26 ފެބުރުއަރީ 2023 - 10:37
11 comments
ޖުމްހޫރީ ޕާޓީ (ޖޭޕީ) ގެ ލީޑަރު ގާސިމް އިބްރާހިމްގެ އަނބިކަނބަލުން އަދި ޓްރާންސްޕޯޓް މިނިސްޓަރު އާއިޝަތު ނަހުލާއާއެކު، އެ ޕާޓީ އަށް އާ ފަސް ޑެޕިއުޓީ ލީޑަރުން ރޭ އިންތިހާބުކޮށްފި އެވެ.
މިދިޔަ ހުކުރު ދުވަހު ފެށި ޖޭޕީގެ ކޮންގްރެސްގައި ޑެޕިއުޓީ ލީޑަރުގެ މަގާމަށް އެ ޕާޓީގެ ލީޑަޝިޕްގައި ހިމެނޭ 12 ބޭފުޅަކު ކުރިމަތިލެއްވި އެވެ. އޭގެ ތެރޭގައި ސަރުކާރުގެ ބައެއް އިސް މަގާމުތަކުގައި ތިއްބެވި ބޭފުޅުންނާއި ރައްޔިތުންގެ މަޖިލީހުގެ ކުރީގެ މެމްބަރުން ހިމެނެ އެވެ.
ސަރުކާރުގައި މިހާރު ތިއްބެވި ބޭފުޅުންގެ ތެރެއިން ޑެޕިއުޓީ ލީޑަރުގެ މަގާމަށް އިންތިހާބުކުރީ ހަމައެކަނި ޓްރާންސްޕޯޓް މިނިސްޓަރު ނަހުލާ އެވެ.
ޖޭޕީގެ ޑެޕިއުޓީ ލީޑަރު ކަމަށް އިންތިހާބުވި ބޭފުޅުން:
1. ޓްރާންސްޕޯޓް މިނިސްޓަރު އައިޝަތު ނަހުލާ.
2. ކުރީގެ ޓްރާންސްޕޯޓް މިނިސްޓަރު އަދި ޖޭޕީގެ ކުރީގެ ނައިބު ރައީސް އަމީން އިބްރާހިމް.
3. ފުވަމުލަކު އުތުރު ދާއިރާގެ ކުރީގެ ޕީޕީއެމް މެންބަރު އަލީ ޝާހް
4. ޕީޕީއެމްގެ ކުރީގެ ޑެޕިއުޓީ ސެކްރެޓަރީ ޖެނެރަލް އިގްބާލް އާދަމް.
5. ޖޭޕީގެ ކުރީގެ ނައިބު ރައީސް އަހުމަދު ސައުދު.
އެ ފަސް ބޭފުޅުންގެ ތެރެއިން ޝާހު ފިޔަވައި ގިނަ މެމްބަރުންނަކީ ގާސިމްގެ ވަރަށް އަރިސް އަދި އާއިލީ ބޭފުޅުންނެވެ. އޭގެ ތެރެއިން ސައުދަކީ ގާސިމްގެ އާއިލީ ބޭފުޅެކެވެ. އިގްބާލަކީ ގާސިމްގެ ޕާސަނަލް ސެކްރެޓަރީކަން ކުރެއްވި އަދި މިހާރު ވެސް އަރިސް ބޭފުޅެކެވެ. އަމީން ހިމެނެނީ ގާސިމް އެންމެ އިތުބާރު ކުރައްވާ ބޭފުޅުންގެ ލިސްޓުގެ އެންމެ ކުރީގަ އެވެ.
ޑެޕިއުޓީ ލީޑަރުގެ އިންތިހާބުގައި ވޯޓުލުމަށް 741 މީހުން ރަޖިސްޓަރީ ކުރި އެވެ. އޭގެ ތެރެއިން ވޯޓު ލާފައި ވަނީ 680 މީހުންނެވެ. އަދި އެންމެ ގިނަ ވޯޓު ލިބިވަޑައިގަތީ ގާސިމްގެ އަނބިކަނބަލުން ނަހުލާ އަށެވެ.
ޖޭޕީގެ ގައުމީ ކޮންފަރަންސްގައި އިއްޔެ ވަނީ އެ ޕާޓީން ރިޔާސީ ކެންޑިޑޭޓަކު ނެރެން ނުވަތަ އެ ޕާޓީ އިސްވެ ހަދާ ކޯލިޝަނެއް އުފައްދަން ކައުންސިލަށް ލަފާ ދިނުމަށް ވެސް ގަރާރެއް ފާސްކޮށްފަ އެވެ. އެކަަމަކު، އަމަލުކުރުން ލާޒިމް ގަރާރެއް ނޫނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައުމީދޫ001
26 February 2023
މަރުހަބާ ޝާހް!
މަރުހަބާ
26 February 2023
ނަހުލާއަށް ވަރަށް ވަރަށް ވަރަށް ބޮޑަށް މަރުހަބާ.
ހެވައިދު
26 February 2023
ޖޭޕީ ލީޑަރޝިޕަށް އަންހެނަކު ކުރިމަތިލާފައި އޮއްވާ އޭނަ ހޮވިޔަނުދޭން ސައުދުމެން ނެރުނީ ގާސިމްގެ އަންހެނުން ނަހުލާ. މިއޮތީ ރީއްޗަށްވެސް ކުޅެލާފައި
ހަމަހަމަ ތަ
26 February 2023
މިފަހަރު ހޮވުނީ ހަމަ ގާސިމް ކަނޑައަޅާފައި ތިބި މީހުން. އެހެން ބަޔަކަށް ލީޑަރޝިޕާ ކައިރިވިޔަކަ ނުދޭނެ. އަމީނު މިއޮއް ހުރިހާ ދުވަހު ބޭރުގަ ހުރެފަ ބަޔަކުލައްވާ ކެންޕޭނުކޮށް ވޯޓް ހޯދުވާފަ އެމީހުންނަށް ލަޑުދިނީ. އެއިން މީހަކުވެސް ހޮވިޔަވެސް ނުދިނީ. މިއީ ޖޭޕީގެ ފެންވަރު
ސާމީއާ
26 February 2023
މިއޮތީ މިފަހަރު އަމީނުމެން ޔަޝްފާއަށް ލަނޑު ދީފައި. ބޭރުގައި ހުރެ އޭނާ ލައްވާ ހުރިހާ ކެންޕޭނެއް ކުރުވާފައި، އޭނާއަށް ލަނޑުދިނީ. އަމީނު ކޮބާ ލަދު
ޝަޅި
26 February 2023
ތި ތަނަށް ހޮވިފަ ތި ހުރީ ހަމަ ކުރިންވެސް ޖޭޕީ މީހުން. ޕީޕީއެމް އިން އައި މޫހުންގެ ދުވަސް ދުއްވާލަން ސައުދު މެން ބޭނުންކުރީ ހަމަ ޕީޕީއެމުން އައި ޔަޝްފާމެން، އެންމެ ފަހުން އޭނާއަށްވެސް ސައުދުމެން ލަނޑުދިނީ
ވިސްނާލުމަށް އެދެމޭ
26 February 2023
2މީހަކު މަށަށް ފެންނަނީ ތިތަނުން އާދެމޫނަކަށް..ދެންތިބީ އަނބިމީހާކަމަށްބުނާ އަންހެނެކާ ގާސިމުގެ ކަނާތާ ވައަތް ޖޕއަކީ ވިޔަފާރި ކުންފުންޏެ ގާސިމު ދައުލަތުން ބައިނަގަން ގެންގުޅޭ ތަރާދެއް..ސިޔާސީ މަސައްކަތަށްވުރެ ގިނައިން އެތަނުން މިނެކިރުމުގެ ޙިދުމަތްދެނީ..އިންޑިޔާސިފައިންގެ މީހެއް މިގައުމުން ނުފެންނަ ލޮލުގެ މައްސަލަބޮޑު މީހުން ޖޕގަތިބީ ދިވެހިގައުމުދެކެ ކުލުނެހުރިމީހެއް ޖޕ މޑއ މނޕއަށް ސަޕޯޓެމިހާރުނުކުރާނެ މޑޕގެގޮތުގަ އެމީހުންދެމިތިބީ ޕޕމވެސް.
އާލިމްް
26 February 2023
ބޮޑެތި ޑޮކްޓަރުންނާ، ބޮޑެތި ނަރުހުންނާ ތިބި ޕާރޓީ އެއްގައި ނައިބު ލީޑަރުންނަށް ތިވަރުގެ ބަޔަކު އަންނަންޖެހޭ ސަބަބެއް ނުވިސްނޭ..
ދިރުން ދަނީ
26 February 2023
ޤާސިމުގެ ވަގުތު ޖެހުނީ. ޤާސިމް ރައިސް ކަމަށް. ނަހުލާ ނައިބަކަށް. ނިކަން ފައްކާ ވާނެ. އެކަމަކު ޔަޤީނުންވެސް މަގޭ ވޯޓެއް ނުދޭނަން ޤާސިމަކަށް އަދި އިބޫ ސޯލިހަކަށްވެސް. އިބޫ އެކޮޅުކޮޅުން ބާއްވައިގެން ދޮންކެޔޮ ކާންދޭން ބަޔަކު ކުރާ މަސައްކަތް މިފެންނަނީ. ޤާސިމު މިޤައުމުގެ ވެރިކަމަށް އަތުވެއްޖެ ނަމަ ރައްޔިތުން ކަނޑު ދަތުރުފަތުރު ކުރަން ކަނޑުގައި ލޮނު ފޮދެއްވެސް ނުބާއްވާނެ. ޤައުމެއްވާ ނެތް.
48343
26 February 2023
ތިތާނެތް މާހަމަޖެހޭމީހަކު.