ރާއްޖެ-ގެމްބިއާއާ ދެމެދު ވިސާ ލުއިކުރުމުގެ އެއްބަސްވުމެއްގައި ސޮއިކުރުމަށް ސައުދީ އަރަބިއްޔާގެ ވެރިރަށް ރިޔާޒުގައި ހުންނަ ދިވެހި އެމްބަސީގައި ބޭއްވި ރަސްމިއްޔާތުގައި ސައުދީގައި ހުންނަވާ ރާއްޖޭގެ ސަފީރު މުހައްމަދު ހަލީލު އާއި ސައުދީގައި ހުންނަވާ ގެމްބިއާގެ ސަފީރު އުމަރު ޖިބްރީލް ސޮލާހު ސަލާންކުރައްވަނީ.-- ފޮޓޯ: ފޮރިން މިނިސްޓްރީ
12 ޖޫން 2023 - 12:12
15 comments
ހުޅަނގު އެފްރިކާގެ ގައުމެއް ކަމަށްވާ ގެމްބިއާއަށް ވިސާއާ ނުލައި ދިވެހިންނަށް ދަތުރުކުރެވޭ ގޮތް ހަދައިފި އެވެ.
ފޮރިން މިނިސްޓްރީން ބުނީ ދުރާލާ ވިސާ ނުނަގައި ދިވެހިންނަށް ގެމްބިއާ އަށް ދެވޭ ގޮތަށް، ރާއްޖެ އާއި އެ ގައުމާ ދެމެދު ވިސާ ލުއިކުރުމުގެ އެއްބަސްވުމެއްގައި ސޮއިކުރީ، ސައުދީ އަރަބިއްޔާގެ ވެރިރަށް ރިޔާޒުގައި ހުންނަ ދިވެހި އެމްބަސީގައި މިއަދު ބޭއްވި ރަސްމިއްޔާތެއްގައި ކަމަށެވެ.
އެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ސައުދީ އަށް ރާއްޖެއިން ކަނޑައަޅާފައި ހުންނަވާ ސަފީރު މުހައްމަދު ހަލީލެވެ. އަދި ގެމްބިއާ ސަރުކާރުގެ ފަރާތުން ސޮއިކުރެއްވީ އެ ގައުމުން ސައުދީ އަށް ކަނޑައަޅާފައި ހުންނަވާ ސަފީރު އުމަރު ޖިބްރީލް ސޮލާހެވެ.
ރާއްޖެ-ގެމްބިއާއާ ދެމެދު ވިސާ ލުއިކުރުމުގެ އެއްބަސްވުމުގައި ރާއްޖޭގެ ސަފީރު މުހައްމަދު ހަލީލު އާއި ސައުދީގައި ހުންނަވާ ގެމްބިއާގެ ސަފީރު އުމަރު ޖިބްރީލް ސޮލާހު ސޮއިކުރައްވަނީ.-- ފޮޓޯ: ފޮރިން މިނިސްޓްރީ
ދެ ގައުމުން އެކުލަވާލި އެ އެއްބަސްވުމުގެ ދަށުން، ރާއްޖެ އަންނަ ގެމްބިއާ މީހުންނަށާއި ގެމްބިއާއަށް ދާ ދިވެހިންނަށް 30 ދުވަހުގެ މުއްދަތަކަށް ވިސާއާ ނުލައި ދަތުރު ކުރެވޭނެ ކަމަށް މިނިސްޓްރީން ބުންޏެވެ.
"ސައުދީ އަރަބިއްޔާގެ ރިޔާޒުގައި ދިވެހިރާއްޖެ އާއި ދަ ގެމްބިއާއާ ދެމެދު ސޮއިކުރެވުނު ވިސާ ވެއިވާ އެގްރީމަންޓުގެ ސަބަބުން ދެ ގައުމުގެ ރައްޔިތުންގެ މެދުގަ އާއި ދެ ސަރުކާރުގެ ދެމެދުގައި ގުޅުން ބަދަހިވެގެން ދާނޭ ކަމަށް އުއްމީދުކުރަން،" ފޮރިން މިނިސްޓަރު އަބްދުﷲ ޝާހިދު ކުރެއްވި ޓުވީޓެއްގައި ވިދާޅުވި އެވެ.
ފޮރިން މިނިސްޓްރީން ބުނި ގޮތުގައި، ވިސާގެ އެއްބަސްވުމުގައި ސޮއިކުރެއްވުމަށް ފަހު، ދެ ގައުމުގެ ދެމެދު އޮންނަ ގުޅުން އިތުރަށް ބަދަހިކުރުމާ ގުޅޭ ގޮތުން މަޝްވަރާ ކުރި އެވެ.
ރާއްޖެ އާއި ގެމްބިއާއާ ދެމެދު ހާރިޖީ ގުޅުން ގާއިމްކުރީ 1989 އަހަރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފފފފފފ
14 June 2023
ޝާހިދު އަށް ކަމެއް ކުރެވުނު ކަމަށް ވާނީ ޝެންގަން ވިސާ ރާއްޖެއިން ލިބޭނެ ގޮތް އިންތިޒާމް ކުރެވުނުނަމަ. ދައުރު ނިމިއްޖެ، ނުވި އެކަން. މިކަހަލަ ރާއްޖެ މީހުން ނުދާ ގައުމުން ހައްތާވެސް ވިސާ ލިބެނީ
ގްލޯބްޓްރޮޓާ
12 June 2023
ޝާހިދު ތިއުޅެނީ ހުސް އެންމެ ކުޑަކޮށް ތަރައްގީވެފައިވާ އެންމެ ކަރަޕްޓް ޤައުމުތަކަށް ދިވެހިންނަށް ވީޒާއާ ނުލާ ދެވޭގޮތް ހެދުމުގަ.
ޖަލްމާ
12 June 2023
ލޮލް! ދެން ދިވެހިންނަށް ވިސާއާއި ނުލާ ހަނދަށް އަދި ވީނަސް އަދި ޖުޕިޓާރ އަށް ދެވޭނެ ކަންވެސް ޝާހިދު އިއުލާން ކުރަން ފެނޭ! ގަމާރިކަމުގެ އިންތިހާ
ާކުރަފި
12 June 2023
އަޅުގަނޑު މިހުންނަނީ ގެމްބިޔާއަށްދާން ކެތްމަދުވެފަ.
ގުދުގުދުލީބެެއްޔާގެ ތެދުބަސް
12 June 2023
ގެންބިއާ ބާއްވާފާ އެރިޓުރިއާއާހެދި އުޅެބަލަ. ޝާހިދު މުޅިއެފްރިކާއާ ގުޅުންބަދަހިކުރިއިރުވެސް އެގައުމާ ގުޅުމެއްބަދަހިނުކުރި. ކީއްވެބާ؟ 23 މިލިޔަން ކޮންމެގޮތެއްހަދާފާވެސް އެބަޖެހޭ ސަލާމަތްކުރާން.
ކަލްމީ
12 June 2023
އެރިޓުރިއާ ގަ އިސްތިއުފާދިން ރައީސްގެ ކޮއްކޯ ފުޅު ހުރީމަ ތޯ؟
ފިރުދޯސަ
12 June 2023
ވިސާއާ ނުލައި އެރިޓެރިއާ އަށް ދެވޭގޮތް ހަދާބަލަ، މިހާރުވެސް ދިވެހި ދައުލަތުގެ 1.2 މިލިއަން ޑޯލަރުގެ މުދަލެއް އެމީހުން ހިސޯރުކޮށްގެން އެއުޅޭނީ.
ކޮބާހޭ
12 June 2023
ކޮން ގެމްބެއްޔާއެއްތަ؟ އެރިތުރިއާއާގައި އޮތް ދެ ބޯޓް ކޮބައިހޭ މަ މިއަހަނީ ޝާހިދުކުރެން.. މި ދައްނީ ދިވެހި ރައްޔިތުންގެ 23 މިލިއަން ރުފިޔާގެ ދެ ބޯޓް ގެ ވާހަކަ.. ކަލޭމެންނަށް ބޭލޭނީ އސތށ
ލަތީފާ
12 June 2023
މިސަރުކާރު ދެވަނަ ފަހަރަށް ވެރިކަމަށް އަތުވެއްޖެނަމަ، ދިވެހިންނަށް ވިސާއާއި ނުލައި ހަދަށް ދެވޭނެ ގޮތް ހައްދަވާ ދެއްވާނެކަން ޔަގީން.
އީލާފު
12 June 2023
މިކަމުގެ ސަބަބުން ދިވެހި ޕާސްޕޯޓު އިތުރަށް ވަރުގަދަވެގެންދާނެ.
ޑެބީ
12 June 2023
ޝުކުރިއްޔާ ޝަަހިދު. ޝުކުރިއްޔާ ރައީސް އިބޫ. ޝުކުރިއްޔާ ދިވެހި ސަރުކާރު. ދިވެހިން ގެމްބިޔާއަށް ނުދެވުގެން ތިބީ ކެތްމަދުވެފަ. 2023 އިންތިހާބުގަ ބޯކޮށް ވޯޓުލިބޭނެ އިބޫއަށް.