ނޭޝަނަލް ޕްލޭނިން އެންޑް އިންފްރާސްޓްރަކްޗާ މިނިސްޓަރު މުހައްމަދު އަސްލަމް މަޖިލީހުގައި ވާހަކަ ދައްކަވަނީ--ފޮޓޯ: މަޖިލިސް
04 އެޕްރީލް 2023 - 11:49
30 comments
މާލެ ސަރަހައްދުން ދޫކުރާ ގޯއްޗަށް އެދި ކުރިމަތިލާފައިވާ މީހުންގެ ފޯމްތައް އިވެލުއޭޓް ކުރުމުގެ މަސައްކަތް އަންނަ ޖޫން މަހުގެ ކުރީކޮޅު ނިންމާލެވޭނެ ކަމަށް ނޭޝަނަލް ޕްލޭނިން ހައުސިން އެންޑް އިންފްރާސްޓްރަކްޗާ މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
މާލޭގެ މީހުންނަށް ދޫކުރާ ގޯއްޗާ ބެހޭ ގޮތުން ހޯރަފުށީ ދާއިރާގެ އެމްޑީޕީގެ މެމްބަރު އަހުމަދު ސަލީމް ރައްޔިތުންގެ މަޖިލީހުގައި މިއަދު ކުރެއްވި ސުވާލަކަށް ޖަވާބު ދެއްވަމުން އަސްލަމް ވިދާޅުވީ، ގޯއްޗަށް އެދި ހުށަހަޅާފައިވާ ފޯމުތައް އިވެލުއޭޓް ކުރުމުގެ މަސައްކަތް ކޮމިޓީއަކުން ކުރަމުން އަންނަ ކަމަށެވެ.
އެ ސަބްމިޝަންތަކުން ނުކުތް ނަތީޖާއެއް އެނގޭނީ އެ މަސައްކަތް ނިމުމުން ކަމަށާއި އެއީ މޭ މަހުގެ ނިޔަލަށް ނުވަތަ ޖޫންގެ ކުރީކޮޅަށް ކަމަށް އެ ކޮމިޓީއާ ހަވާލާދީ، އަސްލަމް ވިދާޅުވި އެވެ.
މާފަންނު އުތުރު ދާއިރާގެ އެމްޑީޕީގެ މެމްބަރު އިމްތިޔާޒް ފަހުމީ ވަނީ މާލެ ސަރަހައްދުގައި މި ސަރުކާރުން އިމާރާތްކުރާ 4،000 ސޯޝަލް ހައުސިން ޔުނިޓާ ބެހޭ ގޮތުން ވެސް މިއަދުގެ ޖަލްސާގައި ސުވާލު ކުރައްވައިފަ އެވެ.
ކުރީގެ ރައީސް މުހައްމަދު ނަޝީދުގެ ފިކުރަށް ތާއީދު ކުރައްވާ އިންތި ވިދާޅުވީ، އެމްޑީޕީގެ ރިޔާސީ ޕްރައިމަރީގެ ތެރޭގައި ސަރުކާރުން "ޑަމީ ބެޑްރޫމެއް" ދެއްކި ކަމަށެވެ. ނަމަވެސް ހަގީގަތުގައި އަދި ކިތައް ޝީޓު އަޅަން ޖެހޭތޯ އިންތި ސުވާލު ކުރެއްވި އެވެ.
އަސްލަމް ވިދާޅުވިގޮތުގައި، އިންޑިއާގެ ދެ ކުންފުންޏަކުން ކުރިއަށް ގެންދާ އެ މަޝްރޫއު ސީދާ އޮތް ހިސާބެއް އެނގިވަޑައެއް ނުގަންނަވަ އެވެ. އެކަމަކު، ބައެއް ފްލެޓުތަކުގެ ކޮންކްރީޓް މަސައްކަތް ނިމި ފިނިޝިންގެ ކަންކަން މިހާރު ފަށާފައިވާ ކަމަށް އޭނާ ވިދާޅުވި އެވެ.
"ޔަގީން ކަމާއެކީ ދަންނަވަން ކެރޭ ރަނގަޅު މިންވަރެއްގެ ޕްރޮގްރެސް އެބަހުރި،" އަސްލަމް ވިދާޅުވި އެވެ.
މާލެ ސަރަހައްދުން ދޫކުރަން ނިންމާފައިވާ 3،000 ގޯއްޗަށް 15،000 އަށް ވުރެ ގިނަ މީހުން ވަނީ ކުރިމަތިލައިފަ އެވެ. އެ ހުށަހެޅުންތައް އިވެލުއޭޓް ކުރަމުން އަންނަ އިރު މި ދައުރު ނިމުމުގެ ކުރިން ގޯއްޗާއި ފްލެޓުތައް ހަވާލު ކުރާނެ ކަމަށް ސަރުކާރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެޓޭ
04 April 2023
އަހަރެމެން ވޯޓު ލާން މިތިބީ އަސްލަންޓޭ އަޅާ ބުރިޖުން ދަތުރުކޮށްފަ ވިލި މާލޭގެ ހުންނަ ވޯޓު ފޮއްޓަށް! އާސްލަންޓޭ މިކަން އެބަވޭތަ!
ާއުނިމާ
04 April 2023
ކުރިން ބުނީ މާރޗު މަހުއޭ، ދެންބުނީ މޭމަހޭ، މިހާރު ޖޫން މަހޭ، ސެން ބުނާނީ ސެޕްޓެމްބަރު ކުރީ ކޮޅޭ...ލޮލް...ނުވާނެ ކަލޭނެންނަކަށް...ހަމަ އަންނަނީ އަންނަނީ..ދެން އިންތިޚާބަށް ކަނޑާނީ ފޮނި
ޣަމަރޭ
04 April 2023
ތިކަންވެސް ދަމަމުން ދަމަމުން ވޯޓައް އެއްދުވަހައްވީމަ ޔަގީންވެ ކަށަވަރުވާނެ ޓިނު އަސްލަންޓޭ
ކަނބިލި
04 April 2023
ރިޔާސީ އިންތިޚާބާ ދިމާކޮށް ހަމައެކަނި ވޯޓު ހޯދުމުގެ ނިޔަތުގައި މި ސަރުކާރުން ހިންގާ ބޮޑު ޖަރީމާއެއް.
މަހޯލި
04 April 2023
ވަރު ނެގުމުގައި ދުވަހާ ގަޑި ކަނޑައެޅިފަ ޚިދުމަތް ދިނުމުގަ އަންނަ އަހަރު މެދުތެރެ އޮގަސްޓް މަހު ފަހު ކޮޅު މީތޭ ޚިދުމްތަ ދިނުމަކީ ވަގުތު ކަނޑައަޅާ ބުނަން އެނގެން ޖެހޭ
ބޮޑުމީހާ
04 April 2023
ގޯއްޗާއި ފްލެޓަށް ލީ މީހުންގެ އަދަދު 35000. މީ ކުޑަކުޑަ އާއިލާއަކަށް ބަަލައިފިނިމަ 150000 މީހުންގެ ޙައްޤުގެ ވާހަކަ. މިކަމަށް އަޅާނުލައި ކޮންމެ ސަރުކާރުގެ ވެސް ޕޮލިސީއަކީ ކުދި އާބާދީތަކުގައި ބަދަރު ހެދުމާއި، މަގުތައް ހެދުމާއި، ބޭކާރު ޕްރޮޖެކްޓްތައް ހިންގުން.
އަސަލް
04 April 2023
އަސްލަމަށް އެގޭތަ ތިބުނާ ޕްރޮގްރެޝް ބައްލަވާ ލައްވަން އެސައިޓުތަކަށް ދާން ކިހާދުވަހެއް ނަގާނެކަށް އަދި އެހާމެ ދުރުގައިވާ ތަންތަންވީމާ އެބުނާ ކޮމެޓީއަކާއި އެކުރާ މަސައްކަތް ބައްލާލަންވަން ނުލެވޭ ކަމަށްވާނަ އިސްތިއުފާ ދޭންވީނުންތޯއެވެ.
ސުލޯ ސޯލިހު
04 April 2023
އަންނަނީ އަންނަނީ ނިމެނީއޭ ކިޔަމުން މަގާމުތަކުގަ ތިބުމުގެ ބޭނުމެއްނެތް، ކަންކަން ނުކުރެވޭ މީހުން މަގާމުން އިސްތިއުފާދިނުން ނޫން ގޮތެއްނެތް، ގޯއްޗެއް ނުދެވުނު، ސަރުކާރުގެ މުސާރަ ބޮޑު ނުކުރެވުނު، ފުލެޓުތަކުގެ މަސައްކަތް އޮތީ މުވައްޒަފުންނަށް ކާން ނުދޭތީ ހުއްޓާލާފަ. އަޅަން ބުނި 4 ހޮސްޕިޓަލް އިންޑިޔާ ކުންފުންޏަށް އަޅައި ނުދެވުނު، މި ވެރިކަމުގައި މިވެރިންގެ ބުރިޖު އަޅާ ނިންމާނުލެވުނު. މާލޭގެ އޭރިޔާގައި ތަރައްގީގެ މަސްރޫއެއް ނިންމާލަ ނުދެވުނު،
އަލީ އަސްފާގު
04 April 2023
އަންނަނީ ނުވަތަ ނިމެނީ އަންނަ މަސްތޯ ބުރިޖުތޯ ނޫނީ ހިއްކާ ނިމެނީ ގިރާވަރު ފަޅުތޯ. ހިއްކާތަން ލޮލަކަށް ނުފެންނަނީ ކީއްވެތޯ. ގުޅިފަޅުން ގޯތި ދެވޭނެބާ، އެތަނުގަ ބަނދަރު ހަދާ ވިޔަފާރިވެރިންނަށް 20 ނުވަތަ 30 ހާސް އަކަފޫޓުން އެތަށް ސަތޭކަ ވިޔަފާރިވެރިންނަށް ބިން ދިނީމާ ރައްޔިތު މިޙާއަށް ދޭނެ ބިމެއް އެތަނުގަ އޮންނާނެތޯ. އެއްޗެއް ދެވެން ނެތީމަތޯ ނުދީ ތިތިބެނީ، މިހާރު މާ ލަސްވެއްޖެ ވަގުތުވެސް ފާއިތުވެއްޖެ. ދެން އެޅޭނީ ހުސް ޅައެއްޗިހި ސޮރީ ސުލޯ ސޯލިހު،
ދިއްދޫމީހާ
04 April 2023
ކުރިން ބުނީ މޭމަހޭ މިހާރު މިކިޔަނީ ޒޫން ކުރީ ކޮޅޭ ބަލާތި މިއަހަރު ކަލންޑަރުގައި ބަންދު ދުވަސްތައް ކަނޑާފަ މޭމަސް އަދި ޒޫން މަސް ނުހިމެނޭނެ…