ވިލިމާލޭގައި ބަގީއެއް ދުއްވާފައި ދަނީ: ބަގީގެ ހިދުމަތް ދޭން އަމިއްލަ ކުންފުންޏަކާ އެކު ހެދި އެއްބަސްވުން ބާތިލްކުރި މައްސަލާގައި ސިވިލް ކޯޓުން މިއަދު ވަނީ ވަގުތީ އަމުރެއް ނެރެފައި. --- ފޮޓޯ/މިހާރު
13 މާޗް 2023 - 17:07
17 comments
ވިލިމާލޭގައި ބަގީގެ ހިދުމަތް ދޭން އަމިއްލަ ކުންފުންޏަކާ އެކު ހެދި އެއްބަސްވުން މާލޭ ސިޓީ ކައުންސިލުން ބާތިލްކުރި ނިންމުމަށް އަމަލުކުރުން ފަސްކުރަން ސިވިލް ކޯޓުން މިއަދު އަމުރުކޮށްފި އެވެ.
ވިލިމާލޭގައި ބަގީގެ ހިދުމަތް ދޭން ނައިންޓީ 9 ހޯލްޑިންގްސްއާ އެކު ހެދި އެއްބަސްވުން މިދިޔަ އަހަރުގެ އޮގަސްޓް މަހު ކައުންސިލުން ބާތިލް ކުރުމަށްފަހު، އެ އެއްބަސްވުމުގެ ދަށުން އެ ކުންފުންޏާ ހަވާލުކުރި ބިންތައް އަނބުރާ ދޭން އެންގި މައްސަލަ އެ ކުންފުނިން އޮތީ ކޯޓަށް ހުށަހަޅައިފަ އެވެ.
ސިޓީ ކައުންސިލްގެ ނިންމުމަށް އަމަލުކުރުން ފަސްކުރުމުގެ އަމުރަކަށް އެ ކުންފުނިން އެދުމުން ކޯޓުން މިއަދު ނެރުނު އަމުރުގައިވަނީ އެ އެއްބަސްވުމުގެ ދަށުން ނައިންޓީ 9 ކުންފުންޏަށް ދޫކުރި ބިންތަކުގައި އެ ކުންފުނިން ބޮޑެތި އިންވެސްޓްމަންޓްތަކެއް ކޮށްފައިވާ ކަމަށެވެ.
ވިލިމާލޭގެ ބަގީގެ ހިދުމަތް ފަށަން ސިޓީ ކައުންސިލުން ތައްޔާރުވެފައި: އެމްޓީސީސީން އަންނަނީ ބަހުގެ ހިދުމަތް ވެސް ވިލިމާލޭގައި ދެމުން.
ސިވިލް ކޯޓުގެ އަމުރުގައިވަނީ އެ ކުންފުންޏަށް ލިބޭ ގެއްލުމާއި ސިޓީ ކައުންސިލަށް ލިބޭ ގެއްލުން ވަޒަން ކުރަން އުނދަގޫ ކަމަށެވެ. އެހެންވެ، މި ހާލަތުގައި ދެން އަމަލު ކުރަން ޖެހޭނެ ގޮތަކީ ހައި ކޯޓުން ނިންމާފައިވާ ފަދައިން ކުރިން އޮތް ހާލަތު (ސްޓެޓަސް ކޯ) ދެމެހެއްޓުން ކަމަށް އަމުރުގައިވެ އެވެ.
އެހެންވުމުން އެ މައްސަލަ ކޯޓުން ނިމެންދެން ނުވަތަ އެހެން ގޮތަކަށް އަންގަންދެން ބަގީގެ ހިދުމަތް ދިނުމުގެ އެއްބަސްވުން ބާތިލްކުރި ނިންމުމަށް އަމަލުކުރުން ފަސްކުރަން އެންގީ ކަމަށް އެ އަމުރުގައިވެ އެވެ.
ސިވިލް ކޯޓުން އެގޮތަށް އެންގިއިރު، ސިޓީ ކައުންސިލުން އަމިއްލައަށް ވިލިމާލޭގައި ބަގީގެ ހިދުމަތް ދޭން ނިންމައި، އެކަމަށް ބޭނުންވާ ބަގީތައް މިހާރު ވަނީ ހޯދައިފަ އެވެ. އަދި މި ހަފުތާގައި ބަގީގެ ހިދުމަތް ދޭން ފަށާނެ ކަން އޮތީ އިއުލާންކޮށްފަ އެވެ.
އަނެއްކޮޅުން އެމްޓީސީސީން ވަނީ ވިލިމާލެއަށް ބަހުގެ ހިދުމަތް ތައާރަފްކޮށް، އެ ހިދުމަތް ދޭން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
14 March 2023
ކުރޮޅި ކުރޮޅި ކުރޮޅި..... މަރުކަޒީ ސަރުކާރުން އަންގައިގެން ރާއްޖޭގެ އަގުވައްޓާލަނީ ދޯ؟
ަގަމާރު
14 March 2023
ބަގީހިދުމަތްދޭގޮތަށް ބިންތަށްދިނީމައި ބަގީގެ ހިދުމަތްނުދީ އެބިންތަކުގައި ބޮޑެތިތަންތަންހަދައި ކުއްޔަށްދީގެންނާއި ވިޔަފާރިކޮއްގެން ފައިދާހޯދަމުންދަނީ އެގްރިމަންޓުގެ އެއްބައިކޯޓަށްފެއްނަނީ
ނަންރީތިދޫދު
13 March 2023
މޭޔަރއޭ ގެ މިހާރުގެ މައިގަޑުއަމާޒަކީ މައްސައްކަތަކީ ޕްރައިމަރީއަށް ވަގައްވަގަޖަހަގެން ހުރެ ފާރޓީ ކުދިންނަށް އެކިނަންނަމުގައި ވަޒީފާ އާއި ކަޓްތައް ހޯދާދިނުން . އެމައްސަކަތް މޭޔަރ ވަރައް ސްމޫތުކޮށް ހައްޕު ކިޔުއްވައިގެން ހުރެ އެބަބާރައް ކުރިޔަޢްގެންދޭ . މޭޔަރ އެންމެފަހުން އަދުރޭއަށްވެސް އަތުނުވާނެ
އަޑަފި
13 March 2023
ތިޔަ އަމުރުން ވަރަށްބޮޑަށް، މިސަރުކާރުގެ ނުފޫޒުގަދަ ބޭފުޅުންގެ ވަސް ދުވާހެން އެބަ ހީވެއެވެ.
މަޒް
14 March 2023
ޕީޕީ ކުދިނަށް ދުވާނެ ވަސް
ތައްޓޭ
13 March 2023
ހިތާމަޔަކީ އެއްވެސް ސަރުކާރަކުން ޕުލޭނެއްނެތި ކަންކަންކުރަން އުޅުން މިއަދު ހެދުނުހޭލާފަ ހިތައްއެރީ މިތަނުގައި އެތައްމިލިއަނެއް ޚަރަދު ކޮށްގެންނޭ ސިޔާސީ ގޮތުން ފައިދާއެއްލިބޭނީ، ސިޓީކައުންސިލުންވެސް ކުރަންޖެހޭ އެތައްކަމެއް ހުރިއިރު އެއިންއެއްވެސް ކަމަކަށް ބެލުމެއްނެތި ތެޅިގަތީ އަވަހަށް އެތާގައި ދިރިއުޅޭ މީހުންގެ ކިބައިން ސިޔާސީ ފައިދާއެއް ލިބޭތޯ، މިސްކިތްތައް މަރާމާތު ކުރަންވީމަ ސަލާމް ޖަހަނީ، ބަގީ ގަންނަންވީމަ ބަޖެޓްހުރޭ
1206
13 March 2023
މި މައްސަލައިގައި އާންމުންގެ ރައުޔެއް ކޯޓުން އަހަންޖެހޭ. ކުރިއަރާފައި ގައުމުތަކުގައި ކުރެވޭ ޝަރީޢަތްތަކުގައި އާންމު މަސްލަހަތު ހިމެނޭ މައްސަލަތަކުގައި، މައްސަލައިގެ ޚަސްމުން ތެރޭ އާންމުން ނުހިމެނު ނަމަވެސް ތަދައްޚުލު ވުމުގެ ފުރުޞަތު އޮންނާނެ. 99 ހޯލްޑިންގސްއަކީ ކަނޑައެޅިފައި ގޮތަށް އާންމުނަށް މިޚިދުމަތް ފޯރުކޮށްދިން ބަޔެއް ނޫން. މި ޚިދުމަތް ދިނުމުގެ ނަމުގައި އެ ކުންފުންޏަށް ގިނަގުނަ ނާޖާއިޒް މަންފާތަކެއް ލިބިފައިވޭ. އޭގެ ބަދަލު ލިބެންޖެހޭނެ.
ނަސީހު
13 March 2023
ބަގީ ޑްރަައިވަރުން ބޭނުންތޯ
ރެޓޭ
13 March 2023
ކޯޓުތައް ހާދަހާވާ ފައްކަލޭ! އިއްތިފާގުން ޓައިމްވެސް އެބަ ދިމާވޭ!
ބޮޑުމީހާ
13 March 2023
ސަރުކާރަކަސް، އެމްޓީސީއަކަސް، ސިޓީ ކައުންސިލަކަސް ތަސައްރަފު ފުދިފަތިބޭ ބޮޑެތި ފިރިހެނުން ކުރާވަރުގެ ކަންތައްތަކެއް ނޫން މީ. މިގައުމުގަ ލާރި ގިނަވެގެން ނޫން މިއުޅެނީ. ދެން ވިލިމާލޭގައި ދަތުރުފަތުރުގެ ހިދުމަތްދޭނީ ކޮންބައެއް ކިހިނެއްތޯ ދައުލަތުގެ މުދަލާ ލާރި އިސްރާފް ނުވާނެހެން މިކަންކަން ކުރެވެންޖެހޭނެ!
ބަޑިތަކުރު ވިހެއި ރޭ އަލަފަތް އައިގޮތަށް
13 March 2023
ވިލިމާލެއަށް ތިއޮތީ "ބަޑިތަކުރު ވިހެއިރޭ އަލަފަތް އައި ގޮތަށް" އެއްގަމު އުޅަނދު ލިބިފައެވެ.