ޚަބަރު / ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

ޖެންޑަ މިނިސްޓްރީގެ މަސައްކަތަށް ބޮޑެތި ބަދަލުތަކެއް ގެނެސްފި

މިނިސްޓަރު އައިޝާއާ މަގާމުގެ ފަތްކޮޅު ރައީސް ހަވާލުކޮށްދެއްވަނީ: ޖެންޑާ މިނިސްޓްރީގެ މަސައްކަތްތަކަށް ރައީސް ވަނީ ބޮޑެތި ބަދަލުތަކެއް ގެންވައިފައި.-- ފޮޓޯ: ރައީސް އޮފީސް

އިފްރާޒް އަލީ، މިހާރު

02 މެއި 2023 - 21:03

8 comments

ރައީސް އިބްރާހިމް މުހައްމަދު ސޯލިހު، ޖެންޑާ މިނިސްޓްރީގެ މަސައްކަތްތަކަށް ބޮޑެތި ބަދަލުތަކެއް ގެންނަވައި، އިޖުތިމާއީ ރައްކާތެރިކަން ދިނުމަށް ވިލިމާލޭގައި މަރުކަޒެއް މިއަދު އުފައްދަވައިފި އެވެ.

ރައީސް އޮފީހުގެ ޗީފް އޮފް ސްޓާފް އަލީ ޒާހިރު ސޮއިކުރައްވައި ނެރުނު ބަޔާނެއްގައި ވަނީ މާލެ ސަރަހައްދުގައި އިޖުތިމާއީ ރައްކާތެރިކަން ފޯރުކޮށްދިނުމުގެ މަސައްކަތް އިތުރަށް ހަރުދަނާކުރުމުގެ ގޮތުން ގާނޫނުއަސާސީން ރައީސަށް ލިބިވަޑައިގަންނަވާ އިހުތިޔާރުގެ ދަށުން ވިލިމާލޭގައި "ވިލިނގިލީ އިޖުތިމާއީ ހިދުމަތްދޭ މަރުކަޒު"ގެ ނަމުގައި މަރުކަޒެއް އުފައްދާފައިވާ ކަމަށެވެ. އެ މަރުކަޒު ހިންގާނީ ޖެންޑާ މިނިސްޓްރީގެ ބެލުމުގެ ދަށުން ކަމަށް ވަނީ ބުނެފަ އެވެ.

އެ މަރުކަޒުގެ މައިގަނޑު މަސައްކަތްތަކަކީ މާލެ ސަރަހައްދުން ވަގުތީ ގޮތުން ރައްކާތެރިކަން ދޭންޖެހޭ މީހުންނަށް ވަގުތީ ރައްކާތެރިކަން ފޯރުކޮށް ދިނުމާއި ވިލިމާލޭގައި ދިރިއުޅޭ މީހުންނަށް އިޖުތިމާއީ ރައްކާތެރިކަން ދިނުމަށް ކުރަންޖެހޭ ކަންކަން ރާވައި ހިންގުމާއި އާންމުން ހޭލުންތެރިކުރުމުގެ ޕްރޮގްރާމުތައް ހިންގުން ކަމަށް އެ ބަޔާނުގައި ބުންޏެވެ.

ގާނޫނުއަސާސީން ރައީސަށް ލިބިވަޑައިގަންނަވާ އިހުތިޔާރުގެ ދަށުން "އިސްރަށްވެހިންގެ އިޖުތިމާއީ މަރުކަޒުތައް"، ޖެންޑާ މިނިސްޓްރީގެ މަސައްކަތްތަކުގެ ލިސްޓަށް މިއަދުން ފެށިގެން އިތުރުކޮށްފައިވާ ކަމަށް ވެސް އެ ބަޔާނުގައިވެ އެވެ.

ރައީސް އޮފީހުގެ ބަޔާނުގައި ބުނީ، އިސްރަށްވެހިންގެ އިޖުތިމާއީ މަރުކަޒުތައް ޖެންޑާ މިނިސްޓްރީގެ މަސައްކަތްތަކުގެ ލިސްޓަށް އިތުރުކުރީ، މުޖުތަމައުގައި އިސްރަށްވެހިންގެ ހިއްސާ އިތުރުކުރުމަށް މަގުފަހިކޮށްދިނުމަށާއި އިޖުތިމާއީ އެހީތެރިކަން ފޯރުކޮށް ދިނުމަށާއި ރަނގަޅު ސިއްހަތެއްގައި ދެމިތިބުމަށް ޕްރޮގްރާމްތައް ރާވައި ހިންގުމަށާއި އެ މީހުންނަށް ވެސް ޝާމިލުވެ އުޅެވޭ ކުޅިވަރާއި މުނިފޫހިފިލުވުމުގެ ހަރަކާތްތައް ހިންގުމަށް މަރުކަޒުތައް ހެދުމުގެ މަގުސަދުގައި ކަމަށެވެ.

އެ އޮފީހުން ބުނި ގޮތުގައި، ގާނޫނުއަސާސީން ރައީސަށް ލިބިވަޑައިގަންނަވާ އިހުތިޔާރުގެ ދަށުން، ޖެންޑާގެ ބެލުމުގެ ދަށުން ހިނގަމުން އައި "ކުޑަކުދިންގެ ހިޔާ" އާއި "އަމާން ހިޔާ" އަދި "ތައުލީމާއި މަސައްކަތް އުނގަންނައިދޭ ކުޑަކުދިންގެ މަރުކަޒު" އިން ކުރަމުން އައި މަސައްކަތްތައް ކުރުމަށް އެހެން އިންތިޒާމުތައް މިހާރު ހަމަޖައްސާފައި ވާތީ، އެ ތަންތަން މިއަދުން ފެށިގެން އުވާލާފައިވާ ކަމަށެވެ.

މި ގެނައި ބަދަލުތަކާ ގުޅޭ ގޮތުން ޖެންޑާ މިނިސްޓްރީގެ ބަހެއް އަދި ނުލިބެ އެވެ.

ރައީސް އޮފީސް ރައީސް އިބްރާހިމް މުހައްމަދު ސޯލިހް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ އާއިޝަތު މުހައްމަދު ދީދީ (ޖެންޑާ މިނިސްޓަރު)

8 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލަބްލަބް

03 May 2023

މީދެން ކުރިންވެސް އެ މިނިސްޓްރީން ކުރަންޖެހޭކަމަށް އޮތް ކަންކަން، އެކަން ކަން ހަވާލުކޮށްފައި ސްޓޭޓް މިނިސްޓަރުންނާއި ޑެޕޮޔުޓީ މިނިސްޓަރުން ވެސް އެބަތިބި، ދެން އާކަމެއްގެ ގޮތުގައި ޕެކޭޖް ވެފައި މިއޮތީ. އަދިވެސް ކުރިއްޔާތާ!.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ. ރާމީ ޙަސަން މަނިކު

03 May 2023

އިނގޭހާ ވެސް އެއްޗަކީ އިބޫ އަށް ކިޔަވާދިން އިބޫ ގެ "މިސް" ޢާއިޝަތު މުޙައްމަދު ދީދީ ގެ މިނިސްޓްރީ އަކީ ފިނިހަކު ސްޕީޑު ގައި ހިނގާ މިނިސްޓްރީ އެއްކަން. ނުކުޅެދޭ މީހުންނަށް މިހާރު ލިބޭ ފައިސާ އިތުރު ކުރަން އެ "މިސް" ގެ މިނިސްޓްރީ އިން ކަރުމަރު ހިފާތާ މިހާރު މިއޮއް ދެ އަހަރު ވަނީ. އިބޫ އަށް ވަރިހަމަ ވާނެތާ އެއްކަމެއް ނުކުރިޔަސް! އިބޫ ގެ "މިސް" ވިއްޔަ! ގާތް މީހުންނަށް މަޤާމު ދިނީމާ އެދެވޭ މަންޒަރެއް ނުފެނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

02 May 2023

ތިތަނުން 5 ސިޔާސީ މަގާމު އުފެއްދީމަ ހުންނާނީ ހިދުމަތްދެވިފައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

02 May 2023

ލާމަރުކަޒީ ޤާނޫނު އުވާލީތޯ؟ ހަވާލުކުރި މަސައްކަތަށްބަލާއިރު ހީވަނީ އެހެން. ރައީސް މީހާއަށް އޮވޭ އެބޭޅާގެ ވަޒީރުންނަށް އެބޭޅާ ބޭނުންވާ ޒިންމާއެއް ޙަވާލުކޮށް އެކަންކަން ބެލެހެއްޓުން ޙަވާލު ކުރުމުގެ ޒިންމާ "ޤާނޫނާއި އެއްގޮތަށް" ޙަވާލު ކުރުމުގެ ބާރު. # އެހެން ނަމަވެސް މިދެންނެވިބާރުވެރިކަން ދީފައިވަނީ "ޤާނޫނުގެ ތެރެއިން" ކަމަށްވާތީ، ރަޢިސަކަށް ހުންނަމީހާއަށް ވަޒީރުންނާއި ޙަވާލު ކުރެވޭނީ ދައުލަތުގެ ޤާނޫނުއަސާސީއާއި ޤާނޫނުތަކުން ޖާގަދީފައިވާ ކަންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮށްދެވޭނެތޭ

02 May 2023

ގާނޫނު އަސާސީން ރައީސަށް ލިބިދޭ ބާރުގެ ދަށުން ރައްޔިތުން އަތުން ނަގާ ޓެކްސް ކުޑަ ކުރުމުގެ ބާރުވެސް އޮންނާނެއޭ ރައީސަށް އެގޮތުން ކޮތަޅު ޓެކްސް އުވާލުމާއި އަދި ޖީއެސްޓީ %3 އަށް ދަށް ކުރުން ވެސް އެއީ ރައީސް އިބޫ އަށް ގާނޫނު އަސާސީން ލިބިދެވޭ ބާރެކޭ މިކަން މިގޮތަށް ކުރުމަށް ފަހު ހުޅުމާލޭ ހުޅަނގުން އޮތް ފަޅު ހިއްކާ އެފަޅުން މަހަކު 1 ހެކްޓަރުގެ 1000 ބިން ނަގާ ބިމެއް 10 މިލިއަން ޑޮލަރަށް ވިއްކަމުންދާންވީއޭ އެކަމަށް ގަނެވިދާނެ 1000 ބިން ވެސް މިކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދުލީބެއްޔާގެ ތެދުބަސް

02 May 2023

ރައީސަށް ކުރިންވެސް މިއިޚްތިހާރު އޮތެއްނު. ދެން ވެރިކަން ވެއްޓޭންފެށީމާ ދެން މީ ކޮންކަމެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

02 May 2023

އެމީހުން ގެ މުސާރަ ބޮޑުނުވެގެން އުޅޭކަމެއް ރައީސްއަށް ނޭންގި ބަދަލުގެނެސް ވަރުބަލި ކުރުވަންޏާ ބަހެއް ކީޢްކުރަން ވޭނެއްގެ ވާހަކަވެސް ބުނާނެ ކަމެއްނެތެވެ.