ވެމްކޯއިން ކޮތަޅު ޑެލިވަރީކޮށްދޭނީ 24 ބޮނޑި ގަންނަ ނަމަ

ވެމްކޯގެ މުވައްޒަފުންތަކެއް ކޮތަޅު ޑެލިވަރީ ކުރަނީ. ކުނި އަޅަން ހާއްސަ ކޮތަޅު މިއަދުން ފެށިގެން ވެމްކޯއިން ވިއްކާނެ-- ފޮޓޯ: ފަޔާޒް މޫސާ /މިހާރު

ފާތިމަތު ޝަނާ މުހައްމަދު، މިހާރު

27 އެޕްރީލް 2023 - 11:36

11 comments

ޕްލާސްޓިކް ކޮތަޅުން ފީ ނަގަން ފެށުމާ އެކު ކޮތަޅުގެ އަގު ބޮޑުވެ ކުނި އަޅާ ކޮތަޅުގެ އަގު ވެސް އުފުލިގެން ދިއުމުން އެކަން ހައްލު ކުރުމަށް ވެމްކޯ އިން ވިއްކާ ކޮތަޅު ހިލޭ ޑެލިވަކޮށްދޭނީ ގިނައިން ގަންނަ މީހުންނަށް ކަމަށް އެ ކޯޕަރޭޝުން ބުނެފި އެވެ.

ވެމްކޯއިން ވިއްކާ ކޮތަޅު ޕްރީ-އޯޑާ ކުރުމުން ޑެލިވަރީ ހިދުމަތް ދޭން ނިންމައި އެކަން އިއުލާނުކުރުމާ އެކު އާންމުން ގެންދަނީ އެއްފަހަރާ 24 ބޮނޑި ކޮތަޅު ގަންނަން ޖެހެނީ ކަމަށް ބުނެ ޝަކުވާކުރަމުންނެވެ.

ވެމްކޯއިން ބުނީ 24 ބޮނޑި ކޮތަޅު އެއީ ހިލޭ ޑެލިވަރީ ލިބޭ އަދަދު ކަމަށާއި އެއީ ވިޔަފާރިތަކަށް ހާއްސަކޮށް އަގު ހެޔޮކޮށް ލިބޭނެ ގޮތަށް ވިއްކާ ކޮތަޅު ކަމަށެވެ. މިގޮތަށް އޯޑަރުކުރުމުން ޑިސްކައުންޓް ލިބި ކޮތަޅު އަގު ހެޔޮވާނެ ކަމަށާއި އެއީ ފިހާރަތަކުން ހެޔޮ އަގުގައި އާންމުންނަށް ލިބޭނެ ގޮތް ހަދަން ކަމަށް އެތަނުން ބުންޏެވެ.

ގިނައިން ކޮތަޅު ގަތުމުން ތިން ދުވަސް ތެރޭ ޑެލިވަކޮށްދޭން ފަށާފައި ވާއިރު، ހެނދުނު 11:00 އިން މެންދުރު ފަހު 3:00 އަށް ވެމްކޯގެ މާލެ، ހުޅުމާލެ އަދި ވިލިމާލޭގެ ވޭސްޓް ޓްރާންސްފާ ސްޓޭޝަންތަކުގެ ކަސްޓަމަ ފްރޮންޓް އޮފީސްތަކުން އާންމުންނަށް ވެސް ކޮތަޅު ވިއްކަން ވަނީ ފަށައިފަ އެވެ.

ވެމްކޯއިން ވިއްކާ ކޮތަޅު ބޮނޑިއެއް.-- ފޮޓޯ: ފަޔާޒް މޫސާ /މިހާރު

ވެމްކޯއިން އަންނަނީ ދެ ވައްތަރެއްގެ ކޮތަޅު ވިއްކަމުންނެވެ. އެއީ ކުނިވާޒާތުގެ ބާތްތައް އެޅުމަށް ހާއްސަ ފެހި ކޮތަޅާއި އެހެނިހެން ބާވަތްތައް އެޅުމަށް ކަޅު ކޮތަޅެވެ. ކުނި އެޅުމަށް ހާއްސަ ތިން ސައިޒެއްގެ ކޮތަޅު އެ ކޯޕަރޭޝަނުން ވިއްކަ އެވެ. އާއްމު ސައިޒު ނުވަތަ L ސައިޒު [17 އިންޗީ ދިގު] ގެ ބޮނޑިއެއްގައި 100 ކޮތަޅު އޮންނާނެ އެވެ. އޭގެ އަގަކީ 35ރ. އެވެ. ސައިޒު XXL [27 އިންޗި ދިގު]ގެ 100 ކޮތަޅުގެ ބޮނޑިއެއް 165ރ. އަދި XXXL [48 އިންޗީގެ] ގެ 50 ކޮތަޅު ބޮނޑިއެއް ވެސް ވިއްކަން ހަމަޖައްސާފައިވަނީ 165ރ. އަށެވެ.

ކޮތަޅުގެ މައްސަލަ ބޮޑުވީ ކުނި މެނޭޖްކުރުމުގެ ގާނޫނަށް ގެނައި އިސްލާހުތަކާ އެކު ކޮންމެ ޕްލާސްޓިކް ކޮތަޅަކުން ދެ ރުފިޔާގެ ފީއެއް ނަގަން ފެށުމުންނެވެ. ކުނި އުކަން ބޭނުންކުރާ ކޮތަޅުން މި ފީ އިސްތިސްނާ ވިޔަސް ޖުމްލަކޮށް ކޮތަޅުގެ އަގު އުފުލިގެން ދިއުމުން ކޮތަޅަށް ކުރަންޖެހޭ ހޭދަ އެތައް ގުނައެއް ބޮޑުވެގެން ދިޔައީ އެވެ. މިއީ ގާނޫނުގެ އޮތް ގޮތުން ދިމާވި މައްސަލައެއް ކަމަށް ވާތީ އެކަން އިސްލާހުކުރަން ވަނީ ހުށަހަޅައިފަ އެވެ.

ވޭސްޓް މެނެޖްމެންޓް ޕްލާސްޓިކް ކޮތަޅު ވެމްކޯ

11 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފެހިކޮތަޅު

27 April 2023

ވެމްކޯއިން އެ ވިއްކަނީ ތިމާވެއްޓާ ރައްޓެހި ޕްލާސްޓިކް ކޮތަޅުތަ؟ އެހެންނޫންނަމަ ތިމާވެއްޓަށް ކޮން ފައިދާއެއްވާން އޮތީ؟ ދެން އެންމެން ތިޔަ ކޮތަޅުތައް ބޭނުންކުރާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

27 April 2023

ވެމްކޯ އަށް ކޮތަޅު ވިއްކާ ބަޔަކު މުއްސަނދި ވާނެ އެވެ. އަދި ބައި ލިބޭ ބަޔަކުވެސް މުއްސަނދި ވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

27 April 2023

ކުރިއައް ވުރެވެސް ކޮތަޅު ގިނަވީ!އަޅުގަނޑު ހަމަ ބުނާނީ އެތަނެއްގަ ހުރި ގޮންޖެހުންތަކައް ބަލާފަ ފަސޭހަ ދިރިއުޅުމެއް ހޯދުމޭ ތަރައްގީއަކީ!މިޒަމާނުގަ އެބަ ދިރާސާ ކުރޭ ފާހާނަޔައް ބޮޑުކަމުދާ ނަޖިން ފުލެސްކުރާ ހަމައިން ހަކަތަކައް ބަދަލު ކުރެވޭނެ ގޮތްވެސް!ވީމަ ދަރިންނައް އަރަބިބަހުން ރީތިކޮއް ރާގުރާގައް ޅެންކިއަން ދަސްކޮއްދީ ކުދިންގެ ވަގުތުބޭކާރު ނުކޮއް ތި މާލޭގެ ކުނީގެމަސްލަ ހައްލު ކުރެވޭވަރު އިލުމެއް ދަރިންނައް އުނގަނައި ދިނުމަކީ ކުރަންވެއްޖެ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދްރީސް އިދްރީސް

27 April 2023

ކަލޭއަށް ވެސް ކަލޭގެ ދަރިންނަށްވެސް އެބައޮތް ތިރާގު ރާގަށް ނުފުމެ އިލްމު ހޯދަން. އަރަބި ބަހަކީ މާތް ބަހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްސަލަ

27 April 2023

ތިޔަ ކިޔާ ފަސޭހަ ދިރިއުޅުން ހޯދަން އުޅެން ހަދައިގެން ދުނިޔޭގަ ކުނި ގިނަވަނީ. ރީޔޫޒް ކުރާ ކަހަލަ ފެންފުޅީގެ ބަދަލުގަ އުކާލާ ފުޅި އުފެއްދީ ފަސޭހަކުރަން. ސިންގަލް ޔޫޒް ޕްލާސްޓިކް އުފެއްދީ ދިރިއުޅުން ފަސޭހަކުރަން. އެހެން ގޮސް ދުނިޔޭގަ އެތައް އެތައް އީޖާދެއް ކޮށްފި ތަރައްގީގެ ނަމުގަ ދިރިއުޅުން ފަސޭހަކުރަން. އޭގެ ގިނަ ކަންކަމުން ދުނިޔެ މިދަނީ ހަލާކުވަމުން. އިންސާނުންގެ މޮޅުކަމުން އީޖާދުތައް ދަނީ ކުރަމުން. އެކަމުން ދުނިޔެއަށް ގިނަވަނީ ހަމަ ހުސް ކުނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

28 April 2023

ހޭދޭ ގޯސްތައް ގޯހެއްކަން އެގުނީމަ ރަނގަޅު ކުރަން މަސަކަތް ކުރަންޖެހޭނެ! ދުނިއެ ދުވަހަކައް ވުރެދުވަހެއް ކުރިނޭރިނަމަ ކާއެއްޗެތި ރޯފިލުވައިގެން ކާކަން ނުޖެހުނީސް ކާއެއްޗެތި އަޅަން އެއްޗެއް ހޯދާކަންޖެހުނީސް! ދޫނީއޭގަ އެކި ބޭނުމައް އެކި ދުވަސްވަރު އެކިމައުދަން ބޭނުނުކުރި ވަޅިފަދަ ގޮތައް ބޭނުކުރި އެއްޗެތި ތޫނު ގާބޭނުންކޮގެން ފުދުނު! ދުނިއެ ދެމިއޮތްހާ ދުވަހު ދާނީ އާގޮތްތައް ފެންނަމުން އެހެންނަމަ ޖަމަލު މަތީ ދޫބާއީ ސައުދީފަދަ ތަންތާ އަދިވެސް އުޅުނީހީ