ވިލިމާލޭގައި އެމްޓީސީސީން ބަހުގެ ހިދުމަތް ފެށުމަށް ޖެނުއަރީ މަހު ބޭއްވި ރަސްމިއްޔާތުގެ ތެރެއިން އާޒިމް : އެ ރަށުގައި ޕަބްލިކް ޓްރާންސްޕޯޓްގެ ދެ ހިދުމަތް ދިނުމާ ބެހޭގޮތުން ގޮތް ނިންމާނީ ސަރުކާރުން ކަމަށް އޭނާ ބުނޭ --- ފައިލް ފޮޓޯ: ފަޔާޒު މޫސާ
12 މާޗް 2023 - 13:30
53 comments
ވިލިމާލޭގައި ސިޓީ ކައުންސިލުން ބަގީގެ ހިދުމަތް ކުރިއަށް ގެންދިޔަ ނަމަވެސް، އެމްޓީސީސީން ބަހުގެ ހިދުމަތް ކުރިއަށް ގެންދާނެ ކަމަށާއި ދެ ހިދުމަތް އެ ރަށުގައި ކުރިއަށް ގެންދާނެތޯ ނިންމާނީ ސަރުކާރުން ކަމަށް، އެމްޓީސީސީގެ ސީއީއޯ އާދަމް އާޒިމް ވިދާޅުވެއްޖެ އެވެ.
ވިލިމާލޭގައި އެމްޓީސީސީން ވަނީ ޖެނުއަރީ މަހު ބަހުގެ ހިދުމަތް ފަށައިފަ އެވެ. މިހާރު ސިޓީ ކައުންސިލުން ވަނީ ބަގީގެ ހިދުމަތް ކުރިއަށް ގެންދިއުމަށްޓަކައި މިދިޔަ ހުކުރު ދުވަހު ބަގީތައް ގެންގޮސްފަ އެވެ.
ވިލިމާލޭގައި އެމްޓީސީސީން ބަހުގެ ހިދުމަތް ފަށަން ބަސްތައް އެ ރަށަށް ގެންދިއުމުން، ސިޓީ ކައުންސިލުން މައްސަލަ ފުލުހަށް ވެސް ހުށަހެޅި އެވެ. އެއީ ކައުންސިލްގެ ހުއްދަ ނެތި ވެހިކަލްތައް އެ ރަށަށް އެރުވި ކަމަށް ބުނެ އެވެ.
މާލެ އާއި ހުޅުމާލޭގައި ވެސް ބަހުގެ ހިދުމަތް ކުރިއަށް ގެންދާ އެމްޓީސީސީގެ މެނޭޖިން ޑިރެކްޓަރު އާޒިމް "މިހާރު" އަށް ވިދާޅުވި ގޮތުގައި ވިލިމާލޭގައި ބަހުގެ ހިދުމަތް ކުރިއަށް ގެންދަން ސަރުކާރުން އެމްޓީސީސީ އާ ހަވާލު ކުރީ ޒަމާންތަކެއް ވަންދެން ވިލިމާލޭގެ ދަތުރުފަތުރުގެ މައްސަލަ ހައްލު ނުވެ އޮތުމުންނެވެ.
ވިލިމާލޭގައި އެމްޓީސީސީން ބަހުގެ ހިދުމަތް ފެށުމަށް ޖެނުއަރީ މަހު ބޭއްވި ރަސްމިއްޔާތުގެ ތެރެއިން --- ފައިލް ފޮޓޯ: ފަޔާޒު މޫސާ
"ވިލިމާލޭގައި ޒަމާންތަކެއް ވަންދެން އޮތް މައްސަލައަކަށް އެމްޓީސީސީން ހައްލު ހޯދައިދިނީ. ރައްޔިތުންނަށް ލިބެމުންދާ ފަސޭހައެއް ހުއްޓާލަން ސަރުކާރުން އަންގާނެ ހެނެއް ހިއެއް ނުވޭ،" އާޒިމް ވިދާޅުވި އެވެ.
މާލެ އާ ވަކިން އޮތް ކުޑަ ރަށެއްގައި ދެ ފަރާތަކުން ޕަބްލިކް ޓްރާންސްޕޯޓްގެ ހިދުމަތް ދިނުމަކީ ފީސިބްލް ކަމެއްތޯ އެހުމުން އާޒިމް ވިދާޅުވީ އެކަން ނިންމާނީ ސަރުކާރުން ކަމަށެވެ.
"ސަރުކާރުން ދެއްތޯ އެކަން ނިންމާނީ. އަޅުގަނޑުމެންނަކީ ސާވިސް ޕްރޮވައިޑާ، އަޅުގަނޑުމެން މިތިބީ ހުއްޓާލާ ގޮތަކަށް ނޫން. އެކަމަކު ހިދުމަތް ކުރިއަށް ގެންދަން ނުފެނެޔޭ ސަރުކާރުން ބުނާ ހިސާބުން އަޅުގަނޑުމެން ހުއްޓާލާނަން. އަޅުގަނޑަކަށް ހީއެއް ނުވޭ ސަރުކާރުން އެގޮތަށް އަންގާނެ ހެނެއް،" އާޒިމް ވިދާޅުވި އެވެ.
ސިޓީ ކައުންސިލުން ނިންމާފައި ވަނީ ރޯދަ މަހާއި ފިތުރު އީދު ނިމެންދެން ބަގީގެ ހިދުމަތް ހިލޭ ދިނުމަށެވެ. ދެ ބާވަތެއްގެ ޕަބްލިކް ޓްރާންސްޕޯޓެއް ވިލިމާލޭ ކުރިއަށް ގެންދިއުމާ ބެހޭގޮތުން މާލޭގެ މޭޔަރު މުހައްމަދު މުއިއްޒުގެ ބަހެއް ހޯދަން ކުރި މަސައްކަތް އޭނާ ޖަވާބު ނުދެއްވާތީ ކާމިޔާބެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1206
14 March 2023
ސޯލިހު ސަރުކާރުގެ ސިޔާސަތު ދޯހަޅިކަން އަންގައި ކަމެެއް. ލިޔާ މީހުން، ސަރުކާރު ދެކެ ގަންނާ ކުރައްވާ ބިރަކުން ނުވަތަ އޮބްޖެކްޓިވިޓީ ގެއްލިފައިވާތީ، އާންމު މަސްލަހަތު ދިފާޢުކޮށްލާނެ ބަޔަކު ނެތް. ސިޔާސަތު ދޯހަޅިވީމާ ގެއްލި އިސްރާފަށް މިދަނީ ނުފޯރާ ފޮތިން ފޫގަޅައިގެން ރައްޔިތުން ލޮލުން ބޮލުން ލެޔާއި ދާ އޮހޮރުވައިގެން ދައްކާ ޓެކުހު ފައިސާ. ނެތް ނަމަ އމާނާތުގެ ބަހެއް ބުނެލާނެ ފުރާނަ އެއް، ދެން ހަމަ ޚިޔާނާތުގެ ފެތުރި ގެންދާނެ މިވަބާ އެއް،
ދީމާ ސަވާދު
13 March 2023
ވިޔަފާރަވެރިން ބަހަކަށް ނާރާނެ. މުދާ ގެންދަން ހާއްސަ ބަހެއް ނެތަ. އާއްމުންވެސް އަރާލެއް މަދުވާނެ. ސަބަބަކީ ގެޔާ ހަމަޔަށް ނުދާނެ. މިހުރިހާ ކަމެއް ވަނީ ބަގީން. ބަގީ އަކީ ގިނަ ބަޔެއްގެ ޗޮއިސް އަށް ވާނެކަން ޔަގީން.
ޒިހުނަތް
13 March 2023
އަހަރުމެންނަކީ ދަރިން ގޮވައިގެން އުޅޭމީހުން. އަހަރުމެން މިހާރު ބަހަށް އަރަނީ އިތުރު ޗޮއިސްއެއް ނެތީމަ. މިހާރުވެސް ބަސް މަޑުކުރަނީ ގެޔާ ނުލާހިކު ދުރަށް. މަށެއް ދެން ހަމަ ޔަގީނުންވެސް ބަގީގެ ހިދުމަތް ފެށީމަ ނާރާނަން ބަހަކަށް.
ހުޝާމް ޝާފިއު
13 March 2023
ބަގީގެ ހިދުމަތް ފެށުމުން ބަހަށް އަރާނެ ބަޔަކު ނުވާނެ. ބަޔަކާ ޖައްސާލައިގެން ތިކުރީ ވަރަށް ބޮޑު އިސްރާފެއް، މިހާރު އެކަންވެސް އާދަމް އަޒިމަށް އެގިލައްވާނެ.
މަފް
15 March 2023
އާރުޓީއެލް ހިދުމަތްދޭ އެތައްތަނެއް އެބައޮތް. ބަސްތައް ގެންދެވިދާނެ.
ޒިމާމް އަބްދުﷲ
13 March 2023
ބަޔަކު ކިތަންމެ ގަބޫލްކުރަން ބޭނުން ނުވިޔަސް ބަހަކީ މާލެއަށްވެސް ކަމުދާ އެއްޗެއް ނޫން. މާ ސައިޒުން ބޮޑު. ބަގީ މާ ބޮޑަށްވެސް މާލެއަށްވެސް ރަނގަޅުވާނެ. މިކަމަށް ވިސްނުން މުހިއްމު.
ހަސަން ޝާކިރު
13 March 2023
އަޅުގަޑަކީ ޑރ.މުޢިއްޒް އަށް ތާއިދުކުރާ މީހެއް ނޫން،. އެކަމަކު މިކަމުގައި ބުނެވޭނީ ބަގީއޭ ވިލިމާލެއަށް ކަމުދަނީ. ސަބަބަކީ އަޅުގަޑު 4 އަހަރު ވިލިމާލޭގައި އުޅުނު އިރުގެ ތަޖުރިބާއާ އެކު މިބުނަނީ.
އަހުމަދު ނިޝާދު
13 March 2023
ބަސް ޕޮއިންޓަށް ކޮންމެ ފަހަރަކު ދިޔުމުގެ ބަދަލުގައި އާންމުންގެ ގެތަކަށް ދޮރުން ދޮރަށް ބަގީތައް ދަންޏާ ބަގީތައް މާ ސަޅި. ބޭނުމީ ވީހާވެސް ލުއި ފަސޭހަ ގޮތެއް.
ކެރެޓް
13 March 2023
އާން. ގޭގެ ސިޓިންގްރޫމްގައި އިންދާ އުފުއްލާ ލައިގެން ގެންގޮސް ބަގީއަށް އެރުވީމައި އަދި މާ ލުއި ފަސޭހަވާނެ. ކަންނެތްކަން ދޯ!
ރަދީފްއޮފިޝަލް
13 March 2023
އެމްޓީސީން ނުހުއްޓާނަމޭ ބުންޏަސް ރައްޔަތުން ވާންކޮށފްިނަމަ ޖެހޭނީ ބަސްތައް ޕާކްކުރަން.ގިނަ ރައްޔަތުން ބަހުގެ ހިދްމަތް ބޭނުން ނުކުރާނަމަ ގައިމު ބަހެއް ނުދުއްވާނެ.ދެން އޮތް ގޮތަކީ ޓްރާންސްޕޯޓް މިނިސްޓްރީން ހުދްމުހްތާރުގޮތަކަށް އަމަރުކުރަންވީ ބަގީ ނުދުއްވޭނެކަމަށް.މ 2 ގޮތުންކުރެ ގޮތެއް މެދުވެރި ވެއްޖެނަމަ އެބަޔަކު ޖެހޭނީ ވެހިކަލްތައް ޕާކްކުރަން.އަހަރުމެން މިތިބީ ކުޅިވަރުބަލަން.ވ.ވެދުން
މޫސާ ރިއްފަތު
13 March 2023
ބަގީ އަގުވެސް ރަގަނޅު އަނެއްކާ ސީދާ ގޭ ކައިރިޔަށް ބަގީ ކައިރިކޮށްލާނެ ދެން ކޮން ބަސް ތަކެއް ތި އެތެރެ ކުރަނީ
ޢަހުމަދު އިގްބާލު
13 March 2023
އަހަރުމެންނަށް މުހިއްމީ ބަގީ ވިލިމާލޭގަ ބަސް ދުއްވީމަ ހާދަ އުނދަގުލެއްވާނެޔޭ ހަމަ ނުވިސްނެނީބާ