މާލޭގެ ފިހާރައެއް: ހިސާބު ބެލެހެއްޓުމުގެ އުސޫލަށް ބަދަލު ގެނައީ ކުދި ވިޔަފާރިތަކަށް ލުޔެއް ދޭން ކަމަށް މީރާ އިން ބުނޭ.-- ފައިލް ފޮޓޯ: މިހާރު
18 ޖެނުއަރީ 2017 - 10:32
8 comments
އަހަރަކު 10 މިލިއަން ރުފިޔާ އަށް ވުރެ ދަށުން އާމްދަނީ ލިބޭ ވިޔަފާރިތަކުން ހިސާބު ބެލެހެއްޓުމުގައި ފައިސާ ލިބޭ ނުވަތަ ހޭދަކުރާ ތާރީހެއްގައި އާމްދަނީ އާއި ހަރަދުތައް ހިމެނެމުގެ އިހްތިޔާރު މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އިއްޔެ ދީފި އެވެ.
ވިޔަފާރީގެ ފައިދާ އިން ނަގާ ޓެކްސް (ބީޕީޓީ)ގެ ގަވާއިދަށް ގެނައި އިސްލާހުގައިވާ ގޮތުން، އަހަރެއްގެ ތެރޭގައި ލިބޭ އާމްދަނީ 10 މިލިއަން ރުފިޔާ އަށް ވުރެ އިތުރު ނުވާ ނަމަ، މިދިޔަ އަހަރުގެ ހިސާބުތަކުން ފެށިގެން "ކޭޝް ބޭސިސް" ބޭނުން ކުރެވޭނެ އެވެ.
ކޭޝް ބޭސިސްގައި އާމްދަނީ އާއި ހަރަދުތައް ހިމަނަން ޖެހޭނީ ފައިސާ ލިބޭ ނުވަތަ ހޭދަކުރާ ތާރީހެއްގަ އެވެ.
ދިހަ މިލިއަން ރުފިޔާ އަށް ވުރެ ގިނައިން އާމްދަނީ ލިބޭ ފަރާތްތަކުން ބޭނުން ކުރަން ޖެހޭނީ، ބީޕީޓީގެ ގަވާއިދަށް ގެނައި 11 ވަނަ އިސްލާހުގައިވާ ގޮތުން، ކުރިއެކޭ ވެސް އެއްގޮތަށް "އެކްރުއަލް ބޭސިސް" އެވެ. އެކްރުއަލް ބޭސިސްގައި، ފައިސާ ލިބުނަސް ނުވަތަ ނުލިބުނަސް އާމްދަނީ އާއި ހަރަދުތައް ހިމަނަން ޖެހޭނީ އެ ކަމެއް ނިސްބަތްވާ ތާރީހެއްގަ އެވެ.
އެ ގޮތަށް ހަމަޖެއްސީ، މީރާ އިން ބުނި ގޮތުގައި، ކުދި ވިޔަފާރިތަކަށް ލުޔެއް ދޭށެވެ.
މީރާ އިން ވަނީ ބީޕީޓީގެ ބަޔާން ހުށަހެޅުމުގައި ވަކި ފަރުދުންނަށް ދީފައިވާ ލުއި، އެ އޮތޯރިޓީގައި ރަޖިސްޓަރީކޮށްފައިވާ ޑީމްޑް ޕާޓްނަޝިޕްތަކަށް ވެސް އިއްޔެ ދީފަ އެވެ. އެ ގޮތުން، އަހަރަކު ލިބޭ އާމްދަނީ 750,000 ރުފިޔާ އަދި ފައިދާ 500,000 ރުފިޔާ އަށް ވުރެ އިތުރު ނުވާ ނަމަ، ޑީމްޑް ޕާޓްނަޝިޕްތަކުން ވެސް ބީޕީޓީގެ ބަޔާން ހުށަހަޅާކަށް ނުޖެހޭނެ އެވެ.
މީގެ އިތުރުން، ކުންފުންޏެއް އުވާލަން ހުށަހަޅާ ތާރީހުގެ ފަހުން ހިނގާ މުއްދަތުތަކަށް އެއްވެސް ޓެކްސް ބަޔާނެއް ހުށަހަޅަން ނުޖެހޭ ގޮތަށް ވެސް މީރާ އިން ވަނީ އިއްޔެ ހަމަޖައްސައިފަ އެވެ. އެ އޮތޯރިޓީން ބުނީ މިހާރު އުވާލަން ހުށަހަޅާފައިވާ ހުރިހާ ކުންފުންޏަކަށް ވެސް މި ލުއި ލިބޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓެކްސް ކޮންސަލްޓަންޓް
19 January 2017
މީ ވަރަށް ވެސް ރަނގަޅު ނިންމުމެއް. ޓެކްސް ދައްކާފަރާތްތަކުން ޖޫރިމަނާވަނީ ކުރަންޖެހޭ ގޮތަށް ކަންތައްތައް ދުވަހުން ދުވަހަށް ނުކުރެވޭތީ. އެކަމުގައި މީރާއިން ކުރާނެ އެއްވެސް ކަމެއް ނެއް. އެކަމަށް އޮތް ހައްލަކީ އެކަން ކުރާނެގޮތް އެނގޭމީހުންގެ ލަފަޔާ އެއްގޮތައް އެކަންކުރުން. އެހެންވީމަ ޖޫރިމަނާ ދެއްކުމުގެ ބަދަލުގަ އެވަރުގެ އަދަދެއް ދިނީމަ ޖޫރިމަނާ ނުވާނެގޮތައް އެކަންކޮށްދޭ ފަރާތްތައް މިހާރު އެބައުޅޭ. މަމެންވެސް އެކަން ކޮށްދީ އުޅެން އެގޮތައް
ޢަބްދުﷲނާފިޒު
18 January 2017
ލޯކަލް ކައުންސިލް އިންތިޚާބު ނިމުމުން އަނެއްކާވެސް ކުރިން އޮތްގޮތަށް ބަދަލު ނުކޮށްފިއްޔާ ނަސީބު.
އަހުމަދު
18 January 2017
ހަމަ އެންމެ ރަގަޅުތާ 500،000 އަހަރަކު ނުލިބޭ ފަރުދުންނާއި ކުންފުނި ތަކުންވެސް ބަޔާން ހުށަހަޅަން ނުޖެގޮތަށް ހެދިއްޔާ. ނުވަތަ ޖީއެސްޓީ ވެސް އަހަރަކު ތިވަރު ނުލިބޭ ތަންތަނުންވެސް ދައްކަން ނުޖެހޭ ގޮތަށް ހެދިއްޔާ.
އޭ
18 January 2017
ޓެކްސް އަށް ވުރެ ގިނައީ ޖޫރިމަނާ ގޮތުގައި ހޯދާ ފައިސާ!!!! ލަދު!!!!!! ރައްޔިތުން ހުސްކުރަން!!!!
އަލީ
18 January 2017
ލުޔެއް ދިނީކީނޫން. ޖޫނިމަނާ ކުރާނެ އާގޮތެއް އޮޔްތޯބަލަނީ
ވީއާރ
18 January 2017
ހިސާބު ބެލެހެއްޓުމުގައި ކުދި ވިޔަފާރިތަކަށް ލުޔެއް ދިނީ ވެސް އެއީ ރާއްޖޭގެ ތާރީޚް ގައި ވެސް ހަމަ އެކަނި މަމެންގެ ބިއުޓިފުލް އެން އޯސަމް އެން ފްލޯލެސް ވެރިކަމުގައެވެ. މިފެންވަރަށް އެހެން މީހުންނަށް ވެރިކަން ކުރަން ނޭގެނީ ކީއްވެގެން ތޯ އެއީ މަމެން ބަލަން ބޭނުން ވާ އެއްޗެެއް ނޫނެވެ. އެމެންގެ ޑޮލަރު އަގު ބޮޑު ކުރި ވެރިކަމުގައި ނަމަ މިކަން ކުރަން ނޭގިގެން އެމެން ތެޅި ބާލާނީ އެވެ. ކީއްކުރާނީ ދޯ. މެކުނު ފުމުނަސް ގާހަކަ އަށް ނުފުމެވޭނެ ދޯ. ވީއާރ ދަ ވަންސް. ޑޫ ތިންގްސް ފައިން. ޑާޑާޑަަޑަޑާޑާ، ޑާޑާޑަޑަޑާޑާ، ޑާޑާޑަޑަޑާޑާ...
މަމެން
18 January 2017
މަމެން ލުއިދެމުންގޮސް ، އަދި ގާނޫނުތައް ބަދަލުކުރަމުންގޮސް އެންމެފަހުން ގައުމު ކޮރަޕްޝަނުގެ ހާއްޔަކަށް ހަދައިފިނޫންތަ... މިހާރު ދައުލަތަށް ލިބޭ އާމްދަނީ ބައެއްމީހުންގެ އެކައުންޓުތަކަށް ނޫންތަ އަޅަނީ... މަމެން މުގާބޭއަށްވުރެވެސް ގޯހެއްނޫންތަ ތިޔަވީ.... ތިވާހަކަ ކިޔައިދޭންވީ މުގާބޭއަކަށް ނޫންތަ...
ޢަބްދުﷲނާފިޒު
18 January 2017
ރާއްޖޭގެ ތާރީޚް ގައި ވެސް ހަމަ އެކަނި ތަމެންގެ ބިއުޓިފުލް އެން އޯސަމް އެން ފްލޯލެސް ވެރިކަމުގަ ރައްޔިތުންގެ ތިޖޫރިވެސް ދަވާލިއޭ ބުނާކަށް އަހުން ނެތީމުއެވެ، ވަރަށް ސަލާމެވެ.