މާލޭގައި މިއަދު ގިނަ ކައިވެނިތަކެއް ކުރަން ހަމަޖެހިފައިވޭ
23 ފެބުރުއަރީ 2023 - 12:26
10 comments
މިއަދަކީ މިއަހަރު އަންނަ ރީތި ތާރީޚަކަށް ވާތީ މާލެ ސަރަހައްދުގައި އެހެން ދުވަސްތަކަށް ވުރެ މިއަދު ވެސް ކައިވެނި ގިނަވެއްޖެ އެވެ.
މާލޭ ސަރަހައްދުގައި މިއަދު، 23/2/23 ގައި 38 ކައިވެނި ކުރަން ހަމަޖެހިފައިވާ ކަމަށް ފެމިލީ ކޯޓުން ބުންޏެވެ.
ރީތި ތާރީޚުތަކުގައި ކައިވެނި ކުރުމަކީ ރާއްޖޭގައި ވެސް މިފަހަކަށް އައިސް އާންމު ކަމެކެވެ.
ފެމިލީ ކޯޓުން ބުނީ މިއަދު ކުރަން ހަމަޖެހިފައިވާ 38 ކައިވެނީގެ ތެރެއިން 19 ކައިވެންޏެއް ކުރަނީ ރަސްމީ ގަޑީގައި ކޯޓުގައި ކަމަށެވެ. އަދި ބާކީ 19 ކައިވެނި ކުރަން ހަމަޖައްސާފައި އޮތީ ނުރަސްމީ ގަޑީގައި އަދި ކޯޓުން ބޭރުގައި ކަމަށް ކޯޓުން ބުންޏެވެ.
އެންމެ ފަހުން ރީތި ތާރީޚެއްގައި ގިނަ ބަޔަކު ކައިވެނިކުރީ މިދިޔަ ޑިސެމްބަރު މަހުގެ 22 ވަނަ ދުވަހު އެވެ.
ފެމިލީ ކޯޓުން ކައިވެނި ކޮށްދެނީ މާލެ ސަރަހައްދުގައި އެކަނި ކަމަށްވާތީ އަތޮޅު ތެރޭގެ މެޖިސްޓްރޭޓް ކޯޓުތަކުން ކޮށްދޭ ކައިވެނިތަކުގެ އަދަދެއް ސާފެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށަވިޔަނި
23 February 2023
ތިހެން ކައިވެނި ކުރީމަ ވަރިގިނަވާނެ. ކައިވެނި ކުރެވެން ނެތް މީހުނާ އިނދެގެން ތިބޭ މީހުން ރީތި ތާރީޚުގައި ޕާޓީ ބާއްވާ ވަރިކުރޭ. މިކަހަލަ ވަރިޕާޓީއަކަށް ދެވުމުން މިކަން އެނގުނީ.
ގެދާނޯމޮސް
23 February 2023
ދިވެހިންނަކީ ރީތިތާރީހަށް އިނދެ ވަރިކުރަން ވީމާ ރީތިތާރީހަކަށް ވިސްނާބަޔެއްނޫނެވެ.
ޭެ ވެށިފަހި
23 February 2023
ކާވެނީގެ ބޭނުމަކީ ރީިތި ތާރީހުގަައި ކާވެނި ކުރުމެއް ނޫން
ސަދޫމް ސިޓީ
23 February 2023
ޙެހެހެހެ
މުޙައްމަދު އިލްހާމް ( ކިންގް އިލްހާމް )
23 February 2023
ރީތި ތާރީހަކުން ވަކިވަގުތަކުން ފައިދާއެއް ނެތް ކައިވެނިތަކުގެ މަންފާ ލިބިގެންވަނީ އިސްލަމީ ދިރިއުޅުމަކަށް ލޯބިކޮށް ދެމެފިރިން ﷲ ގެ ހައްޤުތައް އަދާކުރުމަށް ފަހު އެކަކު އަނެކަގެ ހައްޤުތައް އަދާކޮށްގެން، ލިބޭމިންވަރަށް ޝުކުރުކުރު ވެރިވުން އިސްކޮށްގެން ، ލޯބިވާންވީ ފަރާތަކީ ﷲ،
ކްރޫސް
23 February 2023
ރީތި ތާރީހުތަކުގަ ކުރާ ކައިވެނިތަކޭ އެންމެގިނަ ވަރިތަކަށް ބަދަލުވަނީ.
ސައިޚް
23 February 2023
ދިވެހިން މީ ހާދާހާ ފޮނި ބައެކެދޯ.؟ ޕްލޭނެއް ނެތި، އުޅޭނެ ތަނެއް، އުޅޭނެ ގޮތެއް ނުހޯދާ ރީތި ތާރީޚް ގަ ކައިވެނި ކުރީމަ 2 ދުވަސްނުވެ ޖެހޭނީ ވަރިކުރަން،
ފައިޖް
23 February 2023
ކަލެއަށް ކިހިނެއް އިނގެނީ މިއަދު އިން އެންމެންނަކީ ޕްލޭނެއްނެތި އުޅޭނެ ތަނެއް ނެތް ބައެއްކަން!؟
ރައްޒާގު
23 February 2023
ކޮންމެހެން އިންނަން ބޭނުންވެގެނެއް ނޫން، އެކަމަކު ތާރީޚް ރީތިވީމަ މަވެސް މިއަދު މީހަކާ އިންނަން އެބަޖެހޭ. ރީތި ތާރީޚެއްވީމަ ވަރިކުރާ މީހަކު ނޫޅޭބާ؟
މާހިރު
23 February 2023
ރީތި ތާރީޚެއްގައި ކައިވެނި ކުރެވުނީމާ ނިމުނީތޯއެވެ. ރީތި ތާރީޚުގައި ކައިވެނި ކޮށްފައި ވީއެންމެ ވަރުގަދަޔަކަށް ޕާޓީ ބާއްވާފައި މާގިނަދުވަހެއްނުވެ ވަކިވީމާ އެޖެހެނީ ކޮންތާކުތޯއެވެ. ރީތި ތާރީޚެއްގައި ކައިވެނިކުރުމަށްވުރެ ކައިވެނިކޮށްގެން ރީތި ދިރިއުޅުމެއް އުޅުން މާބުއްދިވެރިއެވެ.