ޑެންގީ ހުން ކޮންޓްރޯލެއް ނުވޭ، މިދިޔަ ހަފުތާގައި 38 މީހުންނަށް ޖެހުނު

ދ. އަތޮޅުގެ ހޮސްޕިޓަލްގެ މުވައްޒަފުން ޑެންގީ މަދުކުރުމުގެ ކެމްޕެއިނެއްގައި ތަންތަން ސާފުކުރަނީ.-- ފޮޓޯ: ހެލްތް މިނިސްޓްރީ

އާސިމާ ނިޒާރު، މިހާރު

09 ޖޫން 2016 - 16:39

4 comments

ޑެންގީ ހުން ޖެހިގެން، މިދިޔަ ހަފުތާގައި މުޅި ރާއްޖެއިން 38 މީހަކު ރިޕޯޓްކޮށްފައިވާ ކަމަށާއި ކުރީ ދެ ހަފުތާގައި 90 މީހަކަށް ޑެންގީ ޖެހިފައިވާ ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން މިއަދު ބުނެފި އެވެ.

އެޗްޕީއޭގެ ޑެޕިއުޓީ ޑިރެކްޓަރު ތަސްލީމާ އުސްމާން ވިދާޅުވީ ކ.ކާށިދޫ އާއި ފ. ނިލަންދޫ އާއި ނ.މަނަދޫ ޑެންގީގެ ކޭސްތައް ރިޕޯޓްކުރާ މިންވަރު އިތުރުކަން ފާހަގަވެފައިވާ ކަމަށެވެ. އަދި މިދިޔަ ހަފުތާގައި ހުޅުމާލެ އާއި މާލެ އާއި ނިލަންދޫން ވެސް ޑެންގީގެ ކޭސްތައް ރިޕޯޓްކޮށްފައިވާ ކަމަށް އޭނާ ވިދާޅުވި އެވެ.

"ކުރީ ދެ ހަފުތާގައި ވަރަށް ބޮޑު ޕީކެއް އައިސްފައި މިއިނީ. ޕީކަކަށް ފަހު މިދިޔަ ހަފުތާގައި އެ އިނީ މަދުވެފައި،" ތަސްލީމާ ވިދާޅުވި އެވެ.

މިދިޔަ އަހަރު ޑެންގީ ހުން ޖެހިގެން ހާހަކަށްވުރެ ގިނަ މީހުން ރިޕޯޓްކޮށްފައި ވާއިރު އޭގެ ތެރެއިން ހަ މީހަކު ވަނީ މަރުވެފަ އެވެ. މި އަހަރުގެ މިހާތަނަށް ވެސް ވަނީ ޑެންގީ ޖެހިގެން ގާތްގަނޑަކަށް 500 މީހުން ރިޕޯޓްކޮށްފަ އެވެ.

ޑެންގީ ޖެހިގެން މަރުވި ކަމަށް ބެލެވޭ ތިން ކޭސް އެއް މި އަހަރުގެ މިހާތަނަށް ވަނީ ރިޕޯޓްކޮށްފަ އެވެ.

ތަސްލީމާ ވިދާޅުވީ ޑެންގީ ކޮންޓްރޯލްކުރުމަށްޓަކައި އަމިއްލަ ޒިންމާ ނަގައި ދާއިމީ ގޮތެއްގައި ތަންތަން ސާފުކޮށް ބޭއްވުމަށް އެކަށީގެންވާ ގޮތެއްގައި މަސައްކަތްތައް ކުރަންޖެހޭ ކަމަށެވެ. މަދިރި މަދުކުރުމަށް މިނިސްޓްރީން ވެސް ސާފުކުރުމުގެ ޕްރޮގްރާމްތައް ކުރިއަށްގެންދާކަން އޭނާ ފާހަގަކުރެއްވި އެވެ.

ޑެންގީ އަކީ މަދިރީގެ ސަބަބުން ޖެހޭ ބައްޔެކެވެ. ޑެންގީ ޖައްސަނީ އެއިޑިސް މަދިރި އެވެ. ސާފު ފެނަށް ބިސް އަޅައި އާލާވާ މި މަދިރިން ސަލާމަތް ވުމަކީ މި ބަލިން ރައްކާތެރިވުމަށް އަޅަންޖެހޭ އެންމެ މުހިންމު ފިޔަވަޅެވެ. މަދިރި އާލާވިޔަ ނުދިނުމަށް، ފެން ހަރުލާ ގޮތަށް އެއްޗެހި އުކާލާފައި ނުބެހެއްޓުން މުހިންމެވެ.

ޑެންގީ ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ ސިއްހަތު ވައިރަލް ހުން

4 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުމަރު

10 June 2016

ރާއްޖެއިން ޑެންގީ ކޮންޓްރޯލްކުރަން ރާއްޖޭގެ އެކި އެކި ރަށްތަކުގައި ހިނގާ ޖަމްއިއްޔާތަކާއި ހަވާލުކުރަންވީނޫންތޯ؟ އެކަން ކުރެވޭނީ ފުޓްސެލް ދަނޑުތަކަށް އިންވެސްޓްކުރިހެން ފޮގް މެޝެންތަކެއް ދީފައި ކޮންމެ ރަށަކުން މީހަކު ސީދާ އެކަމަށް އައްޔަންކުރުމުން، އެއިރުން ޖަމްއިއްޔާގެ ޒިންމާއެއް އެމަސައްކަތް ކުރުން، އެއިރުން ވާދަވެރިކަމާއި އެކުގައި އެކަން ކުރެވޭނެ، ދެން އެޖަމްއިއްޔާއަކަށް ފައިސާގެ އެހީ ހެލްތު މިނިސްޓްރީންދީފައި ހިއްވަރު ދިނުމުގެ އިނާމުވެސްދޭނީ، އެއިރުން ކޮންމެ ރަށެއްގެ ކޮމިއުނިޓީން އެކަންކުރާނެ، ސަރުކާރަކަށް ހުރިހައިކަމެއް ނުކުރެވޭނެ މިފަދަ ސިޔާސީ ވަދަވެރި ދަނޑިވަޅެއްގައި،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޒްވާން

10 June 2016

ރައީސްމީހާ ބުނަންވީ ތިމަންނަގެ ވެރިކަމުގައި އަދި ޑެންގޫ ޖެހިގެން މީހަކު މަރެއްނުވެއޭ.ތިމަންނަގެ ވެރިކަމުގައި މީހަކަށް ޑެންގޫއެއް ނުޖެހެއޭ.މިހެންބުނީމަވެސް އެއްކަލަ އަތްތިލަބަޑި ޖަހަން ތިބޭ ބައިގަނޑު ހަމަ ޖަހާލާ ޖަހާލާ ތިބޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަ

10 June 2016

މިހާރު ޓީމް އިން ގޮސް ބަލާބަލަ މާރުކޭޓް ދިރުހަމް ޓްރޭޑް ކުރިމަތި ކާނު ގަނޑުތެރެ..ސަން އޮންލައިން އަދި ވަގުތު އަދި ހެލްތު މިނިސްޓްރީއަށް ވެސް ރިޕޯޓް ކުރިން..ވީ ކަމެއް ނެތް، ދެން ކޮން ފަރުދީ ޒިންމާއެއްގެ ވާހަކަ ދައްކާކަށް؟ އެއްކޮޅުން އަނެއްކޮޅަށް އެހެރަ ކާނު ގަނޑުގައި ފެންނުހިކޭ ހުސް މަދިރިފަނި! ނޫސްތަކަށް ރިޕޯޓު ކުރީ ސަރުކާރުގެ އިދާރާ ތައް ޒިންމާދާރު ކުރެވޭނެ ކަމަށް ހިތާ ނޫސްވެރިން ރިޕޯޓް އެއްނެރުމުން، ނަމަވެސް ވީކަމެއް ނެތް..އަނެއްކާވެސް ކޮމެންޓް އެއްގެ ގޮތުންވެސް މި ކޮމެންޓް ކޮެންމެ ވެސް ޒިންމާ ދާރު ފަރާތެއްގެ ސަމާލުކަމަށް އާދޭ ތޯ މި ޖެހީ...މިހާވަރުން ފަރުދީ ޒިންމާ ނެގޭނީ..މަށަކީވެސް ޑެންގޫއަށް ޕޮޒިޓިވް ވީ މީހެއް، ދެންވެސް ހައްލު ނުވެއްޖެޔާ ހުސްކޮށްލާނީ ގޮސް މުޅިސަރަހައްދައް ބްލީޗް ފުޅީގެ 5 ކޭސް ވަރު..ދެން ފެންމަތިވާނީ ހިސާބު ގަނޑު އެންމެންގެ ވަޅުފެން ގޯސްވި ވާހަކަ ތޯއެއްޗެއް...