ދަ ޑިމޮކްރެޓްސް އަށް މެންބަރުން ހޯދަން ކުރަމުންދާ މަސައްކަތުގެ ތެރެއިން: އަލަށް އުފައްދަން މަސައްކަތް ކުރާ ޕާޓީ އަށް ސޮއިކުރާ ސިޔާސީ މަގާމުތަކުގައި ތިބި މީހުން ސަރުކާރުން ވަނީ ވަކި ކުރަން ފަށައިފަ
28 މެއި 2023 - 14:48
46 comments
އެމްޑީޕީގެ ސްލޮޓްތަކުގައި ސަރުކާރުގެ ސިޔާސީ މަގާމްތަކުގައި ތިބެ، އަލަށް އުފައްދާ ދަ ޑިމޮކްރެޓްސްއަށް ސޮއިކުރި ބަޔަކު އެމްޑީޕީން އެދިގެން މަގާމްތަކުން ވަކިކޮށްފި އެވެ.
ރަޖިސްޓްރީކުރަން، ގާނޫނުގައި ބުނާ އަދަދަށް 3،000 މެމްބަރުން ހަމަކުރަން އިލެކްޝަންސް ކޮމިޝަނުން މިދިޔަ ހަފުތާގައި ހުއްދަ ދީފައިވާ ޑިމޮކްރެޓްސްއަކީ އެމްޑީޕީގެ ރައީސް މުހައްމަދު ނަޝީދުގެ އަރިސް ބޭފުޅުންތަކެއް ޕާޓީން ވަކިވެ އުފައްދަން މަސައްކަތް ކުރާ ޕާޓީއެކެވެ. އެމްޑީޕީން ވަކިވެ ބައެއް މެމްބަރުން އަންނަނީ މި ޕާޓީއާ ގުޅެމުންނެވެ.
އޭގެތެރޭގައި އެމްޑީޕީގެ ސްލޮޓްތަކުގައި ސަރުކާރުގެ ކުންފުނިތަކާއި މިނިސްޓްރީތަކުގެ އިސް މަގާމްތަކަށް އައްޔަންކުރި މީހުން ވެސް ހިމެނެ އެވެ.
ޑިމޮކްރެޓްސްއަށް ސޮއިކުރާ މެމްބަރުން ސިޔާސީ މަގާމްތަކުން ވަކިކުރާ މައްސަލާގައި ދަނީ ފާޑުކިޔަމުންނެވެ.
ރައީސް އޮފީހުގެ ތަރުޖަމާން މުހައްމަދު މިއުވާން ވިދާޅުވީ ސަރުކާރުގެ މަގާމުތަކުން ވަކި ކުރަމުންދާ މީހުންނަކީ އެމްޑީޕީގެ ސްލޮޓްތަކުގައި މަގާމުތަކަށް ވަޑައިގަތް ބޭފުޅުން ކަމަށެވެ. އެ ޕާޓީ ދޫކޮށްލުމުން އެ މަގާމުތަކުން އެބޭފުޅުން ވަކިކޮށް ދިނުމަށް އެމްޑީޕީން އެދިފައިވާ ކަމަށް އޭނާ ވިދާޅުވި އެވެ.
ސަރުކާރުގެ މަގާމުތަކުގައި ތިބެ ދަ ޑިމޮކްރެޓްސް އަށް ސޮއި ކުރުމުން ވަކިކުރި އަލައިކާ އަދުނާން އާއި މުހައްމަދު ހަމްދާން: މި ދެމަފިރިން ވަނީ އަދާކުރެއްވި ސިޔާސީ މަގާމުން ދުރުކޮށްފައި.
"ވަކި ކުރަމުން ދަނީ އެމްޑީޕީ ސްލޮޓްތަކުގައި މަގާމުތަކަށް ވަޑައިގެންނެވި ބޭފުޅުން. އެމްޑީޕީން އެބައޮތް ސަރުކާރަށް އަންގާފައި އެ ބޭފުޅުންނަކީ މިހާރު އެމްޑީޕީގެ މެންބަރުން ނޫން ކަމަށް. އެހެންވެ އެ މަގާމުތަކުން އެ ބޭފުޅުން ވަކި ކުރަން ހުށަހަޅާފައި ވާތީ ވަކި ކުރަމުން ދަނީ،" މިއުވާން ވިދާޅުވި އެވެ.
އެމްޑީޕީން ވަކިވުމުން ސަރުކާރުން ވަކިކުރީ ކިތައް މީހުން ކަމެއް މިއުވާން ވިދާޅެއް ނުވެ އެވެ. ސަރުކާރު ކޯލިޝަންގައި އޮތް ޖުމްހޫރީ ޕާޓީން ރިޔާސީ އިންތިހާބުގައި ވަކިން ވާދަކުރަން ނިންމައި އެ ޕާޓީގެ ސްލޮޓްތަކުގައި ސިޔާސީ މަގާމްތަކުގައި ތިއްބެވި ބޭފުޅުން ގެންދަވަނީ ސަރުކާރަށް ފާޑުވިދާޅުވަމުންނެވެ.
އެކަމަކު އެ ބޭފުޅުން ވަތްކެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
28 May 2023
އަންނި އަކި ވ ބޮޑާ ހާކާ މީހެކެވެ. ރަނގަޅަސް ގޯހަސް ހުރިހާ މީހުން ހަދަން ޖެހެނީ އޭނަ ބުނާ ގޮތެވެ. އޭނަ މ ރައީސް ކަމުގަ ހުރެ އެމްޑީޕީ އިން ވަކި ނުވެ ހުރިހާ މީޙުން ޕާޓީން ވަކިވެ ޑިމޮކްރެޓްސް އަށް ވަންނަން އޭނަ އެބަ ބުނެ އެވެ.
ޢަރުތަ
28 May 2023
ސިޔާސީ މީހުން އެކަހަލަ ކިތައްމެ "ގޭމް" އެއް ކުޅޭނެ، އަހަރުމެން ހީނުކުރާ އެތައް ގޮތަކަށް މީތި އެނބުރެމުން ދާނެ.
އައްބެ
28 May 2023
އެމްޑީޕީގެ ކިތައް ދެމަފިރިންނަށްތޯ ތިޔަގޮތަށް ނުޙައްޤު މަޤާމްތައް ދީފަހުރީ؟ މިހިރީ ތިޔަޕާޓީން ގެނެސްދިން މޮޅު ޑިމޮކްރަސީގެ މޮޅުކަން. މަށަށް މިހާރު 30 އަހަރުގެ ވެރިކަން މާބޮޑަށް ވެސް ރަނގަޅު.
ޢަރުތަ
28 May 2023
30 އަހަރުގެ ވެރިކަން ގޯސް ވާހަކައެއް ނޫން، އެކަމަކު ތިޔަބުނާ 30 އަހަރުގެ ވެރިކަމުގަ ދެމަފިރިންނަށް އެކުގަ ސިޔާސީ މަޤާމު ދީފަ އެބަހުރި ބައިވަރު، ނުވިތާކަށް ދަރިންނަށްވެސް، އެއީ ވަކި ވެރިކަމެއްގަ އެކަން އޮތް ގޮތެއް ނޫން، ހުރިހާ ވެރިކަމެއްގަވެސް އެކަން އޮތީ ހަމަ އެގޮތަށް.
ޙަސަންތަކުރުފާނު
28 May 2023
ސިޔާސީ މަޤާމުތަކުގައި ކޯލިޝަނުގައި އޮތަކަސް އެހެންޕާޓީ ތަކުމީހުން ތިބުން ބުއްދިވެރިއެއްނޫން. ނަމަވެސް ވައިރަސް އަކީ ވަރަށް އަވަހަށް ފެތުރޭއެއްޗެއް. ސަރުކާރުގެ ކޮން ސިއްރިއާތެއްތޯ ފޮރުވިފައިއޮތީ؟ ޢިންޑިއާގެ މިލިޓަރީ ރާއްޖޭގަ އޮތުން. މޮރިޝަސްއާއެކު 500 މިލިއަން ޑޮލަރުގެ ޑީލެއްހަދައި ކަންޑު ވިއްކާލުން. ޜައީސަށް ބައިއަޅައިގެން ހިންގާކޮރަޕްޝަން ތައް، ކޮވިޑްތެރޭކުރި ވައްކަން މިހެން އަޑެއްއިއްވަނީ މީޑިއާތަކުން މަޖްލިސް ތަޅުމުމުން. ސަރުކާރުން ކޮބާ؟
އީވާ
28 May 2023
މީގަ އެންމެ ފިނޑީ އަންނި. މަޖިލިސް ރައީސްކަމުން ބޭރުކޮށްފާނެތީ އަދި ޕާޓީއަށް މީހުން ހަމަނުވެދާނެތީ އެމްޑީޕީންނުކެނޑެން ފިލާއޮވެ އެހެންމީހުންލައްވާ ހުރިހާ މަސައްކަތެއްކުރުވަނީ. އެކޮޅު ވަރުޖެހިލާހެން ހީވީމަދާނެ. ހަޤީޤީލީޑަރުންނަކީ އެންމެފުރަތަމަ އެންމެކުރީގަ ތިބޭމީހުން!
ޢަރުތަ
28 May 2023
އެހެނެއްނޫން، ފިނޑިކަމުންނޭ ފިލާ އޮންނަނިއްޔޭ ކިތަންމެ ވަރަކަށް ކިއަސް ކަހާތަން ހިރުވާވެސް ނުލާނެ މިސިއާސި މީހުން، ކަމެއްވެގެން އެހުންނަނީ، ވަރަށް މަކަރުވާނެ ތިމީހުން.
ކުރުސީ ލައިޓް
28 May 2023
މަޖިލިސްގެ ރައީސް ވެސް ވަކިކުރަން ޖެހޭ.
ކޮން ވައްތަރު ހުންނަނީ
28 May 2023
މިގޭގައި މަސައްކަތްކުރަން ގެނައި ބޭރުމީހާއަށް މާ ކަމުދެއޯ މަތީ އެޕާޓްމެންޓްގައި އުޅޭމީހުން. އެކަމަކު އެމީހުންނަށް ނެތީއޯ އޭނައަށް ޚަރަދު ދެވެން. އެމީހާ ނިންމާފި މިގޭގައި މަސައްކަތް ނުކޮށްދޭން. އެކަމަކު މިގޭ ސްލޮޓްގައި ވޯކްޕާމިޝަން. އަދި ކެއުމާ މުސާރަ ވެސް ދޭންޖެހެނީ މިގެއިންނޯ! އޭނާގެ އަސާސީ ހައްގެކޯލަ އެއީ... ދެން ކިހިނެއް ހަދާނީ؟
ޞިލްން
28 May 2023
ސަރުކާރުގެ އަޑީގަ ބަޔަކު ތިބެގެން އިބޫ ލައްވާ އެމްޑީޕީ އަދި ސަރުކާރު ފުނޑާލަމުންދާ މަންޒަރު މިހާރު ވެސް ކުރިޔަށް މިދަނީ. އިންތިހާބުގައި ވޯޓުލާއިރު އިބޫ ފަހަތުގައި ހަމަ އެކަކުވެސް ނުހުންނާނެ. ރަނގަޅު ފިލާވަޅެއް ލިބިގެންދާނެ.
ފަލްސަފާ
28 May 2023
އަޅެމިއުވާން ތިޔަބުނާ މަގާމުތަކުން ވަކިކުރާމީހުން ވަކިކުރުމުން ތިޔަމިނިސްޓްރީއަކަށް ނުވަތަ ސަރުކާރުކުންފުނީގެ ހިންގުމަކަށް ޒައްރެއްގެ މިންވަރުވެސް އަސަރުކުރޭތޯ؟ ބުނަން މިއުޅޭ އެއްޗަކީ ގިނަސިޔާސީ މަގާމުތަކަކީ އެއިރެއްގަ ހުންނަ ވެރިމީހާ ރައްޔިތުންގެ ބައިތުލްމާލުން ފެލައިގެން ޕާޓީ ކުދިންނަށްދޭ ހަދިޔާއެއް
ލުތުފީ
29 May 2023
ނުކުރާނެ. ގިނަވާނީ މަސައްކަތެއް ނުކޮށް މުސާރަދޭމީހުން.
ނިލިސް
28 May 2023
ސަރުކާރު ކަމުނުދާ ކަމަށް ބުނެ ސަރުކާރަށް ފާޑުކިޔާ ސިޔާސީ މީހުން އަމިއްލައަށް އިސްތިއުފާ ދިނުމަކީ ރީތިގޮތް. ޢިސްތިއުފާ ނުދޭނަމަ ވަކިކުރުން ގޯހެއްނޫން.
އިންވެސްޓަރު
28 May 2023
ސިޔާސީ މަޤާމުތަކަކީ ހައި ރިސްކް - ހައި ރިޓާން މަޤާމްތަކެއް. ބޮޑެތި މުސާރަތަކާ އޮފިޝަލް ޕާސްޕޯރޓް އަދި އެތަކެއް ޢިނާޔަތެއް ލިބޭނެ. ބޭރު އެތައް ބަޔަކާ ބައްދަލުވެ އަމިއްލަ އެތައް ކަމެއް ކުރިއަރުވަން ވެސް އިންފޯމަލް ފުރުސަތު ވެސް ފަހިވާނެ. އެކަމުގެ އަގަކީ ރައީސްއަކަށް ވަފާތެރިކޮށް އިޚްލާޞްތެރިކޮށް ޚިދުމަތްކުރުން.