ކ. މާފުށި: މާފުށިން 2،000 އަކަފޫޓުގެ 308 ގޯތި ދޫކުރަން ވަނީ އިއުލާންކޮށްފައި.-- ފޮޓޯ: މިހާރު
31 މާޗް 2023 - 19:39
18 comments
ކ. މާފުށީގެ ހިއްކި ބިމުން ދިރިއުޅުމަށް 2،000 އަކަފޫޓުގެ 308 ގޯތި ދޫކުރަން ނިންމައި އެ ގޯތިތަކަށް ކުރިމަތިލުމުގެ ފުރުސަތު އިއްޔެ ހުޅުވާލައިފި އެވެ.
އެ ރަށު ކައުންސިލުން ކުރި އިއުލާނެއްގައި ބުނީ، ހިއްކި ބިމުން ގޯތި ދޫކުރަން ނިންމާފައި ވަނީ މިދިޔަ އަންގާރަ ދުވަހު ބޭއްވި ކައުންސިލްގެ ބައްދަލުވުމުގައި ކަމަށެވެ. އަދި މާފުށިން ދިރިއުޅުމަށް ބަންޑާރަ ގޯތި ދޫކުރުމާ ބެހޭ އުސޫލާ އެއްގޮތްވާ ގޮތުގެ މަތިން ގޯއްޗަށް ކުރިމަތިލުމުގެ ފުރުސަތު މިހާރު ހުޅުވާލާފައިވާ ކަމަށް ވެސް އެ އިއުލާނުގައި ބުންޏެވެ.
ފުޅާ ދާއިރާއެއްގައި ގެސްޓް ހައުސްގެ ވިޔަފާރިކުރާ މާފުއްޓަކީ މާލެ އަށް ފަހު ބިމުގެ އަގު އެންމެ މަތީގައި އުޅޭ އެއް ރަށެވެ.
ގޯއްޗަށް ކުރިމަތިލާން މީހުންގެ ޝަރުތުތައް
- ރާއްޖޭގެ އެއްވެސް ރަށަކުން ބަންޑާރަ ގޯއްޗެއް ނުވަތަ އަމިއްލަ ގޯއްޗެއް ނުވަތަ އެފަދަ ގޯއްޗަކުން 600 އަކަފޫޓަށް ވުރެ ބޮޑު ބައެއް ލިބިފައިވާ ނުވަތަ އެ މީހެއްގެ ނަމުގައި ރަޖިސްޓަރީ ކޮށްފައިވާ މީހަކަށް ނުވުން.
- އެފަދަ ގޯއްޗަކުން 600 އަކަފޫޓަށް ވުރެ ކުޑަ ބިމެއް ލިބިފައިވާ ނަމަ، އެ ބިން ދޫކޮށްލުން.
- ސަރުކާރުން ހަދާފައިވާ އިމާރާތެއްގެ ފްލެޓެއް އެ މީހެއްގެ ނަމުގައި ރަޖިސްޓަރީވެފައި ނެތުން އަދި މިފަދަ ތަނެއް އަމިއްލަ ނަމުގައި އޮވެ، އެ ތަން ދޫކޮށްލާ ނުވަތަ ވިއްކާލާފައިވާތާ ދެ އަހަރު ދުވަހަށް ވުރެ ގިނަ ދުވަސް ވެފައި ވުން.
- އެއްމެދު އިމާރާތެއްގެ ފްލެޓެއް އެ މީހެއްގެ ނަމުގައި ރަޖިސްޓަރީވެފައި ނެތުން އަދި އެފަދަ ތަނެއް އަމިއްލަ ނަމުގައި އޮވެ، ދޫކޮށްލައި ނުވަތަ ހިބައިން ދީފައިވާ ނުވަތަ ވިއްކާލާފައިވާތާ 2 އަހަރަށް ވުރެ ގިނަ ދުވަސް ވެފައި ވުން.
މާފުށީގައި އަލަށް ހިއްކި ބިން: މި ބިމުން 2،000 އަކަފޫޓުގެ 308 ގޯތި ދޫކުރަން ވަނީ އިއުލާންކޮށްފައި.-- ފޮޓޯ:މިހާރު
މާފުށި ކައުންސިލުން ބުނީ ގޯއްޗަށް އެދޭ ފޯމު ސަރުކާރުގެ ގެޒެޓުންނާއި އެ ކައުންސިލްގެ އިދާރާގެ ކައުންޓަރުން ވެސް ލިބެން ހުންނާނެ ކަމަށެވެ. އަންނަ މަހުގެ 9 އިން ފެށިގެން ފޯމު ބަލައި ގަންނާނީ އެ މާފުށި ކައުންސިލް އިދާރާގެ ކައުންޓަރުންނެވެ. ފޯމު ހުށަހެޅުމުގެ އެންމެ ފަހު ތާރީހަކީ އަންނަ ޖޫން މަހުގެ 15 ކަމަށް ވެސް ކައުންސިލްގެ އިދާރާގެ އިއުލާނުގައި ބުންޏެވެ.
މާފުށިން ގޯތި ދޫކުރަން އިއުލާންކުރި އިރުގައި، އެ ރަށް ހިމެނޭ ރައްޔިތުންގެ މަޖިލީހުގެ ގުރައިދޫ ދާއިރާގެ ބައި-އިލެކްޝަން އަންނަ މަހުގެ 15 އިގައި ބާއްވަން އަންނަނީ ތައްޔާރުވަމުންނެވެ.
އެމްޓީސީސީއާ ހަވާލުކޮށްގެން ސަރުކާރުން ވަނީ 2021 ވަނަ އަހަރު މާފުށީ ފަޅުގެ ދެކުނު ފަރާތުން 25 ހެކްޓަރުގެ ބިން ހިއްކައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
01 April 2023
މާފުށިން ބިންދޫކުރަނީ "ދިރިއުޅުމަށް" ކަމުގައިވާނަމަ ތިއީ "ދިރިއުޅެން" މުސްތަޤުބަލު އޮތް ތަނެއްތޯ؟ތިރަށަކީ "ގެސްޓްހައުސް އައިލެންޑެއް" ގެ ގޮތުގައި ބާއްވާފައި ތިރަށުމީހުނާއި ކ.އަތޮޅުމާލޭމީހާއަށްވެސް ކުރިމަތިލެވޭގޮތަށް ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫގެ ބިންހިއްކާ ތަފާތުކުރުމެއްނެތި ބިން ލިބޭގޮތް ހައްދަވާ.
ހަނާ.
01 April 2023
ތިގޮތަށް ބިންބޮޑު ރަށްރަށަށް މީހުން އެއްފަސްކޮށްގެން ނޫން ގޮތަކަށް ރައްޔިތުންނަށް ރަނގަޅު ހިދުމަތެއް ފޯރުކޮށް ނުދެވޭނެ. ތިއީ ރަނގަޅު ވިސްނުމެއް.
ޙުޅުމާލެ
01 April 2023
މަސައްކަތް ނުކޮށް ކުލިން އުޅޭ މާލެ ބޭފުޅުންނަށް ހުރިޙާ ބިންތައްވެސް ދީ
ތިލަމާލެ
01 April 2023
ކުލިން އުޅެނީ ހަމައެކަނި މާލެ ބޭފުޅުންނެއް ނޫން. ޔަގީންނުވާނަމަ އެކަން އަދި ބޮޑަށް ދިރާސާކޮށްލާ.
ޖުލައި
01 April 2023
މާލެ މީހުންނަށް ކުރިމަތިލެވޭތަ؟ އަހާލީ މާލެއިން ގޯތި ދޫކުރާތީ ބައެއްގެ ފޫކޮޅަށް ބާރުކުރާތީ.
ހުޅުލޭ ފަޅާ މާފުށިފަޅި
01 April 2023
އޭގަ އޮތީ ރާއްޖޭގެ އެއްވެސް ރަށަކުން ތަނެއް ލިބިފަ ނެތުން. ހުޅުމާލެއިން ދޭން ޝަރުތުކުރަނީ މާލޭ ދަރިފަސްކޮޅޭ ކިޔާ ބަޔަކަށޭ ޕްލޭނިން މިނިސްޓްރީ އިއުލާނުގަ އޮތީ. ނުވިތާކަށް އެއީ މާފުށީފަޅު ހިއްކާފަ. ހުޅުމާލެ އެއީ މާލޭ ފަޅެއް ނޫމް. އެހެންވިމަ ހުޅުލޭފަޅު ހިއްކާފަ މާލޭ މީހުންމަށް ހިބައިން ދޭކަށް އެއްވެސް ސަބަބެއްނެތް
މުހައްމަދު 22
01 April 2023
ކ.ގުރައިދޫ ހިއްކި ބިމުން ނުދޭތަ ގޯތި؟
މުހައްމަދު 22
01 April 2023
ޝަރުތުތަކަކު މާފުށި މީހަކަށް ވާކަށް ނުޖެހޭ، އެކަމަކު ޝަރުތު ތިހެން އޮތަސް ހަމަ ދޭނީ މާފުށި މީހުނަށް، އެހެންވީމަ ހުަޅުމާލޭން ވެސް ހަމަ ލިބެން ޖެހޭނީ މާލެ މީހުނަށް، އޯކޭ ސާފު ވެއްޖެ ތޯ
އަދުގެ ރާއްޖެއަކާ ނުގުޅޭ
01 April 2023
ބަންޑާރަ ގޯތި އެކި ސަރަހައްދުން އެކި ބޮޑުމިނުގައި އެކިއެކި ފަރުދުންނަށް ދިނުން ތިޔައީ ބޯދާ ނަހަމަ އުސޫލެއް! ގޯތި ދޭނަމަ ރައްޔިތުންގެ ތެރެއިން ގޯތި ބޭނުންވެފައި ތިބި އެންމެނަށް ގެރެންޓީވާނެ އުސޫލެއް ހަމަޖައްސާފައި ދީ! ގޯތި ބޭނުން އެއްލައްކަ ހާ އާއިލާ ތިބެދާނެ. ބަލާފައި 2000 އަކަފޫޓުގެ އެއްލައްކަ ގޭގެ ބިން އޮވެއްޖެނަމަ އެންމެނަށް ދީ! އަސްލު ދޭންވީ އާއިލާއަކަށް ފުދޭ ސައިޒެއްގެ ފްލޯ އޭރިޔާއެއް. އެވަރަކަށް ބިމެއް ނެތް.
ގުދުގުދާބެއްޔާ
31 March 2023
ކޮބާއެއްކަލަ ގަޔަށް ހިނިއރައިގެން އުޅުނުވަކީލުން މާލޭ މީހުންނަށް ގޯތިދޭން އުޅެން ފެށީމަ ބޮލުރޮނދި ކެޑިފަ ތިބި އުރައްޕެއްނެތް ގާނޫނީ ވަކީލުން! މިކަމާ ވެސް އުޅެބަލަ! މިތަން މާލޭގެ ބިމައްވުރެން އަގުބޮޑުވާނެ! އަވަހަށް ކޯޓައް ހުށަހަޅާ! ކަލޭ މެންހީކުރީ މާލޭގަ ތިބެމެ މާލޭމީހުންގެ ބޮލަށް ގުއިރެވޭނެކަމަޢްތަ؟ ހަމަ ހިލާ އެހަނަކުން ނުވާނެ! މައްސަލަ އެބަ ހިގާތަ؟
ދޯޕައްޓާ
01 April 2023
ބަލަ އެއޮތީނު ކަލެއަށްވެސް ކުރިމަތިލެވެއޭ، މިއަކުނެތޭ ހަތަރު ފައިކަށި މާފުށީމީހަކަށްވާންޖެހެއެކޭ، އެހެންނޫނަސް ކ.ހިއްމަފުށިކާރީ ހިއްކާފައޮތް ހުޅުލޭފަޅު ހަމައެކަނި މާދުރުގައޮތް ކ.މާލޭމީހަކަށްނޫނީ ކުރިމަތިނުލެވެއޭ ބުނީމަ އެއީ ހަމަނުޖެހޭ ކަމެއްކަން އެނގޭނެ ޖުހާއަށްވެސް. ކ.މާލޭ ފަޅުހިއްކާފަ އެރަށު އެކި ގަބީލާތަކަށް ގޯތިދީގެން މައްސަލައެއްނުޖައްސާ އެކަކުވެސް.
ގޯހުން ގޯސް ޖަސްޓިފައި ނުކުރޭ
01 April 2023
ކޮންމެ ރަށެއް ވަކި ގައުމަކަށް ހަދާގެން ތަފާތުކުރުމާ ނާޖާއިޒު ޖެހުން ހުއްޓާލަން ވެއްޖެ! ބިން ނެތް ރަށްރަށުގަ ތިބިމީހުން ބިކާރީ ކޮށްފާ ބިންއޮތް ރަށްރަށުގަ ތިބި މީހުންނަށް އެކަނި މޮޅުވާގޮތް ނުހަދާ ސޯޝަލް ޖަސްޓިސް ހޯދާދޭނެ ޕްލޭނެއް އެބަ ބޭނުންވޭ.
ޣުންބާ
31 March 2023
މިއީ ވޯޓަށް ފިލިޖަހާ ރިޝްވަތުގެ އަމަލެއް. މިކަމަށް ރައްޔިތުންހޭލާ ބޮޑުތަނުން ފޭލިކޮށްލާ ރިޝްވަތަށް ނޫނެކޭ ބުނަން ދަސްކުރައްވާ.
ވާންޗޮ
31 March 2023
ބައި އިލެކްޝަނަށް ކަޑަ ޖަހަނީ. ވެރިކަމަށް 4 އަހަރު ވެގެން ދިޔަ އިރު ގޯއްޗެއް ދޭން ހުވަފެނުގައިވެސް ނުފެނުން. ކޮބާތޭ ޓުރާންސުޕޭރަންސީ އޭސީސީ؟ ނިދިކައި ހަރުވެފައި އުތަ؟
ޒިއަކް23
31 March 2023
ބިން ހިއްކާފަ ބިން ހަރުވީމަ ދޯ ގޯތި ދެވޭނީ.. މާފުށިން ބިން ކޮޅެއްވެސް ހިއްކާލަަން ކެރރުނީ މިސަރުކާރަށް.. އއވެސް ކޮވިޑްގެ ދަތި ދެ އަހަރު ނިމުނުތާ ކުޑަ ދުވަސްކޮޅެއްތެރޭގަ..
ޚަދީޖާ އަޙްމަދު
01 April 2023
ބިން ހަރުވުމުގެ ކުރިން ކަނޑަން ޖެހޭނެ.
ހިލޭ ނުބަހާ
31 March 2023
ހިލޭ ނުބަހާށޭ! ށޯޓްލިސްޓްކޮއްގެން ހޮވޭމީހުންނައްވެސް ދިގުމުއްދަތަކަށް ބަހާލައިގެން ލާރި ދެއްކޭގޮތް ހަދާދީ. ހިއްކަން ހަރަދުވި ފައިސާ އަބުރާ ދައުލަތައް ވަންނަންޖެހޭ
ަައައިސާ
31 March 2023
ވެރިންނަށް މަތީ އަތޮޅުތެރޭ އެތައް ބަންޑާރަ ގޯތި އެބައޮތް، އާންމު މީހާއަށް ބިން ވިއްކަން ވީ، ރާއްޖޭގައި އަދިވެސް އެތައް ފަޅު ރަށެއް އޮއްވާ ބިން ހިއްކަނީ ވެރިން ވައްކަން ކުރަން، އަދި އާންމު މީހާއަށް ލިބޭ ބިމުގެ ސައިޒު ގެ އިތުރަށް މިކަމުގެ ސަބަބުން މާލީ ތަނަވަސް ކަމެއް ނުލިބޭތާ ދިވެހިން މިދަނީ އިންތިހާއަށް ދަރަނިވެރިވަމުން