މީރާގެ އޮފީސް: މީރާ އިން މިއަދު ނެރުނު ޓެކްސް ރޫލިންގެ ދަށުން މީރާގައި އޮޑިޓަރުން ރަޖިސްޓްރީ ކުރަން ވަނީ ފަސޭހަ ކޮށްދީފައި. -- ފޮޓޯ: މިހާރު
19 ޖެނުއަރީ 2017 - 22:56
5 comments
އަހަރަކު 10 މިލިއަން ރުފިޔާ އަށް ވުރެ މަދުން އާމްދަނީ ލިބޭ ވިޔަފާރިތަކުން، ވިޔަފާރީގެ ފައިދާއިން ނެގޭ ޓެކްސް (ބީޕީޓީ) ގެ ބަޔާނާ އެކު އޮޑިޓް ރިޕޯޓް ހުށަހަޅަން ނުޖެހޭ ގޮތަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ހަމަޖައްސައިފި އެވެ.
ކުރިން މި ލުއި ދީފައި ވަނީ އަހަރަކު ފަސް މިލިއަން ރުފިޔާ އަށް ވުރެ މަދުން އާމްދަނީ ލިބޭ ވިޔަފާރިތަކަށެވެ.
މީރާ އިން މިއަދު ނެރުނު ޓެކްސް ރޫލިންގައި ވާ ގޮތުން 2015 ވަނަ އަހަރު ޖުމްލަ އާމްދަނީ ގޮތުގައި 10 މިލިއަނަށް ވުރެ މަދުން ލިބުނި ވިޔަފާރިތަކުން، ވިދިގެން އަންނަ އެއްވެސް ޓެކްސްއެއް އަހަރެއްގައި އެ އަދަދު 10 މިލިއަނަށް ވުރެ މަދު ނުވާނަމަ އޮޑިޓް ރިޕޯޓް ހުށަހަޅާކަށް ނުޖެހޭނެ އެެވެ.
މިއީ މީރާ އިން ކުދި ވިޔަފާރިތަކަށް ދެމުން ގެންދާ ލުއިތަކުގެ ތެރެއަށް އިތުރުވި ބައެއް ކަމަށް އެ އޮތޯރިޓީން ބުނެ އެވެ.
މީގެ އިތުރުން، މި ރޫލިންގެ ދަށުން ވަނީ އޮޑިޓަރުން މީރާގައި ރަޖިސްޓްރީކުރުން ވެސް ފަސޭހަ ކޮށްދީފައި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަނާ
03 February 2017
ތިހެން އެމީހުން ބުނާނެ އެކަމު ދެނަ ކޮށްލާނީ ޖޫރިމަނާ 5މިލިއަނުުން ކޮންމެވެސް އެއްޗެކޭ ކިޔާފަ. މީ ހަމަ ފެނިފަ ހުރި މަންޒަރު. ބަޔާން ހުށަ ނާޅާ ކޮންނެ ދުވަހަކށް 200ރުުފިއާއިން ޖޫރިމަނާ ކޮށްލީ. ކުޑަކުޑަ ޥިޔަފާރިއެއް ކުރަމުން ދިޔަ މީހެއް އެއީ. ޢޭނާއަށް އެގުނު އިރު ފަސްލައްކަ އަރާފަ އޮތީ. މީނާ ބަލިވެސަވި މިކަމާ ވިސްނާ ވިސްނާ. ޢާންމުު ނިކަމެތި ރައްޔިތުން ހަލާކެއްނު ވާނީ.
ނާޝިދު
22 January 2017
ކުދި ވިޔާފާރި ހުއްޓުވުމަކަށްވެސް ގެންނަންޖެހޭ މިބަދަލާއިއެކު.ބޮޑެތި މަހުޖަނުންގެ ޖީބުފުރުން އެންމެ ބޮޑު އިސްކަމެއް ދޭންވީކަމަކީ. ކުދި ވިޔާފާރި އަދި ނިކަމެތި ރައްޔިތުން ލިބޭ ހުރިހާއެއްޗެއް ކުއްޔަށާއި ޓެކްސްތަކަށް ދައްކާފައި ނުކައި ބަނޑަށް މަރުވަންދެން ތިބެންވީ.
ޙަސަން
21 January 2017
ތިޔަ ގޮތަށް މީރާޢިން ބުނި ދުވާޅަކަށް 2700 ނުޖެހޭ ވިޔަފާރިން ޖީއެސްޓީ ދައްކާކަށް ނުޖެހޭނެޔޭ. އެކަމަކު ވަކި ހިސާބަކުން އެބަބުނޭ ޖީއެސްޓީ ބަޔާން ހުށައަޅާފައިނުވާނީ ބޮޑެތި އަދަދުތަކުން ޖޫރިމަނާއޭ. ޖީއެސްޓީ ދައްކަންޖެހޭނެއޭ. ހަމަ އެފަދައިން މީރާއިން ކުރިން ޖަވާބު ދެމުން ދިޔައީ ބީޕީޓީ ބަޔާން ހުށަހަޅަން ޖެހެނީ ސާފުފައިދާއިން 500000ރ އަށްވުރެ އިތުރުވަންޏާއޭ. މަމީ 3 އަހަރު ވަންދެން އެތަނުގެ ހައެއްކަ މުވައްޒަފުން ގާތުން މައުލޫމާތު އޮޅުން ފިލުވިމީހެއް. އެމީހުންބުނީ ހަމަ އެގޮތަށް . އެކަމަކު އެހަކަށްދުވަހު ކްލިއަރެންސް ރިޕޯރޓެއް ނެގިއިރު އިނީ ބޮޑު ޖޫރިމަނާއެއް. އެހީމާބުނީ ރިޕޯރޓް ހުށަނާޅާތީއޯ. ޢެކަމަކު މިވީ 3 އަހަރު ދުވަހުގެ ތެރޭގައި އެތަނުންނެއް ނެތް އީމެއިލްއެއް އަދި ގުޅާލާފައެއްވެސް . ޖޫރިމަނާވަމުންދާ ކަމެއްވެސް އެގިފައެއްނުވޭ. މިހާރުއޮތަީ ވިޔަވާރި ހުއްޓާލަންޖެހޭ ހިސާބުގައި
އުމަރު
20 January 2017
ކުދިވިޔަފާރިތަކުން ޖީއެސްޓީނެގުންވެސް ހުއްޓުމަކަށް ގެންނަންޖެހޭ، އަދި މީރާއިން ވިޔަފާރިވެރިންގެ ވިޔަފާރީގެ ތެރެއަށް ސީދާގޮތެއްގައިވަދެ ހުދުމުހުތާރު އަމުރުތަށްނެރެ ވިޔަފާރިތަކަށް އަޅަމުންދާ ހުރަސްތަށް ނިމުމަކަށް ގެންނަންޖެހޭ
ސަނީ
20 January 2017
ކުދިއަދިމެދުފަންތީގެ ވިޔަފާރިތަކައް ފަހިކޮއްދިނުމައް މީރާއިން މިހާރުތިދޭ ލުއިތަކައް ވިޔަފާރިވެރިއެއްގެ ހައިސިއްޔަތުން ޝުކުރުދަންނަވަން. މިފަދަ އިތުރު ލުއިތަކަށް އިންތިޒާރ ކުރަން. ހަގީގަތުގަ ފަހާދުވަންވީ ކުދިވިޔަފާރިތައް ފަހާ ނުންކަން ޔަޒީދަށް ވިސްނުނީތީއުފާކުރަން.