ރައީސް އިބްރާހިމް މުހައްމަދު ސޯލިހު: ހާއްސަ އެހީއަށް ބޭނުންވާ މީހުންނަށް ދޭ މާލީ އެހީގެ މިންވަރު މުރާޖައާކޮށް އިތުރު އިނާޔަތްތަކެއް ތައާރަފުކުރަން ސަރުކާރުން ވަނީ ނިންމާފައި.-- ފޮޓޯ؛ ރައީސް އޮފީސް
13 ޖޫން 2023 - 20:52
27 comments
ހާއްސަ އެހީއަށް ބޭނުންވާ މީހުންނަށް ދޭ މާލީ އެހީގެ އަދަދު މުރާޖައާކޮށް، އިތުރު އިނާޔަތްތަކެއް ތައާރަފު ކުރުމަށް ރައީސް އިބްރާހިމް މުހައްމަދު ސޯލިހު މިއަދު ނިންމަވައިފި އެވެ.
ހާއްސަ އެހީއަށް ބޭނުންވާ މީހުންނަށް މާލީ އެހީގެ ގޮތުގައި މިހާރު ލިބެނީ މަހަކު 2،000ރ. އެވެ. އެހެންވެ، މީގެ 12 އަހަރު ކުރިއްސުރެ ދެމުން އަންނަ އެ އެލަވަންސް މުރަޖައާ ކުރާ މިއީ ފުރަތަމަ ފަހަރެވެ.
ރައީސް އޮފީހުން ބުނީ، ރައީސް އިބްރާހިމް މުހައްމަދު ސޯލިހު އެގޮތަށް ނިންމެވީ ހާއްސަ އެހީއަށް ބޭނުންވާ މީހުންނަށް ދޭ މާލީ އެހީ މުރާޖައާ ކުރުމާ ގުޅޭ ގޮތުން ޖެންޑާ މިނިސްޓްރީ އާއި ފެމިލީ އެންޑް ސޯޝަލް ސާވިސް އިން ހުށަހެޅި ކަރުދާހަކަށް މިއަދު ބޭއްވި ވަޒީރުންގެ މަޖިލީހުގެ ޖަލްސާގައި މަޝްވަރާ ކުރުމަށް ފަހު ކަމަށެވެ.
އެކަމާ ގުޅިގެން ސަރުކާރުން ނިންމި ނިންމުންތައް ވަރަށް އަވަހަށް ސަރުކާރުން ހާމަކުރާނެ ކަމަށް ވެސް ރައީސް އޮފީހުން ބުންޏެވެ.
ހާއްސަ އެހީއަށް ބޭނުންވާ މީހުންނަށް މިހާރު ލިބޭ އެލަވަންސް ކުޑަ މައްސަލަ އާއި އޭގެ ސަބަބުން ގިނަ ދަތިތަކާ ކުރިމަތިވާ ކަމުގެ ޝަކުވާ އެފަދަ ކުދިންގެ ބެލެނިވެރިން ވަނީ މިދިޔަ އަހަރު ރައީސް އިބްރާހިމް މުހައްމަދު ސޯލިހަށް ހުށަހަޅުއްވައިފަ އެވެ. އެހެންވެ، އެކަމަށް ހައްލެއް ހޯދުމަށް މަސައްކަތް ކުރައްވާނެ ކަމަށް އެ ބައްދަލުކުރެއްވުމުގައި އެ މަނިކުފާނު ވިދާޅުވެފައިވެ އެވެ.
އެ އިނާޔަތް މުރާޖައާ ކުރުމަށް ސަރުކާރުން ނިންމިއިރު އެ މީހުންނަށް މާލީ އެހީގެ ގޮތުގައި ދޭ އިނާޔަތަކީ އެ މީހުންގެ އަސާސީ ބޭނުންތައް ފުއްދުމަށް އެކަށީގެންވާ ވަރުގެ އިނާޔަތެއް ނޫން ކަމަށް ބުނެ އެ އަދަދު އިތުރުކުރަން ހިއުމަން ރައިޓްސް ކޮމިޝަން (އެޗްއާރްސީއެމް) އިން ވެސް ގޮވާލާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައްޕަ
15 June 2023
ތިއެލަންވަންސް މިހާރު ކިތައްފަހަރު ބޮޑުކޮށްފިތޯ؟ މިދިޔަ އަހަރުގެ ފަހު ކްއާޓަރގައި ބޮޑުކޮށްފި! މިއަހުގެ ޖޫން މަހު 5000 ރުފިޔާއަށް ބޮޑުކުރި އިނާޔަތް ލިބިއްޖެ! ދެން ތިޔަ މުރާޖައާކޮށް ނިމޭއިރު އޮންނާނީ ވޯޓްކަންތައްވެސް މިނިފަކަންނޭނގެ!
ޝުކުރާން
14 June 2023
ހެޔޮ ކިތަންމެ އޯގާތެރިކަމެއް ދައްކަން އުޅުނަކަސް، އަހަރެމެން ގައުމެއްގެ ނުފޫޒު ދަށަށްލާފައި ދޭ ލޮލީ ޕޮޕަކަށް ދޭނެ ވޯޓެއް ނޯއްނާނެ
ޝިއުރާ.
14 June 2023
ވޯޓަށް ޖަހާ މަޅިއެއް. އިބޫ ނޮހޮވޭނެ. ވަޙީދުއަށް ވީވަރު ވާނީ. މެކްސިމަމް 30 ހާސް ވޯޓް
މިދެން
14 June 2023
ހެޔޮ ނުވާނެ މުސާރަތަކާއި އެލަވަންސް ތައް ބޮޑު ކޮށް އިރުއިރުކޮޅުން ޢިއުލާން ނުކޮށްބަ. ކޮންމެ ފަހަރަކު އެއްޗިސް އަގު ބޮޑުވަނީ ތިޔަ ކަމަކުން. ބޮލެއްހަމަ މި ހުރީ ފިނޭންސް މިނިސްޓްރީގަ ވެސް. އަޅި މުސާރަ އެލަވްނސް އަށް ގެންނަ ބަދަލެއް ގެނެސް އެކީ އެކަން ހާމަ ކުރަންވީނު. ހެޑް ލައިން އަޅަށް ތިހެން އުޅެން ހަދައިގެން ޤައުމުގަ ތިބި އެއްޗެއް އިތުރުނުވާ ރައްޔިތުން ފަޤީރުވަނީ. އިންފްލޭޝަނޭ ކިޔާ އެއްޗެއް ދަންނަމުތަ
ބަޑިތަކުރު
14 June 2023
ދެންވީ ދުވަސްވީ މީހުންގެ އިނާޔަތް ބޮޑުކުރާށެވެ. އޭގެ ތެރޭގައި ރާއްޖޭގެ އެންމެ މުއްސަނދިންވެސް ހިމެނޭގޮތަށެވެ. މީހަމަ ދުނިޔޭގެ އެހެންތަންތާނގައިވެސް ކަންކުރާގޮތް ބާވައެވެ. ނޫނީ މިހާރު މިކުރާގޮތަށްނޫނީ އެކަންކުރަން ހަމަނޭނގެނީ ބާވައެވެ. ދުވަސްވީ މީހުންގެވެސް ވަރަށް ފުދުންތެރި ބަލަދުވެރިން ތިބޭނެއެވެ. އެހެންކަމުން އެފަދަ ފަރާތްތަކާއި އަޅާލާނެ ޔާރެއް އިޔާރެއްނެތް ނިކަމެތިންނަށް ޢިނާޔަތްދިނުމުގައި ތަފާތުތަކެއް ނެތްނަމަ އެއީ އިންސާފުވެރިގޮތެއް ބާވައެވެ
ބަޑިތަކުރު
14 June 2023
ނުކުޅެދޭ މީހުންނާއި ކުދިންގެ ތެރޭގައި ދައުލަތާއި އެކިތަންތާނގައި ވަޒީފާ އަދާކުރާ އަދި ވަޒީފާއެއް އަދާކުރެވޭވަރުގެ ކުދިންވެސް ތިބެއެވެ. އަދި ވަރަށް ފުދުންތެރި ބެލެނިވެރިންތިބި ކުދިންވެސްތިބެއެވެ. އެހެންކަމުން ބެލެނިވެރިންގެ ފުދުންތެރިކަމަށާއި އެފަރާތެއްގެ ހާލަތަށް ބަލައިގެން ނޫނީ ޢިނާޔަތް ދިނުމަކީ ނުވަތަ ބޮޑުކުރުމަކީ އިންސާފުވެރިގޮތެއްކަމަކަށް ނުދެކެން. އަދި ދައުލަތުން ދޭ ޢިނާޔަތަކީ ކޮންމެހެން ލަގްޒަރީ ފެންވަރުގައި ދިރިއުޅެވޭވަރުގެ އިނާޔަތަކަށްވެސ
ދޮން
14 June 2023
ބޯލެއްހުރި މީހަކަށް އެގޭނެ މުސާރަ ބޮޑުކޮށް އެލަވަންސް ބޮޑުކުރުމަކީ ފައިސާގެ އަގުވެއްޓޭކަމުގެ އަލާމާތެއްކަން ، އިގްތިޞާދު ނޭގޭކަން .. ބައްލަވާ ސަރުކާރުގެ ބޭކާރު ޚަރަދު ކުޑަކޮށް މަދު ފައިސާއިން ގިނަތަކެތި ލިބޭގޮތް ހަދާބަލަ. އެހެން ހެދޭނީ ޓެކްސް ކުޑަކޮށް . ބޭރުފައިސާ ހިފަހައްޓާ ، ޑިއުޓީތަކުން ލުއިދީ ސަރުކާރު ރިޒާވް ބޮޑުވެގެން . ބޭރު މީހުން މަދުކޮށް ދިވެހިންނަށް ވަޒީފާދީ ، އަގު ހެޔޮ ބޯހިޔާރައްޔިތުންނަށް ދެވިގެން .. އެއްވެސް ނަތީޖާއެއް ނުފެނޭ .
މާހިރު
14 June 2023
ޢުމުރުން ދުވަސްވީފަރާތްތަކަށްވުރެވެސް، ޚާއްޞައެއީއަށް ބޭނުންވާ ފަރާތްތަކަށް އެލަވަންސެއް ދިނުމަކީ ބޭނުންތެރިކަމެއްކަމަށް ފެނެއެވެ. ސަބަބަކީ 65 އަހަރުވިޔަސް ސިއްޙަތު ރަނގަޅަށް ތިބޭ މީހުންނަކީ އާމްދަނީ ހޯދަން މަސައްކަތްވެސް ކުރެވޭފަދަ ބައެކެވެ. ނަމަވެސް ޚާއްޞައެއީއަށްބޭނުންވާ ކުދިންގެތެރޭގައި އެކުދިންނަށް މަސައްކަތެއްނުކުރެވޭތާ އެކުދިންބަލަހައްޓަންތިބޭ މީހުންނަށްވެސް އާމްދަނީއެއް ހޯދުމަށް މަސައްކަތެއް ކުރެވޭނެގޮތެއްނެތް ކިތައްމެބަޔަކު ތިބޭނެއެވެ.
އަދީލު
14 June 2023
7000ރ ބޮޑުކޮއްދީ
މުހައްމަދުބެ
14 June 2023
މިހާރުވެސް މި އުޅެނީ އިންފްލޭސަން މަތި ކަމުން. ތިގޮތަށް އިކޮނޮމީ އަށް ލާރި އެޅުމުން ފައިސާގެ އަގު ވެއްޓި އިންޓްރެސްޓް ރޭޓް މިހާރަށްވުރެ ބޮޑުކުރަން ޖެހޭނެ. ދިގު ރާސްތާއަށް ނުވިސްނައި މިގޮތަށް ޚަރަދު ކުރަން ހެޔޮނުވާނެ