މާލޭ ސިޓީ ކައުންސިލުން ރޯދަމަހަށް ހުޅުމާލެ 2 ގައި ވަގުތީ މާރުކޭޓެއް ހަދަނީ

މާލެ ލޯކަލް މާރުކޭޓް: ރޯދަމަހަށް ހާއްސަކޮށްގެން ހުޅުމާލެ ދެވަނަ ފިޔަވަހީގައި ވަގުތީ މާރުކޭޓެއް ހަދަން މާލޭ ސިޓީ ކައުންސިލުން ވަނީ ނިންމައިފައި -- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

23 ފެބުރުއަރީ 2023 - 10:24

10 comments

ރޯދަމަހަށް ހާއްސަ ކޮށްގެން ހުޅުމާލޭގެ ދެވަނަ ފިޔަވަހީގައި ވަގުތީ މާރުކޭޓެއް ހަދަން މާލޭ ސިޓީ ކައުންސިލުން އިއްޔެ ނިންމައިފި އެވެ.

ސިޓީ ކައުންސިލުގެ ވެބްސައިޓްގައި ބުނެފައިވާ ގޮތުގައި، ރޯދަމަހަށް ހުޅުމާލެ ދެވަނަ ފިޔަވަހީގައި ވަގުތީ މާރުކޭޓެއް ހަދަން ނިންމާފައި ވަނީ އިއްޔެ ބޭއްވި ކައުންސިލްގެ އާންމު ޖަލްސާގަ އެވެ. އެ މާރުކޭޓް ހަދަން ހުށަހެޅުއްވީ މާލޭގެ މޭޔަރު ޑރ. މުހައްމަދު މުއިއްޒެވެ.

އޭނާ ވިދާޅުވީ ސަރުކާރުން ހުޅުމާލޭގެ ކަންކަން ހިންގަން ސިޓީ ކައުންސިލާ ހަވާލުނުކުރިޔަސް، ހުޅުމާލެއަކީ މާލޭގެ ބައެއް ކަމަށާއި ހުޅުމާލޭގެ ދެވަނަ ފިޔަވައްސަކީ ވެސް އެ ކައުންސިލްގެ އިހުތިސާސްގައި ހިމެނޭ ތަނެއް ކަމަށެވެ.

މޭޔަރު ވިދާޅުވި ގޮތުގައި، ހުޅުމާލެ 2 ގައި މިހާރު 10،000 އާއިލާ ދިރިއުޅެމުން އަންނާތީ، އެ މާރުކޭޓް ހުޅުވުން ވަރަށް މުހިންމެވެ.

"ދެވަނަ ފިޔަވަހީގައި އުޅޭ މީހުން ރޯދަމަހު މާލެއާ ހަމައަށް އައިސް ނުވަތަ ފޭސް އެކަކަށް ގޮސް، ދުރު ހިސާބުތަކަށް ގޮސްގެން މި ބޭނުންވާ ތަރުކާރީއާ މި ތަކެތި ހޯދުން ދަތި ކަމަކަށް ވެދާނެ. އެހެންވީމާ، މާލެ ސިޓީ ކައުންސިލުން ހިންގާ ޕްރޮގްރާމެއް ގޮތަށް މިކަން ގެންދާނީ،" މުއިއްޒު ވިދާޅުވި އެވެ.

އެ މާރުކޭޓް ހުޅުވާނީ ސިޓީ ކައުންސިލަށް އާމްދަނީ ވެސް ލިބޭ ގޮތަށް ކަމަށް އޭނާ ވިދާޅުވި އެވެ.

ހުޅުމާލެ ދާއިރާގެ ކައުންސިލް މެމްބަރު އިބްރާހިމް ޝުޖާއު ވިދާޅުވީ، އެ މާރުކޭޓް ހުޅުވުމާ ގުޅޭ ގޮތުން އެޗްޑީސީއާ އެކު ވެސް ވަނީ މަޝްވަރާކޮށްފައި ކަމަށެވެ. އަދި އެކަމަށް އެއްބާރުލުން ދޭނެ ކަން، ނުރަސްމީކޮށް އެ ކުންފުނިން އަންގާފައިވާ ކަމަށް ވެސް ވިދާޅުވި އެވެ.

އެ މާރުކޭޓް ހުޅުވާނީ ދެވަނަ ފިޔަވަހީގެ ކޮންތަނަކު ކަމެއް އަދި ނުބުނެ އެވެ.

ކަލަންޑަރުގައިވާ ގޮތުން މިއަހަރުގެ ރޯދަ މަސް ފެށެނީ އަންނަ މަހު 23 ގަ އެވެ.

މާލެ ސިޓީ ކައުންސިލުން މިދިޔަ އަހަރު ވެސް ރޯދަމަހަށް ހާއްސަކޮށްގެން މާލެ އާއި ވިލިމާލޭގައި ވަގުތީ މާރުކޭޓް ހުޅުވަން މަސައްކަތްކުރި އެވެ. ނަމަވެސް އެކި ސަބަބުތަކާ ހުރެ މިދިޔަ އަހަރު އެކަމެއް ނުވި އެވެ.

ހުޅުމާލެ މާލެ ސިޓީ ކައުންސިލް ހުޅުމާލޭ ދެ ވަނަ ފިޔަވަހި ޑރ. މުހައްމަދު މުއިއްޒު، މާލޭގެ މޭޔަރު

10 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމްސް

24 February 2023

ބިދޭސީން ގިނަވާނެ ހުރިހާ ގޮތެއް ހުރިހާ ސަރުކާރަކުންވެސް އެބަ ހަދާ! މާލޭގަވެސް އެތަން މިތާ ހުސް މާރުކޭޓް، ޙަޤީގަތަކީ ގިނަ ތަންތަނަކީ ދާދި އެއް ބަޔެއްގެ/ހައްތާވެސް ބިދޭސީންގެ ތަންތަންކަން! ބިދޭސީން މަދުކުރެވޭނެ 1 ގޮތަކީ މިފަދަ މާރުކޭޓްތައް އުވާލާ، އެތަންތަން ޕާކިންއަށް ހުސްކޮށްލުން! ކުއްޔަށްދޭމީހާ ބޭނުންވާނީ ކުލިތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންކަބިލި

23 February 2023

ޤަވާއިދާހިލާފަށްއުޅޭ ބިދޭސީންނަށް ވިޔަފާރީގެ ފުރުސަތު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާއްކޮ

23 February 2023

މާލޭގެ ބިންތަށް ވިއްކައި މާލެ ވަށައި ކަދުރު އިންދައިގެން ކުރެވުނު ވައްކަން މަދުވެގެންތޯ ހުޅުމާލެއަށް ވެރިވެގަންނަން އުޅެނީ؟ އެޗްޑީސީ އިން މިކަން ކުރަން ސިޓީ ކައުންސިލަށް ދީގެންނުވާނެ އޭރުން ވައްކަން އިތުރުވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

23 February 2023

މާލޭގެ ހުރިހާމަގެއް ރައްޓެހިންގެ ކާރުތަކަށް ވިއްކާ ހުސްކޮށްފި. ހުޅުމާލޭގެ މީހަކު ކާރުގަ މާލެގޮއްސަ މިޖެހެނީ ކުޑަވަގުތުކޮޅަކަށްވެސް ޕާރކް ނުކުރެވިގެން ގަނަތެޅެން. ކޮންމެހެން ހުޅުމާލެ ބަންގާޅިންނަށް ވިއްކަން އުޅޭނެކަމެއް ނެތް. ޖީބަށް ފައިސާ ނުލިބޭނެ ގޮތަކަށް ފިޔަވަޅެއްވެސް ނާޅާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

23 February 2023

މުއިއްޒު މެންނަކީ ފައިސާ ހޯދަންވެގެން ގެއިންނުކުންނައިރު ހަނިމަގުގައި އޮތް ޕާކް ކުރާ ތަންކޮޅު ވިއްކާ މީހުން. ޕާކް ތަކާއި ކާނިވާތަކުގައި ވެސް ކެފޭ ހަދާފަ މަސްލަހަތު ހުންނަ މީހުންނަށް ކުއްޔަށްދެނީ ބައި ލިބޭގޮތަށް. ކުދި ވިޔަފާރި ފުޑާލަނީ މާލޭ ސިޓީކައުންސިލުން. ބޮޑު ކުލީގައި ކުދި ވިޔަފާރި ހިންގަހިންގާ ތިއްބާ މަގުމައްޗާއި ޕާކްތަކުގައި ވިޔަފާރިކުރެވޭނެގޮތް ހެދުމުން ފިހާރަވެރިން އިނދެޖެހެނީ. މާލޭގެ އިޖްތިމާއީ ކަންކަން ރަނގަޅުކޮށްބަލަ. ދެރަކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސާ

23 February 2023

ތި މާރުކޭޓަކީ ބަންގާޅު މީހުންނައް ހަދާދޭ ތަނެއް އެމީހުންވެސް ރުއްސަން އެބަޖެހޭދޯ ލާހިކެއްނޫން ބަންގާޅު މީހެއް ނުލާ ތި މާރުކޭޓު ހިނަގާކަށް ވ ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

23 February 2023

މިރޭ އެޗްޑީސީން ބުނާނެ ތިމަންނާމެން ރޯދައަށް އެސެމްބްލް ކުރާ 03 މާރުކޭޓް (މިހާރު ތައިލެންޑްގަ އުފައްދަމުން ދަނީ) ގެނެސް ހުޅުމާލޭގަ ބަހައްޓަން ނިންމާފައިވާކަމަށް.އެމާރުކޭޓްތަކުގަ ފިނިކޮށާރުވެސް ހުންނާނެ ކަމަށާއި ހުޅުމާލޭގެ މިފަދަ ހުރިހާ ކަމެއް ކުރާނީ އެޗްޑީސީންކަމަށް.ރައްޔަތުން ތިބޭތި ބަލަން މިބުނި މަގުން މިކަން ނިމިގެން ދާނެ.އަބަދުވެސް ކޮންމެވެސް ކޯޅުމެއްގެ ތެރެއިން މެޑަލްޖަހަން އުޅޭ އިންސްޓިޓިއުޝަންތަކެއް ރާއްޖޭގަ ހުރީ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

23 February 2023

ހުޅުމާލެއަކީ އަމިއްލަދަރަންޏަށް ޒިންމާވާންޖެހޭ ދައުލަތުގެ ކުންފުންޏަކުން ތަރައްޤީކޮށްގެންހިންގާ އެކުންފުނީގެ މިލްކްވެރިކަމުގައިއޮތް ރަށެއް. # އެރަށަކީ ޤއ ގައިބުނާ "ދިވެހިރާއްޖޭގެ ވެރިރަށް" ކ.އަތޮޅު މާލޭގެއަވަށެއް އަދި މާލޭގެބައެއްވެސް ނޫން. މާލޭކައުންސިލްއިންތިޙާބުގައި ވޯޓްލާބަޔަކު އެރަށުގެ (ކުއްޔަށް ނުވަތަ ގަނެގެން) ފުލެޓާއި ގޭގޭގައިދިރިއުޅުމަކީ ތިޔަކައުންސިލްގެދަށަށް އެރަށްދާންޖެހޭ ސަބަބެއްނޫން. ތިގޮތަށް އައްޑޫސިޓީ މީހުންވެސް މާލޭގައި ދިރިއުޅޭ.