އަރަބިއްޔާ ސްކޫލް: އެތަނަށް ދާއިމީ ޕްރިންސިޕަލަކު އައްޔަން ނުކުރަން ވަގުތީ އަމުރެއް ވަނީ ނެރެފައި --- ފޮޓޯ/މިހާރު
06 އެޕްރީލް 2023 - 15:22
18 comments
އަރަބިއްޔާ ސްކޫލްގެ އެއްވެސް ދަރިވަރަކާ ދިމާލަށް ޓެރަރިސްޓެއް ކަމަށް ސްކޫލްގެ އެއްވެސް މުވައްޒަފަކު ބުނެފައި ނުވާ ކަމަށާއި އަދި އެ ސްކޫލާ ބެހޭގޮތުން ފަތުރަމުން ދަނީ ހަގީގަތާ ހިލާފް ވާހަކަތަކެއް ކަމަށް އަރަބިއްޔާ ސްކޫލުން މިއަދު ބުނެފި އެވެ.
އަރަބިއްޔާ ސްކޫލުން މިއަދު ނެރުނު ބަޔާނެއްގައިވަނީ ސްކޫލްގެ ޔުނިފޯމް ކޯޑާ އެއްގޮތަށް ބައެއް ދަރިވަރުން އަމަލު ނުކުރާތީ އެއާ އެއްގޮތަށް އަމަލުކުރަން އަބަދުވެސް ސްކޫލުން ހަނދާންކޮށްދޭ ކަމަށާއި އެކަމަކު އެފަދަ އެއްވެސް ދަރިވަރަކަށް ބިރު ދައްކާފައި ނުވާނެ ކަމަށް އެ ބަޔާނުގައިވެ އެވެ. އަދި އެފަދަ ދަރިވަރުން ސްކޫލަށް ނައިސް ނުތިބޭ ކަމަށް އެ ބަޔާނުގައިވެ އެވެ. އަދި ދަރިވަރުންނަކީ ޓެރަރިސްޓުން ކަމަށް ސްކޫލްގެ މުވައްޒަފަކު ބުނެފައި ނުވާނެ ކަމަށް ވެސް އެ ބަޔާނުގައިވެ އެވެ.
"އެފަދަ މާނައެއް ދޭހަވާ ފަދަ އިބާރާތެއް ވެސް ބޭނުންކޮށްފައެއް ނުވާނެ އެވެ." އެ ބަޔާނުގައިވެ އެވެ.
އެ ބަޔާނުގައިވާ ގޮތުން މަދު ބަޔަކު އެ ސްކޫލާ ގުޅޭގޮތުން ހަގީގަތާ ހިލާފް ވާހަކަތައް ފަތުރަނީ ފިތުނަ އުފެއްދުމަށެވެ. އޭގެ ސަބަބުން ގިނަ ބެލެނިވެރިންނާއި މުވައްޒަފުންނަށް ވެސް ކަންބޮޑުވާ ކަމަށާއި އަދި އޭގެ ސަބަބުން އެ ސްކޫލަށް ޓީޗަރުން ލިބުމަށް އުނދަގޫވުމުގެ ފުރުސަތު އޮތް ކަމަށް އެ ބަޔާނުގައިވެ އެވެ.
ޔުނިފޯމް ކޯޑާ ހިލާފަށް އަރަބިއްޔާގެ ބައެއް ދަރިވަރުން މޫނު ބުރުގާ އަޅާތީ އެކަން ނުކުރަން އެޑިއުކޭޝަން މިނިސްޓްރީން އެންގުމުން އަރަބިއްޔާގެ ބައެއް ބެލެނިވެރިން ވަނީ ސިވިލް ކޯޓަށް އެ މައްސަލަ ހުށަހަޅައިފަ އެވެ. އެ މައްސަލާގެ ޝަރީއަތް އަންނަ ހަފުތާގައި ފަށަން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައުމީދޫ001
07 April 2023
ރާއްޖޭގެ ތުއްތު ކުދިންގެ ތަރުބަވީ އަދި އިލްމީ ސިޔާސަތުތައް ކަނޑައަޅަން ހުންނަވާ ވްޒީރަކީ އިސްލާމްދީނުގެ އުސޫލުތަކަށް ތަބާވާ އަދި ދީނުގެ ސައްޙަ ގޮތް އެނގޭ ފަރާތަކަށްވުން ލާޒިމެވެ. ކުރިއަށް އިންތިޚާބުގައި ވްޒީރުންގެ މަޖްލިސް އެކުލަވައިލެވޭނެގޮތުގެ ތަސައްވަރެއް މުހިއްމު ކަމުގައިދެކެމެވެ.
ފެހެންދި
07 April 2023
އަރަބިއްޔާ ޕޭރަންޓުންނަކީ އެޓެންޝަން ބޭނުންވެގެން އުޅޭ ވިކްޓިމް ހެދިގެން އުޅޭ ބައެއް.
އަލީ!
07 April 2023
ސުކޫލުގެ ޤަވާއިދު ކަނޑައަޅަނީވެސް ބެލެނިވެރިން! ލޮލް!
ދެރަ
07 April 2023
"ބަޔާނުގައިވާ ގޮތުން މަދު ބަޔަކު އެ ސްކޫލާ ގުޅޭގޮތުން ހަގީގަތާ ހިލާފް ވާހަކަތައް ފަތުރަނީ ފިތުނަ އުފެއްދުމަށެވެ. އޭގެ ސަބަބުން ގިނަ ބެލެނިވެރިންނާއި މުވައްޒަފުންނަށް ވެސް ކަންބޮޑުވާ ކަމަށާއި އަދި އޭގެ ސަބަބުން އެ ސްކޫލަށް ޓީޗަރުން ލިބުމަށް އުނދަގޫވުމުގެ ފުރުސަތު އޮތް ކަމަށް އެ ބަޔާނުގައިވެ އެވެ." ތިތާނގެ ވާހަކަ ދައްކަނީ ހަމަ ތިތާނގެ ބެލެނިވެެރީން
ޢެޑްމުންޑޯ
07 April 2023
މާލޭގެ ގިނަސްކޫލްތަކެއް ހުންނަ އިރު ތިސްކޫލްގެ ވާހަކަ އަބަދު ނޫސްތަކަށް އަރަނި ކޮންމެވެސް ކަމެއްވީމަތާ ! ޥައްތަރު ވައްތަރުގެ ދޮގުބަޔާން ނެރުނަކަސް ގަބޫލެއް ނުކުރެވޭނެ ،
އައިޝަސް
07 April 2023
އެތާ ބެލެނިވެރިންގެ ހުންނަނީ ތަންކޮޅެއް އެހެން ކަހަލަ ވިސްނުމެއް
ހގގތ
06 April 2023
ޑްރެސްކޯޑެއް އޮއްވައި އެތަނަކަށް ދަރީން ވައްދާނީ އެގޮތާއި ހުރުހިގެން. ޑްރެސްކޯޑާއި ޚިލާފުވާނަމަ، އަޅަންއޮންނަފިޔަވަޅެއްއެޅީމައި އެކަންއެނިމުނީ. ބެލެނިވެރިންބޭނުންވާހައިގޮތްގޮތަށް ކަންތައް ބަދަލުކޮށް، ސުކޫލުހިންގުމަކީ ހަމަޖެހޭ، އަދި ފަސޭހަކަމެއްކަމަކަށެއްނުވާނެ. ބުރުގާއެޅުން މަނައެއްނޫން. އެހެންއޮއްވައި، ދެލޯއެކަނި ފެންނަގޮތަށް، ނުވަތަ ތުނިފޮތިކޮޅަކުން ދެލޯވެސް ނިވާކޮށްގެން ދަރިވަރުން ކިޔަވަންދިޔައިމަ ކާކުކަން ދެނެގަނެވޭގޮތެއް ނުއޮންނާނެ.
ހުސޭނުބޭ
07 April 2023
ނޭންގޭތަ ދަރިވަރު ސްކޫލަށް ފޮނުވުން އެއީ ގާނޫނުން ލާޒިމް ކަމެއްކަން. ނު ފޮނުވަިފިއްޔާ ބެލެނިވެރިޔާ ކުށްވެރިވާނީ.
ޤާބޫސް
06 April 2023
ތިކަމުގައި މަވެސް ބުނާނީ ސްކޫލަށް ދަރިވަރުން ފޮނުވަންވާނީ، ސްކޫލުގައި އޮންނަ އުޞޫލަށް ތަބަޢަވާނެ ނަމައޭ. މިއުޞޫލަށް ތަބަޢަ ނުވާ ދަރިވަރުން ސްކޫލަށް ނުފޮވާާށޭ. ސްކޫލަށް ދަރިވަރު ވައްދާއިރު ވާންޖެހޭ އިޤުރާރެއް އަނެއްކާ ތަޢާރަފު ކުރަން ޖެހޭ ހިސާބަށް ކަންކަން ނުގެންދިއުން އެދެނީ.
މަރުކަސު
06 April 2023
ޓީޗަރުންނަށްވުރެ ބެލެނިވެރިން މޮޅުކަމަށް ދައުވާކުރާތަނެއްތީ.
ޢަރުތަ
07 April 2023
މަދު ބެލެނިވެރިންކޮޅެއް، މާ ބޮޑަށް އަތްފުޅާ ވެގެން އުޅޭ ބެލެނިވެރިން ކޮޅެއް އެއީ.
ރުކުމާޒް
06 April 2023
ތިޔަ އަރަބިއްޔާއެއް ދެން މިހާރު އުވާލަންވީ. ވަރަށް ކަންތައްފަލަ ސްކޫލްއެއް. އަދި އެއަށްވުރެ އުނދަގޫ ބޮޑު ބެލެނިވެރިންގެ!
އިސްލާހު
06 April 2023
އަހަރެމެންނަކީ މުސްލިމުންކަމަށް ވާނަމަ އަރަބިއްޔާ ސްކޫލަށް ކުރިމަތިވެފައިވާ މައްސައާ މެދު ފުންކޮށް ވިސްނަން ޖެހެެއެވެ. !!!!!
ބާއިަލް
06 April 2023
މުސްލިމަކަށް ވުމުގެ ޝަރުޠަކީ އަރަބިއްޔާ މައްސަލަ އުފައްދާ 3 ބެލެނެވެރިންގެ ސިޔާސީ މަޅީގައި ޖެހި އަވަދި ވުމެއް ނޫން. އަނެއް ކަމަކީ ބެލެނިވެރިންގެ/ރައްޔިތުންގެ އުދާސް ހުރުމަކީ ސްކޫލް އުވާލަން ޖެހޭ ކަމެއް ނޫން. އެގޮތަށް އެކަން ކުރަން ބޭނުމިއްޔާ ސަރުކާރާއި މަޖިލިސް އަދި ކޯޓުތައް ވެސް އުވާލަން ވީ. ސްކޫލަކުން ނޫން ފަށަންވީ.
ހހގގގ
06 April 2023
ކުރިން މައުހަދު އޮންނައިރު އެ މަދަރުސާއޭ ކިޔައިގެން ތިހުރިހާ ވާހަކައެއް ނިދެކެވޭ . މިހާރު އަރަބިއްޔާ އޭ ކިޔައިގެން ކޮންމެވެސް އެއްޗެއް ނޫހަށް ނާރާދުވަހެއްނުދޭ
ޓތތދދދ
06 April 2023
މައުހަދުގެ ކުދިންނާއި ބެލެނިވެރިންނާއި މެނޭޖްމަންޓުން އުޅުނީ މުޖުތަމައުގެ އިހްތިރާމް ލިބޭގޮތަށް.
ޢަރުތަ
07 April 2023
ޢަރަބިއްޔާގަ އުޅޭ ބައެއްކުދިންގެ ބެލެނިވެރިންނަކީ މާމަތީ ހިސާބަކުން ދީން އުނގެނިގެން އައިސްތިބި ބައެއް، އެހެންވީމަ ސްކޫލުގެ ކަންކަން ހިނގަންޖެހޭނީ އެ ބެލެނިވެރިންކޮޅު ބުނާ ގޮތަކަށްތާ.