އެޓާނީ ޖެނެރަލް އިބްރާހީމް ރިފްއަތު ރައްޔިތުންގެ މަޖިލީހުގެ މެމްބަރުންގެ ސުވާލުތަކަށް މީގެ ކުރިން ޖަވާބުދެއްވަނީ. ފައިލް ފޮޓޯ: ރައްޔިތުންގެ މަޖިލީހުގެ އިދާރާ.
21 މެއި 2023 - 12:56
6 comments
ހައްޖާއި އުމްރާ އަދި ޒަކާތުގެ ބިލަކާ އެކު ރައްޔިތުންގެ މަޖިލީހުގެ މި ހިނގާ ދައުރަށް 14 ބިލެއް ހުށަހަޅަން ބަންޑާރަނައިބުގެ އޮފީހުން ނިންމައިފި އެވެ.
ބަންޑާރަ ނައިބުގެ އޮފީހުން މިއަދު އާންމުކުރި ލިސްޓުގައި އާ ގާނޫނެއް އެކުލަވާލަން ތަފާތު ހަތަރު ބިލެއް ހިމެނެ އެވެ.
މީގެ ތެރޭގައި، ހައްޖާއި އުމްރާގެ ބިލާއި ޒަކާތުގެ ބިލުގެ އިތުރުން، ފޮރިން އިންވެސްޓުމެންޓުގެ ބިލާއި ވަޒީފާ ގެއްލޭ މީހުންގެ އިންޝޫރަންސްގެ ބިލު މަޖިލީހުގެ މި ހިނގާ ދެވަނަ ދައުރަށް ހުށަހަޅަން ގަސްދުކުރާ ލިސްޓުގައި ވަނީ ހިމަނައިފަ އެވެ.
ހައްޖާއި އުމްރާގެ ބިލު އެކުލަވާލައި ބަންޑާރަ ނައިބުގެ އޮފީހުން ރައީސް އޮފީހަށް ފޮނުވީ މިދިޔަ އަހަރުގެ ނޮވެމްބަރު މަހުގެ ތެރޭގަ އެވެ.
އެ ބިލާ ގުޅޭގޮތުން އެ އޮފީހުން އޭރު ބުނީ މި ބިލަކީ ރާއްޖެއިން ހައްޖާއި އުމްރާއަށް މީހުން ގެންދިއުމުގެ ނިޒާމު ހަރުދަނާކުރުމަށް އެކުލަވާލާ ބިލެއް ކަމަށެވެ.
މިގޮތުން، ހައްޖު ކޯޕަރޭޝަންގެ މަސްއޫލިއްޔަތުތަކާއި ހައްޖާ އުމްރާގެ ފަންޑެއް ގާއިމުކުރުމާއި ފަންޑަށް ޖަމާކުރެވޭ ފައިސާ އިންވެސްޓުކުރުމާ ގުޅޭ އުސޫލުތައް ބިލުގައި ބަޔާންކުރާނެ ކަމަށް ބުނެފައިވެ އެވެ.
މީގެ އިތުރުން، ހައްޖާއި އުމްރާއަށް ގެންދިއުމަށް އަމިއްލަ މީހުންނަށް ހުއްދަ ދިނުމާއި ހުއްދަ ބާތިލް ކުރުމާ ގުޅޭ އުސޫލުތަކާއި، ހިދުމަތްދޭ ފަރާތްތަކުން ހައްޖުވެރިންނަށް ދިނުން ލާޒިމްވާ ހިދުމަތްތައް ކަނޑައެޅުމާއި ގާނޫނާ ހިލާފަށް އުޅޭ ފަރާތްތަކާ މެދު ފިޔަވަޅު އެޅޭނެ އުސޫލުތައް ހިމެނޭނެ ކަމަށް އޭރު ބުންޏެވެ.
ބަންޑާރަ ނައިބުގެ އޮފީހުން އާންކުރި ލިސްޓުގައި ބާކީ ހުރި ބިލުތަކަކީ މިހާރު ހުރި ބައެއް ގާނޫނުތަކަށް އިސްލާހު ގެނައުމުގެ ބިލްތަކެވެ.
އިސްލާހު ގެންނަން ހުށަހަޅާ ބައެއް ގާނޫނުތަކުގެ ތެރޭގައި މަސްތުވާތަކެއްޗާބެހޭ ގާނޫނާއި ގޭންގު ކުށްތައް މަނާކުރުމާބެހޭ ގާނޫނާއި މަނީ ލޯންޑަރިން އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ގާނޫނު ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޫރުބެ
21 May 2023
މިބޭފުޅާ ހުށަހަޅައިގެން ފާސްކުރާ ބިލުތަކެކޭ މޮޔައަކު ކިޔާ އަންބާއެކޭ އެއްގޮތް، އެއަކުން ކާއްޓެއް ކުރުނބައެއް ގޮބޮޅިއެއް މިރިއެއް ވަކިނުވޭ.
އިދުރީސް
21 May 2023
މިގައުމުގާ ބިލެއް މަދެއްނޫން. ބިލަތެއްވެސް މަދެއްނޫން. އެމަކު ބިލު ތަންފީޒުކުރާނެމީހެއް ނެތީ. ބިލަތް ކާ އެތައްބައިވަރު ބަޔަކު އެބައުޅޭ. ދެން އޮންނަނީ ކާނުތައްމައްޗަށް ކުޅުތެޅުން.
1206
21 May 2023
ބިލެތް ކާ މީހުން ތަންފީޒު އެބަކުރޭތާ އެހެންވީމާ.
ކުޑަވަކީލު
21 May 2023
ކޮބާ ޖޭއެސްސީ އިސްލާހުކުރުން. މިސަރުކާރުގެ ވައުދު ނުފުއްދާ އިންތިހާބަށް ކުރިމަތިލައިގެން ނުވާނެ. މިހާރުގެ ޖޭއެސްސީން ތިމަންނަމެން ހުރިހާ ކަމެއް ކުރީ ތެދުވެރިކަމާ އިހުލާސްތެރިކަމާއެކުކަމަށް ދެކުނަސް އެންމެން އެހެން ނުދެކޭ. އެހެންވީމަ ބަދަލު ހިފުމުގެ ރޫހެއް ދެން އަންނަ ބަޔަކު ގެންގުޅޭނެ. ރާއްޖޭގެ ޖުޑިޝަރީ ކުރިއަށް ގެންދަން ބޭނުންވާނަމަ ޖުޑިޝަރީއަށް ސްޓެބިލިޓީ ގެންނަންޖެހޭ. ފަނޑިޔާރުންގެ ފެންވަރު ރަނގަޅުކުރަންޖެހޭ. މެނޭޖްމަންޓް ސްކިލް ހޯދައިދޭންޖެހޭ
އޮނަރަބްލް އަފީފު ދީދީ
21 May 2023
މަޤާމްގެ ދައުރު ހަމަވާން 3 މަސް ދުވަހަށް ވުމުން އަދި މޮރިޝަސް އިން ދިވެހި ދައުލަތާއި ދެކޮޅަށް އިޓްލޮސްއަށް ހުށަހެޅި ރާއްޖޭގެ އިމުގެ މައްސަލައިގައި "ދައުލަތުގެ ޤާނޫނުއަސާސީއާއި ޤާނޫނުތަކުގައި ބުނެ ކަނޑައަޅާފައިވާ ދިވެހި ދައުލަތުގެ ޙައްޤު ރައްކާތެރިކޮށް ހިމާޔަތް ކުރާން ދައުލަތުގެ ބަންޑާރަ ނައިބުގެ ޙައިސީއްޔަތުން އުފުލާންޖެހޭ ޤާނޫނީ ޒިންމާ އުފުލާފައިނުވާތީ" އިތުބާރު ނެތްކަމަށް މަޖިލީހަށް ހުށަހެޅުމުންތޯ ބޭޅާއަށް ހޭވެރިކަންވީ.!؟
އޮނަރަބްލް އަފީފު ދީދީ
21 May 2023
ރާއްޖޭގައި ހުރި ޙަޤީގީ މައްސަލަތަކަށް ހައްލު ހޯދަން އުޅުމުގެ ބަދަލުގައި ދީނީ އަޑުތަކެއް އަރުވައި ކަމުގެ ޙަޤީގަތް ފޮރުވަން އުޅޭނެ ކަމެއްނެތް. # ކީއްވެ އިޖްތިމާއީ ރަށްކާތެރިކަން ޤާއިމްކުރުމަށްޓަކާ ބިމާއިބެހޭ ޤާނޫނެއް ވުޖޫދުކޮށް އެކެއްގެ ނަމުގައި 1 ފުލެޓާއި ގޯއްޗަށް ވުރެން އިތުރަށް ހޯދާ ފުލެޓާއި ގޯއްޗަށް ޓެކްސް ނަގާންޖެހޭގޮތަށް ޤާނޫނުހަދާ ސޯޝަލް ހައުސިންގ ސްކީމް ތަކުގައި ބައިވެރިވުމަށް ދަފުތަރެއް އެކުލަވާލަން ޤާނޫނު ނަހަދައިގެން ތިއުޅެނީ.!؟