފުރިހަމަ ކުރުން!
ބޮޑުމީހާ
11 January 2023
ޑޮލަރު 18 އަށް. ތިގިނަވާ ފްލައިޓަކުން ވާކަމެއް ހަރާން. ވިސްނުންތެރި ލީޑަރެއް ރަންވޭ ހަދާ ދިނީމަވެސް ހުޅުވަން 4 އަހަރު
ސަފީގު
11 January 2023
ޔާމިނުގެތަރަގީ
ހާސަރު
11 January 2023
ތިއަދަދު ކިޔޭތޯ ބަލާ ހެޔޮދޯ އެއަރޕޯޓްގައި ގަނަތެޅެން ޖެހުނަސް! އާޓަރމިނަލް ނުނިމޭތީ އަންނަ މީހުނާ ފުރާމީހުން އުޅޭހާލުވެސް ދުވަހުން ދުހަށް ކިޔާލަދީބަލަ. ފުލުހުންނާ ސިފައިން މަސައްކަތަށް ނެރެގެންވެސް އެތަން ނިންމޭތޯ ބަލަންވެއްޖެނުން.