ބޮޑުތަކުރުފާނު މަގުން ތާރު ހަލާކުވެފައިވާ ތަންތަނަށް ސިމެންތި އަޅައިފި

ބޮޑުތަކުރުފާނު މަގުގެ ސްޓެލްކޯ ބަސް ސްޓޮޕް ކުރިމަތީ ހެދިފައިވާ ވަޅުގަނޑުތަކަށް ސިމެންތި އަޅާފައި: ސިޓީ ކައުންސިލުން ބުނީ އެއީ އާންމުންނަށް ދިމާވެދާނެ އުނދަގުލަކުން ރައްކާތެރި ކުރުމަށް ވަގުތީގޮތުން ސިމެންތި އެޅީ ކަމަށް.-- ފޮޓޯ: ސޯޝަލް މީޑިއާ

ފާތިމަތު އަޖްފާން، މިހާރު

20 މާޗް 2023 - 14:28

20 comments

މާލޭގެ ބޮޑުތަކުރުފާނު މަގުގައި ތާރު އަޅާފައިވާ ސަރަހައްދުން ހަލާކުވެފައިވާ ތަންތަނުގައި ސިމެންތި އެޅީ ވަގުތީ ގޮތުން ކަމަށް މާލޭ ސިޓީ ކައުންސިލުން މިއަދު ބުނެފި އެވެ.

ހިނގާބިނގާވެ އުޅޭ މީހުންނަށް އުނދަގޫވާ ވަރަށް މާލޭގެ ބައެއް މަގުތައް ހަލާކުވެފައި ވާތީ އާންމުންގެ ޝަކުވާ ވަރަށް ބޮޑެވެ.

އެ ކައުންސިލުން ބުނީ، ބޮޑުތަކުރުފާނު މަގުން ސްޓެލްކޯ ކައިރީގައި ހަދާފައިވާ ބަސް ސްޓޮޕް ކުރިމަތީ ހެދިފައިވާ ވަޅުގަނޑުތަކާ ހެދި އެ ސަރަހައްދު ބޭނުން ކުރާ މީހުންނަށް ދިމާވެދާނެ ނުރައްކާތެރި އެކްސިޑެންޓުތަކުން ރައްކާތެރި ކުރުމަށައި ދިމާވާ ދަތިތައް ހައްލު ކުރުމަށްޓަކައި ވަގުތީ ގޮތުން ސިމެންތި އަޅައި އެ ވަޅުގަނޑުތައް މިހާރު ބައްދާލާފައިވާ ކަމަށެވެ.

އެ ތަންތަނުގައި ހެދިފައި ހުރި ވަޅުގަނޑުތައް މަރާމާތު ކޮށްދޭނެ ބަޔަކު ހޯދަން ސިޓީ ކައުންސިލުން އިއުލާންކުރީ މިދިޔަ މަހު އެވެ.

މާލޭގައި ހުންނަ ހުޅުމާލޭ ފެރީ ޓާމިނަލުން ފެށިގެން އިންޑަސްޓްރިއަލް ވިލެޖާ ހަމައަށް ބޮޑުތަކުރުފާނު މަގުގައި ތާރު އެޅީ ކުރީގެ ރައީސް އަބްދުﷲ ޔާމީންގެ ވެރިކަމުގަ އެވެ. އެ ހިސާބުގައި ތާރު އެޅީ ސިނަމާލެެ ބްރިޖު ހުޅުވިއިރު، ބްރިޖަށް ދަތުރުކުރާ އުޅަނދުތައް ތޮއްޖެހުނަ ނުދިނުމަށެވެ.

މާލެ ސިޓީ ކައުންސިލް ބޮޑުތަކުރުފާނުމަގު މަގު ހެދުން

20 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑެބީ

21 March 2023

ޓައިލްސް ޖެހިނަމަ ނޫނީ ޕާކޭ ޖަހާލިނަމަ. އެވަރު އަގު ބޮޑިއްޔާ ތަރުފާލު އެޅިނަމަ. ކޯއްޗެެއް ހަނދާންވެގެންތަ ސިމެންތި އެޅީ. ތެމިއްޖެޔާ ފިސާރި ކައްސާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުމޯލުރާޖާ

20 March 2023

މިހާބޮޑަށް ލާހޫރޭސިސްޓަމަކަށް ހިނގާޤައުމެއް މިދުނިޔޭގަވެސް އޮންނާނެހެނެއް ހިޔެއްނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

20 March 2023

ސަރުކާރުން އެތަކެއް މިލިއަން ހަރަދު ކޮށް ގެން އެޅި ބުރިޖް އަދި މަގަށް 5 އަހަރުވާއިރު އެއްވެސް ވަރަކަށް މަރާމާތު ކުރުމެއް ނެތި ހަލާކުވާން ފެށުމުން ސިމެންތި ޕެޗް ތިއަޅަނީ... ކަލޭމެން ލަދުކޮބާ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޯޕައްޓާ

20 March 2023

ތާރުއަޅާފަހުރިއިރު ކުޑަކުޑަ 4 ވަޅުގަނޑުހުރެގެން ކަލޭމެން ކޮމެންޓުކުރަނީ، އަހަރެމެން މިއުޅޭ ރަށުގަ މަގުތަކުގަހުރީ ހުސް ވަޅުގަނޑު، ހަމައަށްހުރީ އެންމެ 4 ތަންކޮޅު. އަހަރީފީ ބަރާބަރަށްނަގާ.