އިހަވަންދޫގެ މަގުތައް ހަދަން 102 މިލިއަން ރުފިޔާއަށް އާރުޑީސީއާ ހަވާލުކޮށްފި

ހއ. އިހަވަންދޫގެ މަގުތައް ހެދުމަށް އާރުޑީސީއާއެކު އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތު.-- ފޮޓޯ: ޕްލޭނިން މިނިސްޓްރީ

އިފްރާޒް އަލީ، މިހާރު

02 އެޕްރީލް 2023 - 15:30

16 comments

ތާރު އަޅައިގެން ހއ. އިހަވަންދޫގެ މަގުތައް ހެދުމަށް 102 މިލިއަން ރުފިޔާއަށް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)އާ މިއަދު ހަވާލުކޮށްފި އެވެ.

ޕްލޭނިން މިނިސްޓްރީން ބުނީ މިއަދު މެންދުރުފަހު ބޭއްވި ރަސްމިއްޔާތެއްގައި އެކަމުގެ އެއްބަސްވުމުގައި ސޮއިކޮށްފައިވާ ކަމަށެވެ. އެ މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ ޑިރެކްޓަރު ޖެނެރަލް ފާތިމަތު ޝާނާ ފާރޫގެވެ. އަދި އާރުޑީސީގެ ފަރާތުން ސޮއިކުރެއްވީ އެ ކުންފުނީގެ ސީއެފްއޯ ޔާސިރު ހަސަނެވެ.

މި މަޝްރޫއަށް ދައުލަތުގެ ބަޖެޓުން ޖުމްލަ 102،846،733.89 ރުފިޔާ ހަރަދުވާނެ ކަމަށް މިނިސްޓްރީން ބުންޏެވެ.

މަޝްރޫއުގެ ތަފުސީލު

• 6.9 ކިލޯމީޓަރުގެ މަގުގައި ތާރުއެޅުން.

• މަގުތަކުގައި ފެން ހިންދާ ނިޒާމް ހެދުން.

• މަގުތަކުގައި މަގުބައްތި ޖެހުން.

• މަސައްކަތް ނިންމަން ދިނީ ދޮޅު އަހަރު.

ޕްލޭނިން މިނިސްޓްރީން ވަނީ މިދިޔަ މަހު ނ. މަނަދޫގެ މަގުތައް ހެދުމަށް ވެސް 75 މިލިއަނަށް އާރުޑީސީއާ ހަވާލުކޮށްފަ އެވެ.

އާރުޑީސީން އަންނަނީ މާލޭގެ އަމީނީ މަގު ހެދުމުގެ މަސައްކަތް ވެސް ކުރަމުންނެވެ. އެ ކުންފުންޏަށް މިހާރު ވެސް ވަރަށް ގިނަ ރަށްރަށުގެ މަގު ހެދުމުގެ މަޝްރޫއުތައް ހަވާލުކޮށްފައިވެ އެވެ. ނަމަވެސް، އެ މަޝްރޫއުތައް ހަވާލުކުރި މުއްދަތު ފަހަނައަޅައި ގޮސްފައިވާއިރު އަދިވެސް އެއްވެސް ރަށެއްގައި މަގު ހެދުމުގެ މަސައްކަތް ނުނިމެ އެވެ.

ހއ. އިހަވަންދޫ ރޯޑް ޑިވެލޮޕްމަންޓް ކޯޕަރޭޝަން މަގު ހެދުން ހައުސިން، ލޭންޑް އެންޑް އާބަން މިނިސްޓްރީ

16 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިލަފަނި

03 April 2023

އާރުޑީސީގައި ވަސީލަތްތައް ހުރީ އެންމެ ސައިޓެއްގައި މަސައްކަތް ކުރެވޭ ވަރަށް. އެކަށީގެންވާ ވަސީލަތްތައް ގާއިމްނުކޮށް ވޯޓު ހޯދަން އެގްރީމަންޓްތަކުގައި ސޮއި ކުރިއަސް ކަމަކު ނުދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުތުންމުރީދު

02 April 2023

ތިޔާ ޕުރޮޖެކްޓު ފަށަން ވާއިރަށް ކުއްޔަށް ދޭން ޢެމްޕީ ސިފާއު ގެނާއްސިޔޯ ވެހިކަލްތަކެއް ކުއްޔަށް ދޭން. ލާރިފަސެއް ހަދާލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސަލްމަ

02 April 2023

މިނިމޭ ފަސްއަހަރުގައި ހައުސިންމިނިސްޓްރީގެ ހުރިހާ އެއްޗެއްގައި ސޮއިކުރަނީ ފާތިމަތު ޝާނާ ފާރޫ، ޑިރެކްޓަރު ޖެނެރަލް. ހައުސިންމިނިސްޓަރު ޒިންމާއިން ރެކެންބާ ސިވިލްސާވަންޓެއްލައްވާ ސޮއިކުރަނީ. ނޫނީ މާގާތް ގުޅުމެއް އޮތީބާ؟ އަސްލަމަށް ކުރަންކެރޭކަމަކީ ރައްޔިތުންނާ މަޖިލީހަށް ގޮންޖެހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

02 April 2023

އާރުޑީސީ އިން ކިތައްރަށުގަ މަގު ހަދައިފިތަ? އިވެނީ އެމީހުންނާ ހަވާލުކުރާ މަސައްކަތް އެހެން މީހުން ނިންމަން ޖެހޭ ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްޕިތޯނު

02 April 2023

ރާއްޖެތެރޭ ރަށަކަށް 102 މިލިޔަން ތަޅާލުން ރަނގަޅުތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުނިނަަ

02 April 2023

މާލެ ނޫނިއްޔާ އޯކޭވާނެ. އެކަމު އުޅެންވާނީ މާލޭގަ. ރަށުގަ ބޮޑު ގޯތި ގެސްޓް ހައުސް އަޅާފަ މާލެ މީހުންނަށް ގޮވުން އެއީ ގޮތަކި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

02 April 2023

102 މިލިއަން ރުފިޔާ ދީފަ 2000-3000 މީހުންގެ އާބާދީއެއްގައި މިވަގުތަށް އެހާ ބޭނުންތެރިނޫން ކަމެއް ކުރާއިރު މާލެ ސަރަހައްދުގައި އެއް އެދެއްގައި 3-4 މީހުން ނިދަންޖެހި، އެންމެފަހުންވެސް ފްލެޓަށް ހުޅުވާލުމުން 35000 ވުރެ ގިނަ މީހުން ބޯހިޔާވެހިކަމަށް އެދި ކުރިމަތިލާފައިވޭ. މިމައްސަލަ ހައްލުކުރުމުގެ ބަދަލުގައި މިކުރެވެނީ ބޮޑެތި ބޭނުންނެތް ބަދަރު ހެދުމާއި، މަގު ހެދުމާއި ދެންވެސް ޖެހުނު ކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

02 April 2023

ތިޔަ މީހުން އަމިއްލަ ރިސޯޓޓެއް 5 އަހަރު ތެރޭ ހަދާފާނެ އެވެ. ނޫނީ މައްސަކަތް މުއްދަތަށް ނުނިންމައިގެން އިތުރަށް އެތައް މިލިއަނެއް ދިނީމަ މަސައްކަތް ނިންމަ ފާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

02 April 2023

އަންނަ ރިޔާސީ އިންތިޙާބުގައި ދިވެހިން އުފައްދާ ސަރުކާރުން ދައުލަތުގެ ކުންފުނިތައް މަދުކުރުމަށްޓަކާ ރީސްޓްރަކްޗަރ ޕްރޮޤްރާމެއް ހިންގާ އެއްކަހަލަ އެއްގޮތް މަސައްކަތް (މިސާލަކަށް އެމްޓީސީސީ، ރޯޑް ކޯޕަރޭޝަން ފަދަ) ކުންފުނިތައް މާރޖްކޮށް ދައުލަތުގެ ޔޫޓުލިޓީސް އަދި ވިޔަފާރިކުންފުޖިތައްވަސް ހަރުދަނާ އުސޫލެއްގެ ތެރެއިން ޕްރައިވެޓްކޮށް (ވަކިބައެއްގެ ނުފޫޒު ނޯންނަގޮތަށް) ހަރުދަނާ ކުރަން ވީހާ ގިނަރައްޔިތުން ބައިވެރިކޮށް ޕލކ ތަކަށް ހަދަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

48343

02 April 2023

"ދިވެހިން އުފައްދާ ސަރުކާރޭ." މިހާތަނަށް ތިވައްތަރު ސަރުކާރަކަށް ފެނުނީ ނަޝީދުގެ ސަރުކާރު. މިހާރު ބަލާބަލަ ތެޅޭވައްތަރު. ކޮންމެބަޔަކަށްވެސް ވެރިކަމަށް އާދެވުނީމާ މަގޮއޮޅޭ. އޮރޭއަށްވެސް ވީ މިފަދަގޮތެއްނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟިމާޒަ

02 April 2023

ތީ ވަރަށް ދެރަކަމެއް. ބައެއް ރަށްރަށް އެހުރީ ޒަރޫރީ ބޭނުންތައްވެސް ފުއްދައިނުދެވި، ތިގޮތަށް އަރާމުގަ ހިނގާލުމަށާއި ވެހިކަލް ދުއްވާލުމަށް އެއްބަޔަކަށް ފަސޭހަވާގޮތަށް ދައުލަތުގެ ފައިސާ ހަރަދުކުރާއިރު، އަނެއްބައި ރަށްރަށުގައި ރައްޔޮތުން އެތިބީ ސާފު ބޯފެންފޮދެއް ނުލިބި. ތިހެން ނުހައްދަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމު ދައިތަ

02 April 2023

ބަލަގަ ކ.އަތޮޅު ހުޅުމާލޭގައި އެރަށުމީހުން ރިއްޗަކަށް ސެލްފީ ނަގަން ހިކިފަސްތާގައު 80 މިލިޔަން ޑޯލަރު ޙަރަދުކޮށްފައި 6 ބުރިޖް އެޅުން އެއީ ރަނގަޅު ކަމެއްތަ.