ހިޔާ ޓަވަރުތަކާއި ހުޅުމާލޭގެ އެކި ތަންތަނުން ކަރަންޓު ކެނޑިއްޖެ

ހުޅުމާލެއިން ކަރަންޓުގެ ހިދުމަތް މެދުކެނޑުން: ހިދުމަތް މެދުކެނޑުނީ ވިނަރެސް ފްލެޓްތަކާ ދިމާލުން ކޮންނަނިކޮށް، ޑިސްޓްރުބިއުޝަން މި މަައި ކޭބަލަށް ގެއްލުން ލިބިގެން.-- ފޮޓޯ: ސްޓެލްކޯ

އިފްރާޒް އަލީ، މިހާރު

31 މެއި 2023 - 10:51

10 comments

ހުޅުމާލޭގައި ހުންނަ ހިޔާ ޓަވަރުތަކާއި އެ އަވަށުގެ އެކި ހިސާބުތަކުން މިއަދު ކަރަންޓު ކެނޑިއްޖެ އެވެ.

މާލެ ސަރަހައްދަށް ކަރަންޓުގެ ހިދުމަތް ދޭ ސްޓެލްކޯ އިން ބުނީ ދިމާވި ޓެކްނިކަލް މައްސަލައަކާ ގުޅިގެން ހުޅުމާލެ 2 ގެ ހިޔާ ޓަވަރުތަކާއި އެހެން ބައެއް ސަރަހައްދުތަކުން ކަރަންޓު ކެނޑިފައިވާ ކަމަށެވެ.

ސްޓެލްކޯ އިން ބުނީ، ކަރަންޓުގެ ހިދުމަތް މެދުކެނޑުނީ ވިނަރެސް ފްލެޓްތަކާ ދިމާލުން ކޮންނަނިކޮށް، ޑިސްޓްރުބިއުޝަން މަައި ކޭބަލަކަށް ލިބުނު ގެއްލުމަކާ ގުޅިގެން ކަމަށެވެ. އެ މައްސަލަ ހައްލުކުރުމަށް ކުރާ މަސައްކަތުގެ ދަށުން ހުޅުމާލެ 2 ގެ ބޮޑު ސަރަހައްދަކަށް މިހާރު އަލުން ކަރަންޓު ދީފައިވާ ކަމަށް ވެސް އެ ކުންފުނިން ބުންޏެވެ.

ނަމަވެސް، ގެއްލުން ލިބިފައިވާ ކޭބަލް މަރާމާތުކުރުމުގެ މަސައްކަތް ކުރިއަށް ދާއިރު، އެ ކޭބަލާ ގުޅިފައިވާ ސަރަހައްދުތަކަށް އަލުން ކަރަންޓު ދިނުމަށް ދެ ގަޑިއިރެއްހާއިރު ހޭދަވެދާނެ ކަމަށް ސްޓެލްކޯ އިން ބުންޏެވެ.

"ދިމާވާނެ ދަތިތަކަށް މާފަށް އެދެން،" އެ ކުންފުނިން ބުންޏެވެ.

ހިޔާ ފްލެޓުގައި ދިރިއުޅޭ މީހުންގެ އަމިއްލަ ޖަމިއްޔާއެއް ކަމަށްވާ ހިޔާ ޔޫނިއަނުން ބުނީ ކަރަންޓުގެ ހިދުމަތް މެދުކެނޑުމާ ގުޅިގެން މި ވަގުތު ކޮންމެ ޓަވަރެއްގައި ބޭނުންކުރެވޭނީ އިމަޖެންސީގައި ބޭނުންކުރެވޭ އެއް ލިފްޓު ކަމަށެވެ.

ހިޔާގެ އެކި ޓަވަރުތަކުގައި 30،000 އަށް ވުރެ ގިނަ މީހުން މިހާރު އަންނަނީ ދިރިއުޅެމުންނެވެ.

ހުޅުމާލެ ސްޓެލްކޯ ހިޔާ ފްލެޓްތައް ކަރަންޓު

10 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިހްސާސް..

31 May 2023

މަހީކުރީ ހުޅުމާލޭގެ މާސްޓަރ ޕުލޭނުގައި މިފަދަ މުހިންމު ކޭބަލްތައް މިއަށްވުރެ ރައްކާތެރިކޮށް ވަޅުލެވޭނެ ގޮތަށް އެކަން ރާވާފައިވާކަމަށް. އެކަމަކު ހުރީ 90ގެ އަހަރުތަކުގަވެސް ހުންނަގޮތަށް ވަޅުލާފަތާ. ތަފާތަކީ ކޭބަލު ތަފާތުކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަތީނު.

31 May 2023

ފުލެޓަށް ދައްކަންޖެހޭ ފައިސާ ނުދައްކާ ތަންތަނުން ކަރަންޓާއި ފެން ކަދާލަންވީ. އަދި ދިރިއުޅޭށޭ ކިޔާފައި މަކަރާއި ހީލަތް ހަދައި އޮޅުވާލައިގެން ފުލެޓް ހޯދުމަށްފަހު އެތަންތަން ބޮޑު އަގުގައި ކުއްޔަށްދީފައިތިބި މީހުންގެ ކިބައިން ފުލެޓް ވަކިކޮށް މިހާރު އެތަނުގައިތިބި މީހުންގެ ނަމަށް ފުލެޓް ބަދަލު ކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

31 May 2023

މާލޭގައި ސްޓެލްކޯގެ ބައެއް ވެރީންނަށް ވޭތުވެދިޔަ 40 ހަކަށް އަހަރު އެންމެ ބޮޑޫ ފައިދާ އެއް ވީ މާލޭ މަގުތައް ކޮނެ ކޭބަލް ވަޅުލުމަށް ކޮންޓްރެކްޓަރުން މަސައްކަތް ދީގެންނެވެ. މިހާރު ހުޅުމާލެ ވެސް އެފަދަ މިސްރާބަކަށް އިރު އިރު ކޮޅާ ދިރާގް ، ސްޓެލްކޯ ، މީޑިޔާ ނެތްފަދަ ކުންފުނިތަކުން ކޮންނަން ޖެހޭ ކަހަލަ ގޮތަކަށް ދާހެން ހީވެ އެވެ. އޭގެ ފައިދާ އާބަންކޯގެ ބަޔަކަށް ލިބޭނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

31 May 2023

"ދިމާވާނެ ދަތިތަކަށް މާފަށް އެދެން،": މާފު ކޮށްފިން. އަދި ސުވާލެއް ކޮއްލާނަން. ހުޅުމާލެއަކީ މި ސަރަހައްދުގައިވެސް އެންމެ ބޮޑަށް ޕްލޭންކުރެވިގެން ތަރައްގީކުރާ ރަށް ކަމަށް ވީ އިރު މަގު ކޮންނައިރު ބުރިވާން ޖެހޭ ގޮތަކަށް ކަރަންޓު މައި ކޭބަލެއް އޮންނަންޖެހޭ ސަބަބެއްނުވިސްނޭ. ފޮޓޯ އިން ފެންނަ ގޮތުން އެ ކޭބަލު މަތީ ނެތް ރީނދޫ ޕްލާސްޓިކުކޮޅެއް ވެސް ދަމާލާފަ. ކުރީ ސަރުކާރޭ ނުކިއުއްވުން އެދެން. ހުރިހައި ކަމެއް ކުރީ ސްޓެލްކޯގެ ބެލުމުގެ ދަށުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީނދޫޓޭޕް

31 May 2023

ބަލަ ޓޭޕަކީ ކޭބަލްގެ ތަންކޮޅެއް މަތިން އޮންނަ އެއްޗެކޭ. ކޭބަލް އާ ހަމައަށް ކޮނެވޭ އިރު އެ ފެންނަން އޮންނާނެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

31 May 2023

ދެން އަވަހަށް ކަރަންޓް ކޭބަލް ބަދަލު ކޮށްލާ. އެއިރުން ލައްކަ ޑޮލަރ ޖީބަށް ވަންނާނެ. އެހެންޏާ ފަހެ ކޭބަލް އޮތްތަން ނޭގޭ ވަރުގެ ކުޑަ ކުދިންތަ ތިކަންކުރަނީ؟