އަދީބު ހުށަހެޅުއްވީ ޖޫރިމަނާ ފައިސާ ބަހާލައިގެން ދައްކަވަން

ކުރީގެ ނައިބު ރައީސް އަހުމަދު އަދީބު: ދައުލަތަށް ދައްކަންޖެހޭ ޖޫރިމަނާ ފައިސާ ބަހާލައިގެން ދައްކަން އޭނާ ވަނީ ހުށަހަޅުއްވާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

15 މެއި 2023 - 13:51

11 comments

ކުރީގެ ނައިބު ރައީސް އަހުމަދު އަދީބު ދައުލަތަށް ދައްކަވަންޖެހޭ ޖޫރިމަނާގެ ފައިސާ ބަހާލައިގެން ދެއްކުމުގެ ފުރުސަތަކަށް އެ މަނިކުފާނު އެދިވަޑައިގެންފި އެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ހިޔާނާތާ ގުޅިގެން އަދީބުގެ މައްޗަށް ކުރި ހަތް ދައުވާއެއް ސާބިތުވުމުން 20 އަހަރުގެ ޖަލު ހުކުމަކާ އެކު، ދެ މިލިއަން ރުފިޔާގެ ޖޫރިމަނާއެއް ކުރި އެވެ. އޭގެ ތެރެއިން މިހާރު ނުދައްކާ އޮތީ އެއް މިލިއަން ރުފިޔާ އެވެ.

އެ ފައިސާ ހޯދަން އެޓާނީ ޖެނެރަލްގެ އޮފީހުން އަދީބާ ދެކޮޅަށް ދައުވާ ކުރުމުން އޭނާގެ ފަރާތުން ކޯޓަށް ފުރަތަމަ ހުށަހެޅުއްވީ އެޑްވާންސްކޮށް އެއް ލައްކަ ރުފިޔާ ދައްކައި އޭގެ ފަހުން ކޮންމެ މަހަކު 20،000ރ. ދައްކަމުން ގޮސް ފައިސާ ދައްކާ ނިންމާ ގޮތަށެވެ.

ނަމަވެސް ދައުލަތުން ބޭނުންވީ ދެ ލައްކަ ރުފިޔާ [ޖުމުލަ ފައިސާގެ 20 ޕަސެންޓް] ފުރަތަމަ ދެއްކުމަށް ފަހު، ބާކީ ހުރި ފައިސާ މަހުން މަހަށް ދައްކާ ގޮތަށެވެ. އެކަމާ މެދު މަޝްވަރާ ކުރުމަށްފަހު ބޭނުންވާ ގޮތެއް ހުށަހަޅަން އަދީބުގެ ވަކީލުންނަށް ސިވިލް ކޯޓުން އިއްޔެ ވަނީ ފުރުސަތު ދީފަ އެވެ. އަދީބުގެ ފަރާތްޕުޅުން އިއްޔެ ބުނީ ފައިސާ ދެއްކުމުގައި އިތުރު ޕްރޮޕޯސަލެއް ހުށަހަޅާނެ ކަމަށެވެ.

އަދީބުގެ މައްޗަށް 20 އަހަރުގެ ޖަލު ހުކުމެއް އިއްވިޔަސް، އޭނާ ހުކުމް ތަންފީޒު ކުރައްވަމުން ގެންދަވަނީ ގޭ ބަންދުގަ އެވެ.

ސިވިލް ކޯޓް ކްރިމިނަލް ކޯޓް ކޮރަޕްޝަން ކުރީގެ ނައިބު ރައީސް އަދީބު އެމްއެމްޕީއާރްސީގެ ކޮރަޕްޝަން

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިސްނާށޭ

16 May 2023

އަޅުގަޑަށް ފެންނަނީ 50% ގެ ޑިސްކައުންޓަކަށް އެދުމުގެ ފުރުސަތު އަރުވާ ފަެިސާ ދައްކާ ކޮންމެ ފަހަރަކު ހަވާ އަރުވާ ޕާޓީ ބާއްވަން. މިއީ ހަރުކަށި ހުށަހެޅުމަކަށް ވެއއޖެއްޔާ މައާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

15 May 2023

އަދީބު ގޭގަ ހުންނަހާ ދުވަހެއްގައި އަދި އެމްއެމްޕީއާރުސީގެ ޚިޔާނާތް ހިންގި 286 މީހުންގެ މައްސަލަ މި ސަރުކާރުން ނުބަލާހާ ހިނދަކު މިސަރުކާރުގެ އެތައް ބަޔަކު އެ ފައިސާގައިޖެހި ގަސްތުގައި އެކަންއެގޮތަށް ކުރިއަށް ގެންދާކަން ގަބޫލުކުރުވެމުގެ ފުރުސަތު އެބައޮތް. މިވަރުގެ ވެރިކަމަކަށް ދެވަނަ ދައުރެއް ދޭކަށް ނުޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުކުނ

15 May 2023

ސުވާލެއް. ޢަދީބު ތިހާގިނަ ފައިސާއެއް ދޭން ލިބުނީ ކޮން ވިޔަފާރިއެއް ހިންގައިގެންބާއޭ. ކޮންކަހަލަ ވިޔަފާރިއެއް ނޫނީ އާމްދަނީ ހޯދަން ކުރަނީ ކޮން މަސައްކަތެއްބާއޭ. ހަމަ ނޭގޭތީ އަހާލީ ތަނަކަށް ލިބުނު ފައިސާއެއް ލޯޑަރ ކޮށްގެން މީހަކަށް އަދަބު ލިބޭއިރު. އެތަނުގެ ފައިސާ ލޯންޑްރީއަށް އެޅިމީހަކުވެސް ހުންނަންވާނެތާއޭ. ބެހިމީހަކު ނުކައި އަދި ނުނަގާ ބަޔަކަށް ބަހައި ހުސްކޮށްފާނެ ކަމަކަށް ޤަބޫލެއްވެސް ނުކުރެވޭތީ. ހަމަ ދަތް ހީލި ކަރުވަނީ. ހާދަ ރުފިޔާ ގިނައޭދޯ.