ޚަބަރު / މެމްބަރު ގާސިމް އިބްރާހިމް (މާމިގިލި)

ގާސިމްގެ ވެރިކަމެއްގައި ގެންގުޅޭނީ ނާސިރާއި މައުމޫންގެ ހާރިޖީ ސިޔާސަތު

ޖޭޕީގެ މިއަދުގެ ކައުންސިލްގެ ބައްދަލުވުމުގެ ރިޔާސަތު ޖޭޕީގެ ލީޑަރު ގާސިމް ބަލަހައްޓަވަނީ.---ފޮޓޯ: ޖޭޕީ

ހުސެއިން ހަބީބް، މިހާރު

18 އެޕްރީލް 2023 - 12:22

އޭނާ އަށް ވެރިކަން ލިބިއްޖެ ނަމަ ރާއްޖޭގައި ގެންގުޅުއްވާނީ ކުރީގެ ދެ ރައީސުން ކަމަށްވާ އިބްރާހިމް ނާސިރާއި މައުމޫން އަބްދުލްގައްޔޫމްގެ ހާރިޖީ ސިޔާސަތު ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ރޭ ވިދާޅުވެއްޖެ އެވެ.

ރައީސް ކަމަށް ވަޑައިގަތުމުގެ ކުރިން، ބޮޑުވަޒީރުކަން ވެސް ކުރެއްވި ނާސިރުގެ ވެރިކަމުގައި ރާއްޖޭގެ ހާރިޖީ ސިޔާސަތު ބައްޓަން ކުރެއްވީ ބައިނަލްއަގުވާމީ މަސްލަހަތަށް ވުރެ ބޮޑަށް ރާއްޖޭގެ މަސްލަހަތަށް އިސްކަން ދެއްވައިގެންނެވެ. މައުމޫންގެ 30 އަހަރުގެ ވެރިކަމުގައި އެ މަނިކުފާން ގެންގުޅުއްވީ ބައިނަލްއަގުވާމީ ގޮތުން ވަކި އަތަކަށް ބުރަ ނުވުމުގެ ހާރިޖީ ސިޔާސަތެކެވެ.

ސެޕްޓެމްބަރު 9 ގައި ބާއްވާ ރިޔާސީ އިންތިހާބުގައި ޖުމްހޫރީ ޕާޓީގެ ޓިކެޓްގައި ވާދަކުރައްވާނެކަން އިއުލާން ކުރައްވާފައިވާ ގާސިމްގެ ވެރިކަމެއްގައި ހާރިޖީ ސިޔާސަތު ބައްޓަން ކުރައްވާނެ ގޮތް ވިދާޅުވިޔަސް އޭގެ ތަފުސީލެއް އަދި ނުދެއްވަ އެވެ.

"އަޅުގަނޑުގެ ވެރިކަމެއްގައި ދިވެހިރާއްޖޭގެ ހާރިޖީ ސިޔާސަތަކަށް ހަދާނީ ކުރީގެ ރައީސް އިބްރާހިމް ނާސިރާއި ރައީސް މައުމޫން ވެސް ގެންގުޅުއްވި ހާރިޖީ ސިޔާސަތު ކަމުގައި ދަންނަވަން،" ރޭ ފަތިހު ގާސިމް ކުރެއްވި ޓްވީޓެއްގައި ވިދާޅުވި އެވެ.

މައުމޫންގެ ވެރިކަމަށް ފަހު، އައި ސަރުކާރުތަކުން ވަކި ގައުމުތަކަކާ މާ ބޮޑަށް ގުޅުން ބަދަހިކުރާ ކަމުގެ ޝަކުވާ އާންމުން ކުރެ އެވެ. ނަމަވެސް ހުރިހާ ސަރުކާރުތަކުން ވެސް ބުނަމުން އަންނަނީ ރާއްޖެ އިން ގެންގުޅެނީ ހުރިހާ ގައުމުތަކާ މެދު ހަމަހަމަ ހާރިޖީ ސިޔާސަތެއް ކަމަށެވެ.

ރައީސް މައުމޫން އަބްދުލްގައްޔޫމް މެމްބަރު ގާސިމް އިބްރާހިމް (މާމިގިލި) ޖުމްހޫރީ ޕާޓީ ރައީސް އިބްރާހިމް ނާސިރު ރިޔާސީ އިންތިޚާބު 2023 ޑިޕްލޮމެސީ ޑިޕްލޮމެޓިކް ގުޅުން

26 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައުޓް

20 April 2023

އަންތަރީސް ވާނެ ހުޅުމާލޭ ބޮޑު ވީ ވަރުން ރަންވޭ ހުޅުލޭ ދެކުނަށް ބިޔަވެގެން ދިޔަ ގޮތުން ފަންސަވީހަށް ދަރުމަވަންތަ އުފުލާ ލުމުން ވަންނަމުން ދާ ދިރުން ހާމަވޭ މަންޒަރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލްޤީސްޓް

20 April 2023

ޤާސިމަށް ރައީސްކަން ދޭކަށެއް މީހަކު ނޫޅޭ. އެންމެ ބާރުލާފަ ޤާސިމް ރައީސްއޭ ގޮވަމުންދިޔަ ފިކުރެއްގެ ދިރުމުގެ ލީޑަރު ވެސް އެ އައީ ތިމަންނާ އަށް ބޮޑު ވަޒީރުކަން ދޭށޭ ގޮވަމުން. ޤާސިމް މިހާރު ތިހުރީ ހިލޭ ޖެހިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭން

20 April 2023

މީނަ މިހާރު ހާދަ ހެވިގެން މިއުޅެނީ. ކުރިޔާލާ ހުވަފެން ބަލަން ފެށީ ދޯ..ހަހަހަހހ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންޑޭ

19 April 2023

ލެއްގީ ނޫނީ ހޮވާނެ ހެނެއްް ހިއެއް ނުވޭ! ޑރ. ވަޙީދުގެ %5 ރެކޯޑް ޤާސިމް މިފަހަތު މުގުރާލާނެ. %4 ހެން ހީވަނީ ލިބޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުދުބގެ އަމާ

19 April 2023

ޤާސިމް ދާނީ ފަަތަށް ތާ. ނާސިރު އަދި މައުމޫނު ވެރިކަން ކުރި ދުނިޔެ އެއްނެތް މިހާރަކު. ޚާރިޖީ ސިޔާސަތުތައްބައްޓަންކުރަން ޖެހެނީދުނިޔޭގެ ބަދަލު ވަމުންދާ މާހައުލު ދިރާސާކޮށް އޭގެ އަލީގަ. އަދި އަންނަބަދަލުތަކަށް އެޖަސްޓް ވެސް ވާންޖެހޭ. ވެެރިކަންނުލިބެނީސް ތި ދެއްކިވާހަކައަކުން މީހާގެ ނާތަހުޒީބުކަން އެނގުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިމް

18 April 2023

ގާސިމްގެ ވެރިކަމެއްގައި ނާސިރުގެ ހާރިޖީ ސިޔާސަތު ގެންގުޅެން ވިސްނުމުގެ ކުރިން ފުރަތަމަ ނާސިރުގެ ދާހިލީ ސިޔާސަތު ގެންގުޅެވޭނެތޯ ސުވާލުކޮށްބަލަ އަމިއްލައަށް. ނާސިރުގެ އަންބަކަށް ދުވަހަކުވެސް ދައުލަތުގެ މަތީ މަގާމެއް ދީފައެއްނެތް. އަމިއްލަ އަނބިމީހާ މިނިސްޓަރަކަށާ ޕާޓީގެ ޑެޕިއުޓީ ލީޑަރަށް ބަހައްޓައިގެން ނާސިރުގެ ސިޔާސަތޯ ތިކިޔަނީ. ނާސިރު ބޭކާރު މީހުންނަކަށް ވަޒީފާނުދޭ. ބޭކާރު އެޑްވައިޒަރުންނެއް ނުގެންގުޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

18 April 2023

ތި ސިޔާސަތު ތައް ގެނެވޭނެ ފަދަ ގާބިލް ބޭފުޅަކަށް މިހާރު ރިޔާސީ ރޭހުގައި ހުންނެވީ ކުރީގެ ރައީސް އަބްދުﷲ ޔާމީން އަބްދުލް ގައްޔޫމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަކުއްޖާ

20 April 2023

އިތުރަށް އެބޭފުޅާ ދައްކަވާނެ ސިޔާސަތެއް ދެނެއް ނެތް. ކޮމަންވެލްތާ ގުޅުން ކެނޑި ހިސާބުން އެއޮތީ އެކަން ވަރަށް ސާފުކޮށް ފެންނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުމްމ

18 April 2023

ނާސިރުގެ ފޮރިން ޕޮލިސީއަކީ މިނިވަން މުސްތަގިއްލު ދައުލަތެއްގެ ޕޮލިސީ. އެގޮތުން އިނގިރޭސިން ރާއްޖެއިން ބޭލުމާ ވޯރާ ވިޔަފާރިވެރިން ބޭރުކުރުމާ ދައުލަތުގެ އަމިއްލަ ވިޔަފާރި ކުންފުނިތައް އުފައްދާ ދިވެހިންގެ އަތްމައްޗަށް ވިޔަފާރިތައް ގެނައުމާ ބޭރުގެ ނުފޫޒު ރާއްޖެއަށް އަޔަ ނުދިނުންފަދަ އެތައްކަމެއް ނާސިރު ކުރެއްވި. ގާސިމުގެ ސިކުނޑީގަ އެވަރުގެ ކުޅަދާނަކަމެއް އެބަހުރިތަ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރާސީނު

18 April 2023

ކޮވިޑާއެކު ގެއްލިވަޑައިގެންނެވި ބޭފުޅަކަށް ކޮން ހާރިޖީ ސިޔާސަތެއް ތަންފީޒު ކުރެވޭނީ؟ އެންމެ ދަތި ދުވަސްވަރުގަ، ރައްޔިތުން ގޮވައިގެން ހިތްވަރު ކުރެއްވި ރައީސާއި ދެކޮޅަށް ތިޔަ ނިކުންނެވީ، ބޯކިބާ އެއްކޮށް ޖަހައިގަންނާނެ ހިޔަޅަކާއެކު....