22 ރަށަކަށް ބޭނުންވާ ކުނި މެނޭޖުކުރާ ވަސީލަތްތައް ހޯދުމަށް ލަންކާގެ ކުންފުންޏަކާ ހަވާލުކުރުމަށް ބޭއްވި ރަސްމިއްޔާތުގައި އެ ކުންފުނީގެ ޑިރެކްޓަރާ، ތިމާވެއްޓާ ބެހޭ މިނިސްޓަރު ޝައުނާ އެއްބަސްވުން ބަދަލުކުރައްވަނީ.-- ފޮޓޯ: ތިމާވެއްޓާ ބެހޭ މިނިސްޓްރީ
06 ޖޫން 2023 - 22:43
4 comments
ރާއްޖޭގެ 22 ރަށަކަށް ބޭނުންވާ ކުނި މެނޭޖުކުރާ ވަސީލަތްތައް ހޯދުމަށް ސްރީ ލަންކާގެ ކުންފުންޏަކާ ތިމާވެއްޓާ ބެހޭ މިނިސްޓްރީން މިއަދު ހަވާލުކޮށްފި އެވެ.
މިނިސްޓްރީން ބުނީ މިއަދު އެ އިދާރާގައި ބޭއްވި ރަސްމިއްޔާތެއްގައި އެ މަސައްކަތް ހަވާލުކުރީ ލަންކާގެ ކުންފުންޏެއް ކަމަށްވާ ސޯ އިންޖީނިއަރިން ޕްރައިވެޓް ލިމިޑެޓާ ކަމަށެވެ.
އެކަމުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ތިމާވެއްޓާ ބެހޭ މިނިސްޓަރު އައިމިނަތު ޝައުނާ އެވެ. އަދި ސޯ އިންޖީނިއަރިންގެ ފަރާތުން ސޮއިކުރެއްވީ އެ ކުންފުނީގެ ޑިރެކްޓަރު ބަނޑުލަ ޖަޔަރަތުނަ އެވެ.
މިނިސްޓްރީގެ ނޫސްބަޔާނުގައި ބުނީ ވޯލްޑް ބޭންކްގެ އެހީގައި އެ އިދާރާއިން ހިންގާ، މޯލްޑިވްސް ކްލީން އެންވަޔަރަމަންޓް ޕްރޮޖެކްޓުގެ ދަށުން މި މަސައްކަތަށް 7.6 މިލިއަން ވުރެ ގިނަ ރުފިޔާ ހަރަދުކުރާނެ ކަމަށެވެ. އެ އެއްޗެހި ގެންނަން ހަތަރު މަސް ދުވަސް ދީފައިވާ ކަމަށް ވެސް މިނިސްޓްރީން ބުންޏެވެ.
އެ އެއްބަސްވުމުގެ ދަށުން މ. ފ. ދ. ތ. އަދި ލ. އަތޮޅު ހިމެނޭ ގޮތަށް 22 ރަށަކަށް ބޭނުންވާ ކުނި މެނޭޖުކުރާ ސާމާނު ހޯދާނެ ކަމަށް މިނިސްޓްރީން ބުންޏެވެ.
22 ރަށަކަށް ބޭނުންވާ ކުނި މެނޭޖުކުރާ ވަސީލަތްތައް ހޯދުމަށް ލަންކާގެ ކުންފުންޏަކާ ހަވާލުކުރުމަށް ބޭއްވި ރަސްމިއްޔާތުގައި ތިމާވެއްޓާ ބެހޭ މިނިސްޓަރު ޝައުނާ ވާހަކަދައްކަވަނީ.-- ފޮޓޯ: ތިމާވެއްޓާ ބެހޭ މިނިސްޓްރީ
ހޯދާ ސާމާނު
- މަލްޓި ޕާޕަސް މިނީ ބޭލާ
- ބިއްލޫރި ފުޅި ފުނޑުކުރާ މެޝިން
- ކުނި އަޅަން ބޭނުންކުރާ އެކި ސައިޒުގެ ޑަސްބިން
- ޕީޕީއީ ކިޓާއި އަދިވެސް އެހެން ސާމާނު
މިނިސްޓްރީން ބުނި ގޮތުގައި، މި ވަސީލަތްތައް ފޯރުކޮށްދޭން ހަމަޖެހިފައިވާ ރަށްތަކަކީ ކުނި މެނޭޖުކުރާނެ ސެންޓަރެއް ހުންނަ ނުވަތަ އެކަހަލަ ސެންޓަރެއް ހަދަމުން އަންނަ އަދި އެ މަސައްކަތް ކުރުމަށް ޕްރޮކިއުމެންޓް މަރުހަލާގައި ހުރި ރަށްތަކެވެ.
"ވުމާއެކު، މި މިނިސްޓްރީގެ ތަސައްވަރަކީ މި މަޝްރޫއު ނިމިގެންދާއިރު، މި ރަށްތަކަކީ ރަށު ފެންވަރުގައި ދެމެހެއްޓެނިވި ސިފައެއްގައި ކުންޏާއި ވަސީލަތް މެނޭޖުކުރުމަށް ގާބިލު ރަށްތަކަކަށް ވެގެން ދިއުމެވެ،" މިނިސްޓްރީން ބުންޏެވެ.
މިނިސްޓްރީން ބުނީ ރާއްޖޭގެ ހުރިހާ ރަށަކަށް ކުނި މެނޭޖުކުރާނެ ޒަމާނީ ވަސީލަތްތައް ހޯދުމުގެ މަސައްކަތް އެކި މަރުހަލާތަކުގައި ކުރިއަށް ގެންދާ ކަމަށެވެ.
ކުނި މެނޭޖުކުރުމަށް ސަރުކާރުން ވަނީ މިދިޔަ އަހަރު ހާއްސަ ގާނޫނެއް ހަދައި އެއަށް އަމަލުކުރަން ވެސް ފަށައިފަ އެވެ. އެ ގާނޫނުގެ ދަށުން ބޮޑެތި ބަދަލުތަކެއް ގެންނަން ނިންމާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުގުދާބެއްޔާ
07 June 2023
ފުނޑިފައިވާ ލަންކާއަށް މިތަކެތި ގަނެވޭނެބާ؟
އަފްރާސިޔާބު
07 June 2023
އެންމެ ގިނައިން މެޝިނަރީ އުފައްދަނީ ލައްކާއިން ވީމާ ލަންކާ އަށް ކުނި މެނޭޖްކުރުމުގެ މެޝިނަރީ ގަންނާނީ؟ ނޫނޭ ކޮރަޕްޝަންގެ ކަންތައްވާ މަތިވެރިވެރިކަމެއް؟
އަސޭލ
07 June 2023
މިވެސް މިދިނީ ލަންކާ ބަޔަކައް. ހެހެ ގައުމެއް ތި ހިންގަނީ
ފަތުރު
07 June 2023
ރާއްޖޭގެ ޕްރޮޖެކްޓަށް މިދެނީ ބޭރުގެ ކުންފުނިތަކަށް ބުނެ ސަރުކާރުގެ ތެރޭން ކުޅޭގޭމެކެވެ. ނަމުން ލައްކާއަށް ވިޔަސް އެކުންފުނީގެ އަޑީގައިތިބީ ސަރުކާރުގެ އިސްވެރީންނެވެ. ދިވެހިރައްޔިތުންނަށް ކަޑައެޅިގެން އޮޅުވާލަނީއެވެ. މީ ސަރުކާރުގެ ވެރީންގެ ގޮތުގައިތިބެ ރައްޔިތުންނަ އޮޅުވާލުމަށް ހިންގާ ޖަރީމާ ތަކެކެވެ. އެސީސީ މިކަން ބެލުމަށް ގޮވާލަމެވެ. ކުންފުނީގެ ހަގީގަތް ހޯދުމަށް ވެސް ގޮވާލަމެވެ.