އެމްޑީއޭ އިން ބޭއްވި ގައުމީ މަޖިލިހުގެ ޖަލްސާގެ ރިޔާސަތު އެ ޕާޓީގެ ރައީސް ސިޔާމް ބަލަހައްޓަވަނީ.---ފޮޓޯ | އެމްޑީއޭ
19 މާޗް 2023 - 11:23
16 comments
ރައީސް އިބްރާހިމް މުހައްމަދު ސޯލިހްގެ ދެ ވަނަ ދައުރަކަށް އެމްޑީޕީ އާއި އެމްޑީއޭ އިން ހަދާ ކޯލިޝަންގައި އިންތިހާބު ކާމިޔާބުކުރަން އެއްބާރުލުމަށް އެ ޕާޓީގެ ލީޑަރު އަހްމަދު ސިޔާމް ރޭ އެދިވަޑައިގެންފި އެވެ.
ރައްޔިތުންގެ މަޖިލީހުގައި ސިޔާމް ނިސްބަތްވެވަޑައިގަންނަވާ ދާއިރާގެ އިސް ބޭފުޅުންނާ އެކު ބޭއްވި މާހެފުމުގައި އޭނާ ވަނީ އިންތިހާބުގައި ވާދަކުރެއްވުމުގެ ވިސްނުން ދޫކޮށްލައްވައި ކޯލިޝަނަކަށް ދާން ނިންމި ސަބަބު ތަފްސީލްކޮށްދެއްވައިފަ އެވެ. އޭގެ ފަހުން އެދިވަޑައިގަތީ، އިންތިހާބު ކާމިޔާބުކޮށްދޭން މަސައްކަތްކޮށް ދިނުމަށެވެ.
އެމްޑީއޭގެ ނައިބު ރައީސް އަލީ މައުރޫފް ވިދާޅުވީ ރައީސް އިބްރާހިމް މުހައްމަދު ސޯލިހްއާ އެކު ކޯލިޝަނެއްގައި 2023 ކާމިޔާބުކުރުމުގެ މަޝްވަރާތައް އެކި ދާއިރާތަކާ އެކު ކުރަމުން އަންނަ ކަމަށެވެ. މި އިންތިހާބު ކާމިޔާބުކުރުމަކީ ގައުމާއި ރައްޔިތުންނަށް މުހިއްމު ކަމެއް ކަމަށް ސިޔާމް ވިދާޅުވި ކަމަށް މައުރޫފް ވިދާޅުވި އެވެ.
"އެދިވަޑައިގަތީ ޕާޓީގެ ފަރާތުން މުހިންމު ކަމެކޭ ކޯލިޝަނަށް އެއްބާރުލުން ދިނުން،" މައުރޫފް ވިދާޅުވި އެވެ.
"ހާލަތަށް މި ވަގުތަށް ބަލާފައި ނިންމެވީ މުނާސަބު ވަގުތު ނޫން ކަމަށް ރިޔާސީ އިންތިހާބުގައި ވާދަކުރަން. އެހެންވީމަ މަސައްކަތް ކުރައްވާނީ ގައުމަށް އެންމެ ފައިދާހުރި ހަމަޖެހުން ބޮޑު ގޮތަކަށޭ. އެގޮތުގައި ޕާޓީ އާއި ސްޓްރޯންގް ދާއިރާތަކުން މަސައްކަތް ކޮށްދެއްވަން އެދިވަޑައިގަތީ."
މައުރޫފް ވިދާޅުވި ގޮތުގައި ކޯލިޝަން އެގްރިމަންޓް އެކުލަވާލަން މިހާރު އަންނަނީ މަޝްވަރާކުރަމުންނެވެ. އެ އެގްރީމަންޓުގައި އެމްޑީއޭއަށް ރަނގަޅު ގޮތްތަކެއް ހަމަޖެހިގެން އަންނާނެ ކަމަށް އުއްމީދުކުރައްވާ ކަމަށް ވެސް ވިދާޅުވި އެވެ.
ރިޔާސީ އިންތިހާބުގެ ދެ ވަނަ ދައުރަކަށް ކޯލިޝަން ހެދުމުގެ ދައުވަތު މި ސަރުކާރު ހިންގާ ކޯލިޝަން ޕާޓީތަކަށް ރައީސް އިބްރާހިމް މުހައްމަދު ސޯލިހް ވަނީ ދެއްވައިފަ އެވެ. އޭގެތެރެއިން މިހާތަނަށް ކޯލިޝަނަށް އެއްބަސްވީ އަދާލަތުންނެވެ. ޖުމްހޫރީ ޕާޓީން ނިންމީ ވަކިން ވާދަކުރުމަށެވެ. އެމްއާރުއެމް އިން ވަކި ގޮތެއް އަދި ނުނިންމަ އެވެ.
އެމްޑީޕީން ޕާޓީތަކާ އެކު ކޯލިޝަން ހަދަން ދައުވަތު ދީފައިވާ އިރު ރިޔާސީ ޕްރައިމަރީއަށް ފަހު ޕާޓީ ތެރެ އޮތީ ދެބައިވެފަ އެވެ. ރައީސް ސޯލިހްގެ ދެވަނަ ދައުރަކަށް ތާއީދުނުކުރައްވާނެ ކަމަށް ވިދާޅުވެ ޕާޓީގެ ރައީސް މުހައްމަދު ނަޝީދު ގެންދަވަނީ ޖުމްހޫރީ ޕާޓީގެ ލީޑަރު ގާސިމް އިބްރާހިމަށް ތާއީދުކުރައްވާނެ ކަމަށް ނުސދާކޮށް ހާމަކުރައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަނަފަރު މީހެއް!
24 March 2023
އެއްބާރުލުން ދޭން މިބުނަނީ މުޅި ދައުރުގަ މަޖްލިސްގެ ޖަލްސާތަކައް 2 ދުވަހު ހާޒިރު ވިމީހާ! އެއީ ވެސް އަމިއްލަ ފައިދާ އައް ވޯޓެއް އަނބުރާލަންވެގެން! ތިހެން ބުނީތީވެސް އެއްބާރުލުމެއް ނުދޭނަން!
ތައްތީ
20 March 2023
5 އަހަރުގެ ދައުރެއް ނިމެންދެން ކޯލިޝަން ދެމެހެއްޓުނީ މިހާތަނަށްް އިބޫއަށް އެކަނި، އެކަމަކު އަނެއް ދައުރަށް ކުރަމަތިލާއިރު މިތިބީ ކިރިޔާ މެމްބަރުން ހަމަވާ އެމްޑީއޭ އާއި އަދާލަތު، އެމްއާރއެމް އަކީ 10 ހާސް މެމްބަރުން ހަމަވާ ޕާޓީއެއްވެސް ނޫން. ކިރިޔާވެސް މެމްބަރުން ތިބި ޖޭޕީއިން އިބޫ ދޫކޮށް އަންނި އަށް ސެޓް ވެއްޖެ. އެހެންވީމަ މިމީހުންމެދުގައި ވެވޭ އެއްބަސްވުމެއް ދެމެހެއްޓިޔަސް ލިބޭ ވަކި ރަނގަޅެއް ނެތް. އަމިއްލަ އެދުމާއިގެން އެންމެންވެސް
ދޮންޑު
19 March 2023
ޢިބޫ ވީ ރާއްޖޭގައި އުޅޭ ހުރިހާ ސިޔާސީ ޕާޓީތަކައް ކޯލިޝަން ހަދާ ދައުވަތުދޭން، އެންމެން ގުލިއްޖެޔާ ގައިމުވެސް ހޮވޭނެ.
ނުޖެހޭނެއޭ
19 March 2023
ނުޖެހޭ ރައީސް އިބޫ އަށް އެއްބާރުލުން ދޭން ނުޖެހޭނެއޭ
ރައްޔިތުކަލޯ
19 March 2023
ސިޔާމް ޕީޕީއެމްއާ އެކު ކޯލިޝަން ހަދައިގެން އުޅުނުއިރު ވެސް މުއައްޒަފުންގެ ކިބައިން ވެސް އެދުނީ މިކަން. 2013ގެ ރިޔާސީ އިންތިޚާބުގަ ވެސް ގިނަ ބަޔަކު އެމްޑީޕީ އަށް ވޯޓުދިންކަމަށް ރިސޯޓް ގަ ކިޔާ އަޑުއެހިން. އާންމު ގިނަ މެންބަރުން ގެ ތާއީދާ ދެކޮޅަށް ނުކުމެގެން ކޮންމެފަހަރަކު ކާމިޔާބެއް ނުލިބޭނެ.
ގުދުގުދުލީބެއްޔާގެ ތެދުބަސް
19 March 2023
ޝިޔާމު މިހުރީ ވަރަށްބޮޑަށް ރިލޯޑުވެފާ. އަހުދުތަކާ ޚިލާފުވެ ދަރަނިވެރިވީމާ ދެން ގޮތެއްނޯންނާނެތާ!
ބޮޑުމީހާ
19 March 2023
އަމިއްލަ ޕާޓީގެ އެތައް ބަޔަކު ވޯޓް ނުދޭ ކެނޑިޑޭޓަކު ކުދި ޕާޓީތަކާއިއެކު ކޯލިޝަނެއް ހަދައިގެން ވެރިކަމަށް ކުރިމަތިލުމަކީ މޮޔަކަމެއް!
އެފައިސާ މި ފައިސާ
19 March 2023
ސަރުކާރުން ޝިޔާމަށް ދޫކުރިސިޔާދަތުގެ ދަރަނި އަނބުރާ ނުދެއްކިގެން ކޮވިޑްރޯގާތެރޭ ސަރުކާރު މެދުވެރިވެގެން ބޭންކު އޮފް މޯލްވްސް އިން ދޫކުރި 10 މިލިއަން ޑޮރުގެ ސަބަބަބުން އަދި ވެސް މިއުޅެނީ އެތަކުލީފުން އަރައިނުގަނެވިގެން. އަދިވެސް ރައްޔިތަކަށް ލިބެނީ 200 ޑޮލަރު... އަދިވެސް މިއުޅެނީ އެފައިސާތައް ނުދައްކާ ވާނެގޮތެއް ހޯދަން..... މިސަރުކާރު ނޫންގޮތެއް ހޯދަން މަޖުބޫރު
އައްދީމު
19 March 2023
ޝިޔަމު ތިޔައެރީ ނުބައި ފަޅިއަށް
ލޮލީބެ
19 March 2023
ކިތައްމެ ވަރަކަށް އެދުނަސް ތިކަމެއް ނުކޮށް ދެވޭނެ