29 މާޗް 2023 - 12:21
7 comments
ރައީސް އިބްރާހިމް މުހައްމަދު ސޯލިހު ދަތުރު ކުރެއްވި މޮޓޯކޭޑް ހުއްޓުވި މައްސަލައިގައި ސަލާމަތީ ހިދުމަތްތަކުގެ އިހުމާލެއް އޮތްތޯ ބަލަން ރައްޔިތުންގެ މަޖިލީހުގެ 241 ކޮމިޓީން ބާއްވާ ބައްދަލުވުންތައް ސިއްރު ކުރަން އެ ކޮމިޓީން މިއަދު ނިންމައިފި އެވެ.
މި މަހު 20 ވަނަ ދުވަހުގެ ރޭ މާލޭގައި އިދިކޮޅު ފަރާތްތަކުން ބޮޑުތަކުރުފާނު މަގުގައި މުޒާހަރާ ކުރަމުން ދިޔަ ވަގުތު ރައީސްގެ މޮޓޯކޭޑް އެ ސަރަހައްދު ހުރަސްކޮށް ދާން އުޅެނިކޮށް މުޒާހަރާގެ ބައިވެރިން ވަނީ މޮޓޯކޭޑް ހުއްޓުވައިފަ އެވެ.
އެކަމާ ގުޅޭ ގޮތުން މިއަދު 241 ކޮމިޓީން 11 ޖެހިއިރު ބޭއްވި ބައްދަލުވުމުގައި ކޮމިޝަނާ އޮފް ޕޮލިސް މުހައްމަދު ހަމީދު އާއި ފުލުހުންގެ އެހެން ބައެއް އިސްވެރިން ވަނީ އެ ހާދިސާއާ ގުޅޭ ގޮތުން ކޮމިޓީ އަށް މައުލޫމާތު ދެއްވައިފަ އެވެ.
އެހެން ނަމަވެސް އެ ބައްދަލުވުން ފައްޓަވަމުން ކޮމިޓީގެ މުގައްރިރު އަދި ހިތަދޫ އުތުރު ދާއިރާގެ މެންބަރު މުހައްމަދު އަސްލަމް ވިދާޅުވީ ރައީސްގެ ސެކިއުރިޓީ އާ ގުޅޭ މައްސަލައަކަށް ވާތީ އެކަމާ ގުޅޭ ގޮތުން ބާއްވާ ހުރިހާ ބައްދަލުވުމެއް ސިއްރު ކުރަން ނިންމާފައިވާ ކަމަށެވެ.
މިއަދުގެ 1:00 ގައި އެމްއެންޑީއެފްގެ އިސްވެރިން ވެސް މަޖިލީހަށް ހާޒިރުވެ އެކަމާ ގުޅޭ ގޮތުން ކޮމިޓީ އަށް މައުލޫމާތު ހިއްސާ ކުރުމަށް ވަނީ ހަމަޖެހިފަ އެވެ.
އެ ހާދިސާ ހިނގި މަންޒަރު ފެންނަ ވީޑިއޯތަކުން ފެންނަ ގޮތުގައި މުޒާހަރާގެ ބައިވެރިން އެ ތަނުން ދުރަށް ނުދިއުމުން ސިފައިންގެ ސްޕެޝަލް ސެކިއުރިޓީ ފޯސް އިން ހަތިޔާރާއެކު ވެހިކަލްތަކުން ފައިބައި ދުރަށް ދިއުމަށް އަންގަ އެވެ. ނަމަވެސް އެ މީހުން ދުރަށް ނުދިއުމުން ރައީސްގެ ބޮޑީގާޑުންނަށް މަޖުބޫރުވީ، އެ މަނިކުފާނުގެ ކާރުކޮޅު އަނބުރާލައި އެހެން މަގަކުން ދާށެވެ.
މިއީ ރާއްޖޭގައި މުޒާހަރާއެއްގެ ބަޔަކު ރައީސެއްގެ މޮޓޯކޭޑަށް ހުރަސް އަޅައި ހުއްޓުވި ފުރަތަމަ ފަހަރެވެ. އަދި މިއީ ރާއްޖޭގައި އެންމެ މަތީ ވެރިއެއްގެ މޮޓޯކޭޑް ދުއްވާފައި ދަނިކޮށް މިހާ ބޮޑަށް ސެކިއުރިޓީ ފެއިލް ވި ފުރަތަމަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖާބިރު
29 March 2023
ފެއިލްވެފައި އޮތް ސަރުކާރެއް. އިންތިހާބު ކައިރިވާ ވަރަކަށް ގައުމުގެ ކަންކަން ދާނީ ދާނެ ގޮތަކަށް.
ހައްސާސީލުން
29 March 2023
އޯކޭ ސިއްރުކުރަން. ތިޔަ މައުލޫމާތެއް ބޭނުންވާނީ ލޫޕުހޯލް ހޯދައި ރައީހަށް ނުރައްކާކުރާން ބޭނުންވާ މީހުން. އަހަރުމެން އާންމުން ނޫޅެން ރައީހަށް ޖެއްސުންކޮށް ކުރިމަތި ލެވޭނޭ ގޮތްގޮތް ހޯދާކަށް
އޮނަރަބްލް އަފީފު ދީދީ
29 March 2023
ތިކަންކުރާގޮތުން ވަރަށްބޮޑު އޮޅުންތަކެއް އެބައަރާ. އެންމެފުރަތަމަ ހިތަށްއަރަނީ މަޖިލީހުގެ ތެރެއިން "ސަރުކާރު ޒިންމާދާރު ކުރަން" ނަޝީދު ފެއްޓުމުން އަސްލަމް، ވައްޖީގެ ޝަރީފް އާއި ސޯލިޙްގެ ސަރުކާރުން ދެއްކިވާހަކަ މިހާރު ބަދަލު ކުރީތޯ. # ދެން އަހާލަން ބޭނުނީ "މޮޓޮކޭޑަށް ހުރަސް އެޅުމަކީ" ޖިނާއީ ކުށެއްކަމުގައިވާނަމަ މައްސަލަ ތަޙްޤީގުކޮށް ޝަރީއަތަށް ފޮނުވަން ޕްރޮސިކިއުޓަރ މަސައްކަތް ކުރައްވާތޯ. އަދި މޮޓޮކޭޑަށް ހުރަސް އެޅުނީ ޑިފެންސްގެ އިހްމާލެއް ނެތިތޯ؟
ބުރުގާ
29 March 2023
އޭ، ކަލޭމެން އެންމެ ސިއްރުން މަހައްދާންވީނު!!!. އަހަރުން ނޫޅެން ކެނެރީގޭ މައުލޫދު ހަރުގޭގަ ވާނުވާ ބަލާކައް. ޔަގީންވާ ކަމަކީ #ރައްވެހިވަތިސްގެ ކޮރަޕްޓް ސަރުކައް ބާކީ އޮތީ ފަހެއްކަ މަސްކަން.
އުދަރެހުން
29 March 2023
ސިއްރުކުރާނެތާ، އެގިއްޖެއްޔާ ވެއްޓެނީ ހިންގަންތިބި މީހުންގެ އަގު، އެމްނެނައްވެސް މިނިސްޓަރު ނާގާބިލުކަން އެގިގެންދާނެ، އެހެންވީމަ އެތެރެއިން ކަމާ ނުބެހޭ ކުޑަކުދިން ކޮޅަކަށް އިންޒާރުދީ ނިންމާލާނެ.
ޢީޅީ
29 March 2023
މޮޓޯކޭޑު އަށް ހުރަސްއެޅި އެކަކުވެސް ދޫކޮއްގެންނުވާނެ ހައްގު އަދަބު ލިބެންވާނެ އޭކީ ކުޑަކަމެއްނޫން ގައުމުގެ ވަލިއްޔުލްއަމުރު 100% ސެކިއުރިޓީ ލިބެންވާނެ އަދި މުސްތަގުބަލުގާ މިކަން ރިޕީޓްވިޔަނުދިނުމައްވެސް މި މައްސަލަ ސީރިޔަސް މައްސަލަޔެއްގެ ގޮތުގާބަލަންޖެހޭ .....ކޮންމެ މީހަކު ވެރިކަމުގާހުރިޔަސް
ހިބިރިންބެއްޔާގެ ކުޑަސޮރު
29 March 2023
ސިއްރުނުކުރާށޭ. ކޮބާހޭ ޑިމޮކުރަސީ. އެކަމަކީ ރައްޔިތުން އެންމެން ލޯތަކުން ދުތް ހާދިޘާއެކޭ.