ކ. މާފުށި: މާފުށިން 2،000 އަކަފޫޓުގެ 308 ގޯތި ދޫކުރަން ވަނީ އިއުލާންކޮށްފައި.-- ފޮޓޯ: މިހާރު
05 އެޕްރީލް 2023 - 12:46
21 comments
ކ. މާފުށީގެ ރަށްވެއްސަކަށް ނުވާ ނަމަ، އެ ރަށު ހިއްކި ބިމުން ގޯތި ލިބުމުގެ ފުރުސަތު ހަނިވާ ގޮތަށް، އެ ރަށުން ގޯތި ދިނުމާ ބެހޭ އުސޫލަށް އިއްޔެ އިސްލާހު ގެނެސްފި އެވެ.
ގޯތިތަކަށް ކުރިމަތިލުމަށް މާފުށީ ކައުންސިލުން މިދިޔަ ބުރާސްފަތި ދުވަހު ކުރި އިއުލާން ބާތިލުކޮށް، އެ ރަށުން ގޯތި ދިނުމާ ބެހޭ އުސޫލަށް އިސްލާހު ގެނެސް އަލުން ކުރި އިއުލާނުގައިވާ ގޮތުން، އުފަންވީންސުރެ އެ ރަށުގެ ރަށްވެއްސަކަށް ނުވާ ނަމަ ޕޮއިންޓް އުނިވާނެ އެވެ.
އެ އުސޫލު އެންމެ ފުރަތަމަ އާންމުކުރި އިރުގައި، އެ ރަށުގެ ރަށްވެއްސަކަށް ނުވާ ނަމަ ޕޮއިންޓް އުނިވާ ގޮތަށް ކަނޑައަޅާފައެއް ނުވެ އެވެ. މި ގެނައި ބަދަލުން، މާފުށީގެ ރަށްވެއްސަކަށް ނުވާ ނަމަ 30 ޕޮއިންޓް އުނިވާނެ އެވެ.
ގޯތި ދިނުމާ ބެހޭ އުސޫލަށް އިތުރު އިސްހާލެއް ވެސް ގެނެސްފައިވެ އެވެ. އެއީ، އުމުރު ފުރާގެ ބައިން ޕޮއިންޓު ދިނުމުގައި، 40 އަހަރު ފުރިފައިވާ މީހެއް ނަމަ 20 ޕޮއިންޓް ލިބުމެވެ.
އެ ރަށުގެ ހިއްކި ބިމުން ދޫކުރާ 2،000 އަކަފޫޓުގެ 308 ގޯއްޗަށް އެދި ފޯމު ހުށަހެޅުމަށް ކޮންމެހެން މާފުށީ ރައްޔިތަކަށް ވާކަށް ނުޖެހެ އެވެ. އެކަމަކު ޕޮއިންޓް ދިނުމުގައި އެ ރަށުގެ ރަށްވެހިންނާއި ރަށުގައި ދިރިއުޅޭ މީހުންނަށް އިސްކަންދެ އެވެ.
ފުޅާ ދާއިރާއެއްގައި ގެސްޓް ހައުސްގެ ވިޔަފާރިކުރާ މާފުއްޓަކީ މާލެއަށް ފަހު ބިމުގެ އަގު އެންމެ މަތީގައި އުޅޭ އެއް ރަށެވެ.
ގޯއްޗަށް ކުރިމަތިލާ މީހުންގެ ޝަރުތުތައް
• ރާއްޖޭގެ އެއްވެސް ރަށަކުން ބަންޑާރަ ގޯއްޗެއް ނުވަތަ އަމިއްލަ ގޯއްޗެއް ނުވަތަ އެފަދަ ގޯއްޗަކުން 600 އަކަފޫޓަށް ވުރެ ބޮޑު ބައެއް ލިބިފައިވާ ނުވަތަ އެ މީހެއްގެ ނަމުގައި ރަޖިސްޓަރީ ކޮށްފައިވާ މީހަކަށް ނުވުން.
• އެފަދަ ގޯއްޗަކުން 600 އަކަފޫޓަށް ވުރެ ކުޑަ ބިމެއް ލިބިފައިވާ ނަމަ، އެ ބިން ދޫކޮށްލުން.
• ސަރުކާރުން ހަދާފައިވާ އިމާރާތެއްގެ ފްލެޓެއް އެ މީހެއްގެ ނަމުގައި ރަޖިސްޓަރީވެފައި ނެތުން އަދި މިފަދަ ތަނެއް އަމިއްލަ ނަމުގައި އޮވެ، އެ ތަން ދޫކޮށްލާ ނުވަތަ ވިއްކާލާފައިވާތާ ދެ އަހަރު ދުވަހަށް ވުރެ ގިނަ ދުވަސް ވެފައި ވުން.
• އެއްމެދު އިމާރާތެއްގެ ފްލެޓެއް އެ މީހެއްގެ ނަމުގައި ރަޖިސްޓަރީވެފައި ނެތުން އަދި އެފަދަ ތަނެއް އަމިއްލަ ނަމުގައި އޮވެ، ދޫކޮށްލައި ނުވަތަ ހިބައިން ދީފައިވާ ނުވަތަ ވިއްކާލާފައިވާތާ 2 އަހަރަށް ވުރެ ގިނަ ދުވަސް ވެފައި ވުން.
މާފުށިން 2،000 އަކަފޫޓުގެ 308 ގޯތި ދޫކުރަން އިއުލާންކޮށްފި https://t.co/1KXyXmZIkR
— Mihaaru (@Mihaarunews) March 31, 2023
މާފުށި ކައުންސިލުން ބުނީ ގޯއްޗަށް އެދޭ ފޯމު ސަރުކާރުގެ ގެޒެޓުންނާއި އެ ކައުންސިލްގެ އިދާރާގެ ކައުންޓަރުން ވެސް ލިބެން ހުންނާނެ ކަމަށެވެ. މި މަހު 9 އިން ފެށިގެން ފޯމު ބަލައި ގަންނާނީ މާފުށި ކައުންސިލް އިދާރާގެ ކައުންޓަރުންނެވެ. އަދި ފޯމު ހުށަހެޅުމުގެ އެންމެ ފަހު ތާރީހަކީ އަންނަ ޖޫން މަހު 15 ކަމަށް ވެސް ކައުންސިލްގެ އިދާރާގެ އިއުލާނުގައި ބުންޏެވެ.
މާފުށިން ގޯތި ދޫކުރަން އިއުލާންކުރި އިރުގައި، އެ ރަށް ހިމެނޭ ރައްޔިތުންގެ މަޖިލީހުގެ ގުރައިދޫ ދާއިރާގެ ބައި-އިލެކްޝަން މި މަހު 15 ގައި ބާއްވަން އަންނަނީ ތައްޔާރުވަމުންނެވެ.
އެމްޓީސީސީއާ ހަވާލުކޮށްގެން ސަރުކާރުން ވަނީ 2021 ވަނަ އަހަރު މާފުށީ ފަޅުގެ ދެކުނު ފަރާތުން 25 ހެކްޓަރުގެ ބިން ހިއްކައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެކިފުތާ
06 April 2023
އެހެންވީމާ މާލެރައްޔިތުންފިޔަވައި މާލެއިން ފްލެޓެއްވެސް ގޯއްޗެއްވެސް އެހެންރަށެއްގެ މީހަކަށްދީގެންނުވާނެ. ވަކިބަޔަކަށް ފައިދާވާގޮތަކަށް ގާނޫނެއް ހެދިގެންނުވާނެ. މިއީ މާލެރައްޔިތުންނަށްވެވޭ ބޭއިންސާފެއްކަމުގައިދެކެން.
ޢަރުތަ
07 April 2023
އާނ ތިވާހަކަ، ތިއޮތީ ބޮޑުތާ ޖެހިފަ، މާލޭ ސަރަހައްދުން ގޯތި ދޭންވީމަ ރާއްޖޭ ގެ ހުރިހާ ބޭފުޅުންނަށްވެސް ފުރުސަތު އޮންނަން ޖެހޭ އެއްވެސް ތަފާތުކުރުމެއްނެތި، އެކަމަކު މާލެ ނޫން ރަށްރަށާ އަތޮޅުތަކުގަ ހިއްކާ ބިމުން ގޯތި ދިނުމުގަ އެރަށެއްގެ ރަށްވެއްސެއް ނޫންފަރާތަކަށް ގޯތި ލިބުމުގެ ފުރުސަތު ތިއޮތީ ވަރަށް ހަނިކޮށް، ހަމަ ނުލިބޭނެއޭ ބުނެވޭނީ.
ފީކޯތް އަލިފުޅު
06 April 2023
ގޯތި ދޭކަށް ނުޖެހޭ، އެއީ މޮޔަ ކަމެއް. ސަރުކާރު ބޮޑޫ އަގުުގަ ހިއްކާފަ ވިއްކާ ނުނީ ފްލެޓް އަޅާފަ ވިއްކާ. ހިލޭ ބިންދޭ ގައުމަކީ ހަމަ އެކަނި ރާއްޖެ
ފަކުރު ރައީސް
06 April 2023
މަގޭ ގެސްޓް ހައުސްއެއް ހުންނާނެ ތިރަށުގައި. އެހެންވެ މަގޭ ވެރިކަމުގައި ގެސްޓް ހައުސް ޕްރޮމޯޓްކުރީ.
އޮނަރަބްލް އަފީފު ދީދީ
06 April 2023
ގޯތިގެދޮރުގެ މައްސަލަބޮޑުވެފައިއާއިރު އެކެއްގެނަމުގައި އެތައްބައިވަރު ބިމާއިފުލެޓް މިލްކްކުރުން މަދުކުރުމަށްޓަކާ ރާއްޖެއަށް ޕްރޮޕަޓީ ޤާނޫނެއްގެ މުހިންމުކަން ވަރަށްބޮޑު. # މިގޮތުން ރައްޔިތުމީހާ މިލްކްކުރާ ފުރަތަމަ ފުލެޓާއިބިމުން ޓެކްސް ފްރީކޮށްފައި އޭނާގެނަމުގައި ރެޖިސްޓްރީކުރާ 2 ވަނަ ބިމާއިފުލެޓުން %50 އަދި އިތުރަށްހޯދާ ކޮންމެ ފުލެޓަކާއި ބިމަށް %100 ޓެކްސްނަގަން ޤާނޫނުގައިކަޑައަޅާ މިޓެކްސް ބޭނުންކޮށްގެން ސޯޝަލް ހައުސިންގ ސްކީމް ފުޅާކުރަންޖެހޭ.
އަންދަލޫސިޔާ
05 April 2023
ހުރިހާ ރަށެއް - މާލެވެސް ހިމެނޭގޮތަށް ބީރައްޓެހިންނަށް ފުރުޞަތު ހަނި. މިއީ ރާއްޖޭގައި ބަހުސްކުރަންޖެހޭ ކަމެއް. އެރަށެއްގެ ރައްވެހިންނަށް ދޭ ވަރަށް ދުރު ރަށްރަށުން ހިޖުރަކުރަން ބޭނުންވާ މީހުންނަށް ފުރުޞަތު ދޭން ޖެހޭނެތޯ ނުވަތަ ނޫންތޯ؟
މާކުންބޭ
05 April 2023
ދިވެހިރާއްޖޭގެ ކޮންމެ ރަށަކީ ރާއްޖޭގެ ކޮންމެ ރައްޔިތަކަށް ހަމަ ހަމަ ރަށަކަށްވާންޖެހޭ، މިއީ ޤަބޫލުކުރެވޭނެކަމެއް ނޫން. މާފުށީ މީހުނާ މާލޭ މީހުން މިއުޅޭނީ ރާއްޖޭގެ އެންމެ އަގުބޮޑު ބިންތައް، އަމިއްލަކޮށް ދައުލަތުގެ ބިން ދިރިއުޅުމުގެ ނަމުގައި ހޯދާ ކުލީ ވިޔަފާރި ކުރަން. މާލޭ މީހުން މާލޭގެ ދިރިނޫޅޭ، މާފުށީ މީހުން މިހާރު ބިން ކުއްޔަށް ދީ ފައި ލަންކާގައި ދިރިއުޅެނީ.
އޮނަރަބްލް އަފީފު ދީދީ
05 April 2023
ބިމާއިބެހޭ ޤާނޫނަށް ބަދަލުގެނެސް ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާރަށްތައް، ހުވަދުއަތޮޅު ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫސިޓީ ފިޔަވާ ރާއްޖޭގެ އެހެން އެއްވެސް ރަށަކުން (ކ.އަތޮޅު މާލެ ވެސް ހިމަނައިގެން) ދިރިއުޅުމަށްޓަކާ ބަންޑާރަ ގޯތި ދިނުން ހުއްޓާލަންޖެހޭ. # އަދި ބިން ދޫކުރުމަށްޓަކާ މަތީގައި ދެންނެވުނުރަށްތައް ހިއްކެންއޮތް އެންމެ ބޮޑަށް ހިއްކާފައި ބިން ދޭންވީ.
ދެފުއްކެހެރި އިބުނިސީނާ
05 April 2023
މާލެ ވީމަ ތިގޮތެއްނޯވޭދޯ؟ މާލެ ހުޅުމާލެ ފުރިފަ ހުސް ބީރައްޓެހިން ހައުސިންހ މިނިސްޓްރީ އަކަށް ނޭގުނު މިކަހަލަ ގަވާއިދެއް ހަދާކަށް. މާލޭ މީހުނއ ވޯޜު ނިކަން ހޯދަބަލަ ވަރުގަދައަށް ކެމްޕޭން ޖައްސާނަން މިފަހަރު ނިކުންނާނެ މާލޭމީހުން އެމީހުންގެ ވަޒަން ހިމާޔަތްކުރަން ވޯޓުން.
ޢޮޅުވާނުލާ
05 April 2023
މާލޭ މީހުންވީމަ، ހުޅުލޭ ފަޅު ހިއްކާފަވެސް މާލޭ މީހުންނަށް އެކަނި ކިތިމަތި ލެވޭ ގޮތަށް ހަދާފަ، ރައްރަށު ބިން މާލޭ މީހުންނަށްވެސް ލެވޭ ގޮތަށް މިއޮންނަނީ. ޢެހެންވީމާ ހުޅުލޭ ފަޅުން ހިއްކާފައޮތް ހުޅުމާލެއިން ބިންދޫކުރާނަމަވެސް ރާއްޖޭ އެންމެނަށް ކުރިމަތިލެވޭ ގޮތަށް ބަދަލުކުރަން ގޮވާލަން.
ގުދުގުދާބެއްޔާ
05 April 2023
މިގޮތައްވެސް ރައްރަށުގެ މީހުންނަށް މާލެ/ ހުޅުމާލެއިން ފުލެޓް ނުލިބޭ ގޮތައް ހަދަންވީ! މިއޮތީ މަބުނިތަން އައިސްފަ! އެއް ކަލަ ބޯގޯސް އޮނަރަބަލް އަފީފުދީދީ މިކަމާ ބަހެއް ކިޔާބަލަ! ކޮބައިތަ އެއްކަލަ އުރައްޕެއްނެތް ގާނޫނީ ވަކީލުން މާލޭމީހުންނަށް ގޯތި ދޭން އުޅެން ފެށީމަ ކޯޓައް ދިޔަ! މިކަމާ އުޅެބަލަ މާލެއަށް ވުރެން މާފުށީގެ ބިމުގެ އަގު ބޮޑުވާނެ!
އޮނަރަބްލް އަފީފު ދީދީ
05 April 2023
މާފުށި ކައުންސިލްގެ ޤަވާއިދު ހަމަ ރަނގަޅު. އެރަށުން އެރަށުގެ ވަޒަންވެރިން (ރަށުގެ ޤާނޫނީ ރަށްވެހިންގެ ތެރެއިން އެއްވެސް ބަޔަކު ބާކީކޮށްލުމެއްނެތި) އެރަށު މީހުނަށް އިސްކަން ދިނުމާއި ކ.އަތޮޅު ހުޅުމާލެއިން ތިއަތޮޅު މާލޭ މީހުނަށް ބިން ދޭން އުޅުނު ގޮތާއި މުޅިން ތަފާތު. # މާފުށި ކައުންސިލްގެ ޤަވާއިދުގައި ނެތް "ކ.އަތޮޅު މާލޭ މީހުނަށް" ކުރިމަތިނުލެވޭ ވާހަކައެއް. އޮތީ "އެހެން" ރަށްރަށުގެ ވާހަކަ. އެއީ ތިރަށްވެސް ހިމެނޭގޮތުން ރާއްޖޭގެ ހުރިހާރަށެއްގެ ވާހަކަ.
ކޮނމނޖ
05 April 2023
އޮޅުވާނުލާބަލަ. މާފުށިން ބިމަށް އެދެވޭ ރާއްޖޭ އެންމެންނަށް. ހުޅުމާލޭ ބިމަށް އެދެވޭނެ ކަމަށް އޮތީ ހަމައެކަނި މާލޭ މީހުނަށް. ހުޅުމާލެ ބިންތަކަށްވެސް ރާއްޖެ އެންމެނަށް އެދެވެންވާނެ.
ޔާސިރުު
05 April 2023
ގދ.ތިނަދޫގައި 64 ހެކްޓަރު ބިން ހިއްކާފަ އޮންނަތާ 9 ވަރަކަށް އަހަރު ވަނީއެވެ. ތިނަދޫ ކައުންސިލުން ތިނަދޫއިން ގޯތި ދޫނުކޮއްގެން އުޅޭ ސަބަބެއް ވިސްނާ ވިސްނާ ނޭގުނެވެ. ތުންތުން މަތިން އަޑުއިވޭ ގޮތުގާ ސައުދު އަލީ ކިޔާމީހަކު އޭނާ މަޖުލިސް އިންތިހާބަށް ނިކުންނަ އިރު ކެންޕޭނަށް ގޯތިދޭން އިއުލާނުކުރާނެކަމަށް އަޑުއިވެނީ. މުގުނީ މިއީ ތެދެއްތަ