ރައީސް ހޯރަފުށީގައި މީހަކާ ސަލާމްކުރައްވަނީ: ތަރައްގީއަށްޓަކައި ކުރާ މަސައްކަތުގައި އެންމެ އިސްކަމެއް ދެނީ ވަކިވަކި ފަރުދުންނާ ގުޅުން ހުރި އަސާސީ މަސައްކަތްތަކަށް ކަމަށް ވިދާޅުވި.
17 ޖެނުއަރީ 2023 - 11:52
19 comments
ވައުދެއް ވެވަޑައިގެންފި ނަމަ އެކަމެއް ދޫކޮށް ނުލައްވާނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ރިޔާސީ ޕްރައިމަރީގެ ކެމްޕެއިނަށް އުތުރުގެ ރަށްރަށަށް މިއަދު ފެއްޓެވި ދަތުރުފުޅެއްގައި ހއ. ހޯރަފުއްޓަށް ވަޑައިގެން ވާހަކަފުޅު ދައްކަވަމުން ރައީސް ވިދާޅުވީ ތަރައްގީއަށްޓަކައި ކުރާ މަސައްކަތުގައި އެންމެ އިސްކަމެއް ދެނީ ވަކިވަކި ފަރުދުންނާ ގުޅުން ހުރި އަސާސީ މަސައްކަތްތައް ކަމަށެވެ.
އަސާސީ ހިދުމަތްތައް ކަށަވަރުވުމުން ރައްޔިތުން ބޭނުންވާ ދިރިއުޅުމުގައި ކުރިޔަށް ދެވޭނެ ކަމަށެވެ. އެހެނަކަމުން އެއްވެސް ރަށެއް ބާކީ ކުރުމުގެ ވިސްނުމެއް ނުގެންގުޅުއްވާ ކަމަށް އެމަނިކުފާނު ވިދާޅުވި އެވެ.
ހޯރަފުއްޓަކީ ވެސް ރައްޔިތުން އުންމީދުތަކެއް ކުރާ ރަށެއް ކަމަށާއި ނަމަވެސް އެ ވާހަކަތައް މީގެ ކުރިން ހުރީ ލިޔުމާއި ވާހަކައިގައި އެކަނި ކަމަށް ރައީސް ވިދާޅުވި އެވެ.
"ޔަގީން ކުރައްވައްޗޭ. އަޅުގަނޑުމެންނަކީ ވައުދެއްވެފައި އެކަން ދޫކޮށްލާނެ ބައެއް ނޫން،" ރައީސް ވިދާޅުވި އެވެ.
ރައީސް ހޯރަފުށީގައި ވާހަކަ ދައްކަވަނީ: ކޮވިޑުން އަރައިގަނެ ބޯޑަރުތައް ހުޅުވަން ނިންމުމުން އެކަމާވެސް ދެކޮޅަށް ބަޔަކު ތެދުވިކަމަށް ރައީސް ވިދާޅުވި.
ކޮވިޑާ ގުޅިގެން ގިނަ ދަތިތަކާ ކުރިމަތިލާން ޖެހުނު ކަން ފާހަގަ ކުރައްވަމުން ރައީސް ވިދާޅުވީ އޭރު ވެސް ބަޔަކު އިދިކޮޅު ހަދައި ރާއްޖެ ބަންދު ނުކުރަން ގޮވާލަމުން ދިޔަ ކަމަށެވެ. އެއީ އާދައިގެ އަރިދަފުސް ރޯގާއެއް ކަމާއި ކޮންމެވެސް ވަރަކަށް މީހުން މަރުވިޔަސް އެކަމަށް ދޫކޮށްލައި ކުރިޔަށް ދާން ޖެހޭ ކަމަށް ބައެއް ފަރާތްތަކުން ލަފާ ދެއްވި ކަމަށް ރައީސް ވިދާޅުވި އެވެ.
ފަހުން ބޯޑަރުތައް ހުޅުވަން ނިންމުމުން އެކަމާވެސް އިދިކޮޅަށް އެ ބޭފުޅުން މަސައްކަތް ކުރެއްވި ކަމަށް ވެސް ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު މިއަދު ހޯރަފުށީގައި
"އެ ވާހަކަތަކަށް ނޫނެކޭ ބުނެ ރާއްޖެ ހުޅުވާލީ. މިއަދު މިއީ ދުނިޔޭގައި އެންމެ ބޮޑަށް އިގްތިސާދު ކުރިއަރަމުން އަންނަ ގައުމު،" ރައީސް ވިދާޅުވި އެވެ.
އުތުރުގެ ރަށްތަކަށް ރައީސް ކުރައްވާ ދަތުރުފުޅުގައި އެމަނިކުފާނު ދެން ވަޑައިގަންނަވާނީ އިހަންދޫއަށެވެ.
ކުރިޔަށް އޮތް ހަތަރު ދުވަސް ތެރޭ އެމަނިކުފާނު ހއ. އާއި ހދ. އަދި ށ އަތޮޅުގެ ރަށްތަކަށް ވަޑައިގަންނަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑެޝިއާމް
18 January 2023
ބްރޯ ކޮބާ ގއ. ވިލިނގިއްޔާއި ކޫއްޑޫ އާއި ދެމެދު އަޅަން ވައުދުވި ބްރިޖް؟ މަވާ ސަލާން!
އެބުނީ
17 January 2023
އަންނިއަށް ވެރިކަން ދޭން ބުނި ވައުދު ކޮބާތަ؟ އެއީ ވައުދެއްނޫންތަ؟
78954
17 January 2023
އެހެންވެގެންތާ މާލޭގެ 11 މަގެއް ފިޔަވާ އެހެންހުރިހާ މަގެއްގައި ތާރަ އަޅާލާފައި އެހުރީ
ހެހެހެހ
17 January 2023
ފުރަތަމަ 100 ދުވަސްތެރޭ ކުރަން ވައުދުވިކަންކަން އަދިވެސް ނުފުއްދޭ
އެމްސް
17 January 2023
މާ ސްލޯއީ އެހެން ނޫންތޯ؟ މައުމޫނު ސްޕީޑް މިހާރަކަަށް ނުފެތޭނެ! ހުލޫމާލޭގަ އެޅުނު 25 ބުރީގެ 16 ޓަވަރ ޙަވާލުކުރަން 3 އަހަރު! ޙަވާލު ކުރެވުނު އިރު، ގިނައީ ކުރިންވެސް ފްލެޓް ލިބިފަ ނުވަތަ ގެދޮރުވެސް ހުރި ފަރާތްތައް! މާނައަކީ އިންސާފެއްވެސް ނެތޭ! ވިނަރެސް ފްލެޓްތައް ނިމިފަ ހުންނަތާ އަހަރަކަށްވުރެ އިތުރުވީ، އަދި ޙަވާލެއް ނުކުރެވޭ! ވިލިމާލޭ ބްރިޖްގެ ހުވަފެން، ހުވަފެނަކަށް! ބިދޭސީން މަދުކުރަން/ކަންކަން ހަމައަކަަށް އަޅުވަން ޙަވާލުވިމީހާ އެއްކޮށް ފިލައިފި!
ޙިނި
17 January 2023
ލޮލް. އަލައް އުފަންވާ ކުދިންތައް ދޭންބުނި ހައިޔާ ކޮބާ؟ ވާހަކަވެސް ނުދެއްކޭ ނުވިސްނޭ ތުއްތު ކުދިންނައް މިއޮތީ ދޮގުހަދާފަ.
މާކުންބޭ
17 January 2023
ވައުދު ވާއިރު ދައުލަތް ރޭޕްކުރުމުގެ ވިސްނުން ދޫކޮށްލަންޖެހޭ، 15 މިލިއަންގެ ގޯތި ތައް ހިލޭ ވަކިބަޔަކަށް މަންފާވާގޮތަށް ހިލޭ ދޫކުރުން ފަދަ އަމަލުތައް ދޫކޮށްލަންޖެހޭ. ކަންތައްކުރާއިރު އަންނަންއޮތް ޖީލުތަކާމެދު ވިސްނަންޖެހޭ. ހުރި ރިސޯސްއެއްވެޖިއްޔާ ކައި ހުސްކޮށްލާކަށް ނުޖެހޭ. ރައްޔިތުން ޑިމާންޑްކުރާ ކޮންމެ ކަމެއް ކުރާކަށް ނުޖެހޭ. އެންމެ އަތޮޅެއްގައި ފަސް ހަ އެއަރޕޯރޓް އެޅުން ދެކޮޅު ނުޖެހޭ.
އަރީބް
17 January 2023
އަޅުގަނޑުގެ ސަރުކާރެއްގައި ދެފުއްފެނާނޭ ބުނި..ފެނޭތަ؟؟މިނިވަންކަމާއިއެކު އެއްވެ އުޅެވޭނޭބުނި..ކޮންމެ ރެއަކު އެތައްބަޔަކު މުޒާހަރާއިން ހައްޔަރު..މީހުން ހައްޔަރުކުރުމުގެ ރެކޯޑް މުގުރާލީ..ވަޒީފާ ބިރު ހެސްކިޔާފަ..ގާބިލް ނޫން މީހުނަށް ވަޒީފާދިނުން މެކުހަށް..
ާއުނިމާ
17 January 2023
އަޅަންބުނި 20،000ފުލެޓު ކޮބާތޯ
ޏބބބ
17 January 2023
ވައުދުވާލެއް ގިނަވެފަ ފުއްދާލެއްވެސް ގިނަވީމަދޯ މީހަކާ އިނދެގެން ދެތިން ދަރިން ލިބި ދަރިންބޮޑުވާއިރުވެސް އަމިއްލަ ބޯހިޔަލެއްނުލިބޭ ގައުމެއް މިނޫނީ ނެތް. މާލޭގައުޅޭތާ އެތައްއަހަރެއް ފްލެޓްވެސް ލިބެނީ ރަށްރަށުގަ ވަޒީފާއަދާކޮށްގެން އެތަންތާއުޅޭމީހުނަށް. އެމީހުންއަތުން ދައުލަތަށްދައްކަންޖެހޭ ފައިސާވެސް ހޯދަންއުޅެނީކީ ނޫން