ރައީސް ބަރަކް އޮބާމާ: އެންމެ ފަހު ވަގުތު ވަނީ ފަލަސްތީނަށް އެހީ ދޫކުރައްވާފައި.
24 ޖެނުއަރީ 2017 - 10:41
8 comments
ވޮޝިންޓަން (ޖެނުއަރީ 24) - ވެރިކަމުން ފައިބައިވަޑައިގަތުމުގެ ކުޑަ ވަގުތުކޮޅެއް ކުރިން އެމެރިކާގެ ކުރީގެ ރައީސް ބަރަކް އޮބާމާ ވަނީ ފަލަސްތީނަށް 221 މިލިއަން ޑޮލަރު ދޫކުރައްވާފައި ކަމަށް އޮފިޝަލުން ބުނެފި އެވެ.
ކޮންގްރެސްގެ ބައެއް މެންބަރުންގެ ނުރުހުމާ އެކު އޮބާމާގެ ސަރުކާރުން މި ފައިސާ ފަލަސްތީނަށް ދޫކުރީ، ސްޓޭޓް ޑިޕާޓްމަންޓުން ބުނި ގޮތުގައި، ހުކުރު ދުވަހު ހެނދުނު އެވެ.
ސްޓޭޓް ޑިޕާޓްމަންޓުގެ އޮފިޝަލުން ބުނީ ކުރީގެ ޚާރިޖީ ވަޒީރު ޖޯން ކެރީ ވަނީ މަގާމުން ވަކިވެވަޑައިގަތުމުގެ ކުރިން، ކޮންގްރެސްގެ ބައެއް މެންބަރުންނަށް، ފަލަސްތީނަށް ފައިސާ ދޫކުރާކަން އަންގަވައިފަ އެވެ. އަދި ކޮންގްރެސް އަށް ލިޔުމުން އެންގީ ރައީސްކަމުގެ ހުވާ ޑޮނަލްޑް ޓްރަމްޕް ކުރެއްވުމުގެ ކުޑަ ވަގުތު ކޮޅެއް ކުރިންނެވެ.
ކޮންގްރެސް އިން ކުރިން ވަނީ 2015 އަދި 2016 ގެ ބަޖެޓް އަހަރުގައި ފަލަސްތީނަށް ދޭ އެހީ ފާސްކޮށްފަ އެވެ. ނަމަވެސް ކޮންގްރެސްގެ ބައެއް ކޮމިޓީތަކުގެ މެންބަރުން ވަނީ އެ ފައިސާ ދޫކުރަން ދެކޮޅު ހަދައިފަ އެވެ. ކޮންގްރެސްގެ ބައެއް މެންބަރުންގެ ދެކޮޅު ހެދުންތަކަށް ވެރިކަމުގެ ފަރާތުން އާއްމުކޮށް އިހުތިރާމް ކުރެ އެވެ. ނަމަވެސް ކޮންގްރެސް އިން ފާސްކޮށްފައިވާ ފައިސާ ހުއްޓުވަން ބައެއް މެންބަރުން ދެކޮޅު ހެދި ނަމަވެސް ގާނޫނީ ގޮތުން އެ ފައިސާ ހިފެހެއްޓޭނެ ހަމައެއް ނޯވެ އެވެ.
ހުޅަނގު އައްސޭރި އާއި ގާޒާގެ އިންސާނީ އެހީގެ ގޮތުގައި ބޭނުން ކުރުމަށް މި ފައިސާ ދޫކުރުމަށް އޮބާމާ ސަރުކާރުން މަސައްކަތް ކުރާތާ ދުވަސްކޮޅެއް ވެއްޖެ އެވެ.
ފަލަސްތީނަށް ފައިސާ ދޫކުރުމަކީ ރައީސް ޑޮނަލްޑް ޓްރަމްޕުގެ ހިތްހަމަނުޖެހުން އުފެދޭނެ ކަމެކެވެ. ޓްރަމްޕް ވަނީ އިޒްރޭލަށް ތާއީދުކޮށް ވަރަށް ބޮޑަށް ވާހަކަ ދައްކަވައިފަ އެވެ. އަދި އިޒްރޭލުގެ ބޮޑު ވަޒީރު ބެންޖަމިން ނަތަންޔާހޫ އެމެރިކާ އަށް ވަޑައިގަތުމަށް ޓްރަމްޕް ވަނީ ދައުވަތު ދެއްވައިފަ އެވެ. ތެލް އަވީވުގައި ހުންނަ އެމެރިކާ އެމްބަސީ ގުދުސް އަށް ބަދަލު ކުރާނެ ކަމަށް ވެސް ޓްރަމްޕް ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހުސާނު އަލީ / ޔޫ އެސް އޭ
25 January 2017
ރައިސު އޮބާމާގެ ބައްޕާ ފުލަކީ ކެންޏާގެ މުސްލިމެއް.... ްޮބާމާގެ މާމަ 2016 ގައި ހައްޖުގެ އަޅުކަން ކުރެއްވީ ސައުދީ ސަރުކާރުގެ ވީ އައި ޕީ ސެކުޔުރެޓީ އާއި އެކު ގޮނޑިއެއްގައި ... ކޮންމެ ގޮތަކައް ވިޔަސް ކުރިސްޓިއަން ދޮންއަނހެނެއްގެ ދަރިއެއް އަދި ބޮޑުފުޅުވީ ކުރިސްޓިއަން މަންމާ ފުލުގެ ކައިރި ކަމައް ވިޔަސް އޮބާމާ އައް އނގިވަޑައިގަންނަވާ އޮބާމާގެ އުފެދުން އައީ މުސްލިމު ދަރިކޮޅުންކަން... އެމެރިކާގެ ތާރީޚުގައި ކަޅު ނަސްލުގެ ބޭފުޅަކު އެދިޔައީ އެމެރިކާ ތާރީޚުގެ ތެރެއައް ވައްދައިފައި... ރާއްޖޭގައިވެސް ރައްޔަތުން އެބަޖެހޭ އާއިލީ ވެރިކަމައް އަލް ވަދައުކިޔާ ރައްޖެތެރޭގެ ބެފުލަކު ހޮވަން.. އެއީ ކޮންމެފަދަ އައިލާއަކައް ވިޔަސް އޯކޭ
އަބްދުއްލާ އަލީ
24 January 2017
މުހިންމު ކަންތައް ނުކޯށް ދޯކޮށްލި ކަން ދެރައީ އެއީ ތިޔަ 200މިލިއންޑޮލަރަށް ވުރެވެސް ބޮޑުކަމެއް ފަލަސްތީނުގެ މިނިވަން ދަވްލަތެއް އެމެރިކާ އިން ގަބޫލު ކުރުން މިކަން އޮބާމާ ކުރެއްވިނަމަ ވަރަށް ފުރިހަމަވީސް އެއްވެސް ބަޔަކު އެ ދަނޑިވަޅުގާ އެވާހަކަ ނުނެގިކަން ދެރައީ
ހަސަނު
24 January 2017
ފަލަސްތީނު މީހުން ބޮލަށް އަޅަން އިޒްރޭލަށް އެތަށް ބިލިއނަ ޑޮލަރެއްގެ ބޮންތައްވެސް ހަދިޔާ ކުރީ އޮބާމާ.. ދެން އެ ބޮން އަޅައިގެން މީހުން ހާލުގާ ޖެހުނިމާ އެއަށްވެސް މިދެނީ ކުޑަ ކުޑަ އެހީއެއް..
މުސްލިމް
24 January 2017
ރައީސް އޯބާމާގެ ވެރިކަމުގަ ވަނީ ރޯދަމަހު ރޯދަވީއްލުންވެސް ވައިޓްހައުސްގަ ބާއްވާ މުސްލިމުނާ އެކީ ރޯދަވީއްލުމުގަ ބައިވެރިވެ ހައްދަވާފަ. ރައީސް އޮބާމާ އަކީ މުސްލިމުންގެ އަދާވައިއްތެރިޔެއްކަމަކައް ނުބެލެވޭނެ. ހިތްހެޔޮ ހިތްތިރި އެހެންމީހުންގެ އިހުސާސުތަކައް ގަދަރުކުރާ ވެރިޔެއް ރައީސް އޮބާމާއަކީ
ތިބޭބަލަން
24 January 2017
އޮބާމާ ފަހު ވަގުތު ފަލަސްތީނަށް އެހީވުން އޯކޭ އެވެ. ދެން އަދި އޮތީ ލާރޖް ކޮށް ފަލަސްތީނު އާރާސްތު ކުރަން އެހީވުން މރ. ޓްރަމްޕްގެ ވެރިކަމުގައި އިނގޭ. މިހާރު އެއަށް މިތައްޔާރު ވަނީ ޔޫއެސް އިން. ތަމެން ތިބެގަ ބަލަން އެކަން ލާރޖް ކޮށް ވަމުން ދާއިރު.
މޮހޮނު
24 January 2017
ޝުކުރިއްޔާ
1234
24 January 2017
ތީހުސް ފޭކު ވާހަކާ.. 8 އަހަރު ވެރިކަމުގަ ހުންނެވިއަރު އެތައް ފުރުސަތެއް ލިބުނު އިރުވެސް އެއްވެސް ކަމއެ ނުކޮށް ހުރީ ގަސްތުގަ
ޙަސަންބެ
24 January 2017
ރައީސް ބަރަކް އޮބާމާ އަކި މުސްލިމުންނަށް ހެޔޮއެދޭ ބޭފުޅެއްކަން އޭނާގެ ޢަމަލުތަކުން ވަރަށް ގިނަފަހަރު ވަނީ ސާބިތުވެފައެވެ. އެމެރިކާފަދަ ބާރުހުރު ޤައުމެއްގެ ރައީސަކު މުސްލިމުންނަށް ހެޔޮކަމެއް ކޮށްދިނީތީ ވަރަށް އުފާވެއެވެ.