ޚަބަރު / މެމްބަރު ގާސިމް އިބްރާހިމް (މާމިގިލި)

ކޯލިޝަނާ ގުޅޭގޮތުން ގާސިމް ގޮތެއް ނިންމާނީ ރައްޔިތުންގެ މަސްލަހަތަށް ބަލާފައި: އިމްރާން

ހުރަވީ ދުވަސް ފާހަގަ ކުރުމަށް 2019 ވަނަ އަހަރު ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހާއި (މ) ގާސިމް (ކ) އަދި ހޯމް މިނިސްޓަރު އިމްރާން ބައިވެރިވެވަޑައިގަންނަވަނީ.---ފޮޓޯ: ރައީސް އޮފީސް

އާސިމާ ނިޒާރު، މިހާރު

06 މާޗް 2023 - 14:57

35 comments

ރިޔާސީ އިންތިހާބުގައި ކޯލިޝަން ހެދުމާ ގުޅޭގޮތުން ޖުމްހޫރީ ޕާޓީގެ ލީޑަރު ގާސިމް އިބްރާހިމް ގޮތެއް ނިންމަވާނީ ރައްޔިތުންގެ މަސްލަހަތަށް ވަރަށް ބޮޑަށް ބެލުމަށްފަހު ކަމަށް އަދާލަތު ޕާޓީގެ ލީޑަރު އިމްރާން އަބްދުﷲ މިއަދު ވިދާޅުވެއްޖެ އެވެ.

ހޯމް މިނިސްޓަރުކަން ވެސް ކުރައްވާ އިމްރާން ކުރެއްވި ޓްވީޓުގައި ވިދާޅުވީ އަންނަ ސެޕްޓެމްބަރު މަހު ބާއްވާ އިންތިހާބާ މެދު ގާސިމް ގޮތެއް ނިންމަވާނީ ގައުމުގެ ހަމަޖެހުމާއި ރައްޔިތުންގެ މަސްލަހަތަށް ވަރަށް ބޮޑަށް ވިސްނުމަށްފަހު ކަމަށް އޭނާ ޝައްކު ނުކުރައްވާ ކަމަށެވެ.

ގާސިމަށް ތައުރީފުކުރައްވައި އިމްރާން ޓްވީޓުކުރެއްވިއިރު، އަދާލަތު ޕާޓީން ވަނީ ރައީސް އިބްރާހިމް މުހައްމަދު ސޯލިހަށް ދެ ވަނަ ދައުރެއް ދިނުމަށް ކޯލިޝަން ހެދުމަށް ނިންމައިފަ އެވެ. ގާސިމް ގޮތް ނިންމެވުން ލަސްވާތީ އިމްރާން އިއްޔެ ވަނީ، ސަން އައިލެންޑަށް ގޮސް ކޯލިޝަނާ ގުޅޭ ގޮތުން ވާހަކަ ވެސް ދައްކަވައިފަ އެވެ.

ރައީސް އިބްރާހިމް މުހައްމަދު ސޯލިހްގެ ދެ ވަނަ ދައުރަކަށް ކޯލިޝަން ހެދުމާ ގުޅޭގޮތުން އެމްޑީޕީން ވެސް ވަނީ ގާސިމާ މަޝްވަރާކޮށްފަ އެވެ. އެކަމަކު އޭނާ އަދި އެއްވެސް ގޮތެއް ނުނިންމަވަ އެވެ.

Jumhooree party @Jumhooree_MV ge leader Qasim ibrahim riyasee inthikhaba medhu gotheh ninmavaanee qaumuge hama jehuma rayyithunge maslahathah v bodah visnaavadaigenfai kamaa medhu alhugadu shahkeh nukuran.
— Imran Abdulla (@ShimranAb) March 6, 2023

އެހެންވެ، މި ސަރުކާރުގެ ކޯލިޝަންގައި މިހާރު ވެސް ހިމެނޭ ޖޭޕީގެ ލީޑަރާ ގުޅޭގޮތުން ތަފާތު އެކި ވާހަކަތައް ދަނީ ދެކެވެންނެވެ. އޭގެ ތެރެއިން އެއް ކަމަކީ، ގާސިމް ކުރިމަތިލައްވައި އޭނާގެ ރަނިން-މޭޓަކަށް ކުރީގެ ރައީސް މުހައްމަދު ނަޝީދު ހަމަޖެއްސެވުމެވެ. ނަމަވެސް، މި ވާހަކަތައް ގާސިމް ދޮގުކުރައްވަ އެވެ.

ކޯލިޝަނާ ގުޅޭގޮތުން މިދިޔަ ހަފުތާގައި ރައީސާއެކު ބޭއްވެވި ބައްދަލުވުމަށްފަހު ނޫސްވެރިންނާ ވާހަކަދައްކަވަމުން ގާސިމް ވިދާޅުވީ އޭނާ އަކީ ވެސް ޕާޓީއެއްގެ ލީޑަރެއް ކަމަށާއި ކުރިއަށް ދާނީ ޕާޓީން ނިންމާ ނިންމުންތަކާ އެއްގޮތަށް ކަމަށެވެ. ކޯލިޝަނާ ގުޅޭގޮތުން ރައީސަށް ހުށަހެޅުއްވި ކަންތައްތަކާ ގުޅޭގޮތުން ސުވާލުކުރުމުން އެއިން އެއްވެސް ކަމަށް ޖަވާބެއް ނުދެއްވަ އެވެ.

"ސިޔާސީ ވާހަކައެއްގެ ތެރޭގައި އަޅުގަނޑުމެންގެ ކޯލިޝަނެއް އޮންނާނެތޯ ނޯންނާނެތޯ، މިކަމާ ބެހޭގޮތުން ވާހަކަދެއްކި. އޭގައި ދެން އިތުރަކަށް އަޅުގަނޑުމެން މިވެނިހެންނޭ ނިންމީ، އެވެނިހެންނޭ ނެތް އަޅުގަނޑަށް ހާމަކުރެވޭކަށް." ގާސިމް ވިދާޅުވި އެވެ.

ޖޭޕީން މިދިޔަ މަހުގެ ފަހުކޮޅު ބޭއްވި ކޮންގްރެސް އިން ވަނީ ޖޭޕީން ވަކިން އިންތިހާބުގައި ވާދަކުރަން ގޮވާލައި ހުށަހެޅި ގަރާރު ފާސްކޮށްފަ އެވެ. ނަމަވެސް، އެއީ އަމަލުކުރުން ލާޒިމް ގަރާރެއް ނޫނެވެ. އެކަމާ މެދު އަމަލުކުރާނެ ގޮތެއް ނިންމާނީ ޕާޓީގެ ކައުންސިލުންނެވެ. އެ ކައުންސިލްގެ ބައްދަލުވުމެއް މިއަދު ވަނީ ބާއްވައިފަ އެވެ. އެކަމަކު، އިންތިހާބާ ގުޅޭ ކަމެއް އެ އެޖެންޑާގައި ނެތެވެ.

އެމްޑީޕީ މެމްބަރު ގާސިމް އިބްރާހިމް (މާމިގިލި) ޖުމްހޫރީ ޕާޓީ ރައީސް އިބްރާހިމް މުހައްމަދު ސޯލިހް އަދާލަތު-އެމްޑީޕީ ކޯލިޝަން އިމްރާން އަބްދުﷲ، ހޯމް މިނިސްޓަރު ރިޔާސީ އިންތިޚާބު 2023

35 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަހަތަފާރު

07 March 2023

ބޮޑުމަންޒަރު މިހާރުވެސް ފެނިއްޖެ. ޤާސިމަށް މިފަހަރު ރިޔާސީ އިންތިޚާބަށް ނުކުންނާކަށް ނުކެރޭނެ. އެއީ އިބޫގެ ބާރުގަދަކަމުން. އަންނި ކިތަންމެ ވަރަކަށް ޤާސިމް ނެރެންއުޅުނަސް އެކަން ކުރަން ޤާސިމަށް ނުކެރޭނޭކަން މިހާރު އަހަރެމެން ޤަބޫލުކޮށް ނިންމައިފިން. އަންނި ދެން ހަދާނޭއެއްޗެއް ހަދަންވީ. ޤާސިމް އަތަކުޖެހެން ނެތް މިފަހަރު. އިމްރާނުގެ ތިޔަ ކުރުބަސްކޮޅުގައި ނިކަން ވަރުހުރިކަން އެނގިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކުންބޭ

07 March 2023

މަސްލަހަތޭ، މާނައަކީ؟؟ އިމްރާނު ފަދައިން އަމިއްލަ އެދުމަށް ބަލާފައޭ؟؟ އިމްރާނާ ޚިލާފަށް ޤާސިމަކީ ތިހާ ޅަކޮށް ކަންތައްކުރައްވާނެ މީހެއް ނޫން. ޤާސިމް މިފަހަރުގެ ރައީސަށް ވާނެކަމާމެދު ޝައްކެއްނެތޭ. އެހެން ވެއްޖިއްޔާ ދެން ވެރިކަމަށް ކުރިމަތި ނުލާންޖެހޭ އެއްވެސް ސަބަބެއް ނެތޭ. ޤާސިމްވެސް ބޭނުވްނާނެ ދޯ ރައީސް ޓައިޓަލް، ހަމަ އިބްރާހީމް ޔާމީން ނަޝީދު ފަދައިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމަ

07 March 2023

ހަމަ ގައިމުވެސް އެގޭ އެއްކަމަކީ ޤާސިމް ޔާމީން ނުވަތަ ޕީ ޕީ އެމްއިން ނުކުންނަ މީހެއްގެ ފަހަތަށް ނާރާނެކަން. ޤާސިމްގެ ޢާއިލާގެ މީހަކުވެސް އަދި ސަޕޯޓަރަކުވެސް ޕީ ޕީ އެމާއި ޤާސިމް ގުޅޭކަށްނޭދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަންދަލް މުޚުތާރު

07 March 2023

މަސްލަޙަތަކީ އިމްރާނަށް ފައިދާވާގޮތަށް ވެރިކަމުގެ 30 އިންސައްތަ ދީގެން އިބޫ ކުރާ އުރަތްޕެއްނެ ވެރިކަމަށް ޤާސިމްގެ މަސްލަހަތު ދެމެހެއްޓުމަށްޓަކައި ދީފައިވާ ދައުވަތު ޤަބޫލު ކުރުން. ޔާ ﷲ މި ފަސާދަވެރިންގެ ކިބައިން މި ޤައުމު ސަލާމަތް ކުރައްވައި ރައްޔަތުންނަށް ނަފާކުރާ ވެރިކަމެއް މިޤައުމުގައި ލައްވާށި. އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯޓްއޮފްމޯލްޑިވްސް2023

07 March 2023

އިމުރާން ކައިރީ ޤާސިމް ފެއިލްވާނީ އެންމެ ގޮތަކަށް ކަންކޮއްގެންކަން ސާފުވެއްޖެ ޔާމީންގެ ފަހަތަށް ޤާސިމް އަރައިފިނަމަ ޤާސިމް އެއީ ނުވިސްނޭ ޤާސިމްއަކީ ގައްދާރެއް ރިޔާސީ އިންތިހާބުގައި ކޯލިޝަން ހެދުމާ ގުޅޭގޮތުން ޖުމްހޫރީ ޕާޓީގެ ލީޑަރު ގާސިމް އިބްރާހިމް ގޮތެއް ނިންމަވާނީ ރައްޔިތުންގެ މަސްލަހަތަށް ވަރަށް ބޮޑަށް ބެލުމަށްފަހު ކަމަށް އަދާލަތު ޕާޓީގެ ލީޑަރު އިމްރާން އަބްދުﷲ މިއަދު ވިދާޅުވެއްޖެ އެވެ.