ރައީސް ވިދާޅުވި ގޮތުގައި މަގޫދޫ އެއާޕޯޓް ވާނީ އެންމެ ފުރިހަމަ ރީޖަނަލް އެއާޕޯޓަށް.
ފ. މަގޫދޫގައި ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ.-- ފޮޓޯ: ރައީސް އޮފީސް
27 މެއި 2023 - 22:27
13 comments
މިހާރު ހަދަމުން އަންނަ ފ. މަގޫދޫ އެއާޕޯޓްގެ ރަންވޭ އިތުރަށް ބޮޑުކުރަން ނިންމާފައިވާ ކަން ރައީސް އިބްރާހިމް މުހައްމަދު ސޯލިހު މިރޭ އިއުލާންކުރައްވައިފި އެވެ.
އެ މަނިކުފާނު ފ. އަތޮޅަށް މިއަދު ހެނދުނު ފެއްޓެވި ދަތުރުފުޅުގައި މިރޭ މަގޫދޫގައި ބޭއްވި ޖަލްސާގައި ވިދާޅުވީ އެ ރަށުގައި ހަދަމުން އަންނަ އެއާޕޯޓް ރަނގަޅު ފެންވަރަކަށް ހެދުމަށްޓަކައި މަޝްރޫއަށް ބައެއް ބަދަލުތައް ގެނެސްފައިވާ ކަަމަށެވެ. އެ އެއާޕޯޓް ތަރައްގީ ކުރާނީ ރަންވޭ ބޮޑުކޮށް، ޕްރައިވެޓް ޖެޓް ވެސް ޖެއްސޭނެ ފެންވަރަށް ކަމަށް ރައީސް ވިދާޅުވި އެވެ.
ފ. އަތޮޅުގައި ހަދާ ފުރަތަމަ އެއާޕޯޓްގެ މަސައްކަތް އެ އަތޮޅު މަގޫދޫގައި ބާރު ސްޕީޑްގައި ކުރިއަށް ދަނީ: މި އެއާޕޯޓް ބޮޑުކުރަން ސަރުކާރުން ވަނީ ނިންމައިފައި.-- ފޮޓޯ: މިހާރު
ރައީސް ވިދާޅުވި ގޮތުގައި؛
- ރަންވޭ 1،500 މީޓަރުން 1،800 އަށް ބޮޑުކުރާނެ.
- އެ އެއާޕޯޓަށް ޕްރައިވެޓް ޖެޓްތައް ޖެއްސޭނެ.
- ޖެޓްތައް ޕާކް ކުރެވޭނެ ޖާގަ ހަދާނެ.
- ޖެޓްތަކަށް ބޭނުންވާ ފިއުލް ލިބޭނެ ފާމެއް ހަދާނެ.
- ވީއައިޕީ ލައުންޖެއް ހަދާނެ.
- ސިޓީ ހޮޓަލެއް ހަދާނެ.
ފ. މަގޫދޫގައި ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހުގެ ދެކަނބަލުންނާއި ސަރުކާރުގެ އިސްވެރިން ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
"[މަގޫދޫ އެއާޕޯޓަކީ] ރީޖަނަލް އެއާޕޯޓްތަކުގެ ތެރެއިން އެންމެ ފުރިހަމަ އެއާޕޯޓަށް ވާނެ،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
އެ މަނިކުފާނު ވިދާޅުވީ މަގޫދު އަށް ގެންނަ ތަރައްގީގެ އެންމެ ބޮޑު ސިއްރަކީ މި ރަށުގެ ރައްޔިތުންގެ މެދުގައި އޮންނަ އެކުވެރިކަން ކަމަށެވެ. އާބާދީގައި 900 އެއްހާ މީހުން ދިރިއުޅޭ މަގޫދޫގެ މީހުން އަބަދުވެސް އެގޮތުގައި ދެމިތިބުމަށް ރައީސް އެދިވަޑައިގަތެވެ.
ދައުލަތުގެ ބަޖެޓުން 231.5 މިލިއަން ހަރަދުކޮށްގެން މަގޫދޫ އެއާޕޯޓް ހަދަނީ އެމްޓީސީސީއާ ހަވާލުކޮށްގެންނެވެ. އެކަމަށް ބޭނުންވާ ބިން ހިއްކާ މިހާރު އޮތީ ނިމިފަ އެވެ. ރަންވޭ އާއި ޓާމިނަލްގެ މަސައްކަތް މިހާރު އަންނަނީ ކުރަމުންނެވެ. ހިއްކި ބިމުން ގޯތި ދޭން ވެސް އޮތީ ނިންމައިފަ އެވެ.
ރައީސް އިބްރާހިމް މުހައްމަދު ސޯލިހު ފ. މަގޫދުއަށް ވަޑައިގަތުމުން ބޭއްވި ޖަލްސާގައި އެ ރަށު ރައްޔިތުން ބައިވެރިވަނީ.-- ފޮޓޯ: ރައީސް އޮފީސް
ސަރުކާރުން ބުނާ ގޮތުގައި، މަގޫދޫ އެއާޕޯޓުގެ ހެދުމުގެ ނަތީޖާއަކަށް ވާނީ ފ. އަތޮޅުގެ 6،000 ވުރެ ގިނަ މީހުންގެ އާބާދީ އަށް ދިމާވެފައިވާ ދަތުރުފަތުރުގެ މައްސަލަ ބޮޑުތަނުން ހައްލުވުމެވެ. އެއީ އެ އަތޮޅުގައި ވައިގެ މަގުން ދަތުރު ކުރާނެ އިންތިޒާމެއް މިވަގުތު ނެތުމެވެ.
މިރޭގެ ރަސްމިއްޔާތުގައި ވަނީ މަގޫދޫ ފެނާއި ނަރުދަމާގެ ނިޒާމު އިފުތިތާހުކޮށް، މި ރަށުގައި ހެދި ފެނަކަ ކޯޕަރޭޝަންގެ އާ އޮފީސް އިމާރާތް ހުޅުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
28 May 2023
އާބާދީ ނެތްތަނަކަށް ކިތަންމެ ކޮންކްރީޓެއް އޮއްސިޔަސް ނިމޭނީ ދައުލަތަަށް ބޮޑު މާލީ ބުރައަކަށްވެގެން.. 30 ހާސް މީހުން އުޅޭ އައްޑޫ އެއާޕޯޓަށް ހަފްތާއަކު 2 ފްލައިޓް ޖައްސަނީ. ދެން 900 މީހުން އުޅޭ ރަށުގައި ކިހާވަރެއްވާނެބާ! މި ފައިސާތަކަކީ މިއަށްވުރެ ވިސްނުންތެރިކަމާއިއެކު ޚަރަދުކުރެވޭ ފައިސާތަކަށް ވާންޖެހޭ
އުދުހޭ
28 May 2023
ޕްރިވެޓް ޖެޓުގަ ޖައްސަނީ އިބޫތަ؟
ގޫންޒަރު
28 May 2023
ރައްޔިތުންނޭ...ޓެކްސް ބޮޑުކޮށް ރައްޔިތުން ފެލައިގެންނަގާ ފައިސާއިން ތިޔަކަހަަލަ ހުވަފެންދާނީ ދައްކަމުން...ތިޔަތަންވެސް ހެދިއްޔާ އޮންނާނީ އިންޑިޔާ ސިފައިން ތިބޭގޮތަށް އެތަށް އަހަރަކަށް ދީފާ...ރައްޔިތުންނަށް ފެންނާނީ ހަމައެކަނި މަންޒަރެއް.
އައިނުޝާ
28 May 2023
އޮހ އޯހް ވާއު. ތިޔޮށް ވޯޓުތައް އޮއްސިގަތީ އުތަ
1828
28 May 2023
މިދުވަސްވަރު ރަން އިލޮށިން ކަދުރުވެސް ކާންދޭނެ. މިހާރުކޮށްފައި ނުކުރާނެ ހަމައެއްވެސް ކަމެއް ނޯނާނެ. މިދިޔަ 04 އަހަރު ތެރޭ ނުހިންގާވަރަށް ކުރިއަށްއޮތް 03 މަސްދުވަސްތެރޭގައި މަޝްރޫއުތައް އިއުލާންކުރާނެ. ކަޑަ ޖަހާނެ. އެކަމަކު މަސައްކަތެއް ނުކުރާނެ. ރައްޔިތުން ތިބޭ އިބޫއަށް ވޯޓްލާން.
ސަސި.
28 May 2023
ހުރިހާ ކަމެއްވެސް ދަނީ އެއްވެސް އަމާޒެއް ނެތިދޯ. ދެން ހަމަ ހިތަށް އެރީ ބޮޑުކުރަންވީ
ޚޭރާ
27 May 2023
ދެކޮމަ ްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްންޑޫގުޅިގޮތަށް ވެއްޖެއްޔާ ވަރަށްސަލާމް ބާކީއަދިވެރިކަމުގާބަންދުކަޑާސަތޭކަދުވަސްހަމަނުވޭ މުއްދަތުވަރަށްދިގު ދެމޭރަބަރެއްވީއްޔާ
ޔެހީހޫރާ
27 May 2023
އައްޑޫ ޢެއާޕޯޓްކުޑަކުރަނީއެއްވެސްބޯޓެއްނުޖެއްސޭނެ
ދޯޕައްޓާ
27 May 2023
ރާއްޖޭއެތެރޭގެ ހުޅުލޭ އެއާޕޯޓަށް ޖާގައިގެދަތިކަން އެދިމާވަނީ ކ އަތޮޅުގެ ދެބުރީގައި އިތުރު އެއާޕޯޓެއް ނެތީމަ، މިކަމަށް އޮތް ހައްލަކީ ކ.އަތޮޅުގައި އިންޓަނޭސަނަލް އިތުރު އެއާޕޯޓު އެޅުން. ހަނިމާދޫގަ އެއާޕޯޓެއް އޮއްވާ ކުޅުދުއްފުށީގަ އެއާޕޯޓެއް އެޅުނުއިރު ކ.އަތޮޅުގައި އިތުރު 2 އެއާޕޯޓު ނެހެދެންވީ ސަބަބަކީކޮބާ. އެއީ އަތޮޅުގެ މާލޭގަބީލާމީހުންގެ ތައްޕާހަށް ކަންކަން ފުނިޖަހައިގެންތިބެން.
މި ރަށު ބަކުރު ބޭ
27 May 2023
● ބޮޑުކުރީމާ ބޮޑެތި އޭކޭ ފޯރޓީ ސެވެންގެ އާގު ބޯޓު ފަހަރު ތިން ވައްތަރު ކާޑު ހިފާއިގެން ގޮސް ޖެއްސޭނެ!● 《ޝުކުރިއްޔާ ރައީސް》