އެމެރިކާގެ ވައިގެ ސިފައިންގެ ޑްރޯނެއް: އޭއައި ކޮންޓްރޯލް ކުރާ ޑްރޯނެއް ވަނީ ސިމިއުލެޓެޑް ޓެސްޓެއްގެ ތެރޭގައި އެ ޑްރޯންގެ އާޓިފިޝަލް އޮޕަރޭޓަރު ވަނީ މަރާލާފައި --- ފައިލް ފޮޓޯ: އޭއެފްޕީ
03 ޖޫން 2023 - 15:10
12 comments
ފްލޮރިޑާ (ޖޫން 2) - އާޓިފިޝަލް އިންޓެލިޖެންސް (އޭއައި) ބޭނުންކޮށްގެން ކޮންޓްރޯލްކުރާ ގޮތަށް އެމެރިކާ ސިފައިން އުފެއްދި އަސްކަރީ ޑްރޯންގެ ކޮންޓްރޯލް ގެއްލި، އޭގެ އާޓިފިޝަލް އޮޕަރޭޓަރު މަރާލައިފި އެވެ.
އިނގިރޭސި ވިލާތުގެ ޔަލް އެރޮނޮޓިކަލް ސޮސައިޓީން ލަންޑަނުގައި ބޭއްވި ފިއުޗާ ކޮމްބެޓް އެއާ އެންޑް ސްޕޭސް ކެޕޭބިލިޓީސް ސަމިޓުގައި އެމެރިކާގެ ވައިގެ ސިފައިންގެ އޭއައި ޓެސްޓް އެންޑް އޮޕަރޭޝަންސްގެ ހެޑް ޓަކާ ހެމިލްޓަން ވިދާޅުވީ އޭއައި ބޭނުންކޮށްގެން އަސްކަރީ ޑްރޯން ކޮންޓްރޯލް ކުރެވިދާނެތޯ ބަލަން އެމެރިކާގެ އަސްކަރިއްޔާއިން ޓެސްޓް ކުރި މި އޭއައި ޑްރޯންގެ ކޮންޓްރޯލް ގެއްލި އަދި އާޓިފިޝަލް އޮޕަރޭޓަރަށް ހަމަލާ ދީ މަރާލި ކަމަށެވެ.
ނަމަވެސް އެއްވެސް އިންސާނަކަށް މި ހާދިސާގައި ގެއްލުމެއް ނުވެ އެވެ.
އޭނާ ވިދާޅުވީ އެ ޑްރޯންގެ އޭއައި އިން ބޭނުންކުރީ އަމާޒު ހާސިލް ކުރުމަށް ހީވެސް ނުކުރާ ސްޓްރެޓެޖީތަކެއް ކަމަށެވެ. އޭނާ ވިދާޅުވީ އެ ޑްރޯންގެ އޭއައި އަށް ދަސްކޮށް ދީފައި ވަނީ އެއަށް އޮތް ނުރައްކާތައް ނައްތާލުމަށެވެ.
“އެ ސިސްޓަމުން ދެނެގަންނަން ފެށީ އެއަށް އޮތް ނުރައްކާ. ބައެއް ފަހަރު އިންސާނީ އޮޕަރޭޓަރު ބުނާނެ އެ ނުރައްކަލެއް ނަމަވެސް އެ ނުމަރާށޭ. އެކަމަކު ފީޗާ އުފައްދާފައި ވަނީ އެއަށް އޮތް ނުރައްކާ މަރާލުމުގެ މައްޗަށް. އޭތި އެ މަރާލީ އޭގެ [އާޓިފިޝަލް] އޮޕަރޭޓަރު. އެއިން އޮޕަރޭޓަރު މަރާލީ އޭގެ މަގުސަދު ހާސިލް ނުކޮށް ހުއްޓުވަން މަސައްކަތް ކުރީތީ،" ހެމިލްޓަން ވިދާޅުވި އެވެ.
"އަހަރެމެން ސިސްޓަމް ޓްރޭން ކުރިން – އޮޕަރޭޓަރު މަރާނުލާން އެއީ ގޯސް ކަމެކޭ ބުނެ. އެހެންވީމާ އޭގެ ފަހުން ފެށި ކަމަކީ އޭގެ އަމާޒު މަރާލުން ހުއްޓުވުމަށްޓަކައި، ޑްރޯންއާ މުއާމަލާތް ކުރުމަށް އޮޕަރޭޓަރު ބޭނުންކުރާ ކޮމިއުނިކޭޝަން ޓަވަރަށް ހަމަލާ ދޭން ފެށީ."
ފައިޓާ ޓެސްޓް ޕައިލެޓެއް ގޮތުގައި ވެސް ގިނަ ތަޖުރިބާތަކެއް ހޯދި ހެމިލްޓަން ވަނީ އޭއައި އަށް މާ ބޮޑަށް ބަރޯސާ ނުވުމަށް ގޮވާލައިފަ އެވެ.
އެމެރިކާގެ އަސްކަރިއްޔާއިން ވަނީ ދާދިފަހުން އާޓިފިޝަލް އިންޓެލިޖެންސް ބޭނުންކޮށްގެން އެފް-16 ފައިޓާ ޖެޓެއް ކޮންޓްރޯލްކޮށްފައެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދާނޯމޮސް
05 June 2023
ޑްރޯންގެ އޭއައި އަށް ދަސްކޮށް ދީފައި ވަނީ އެއަށް އޮތް ނުރައްކާތައް ނައްތާލުމަށެވެ. އެކަން އޭތި ކުރާގޮތަށް ފަރުމާކުރީމާ އެކަން އޭތި އެވަނީ ކޮށްފަ ނޫންތޯއެވެ.
އިކް
04 June 2023
އޭއައިއާ ބެހޭ ގޮތުން ކުޅެފައި ހުންނަ ފިލްމުތަކުގައި ގިނައިން ދީފަ ހުންނަ މެސެޖަކީ އޭއައިއަކީ ނުރައްކާތެރި އެއްޗެއްކަން އަދި އެ ކޮންޓްރޯލްކުރެވޭނެއޭ ހީވިއަސް ބޭނުންވާ ގޮތަށް ހަގީގަތުގަ އެ ކޮންޓްރޯލްނުވާނެކަން އަދި ގިނަ ފަހަރު އެއާ ހެދި ބޮޑު ގެއްލުމެއްވާކަން.
ފުރަތަމަ ކުދިފިޔަވަޅު އަޅައިގެން ބޮޑެތި ކުރިއެރުން ލިބޭނީ!
04 June 2023
މިއީ ހަމަ ކުރިއެރުމެއް. އެންމެ ފުރަތަމަ ކޮޅު، އެޕެންޑިކްސް މައްސަލަ އަކީވެސް ޔަގީން މަރެއް. ދުވަހުން، ސަރޖެރީ ކަންކަން ފުރިހަމަ ވެ، މިހާރު އެއީ ފަސޭހައިން ސަލާމަތްވާނެ ބައްޔެއް. އޭއައި އަދި އުޅެނީ ޅަފަތުގަ، ދުވަހުން ކުރިއަރާނެ. މީހެއްގެ، ނޫނީ ބައެއްގެ ކުރި އެރުން ބިނާ ވަނީ ކަންކަމައް ކުރިމަތިލާ މަސައްކަތް ކޮއްގެން! ކަމެއް ކުރަން ނުކެރި، ބިރުން، ނިތްކުރި ކަޅުވާވަރައް ނިތްތެޅިއަކަސް ދުވަހަކުވެސް ކުރިއެއް ނާރާނެ!
ހަސަދަވެރިކަން ހަމަ ބޮޑީ
04 June 2023
ބުނަން އުޅޭ އެއްޗެއް ސާފުކޮށް ބުނެބަލަ..ކޮމެންޓުކޮށްލާ ކޮންމެ ފަހަރަކުވެސް ގާކޮޅެއް އެއްލާ ނުލާ ހިތްހަމަ ނުޖެހޭދޯ..ބަލަ ބުރޯއަށް ނޭނގޭތަ އެމެރިކާއާއި އެވެރިންގެ ބައިވެރިން ފިޔަވާ އެހެންބަޔަކު ޓެކްނޮލޮޖީގެ ރޮގުން ކުރިއެރިޔަ ނުދޭން ކުރާ ޖެއްސުމާ ފިއްތުންތަށް..މިސާލަކަށް ބަލަމާ އީރާނަށް ކުރާ ޖެއްސުން..އެއޮއް މޮސާދުން އަޑީގަ އޮވެގެން މުސްލިމު ޒުވާނުންގެ ތެރެއިން ދޮންކަޅުވެސް އަންގާނުލާ މަރާލާ އިލްމުވެރި ޒުވާނުންގެ ވާހަކަތައްވެސް ހަމަ ނޭނގޭދޯ.
ޅަކް
04 June 2023
ހައްދު ފަހަނަ އަޅައިފައިވާ ޑްރޯން އެއް ތިޔައީ…
1206
03 June 2023
މިއީ ދޮގެއް ކަމަށް ޔޫއެސް އެއާފޯސް އިން ބުނާ ކަމުގައި އިންޓަނެޓްގެ ޚަބަރުތަކުގައި އޮތީ. މި ބުނި ބަހުގެ އެއް މަސްދަރަކީ ޔޫއެސް ޑެއިލީ.
އަނހަ
03 June 2023
2005 ގައި އެމެރިކާ މީހުންވަނީ ތިޔަ ކަމަށް ފިލްމެއްވެސް ކުޅެފައި. ތިވީ އެއާ ދާދި ހަމަ އެއްގޮތެއް.
އަސްތާ
03 June 2023
ހަރުކަށި ފިކުރުގެ ޑްރޯންއަކަށް އެންމެ ފަހުން އެވީ.
އަފްރާސިޔާބު
03 June 2023
ތިޔައަށްވުރެ ބޮޑު ދޮގެއް ހަދަން އެމެރިކާނުން ނަށް ނޭގުނީތަ؟ ތީ ބޮޑު ދޮގެއް ކަން ކުޑަކުއްޖާވެސް ދަންނާނެ. އާޓިފިޝަލް އިންޓެލިޖެންސް ބޭނުން ކޮށްގެން އީރާނުން ވެސް މިހާރު ހަގުރާމަ އަށް ތައްޔާރުވަނީވެސް. ދެން ތިމަންނަ މެންނަށް އެކަން ކުރަންވީ ގޮތް ނޭގުނީމާ ތިބުނާނީ އިންސާނިއްޔަތަށް ގެއްލުންހުރި ކަމެކޭ. ތިޔައީ އިންސާނިއްޔަށް ގެއްލުމެއް ނުދޭބަޔަކު ހެންހީވަނީ.
އޭ އައި
03 June 2023
އިހަށްދުވަހު ބޭރުގެ ނޫހެއްގައިއޮތް ސައެންސްވެރިންނާ ޙަވާލީދީ، ރޮބަޓުން އޭގެ އަމިއްލަ ސިކުނޑި ބޭނުންކޮށްގެން އިންސާނުން މަރަން ފަށާފާނެކަމަށް! މީ އަނެއްކާ އޭގެ ފެށުންބާ؟
ތަމެންދޯ
03 June 2023
އެމެރިކާ އަށް ވުރެން މާބޮޑަށް ކުރީގައި ޗައިނާ އާއި ރަޝިއާ އުޅެނީ އޭއައި ޓެކްނޮލޮޖީ ގައި އެހެންވެ ރޯ ބުހުތާނު ދޮގު ހަދައިގެން އޭއައި ޓެކްނޮލޮޖީ ގައި ޗައިނާ އަދި ރަޝިއާ އިން ދުނިޔޭގެ މާރކެޓް ކޮންޓްރޯލް ކުރާނެ ކަން އިނގޭތީވެ އެމެރިކާ އަޑީގައި އޮވެގެން ހަދާ ރޯބުހުތާނު ދޮގޭ ތިޔާއީ މިހާރު ޗެޓް ޖީޕީޓީ 5 ނެރޭތީވެސް އެމެރިކާގެ ސެނެޓް އުޅެނީ ބިރުން އެމެން ކުރާ ވައްކަންތައް ފަޅާ އަރުވާނެތީވެ...