ވެލްނަސް މެޓާސްއާ ގުޅިގެން ބަައެއް ރަށްރަށުގައި ދަނޑުވެރިން ހައްދަމުން އަންނަ ތަކެތި.-- ފޮޓޯ: ވެލްނަސް މެޓާސް
23 މާޗް 2023 - 13:56
10 comments
ދުޅަހެޔޮ ސިއްހަތު ޕްރޮމޯޓްކުރުމަށް މަސައްކަތްކުރާ އަމިއްލަ ކުންފުންޏެއް ކަމަށްވާ "ވެލްނަސް މެޓާސް" އިން ދިވެހި ދަނޑުވެރިން ހައްދާ މޭވާ އާއި ތަރުކާރީން ތައްޔާރުކުރާ ކާބޯތަކެއްޗާއެކު، "މިންހެޔޮ ތަށިބަރި ކެމްޕެއިން"ގެ ނަމުގައި ހާއްސަ ހަރަކާތެއް މިއަދު ފަށައިފި އެވެ.
އެ ކުންފުނިން ބުނި ގޮތުގައި، މި ކެމްޕެއިންގެ މަގުސަދަކީ ރާއްޖޭގެ ދަނޑުތަކުގައި ހައްދާ މޭވާ އާއި ތަރުކާރީ ބޭނުންކޮށްގެން ފައިދާ ހުރި ކާނާ ތައްޔާރުކުރުމަށް ދަސްކޮށްދިނުމާއި އެ ތަކެތި ވިއްކާނެ ބާޒާރެއް ހޯދައިދިނުމުގެ އިތުރުން ދިވެހިންގެ ތެރެއިން ނެތެމުންދާ އާދައެއް ކަމުގައިވާ ތަށިބަރި ބަދަލުކުރުމުގެ އާދަ އިޔާދަކުރުމެވެ.
މި ކެމްޕެއިންގެ ތެރެއިން ފައިދާ ހުރި ރަނގަޅު ކާނާ މިންހެޔޮކޮށް ތައްޔާރުކުރާނެ ގޮތް އާންމުންނަށް ކިޔައިދިނުމަކީ ވެސް މަގުސަދެއް ކަމަށް އެ ކުންފުނިން ބުނެ އެވެ.
އެ ކުންފުނިން ބުނީ މި ކެމްޕެއިން މިއަދު ފެށިއިރު، 10 އަތޮޅަކުން 20 ރަށެއްގެ 455 މީހުން ބައިވެރިވާ ކަމަށެވެ. އަދި މި ރޯދަ މަސް ނިމޭއިރު މި އަދަދު ވަރަށް ގިނަ ވާނެ ކަމަށެވެ. މިކަމަށް ބޭނުންވާ ތަށިބަރިތައް މިހާރު ރަށްރަށަށް ފޮނުވާފައިވާ ކަމަށް އެ ކުންފުނިން ބުންޏެވެ.
"... މިންހެޔޮކޮށް ކެއުން ތައްޔާރުކުރުމަށް ދަސްކޮށްދިނުމުގެ ގޮތުން ރެސިޕީ ފޮތްތަކެއް އެކުލަވާލައި އެ ފޮތްތަކުގެ ދިވެހި ތަރުޖަމާ ތައްޔާރުކޮށް ބައިވެރިންނާ ވާނީ މި ރެސިޕީ ފޮތްތައް ހިއްސާކޮށްފަ އެވެ. ރެސިޕީ ފޮތުގައި އެކުލެވޭ މޭވާ އާއި ތަރުކާރީތަކުން ލިބޭ ފައިދާތަކަކީ ކޮބައިކަން އަންގައިދޭ އަތްމަތީ ފޮތް 'ނިއުޓްރީޝަން ވެލިއު' ވެސް ވަނީ ބައިވެރިންނާ ހިއްސާކުރެވިފައެވެ،" އެ ކުންފުނިން ބުންޏެވެ.
"ވެލްނަސް މެޓާސް" އަކީ އެ ކުންފުނީގެ ފައުންޑާ ޒުލްފާ ނަސީރުގެ އިސްނެގުމުގެ މަތިން މެލޭޝިއާގެ ވެލްނަސް އެކްޕާޓްސްއާ ގުޅިގެން އުފައްދާފައިވާ ވެލްނަސް ކޯޗުންގެ މައްޗަށް އެކުލެވޭ ކުންފުންޏެކެވެ. އެ ކުންފުނި މަސައްކަތްކުރަނީ މުޖުތަމައުގައި ޖިންސާމީ އަދި ނަފުސާނީ ގޮތުން ދުޅަހެޔޮ، ފުއްދުންތެރި ބަޔަކު ބިނާކުރުމަށެވެ.
އެ ކުންފުނީގެ އެންމެ ފާހަގަކޮށްލެވޭ ކެމްޕެއިނަކީ "21 ޑޭސް ފިޓް ޗެލެންޖު" އެވެ. އެ ޕްރޮގްރާމްގައި އެކި ރަށްރަށުން 7،000 ވުރެ ގިނަ މީހުން ބައިވެރިވި އެވެ. އެ ޕްރޮގްރާމްތައް ކުރިއަށް ގެންދިއުމަށް އެ ކުންފުނިން މިހާތަނަށް ވަނީ 30 އަށް ވުރެ ގިނަ ވެލްނަސް ކޯޗުން ތަމްރީނުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބަދުﷲ ޖާދުﷲ
24 March 2023
ކޮންދުޅަހެވެއްވާނީ! އިރުއޮއްސުނީމަ ބަނޑުފުރާ މިކަނީ. 200 ޑޮކްޓަރުން ކައިރީގަ އެހިޔަސް ބުނާނީ، އެ ހުރިހާ ޑރ ބުނާނީ އެހާވަރައް ނުކާށޭ އިރުއޮއްސުނީމަ ނިދާގަޑި ކައިރި ކޮއްފަ ނުކާށޭ! އެކަމު އެކަކައްވެސް އެހެން ބުނަން ނުކެރޭނެ، މިގައުމުގަ މިއުޅޭ 7 ވަނަ ގަރުނުގެ މުޖާހިދީންގެ މޮޅު ކަމުން!
ރީވާނަސްރުﷲ
25 March 2023
ރީތި ކޮމެންޓެއް. ޔޫމޭޑް މައިޑޭ
އެމްސް
24 March 2023
ކޮންމެ ރޯދައަކާއި ދިމާކޮށް ކާނާގެ ބާވަތްތަކުގެ އަގުތައް އިންތިހާއަށް ބޮޑުކުރުމީ އިސްލާމްދީނާއި ބީރަށްޓެހި ނުރަގަނޅު ސަޤާފަތެއް! ރޯދަ ފަރުޟުކުރެއްވުމުގެ 1 ބޭނުމަކީ ފަޤީރު މީހާގެ ނިކަމެތި ޙާލަތު މުއްސަނދި މީހާގެ ހަނދާނަށް ގެނައުން ކަމުގައި ވީހިނދު ވިޔަފާރިވެރިޔާގެ ޢަމަލު މިހުންނަނީ ފަޤީރުމީހާ އިތުރަށް ނިކަމެތިކޮށްލުމުގަ!
ކެމިކަލް
24 March 2023
ކެމިކަލް ބޭނުންކޮށްގެން ހައްދާފަ ހުންނަ ތަރުކާރީ އާއި މޭވާ މާގިނައިން ކެއުން ކަމުދާނެތޯ؟
ކާނާ
23 March 2023
ދިވެހިންނަށް ފުރަތަމަ ދަސްކޮށްދޭންވީ އިންސާނުންގެ ކާނާއަށް ކަމުދާގޮތަށް ޓެންޑަރކޮށް ޅަނދޮޅުކޮށް ތަރުކާރީ ގަހުން ކަނޑަން. ކިޔުކަންބާއަކުން ކިލޯއެއް ދެކިލޯ ކިރުމުގެ ދަހިވެތިކަން ދޫކޮށްލަން. ޅަކޮށް ގިނަމޭވާ އެއްގަހުން ލިބޭކަން ވެސް ނުދާނެ. ދިވެހި މާރުކޭޓުގަ ހުންނަ ތޮރާ މުރަނގަތޮޅި، ބަށި، ކޮޕީ.. ހުރިހާ އެއްޗެހި ވެސް ހުންނަނީ ލަކުޑި އާރަށް ވެފައި. ވިޓަމިނެއް ނުލިބޭ ތަނުގައި އާދަމުގެދަރިންގެ ހަޖަމެއްވެސް ނުބައްދަލު.
އަބްޑޫޅް
23 March 2023
ތަށިބަރި އަކީ ރާއްޖޭގަ ވިޔަފާރިކޮށް، ދިވެހީންގެ އަތުން ނާޖާއިޒު ފައިދާ ނަގަން 150 އަހަރު ތިބި، އިންޑިޔާގެ ބޯރާއިން ގެނައި އެއްޗެއް. ނުފޫޒު ހުރި މީހުންނަށް ރިޝްވަތުގެ ގޮތުގަވެސް، ބޯރާ އިން ތަށިބަރި ފޮނުވާ އުޅުނު. ތަށިބަރި އަކީ އިންޑިޔާގެ އަޅުވެތިކަމުގެ ރަމްޒެއް.
ގަމާރުޒް
24 March 2023
ދެން ދުނިޔޭގެ ކޮންމެވެސް އެހެން ގައުމެއްގައި ބޭނުން ނުކުރާއެއްޗެއް ބުނެބަލަ.
އަބްޑޫޅް
24 March 2023
ގަމާރުޒް، އެ އެއްޗަކީ ތަށިބަރި. އުޞަލީ، ބަލަދީ، ދާޙިލީ، މަންޒިލީ، ފިތުރީ، ނުވަތަ އަހުލީ ގޮތެއްގަ ތަށިބަރި ބޭނުން ކުރަނީ ހަމަ އެކަނި އިންޑިޔާ އާއި އިންޑިޔާގެ ބައްރުގަ.
ގެދާނޯމޮސް
23 March 2023
ދުނިޔޭގެ އެހެން ބިންތަކާ އަޅާބަލާއިރު ؛ ރާއްޖޭގެ ބިންތަކުގަ ހެދޭ ގޮޮވާމުގައި ތާޒާކަން ގިނަދުވަހު ދެމިހުރެއެވެ. ނަމަވެސް އެހެން ގައުމުތަކުގެ މީހުންނަށް ވުރެން ގޮވާމުގެ ބައިތަށް ކާނިސްބަތް ރާއްޖޭގައި މަދެވެ. މީ އަލަތު ކައިވެނިތަށްވެސް ރޫޅުމުގައި ދިމާވެދާނެ ސަބަބުތަކެއްކަމުގަ ވެދާނެއެވެ. ލޯބިން އެކުގަ ދެމީހަކު އުޅެން ބޭނުންނަމަ މޭވާޔާއި ގޮވާމުގެ ބައިތަކަށް އިސްކަން ދިނުންމުހިންމެވެ. ކޮންމެ މޭވާއަކީ ލޯބިކަޕްލްއެކެވެ. ތަނޑިއެއްނެތި މޭވާނާޅާއެވެ.
ބީވާ
23 March 2023
ވަރަށް އެއްބަސްވެވޭ ވާހަކަ އެއް. އަހަރެން ގޭގައި ބަގީޗާ ހައްދައި ކާނާގެ ބާވަތްތަށް ހައްދައިގެން ކާން ފެށި ފަހުން ޒުވާބު ކުރާ ވަރު މަދު. ގުޅާ ކޮންމެ ފަހަރަކު ގަހުގެ ވާހަކަ ދައްކަނީ.