ގަތަރާއި ޖަރުމަނަށް ކުރެއްވި ދަތުރުފުޅަށް ފަހު ރައީސް ވަޑައިގެންފި

ރައީސް އިބްރާހިމް މުހައްމަދު ސޯލިހު، ގަތަރާއި ޖަރުމަނަށް ކުރެއްވި ދަތުރުފުޅު ނިންމަވާލެއްވުމަށް ފަހު މިއަދު މާލެ ވަޑައިގެންފި އެވެ.

މިދިޔަ ހަފުތާގައި ފެއްޓެވި އެ ދަތުރުފުޅުގައި އެ މަނިކުފާނު ވަނީ އެ ގައުމުތަކުގެ އިސްވެރިންނާ ބައްދަލުކުރައްވައި މަތީ ފަންތީގެ ބައްދަލުވުންތަކުގައި ބައިވެރިވެވަޑައިގެންފަ އެވެ. އަދި އެ މަނިކުފާނު ވަނީ ދޯހާގައި ކުރިޔަށްދިޔަ އދ.ގެ އެންމެ ކުޑަކޮށް ތަރައްގީވެފައިވާ ގައުމުތަކުގެ ފަސްވަނަ ކޮންފަރެންސްގެ ޖެނެރަލް ޑިބޭޓްގައި ވާހަކަފުޅު ދައްކަވައި، އ.ދގެ ސެކްރެޓަރީ ޖެނެރަލް އެންޓޯނިއޯ ގުޓާރޭޒްއާ ބައްދަލުކުރައްވައިފަ އެވެ.

ހަމަ އެއާ އެކު މި ދަތުރުފުޅުގައި ރައީސް ވަނީ ސޭޝެލްސްގެ ރައީސާއި ފަލަސްތީނުގެ ރައީސާއި ޑިމޮކްރެޓިކް ރިޕަބްލިކް އޮފް ޓިމޯ-ލެސްޓޭގެ ރައީސާއި އދ.ގެ އެންމެ ކުޑަކޮށް ތަރައްގީވެފައިވާ ގައުމުތަކުގެ ގުރޫޕުގެ ޗެއާ އަދި މަލާވީގެ ރައީސްގެ އިތުރުން އދ. ގެ އެންމެ ކުޑަކޮށް ތަރައްގީވެފައިވާ ގައުމުތަކުގެ ފަސް ވަނަ ކޮންފަރެންސްގެ ހަވާސާގައި ސާބިއާގެ ރައީސާ ވެސް ބައްދަލުކުރައްވައިފަ އެވެ.

މި ބައްދަލުކުރެއްވުންތަކުގައި އެ މަނިކުފާނު ވަނީ ރާއްޖެ އާއި އެގައުމުތަކުގެ ދެމެދުގައި އޮތް ގާތް ގުޅުމާ ބެހޭ ގޮތުން ވާހަކަ ދައްކަވައި އިތުރަށް ގުޅުން ބަދަހިކުރެއްވުމާ ބެހޭގޮތުން މަޝްވަރާކުރައްވައިފަ އެވެ.

Raees, Qatar aai Serbia adhi Germany ah

The most trusted news source in the Maldives

Mihaaru

ރައީސްގެ މި ދަތުރުފުޅުގައި ދެވަނަ މަންޒިލެއްގެ ގޮތުން ވަޑައިގެންނެވީ ޖަރުމަންވިލާތަށެވެ. އެ މަނިކުފާނު ޖަރުމަނަށް ކުރެއްވި ދަތުރުފުޅުގައި ރައީސްގެ އަނބިކަނބަލުން ފަޒުނާ އަހުމަދު ވެސް ބައިވެރިވެވަޑައިގަތެވެ.

ރައީސްގެ ދެކަނބަލުން ވަނީ ޖަރުމަންގެ މެސޭ ބާލިންގައި އޮތް ޓޫރިޒަމްގެ އެންމެ ބޮޑުފެއާ ކަމުގައިވާ، އިންޓަނޭޝަނަލް ޓުއަރިޒަމް ބޯސޭ (އައިޓީބީ) ބާލިން ފެއާއަށް ޒިޔާރަތް ކުރައްވައިފަ އެވެ.

މި ދަތުރުގައި ޖަރުމަނުގައި ހުންނަވާ ރާއްޖޭގެ އޮނަރަރީ ކޮންސުލް ޖެނެރަލް، ކްރިސްޓިއަން ފޮން ސްޓެޓެން އަދި އޮނަރަރީ ކޮންސުލް، އެންޑްރިއާސް ޕީޓާ ވިއްޓެ ވަނީ ރައީސްގެ އަރިހަށް އިޙްތިރާމްގެ ޒިޔާރަތެއް ކުރެއްވި އެވެ. އަދި މި ދަތުރުފުޅުގެ އެންމެ ފަހުގެ ރަސްމީ ބައްދަލުވުމެއްގެ ގޮތުން ރައީސް ވަނީ ޖަރުމަނުގެ ރައީސާ ވެސް ބައްދަލުކުރައްވާފަ އެވެ.