"ބިންވެރިޔާ" ސްކީމްގެ ދަށުން ގޯތި ލިބޭ މީހުން އިއުލާނުކުރުމަށް ރައީސް އޮފީހުގައި އިއްޔެ ބޭއްވި ޕްރެސް ކޮންފަރެންސްގައި މިނިސްޓަރު އަސްލަމް ބައިވެރިވެވަޑައިގަންނަވަނީ. -- ފޮޓޯ: ރައީސް އޮފީސް
27 ޖޫން 2023 - 14:58
60 comments
ހައްގުވާ ފަރާތެއް ބެލުމެއް ނެތި މާލެ ސަރަހައްދުން ބިން ދިނީ ރިޔާސީ އިންތިހާބަށް ނުފޫޒު ފޯރުވަން ކަމަށް އިދިކޮޅު ކޯލިޝަނުން ރޭ ތުހުމަތުކޮށްފި އެވެ.
ގެދޮރުވެރިޔާ އާއި ބިންވެރިޔާ މަޝްރޫއުގެ ދަށުން ގޯތި ލިބޭ މީހުންގެ ލިސްޓު އިއްޔެ އާއްމުކުރުމުން، ޕީޕީއެމް/ޕީއެންސީ ކޯލިޝަނުން ނެރުނު ބަޔާނުގައި ބުނީ މާލެ ސަރަހައްދުން ބިން އެންމެ ހައްގުވާ މީހުން ބެލުމެއް ނެތި އިންތިހާބަށް 75 ދުވަހަށް ވުރެ ގާތްވެފައިވަނިކޮށް އެ ބިން ނަހަމަ ގޮތުގައި ބަހާލުމުން ކަންބޮޑުވާ ކަމަށެވެ.
އެއީ އިންތިހާބަށް ނުފޫޒު ފޯރުވުމަށް ހިންގި ސިޔާސީ އަމަލެއް ކަމަށް ކަމަށާއި އެތައް ދިވެހިންނެއް ބާކީކޮށް، ގާތް އެކުވެރިންނާއި ސަރުކާރުގެ ބޮޑުންނަށް ބިން ބަހާލުމާއި ނުހިއްކާ ސަރަހައްދުތަކުން ގޯތި ހަމަޖައްސައިދީ ރައްޔިތުންނަށް އޮޅުވާލުމަށް ހިންގާފައިވާ ޖަރީމާތައް އޭސީސީ އަދި ކަމާބެހޭ އިދާރާތަކުން ބެލުމަށް ވެސް ގޮވާލާފައިވެ އެވެ.
ބިންވެރިޔާ މަޝްރޫއުގެ ދަށުން ގޯތި ލިބޭ ހޯދުމަށް 15،164 ފޯމް ހުށަހެޅި އެވެ. އޭގެ ތެރޭގައި ސިންގަލް އެޕްލިކަންޓް އާއި އެކި މީހުން ގުޅިގެން ޖުމްލަ 23،088 މީހުން ހިމެނޭ ގޮތަށް ފޯމް ހުށަހެޅި އެވެ. އެތަނުން ޝަރުތު ހަމަވީ 12،794 ފޯމެވެ. އެއީ 19،857 މީހުންނެވެ.
ޕްލޭނިން މިނިސްޓްރީން 10،314 މީހަކަށް ލިބޭ ގޯތި އިއްޔެ އާއްމުކުރިއިރު، އޭގެ ތެރޭގައި މި ސަރުކާރު ކޯލިޝަންގެ މައި ޕާޓީ، އެމްޑީޕީގެ މަޖިލިސް މެމްބަރުން ވެސް ހިމެނިވަޑައިގަންނަވަ އެވެ.
ބަޔާނުގައި ބުނީ ގޯތި ބެހުމުގައި އެއްވެސް އިންސާފުވެރިކަމެއް ނެތްއިރު މި ސަރުކާރުގެ 20،000 ފްލެޓްގެ ވައުދު ފުއްދުމަށް ކުރެވުނު މަސައްކަތެއް ވެސް ނެތް ކަމަށެވެ. އޭގެ އިތުރުން ކުރީގެ ރައީސް އަބްދުﷲ ޔާމީންގެ ވެރިކަމުގައި ފެށި ބޯހިޔާވަހިކަމުގެ މަޝްރޫއުގެ ތެރޭގައި ހިމެނޭ އެތައް ފްލެޓެއް ހުސްކޮށް، އެއްވެސް މީހަކަށް ނުދީ އެ ތަންތަން ނިންމުމަށް ވެސް އެއްވެސް މަސައްކަތެއް ނުކޮށް ހުރިކަމަށް ވެސް، އިދިކޮޅު ކޯލިޝަންގެ ބަޔާނުގައި ބުނެ އެވެ.
"ބޯހިޔާވަހިކަމުގެ ބޭނުންޖެހިފައިވާ ދިވެހި ކޮންމެ ރައްޔިތަކަށްވެސް މާލޭ ސަރަހައްދުން ބޯހިޔާވަހިކަން ލިބޭނޭ އިންތިޒާމު ހަމަޖައްސަވައިދެއްވުމަކީ ރައީސް އަބްދުﷲ ޔާމީން އަބްދުލްގައްޔޫމްގެ ސިޔާސަތެކެވެ. އަދި އެ މަނިކުފާނުގެ 2018 ވަނަ އަހަރުގެ ރިޔާސީ ވައުދެއްވެސްމެ އެވެ. މާތްﷲގެ ތަނަވަސް ރަހުމަތްފުޅުން ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމެއް މިންވަރުފުޅު ކުރައްވައިފިނަމަ އެ މަނިކުފާނުގެ ސިޔާސަތު ތަންފީޒު ކުރައްވާ ބޯހިޔާވަހިކަމުގެ ބޭނުންޖެހިފައިވާ ދިވެހި ކޮންމެ ރައްޔިތަކަށް ވެސް މާލޭ ސަރަހައްދުން ބޯހިޔާވަހިކަން ހަމަޖެހިގެން ދާނެ ކަމުގެ ޔަގީންކަން މި ފުރުސަތުގައި ދިވެހި ރައްޔިތުންނަށް އަރުވަމެވެ." ބަޔާނުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑދފގހހހހހހޖޖޖހގގފ
28 June 2023
ޝުކުރިއްޔާ ރ. ސަލިހު❤️❤️❤️❤️❤️????
ހަސަންކާރި
28 June 2023
ހިލޭ ގޯތި ދިނުމަކީ މިހާރު އެއްގޮތަކަށްވެސް ކުރަން ހެޔޮވާވަރުކަމެއް ނޫން. ޚާއްސަކޮށް ހިއްކާ ބިމުން.
ކަރާސީނު
28 June 2023
އާދޭހެވެ. ޔާމީނު ސަރުކާރުގައި ސިޓީ އުރައުރާގައި ރެހެންދީއެއް ލައްވާ، ފައިސާ ބެހީ ހަމަ ހެޔޮފުޅު ކަމުންނެވެ. ޒަކާތު ފަންޑުން ހިތާނީ ކޭމްޕްތައް ބޭއްވީވެސް ހަމަ ހެޔޮފުޅުކަމުންނެވެ.
އަދުގެ ލޮޖިކް
28 June 2023
ރޭސިޒަމާ އަޅުވެތިކަމަށް ނޫނެކޭ ބުނާނެ އެއިން ޣަނީމާލިބޭ މީހާއެއް! ބޭއިންސާފަށް ނޫނެކޭ ބުނުން ނޫން އިތުރު ފުރުސޮތެއް ޑިމޮކްރެސީން އެބަ ލިބޭތަ؟ ރާއްޖޭގެ އިގްތިސޯދީ ބާރުހުރި ބިންތައް ވަކިބައެއްގެ ވާރުތަ ކަމުގައި ދެކޭ ޕާޓީތަކަށް މަރުދީ ޝިކާރައަކަށް ނުވަމާ! އަނިޔާއަށް ރުހި ނިކަމެތިވެގަންނަ ބަޔަކަށް މާތްﷲ ދެހަޔާތް ވެސް އަބާއްޖަކުރެއްވި.
ކާސިމ
28 June 2023
ވޯޓުލާދުވަސްވަރު ކަންކުރާނީ އެއިރެއްގެ ވެރިއަކު ހިތުހުރިގޮތަކަށް. އެރަށެއްގެ ވޯޓުފޮށިން އެއިރެއްގެ ވެރިޔާގެކޮޅަށް ވޯޓުމަދުވާނަމަ، ކޮންމެވެސް ޢުޒުރެއްގައި ވަޒީފާއިން ވަކިކުރެވޭތަނަކީ ހުރިހައިއިރެއްގައިވެސް އޮންނަގޮތް. ވަކިދައުރެއްކިޔާނެކަމެއްނެތް. އެބައެއްގެފޫކޮޅުގައޮންނަ ތަރަގަނޑު އެއްވެސްއިރެއްގައި އެބަޔަކަށް ނުފެންނާނެ.
ނާބަ
28 June 2023
އިންޑިޔާމީހުނައް ގޯތިން އުފާވެރިކަން
އަލީރާޖާ
27 June 2023
އިންތިޚާބުގެ ދުވަސްވަރު ހަމަ އެއްވެސް ކަމެއް ނުކޮށް ތިބި ބަޔަކު ދައްކަން ވަރަށް ރީތި ވާހަކައެއް ތިއީ
ބޮސް ގެ ބޮސް
28 June 2023
ޢެކަމަކުވެސް މިއީ ބޮަޑުވަރު. ލަދު ހަޔާތުގެ ކަންފުޅެއްވެސް ނެތް!
ކަތްދައްތަ
27 June 2023
ޔާމީނު ބުރިޖުއެޅީވެސް އިންތިޚާބަށް ނުފޫޒު ފޯރުވަން. ކުޅުދުއްފުށީ އެއަރޕޯޓް ނުނިމެނީސް އެތަނަށް ފުލައިޓެއްގައި ވެއްޓިގަނެ ވާރެޔާ ތެދިމެގެން ހުރެ ކުރި އާދޭހަކީވެސް ހަމަ ނުފޫޒް. ނަމަވެސް ދިވެހިން މިހާރު ބަދަލުވެއްޖެ. ޔާމީނު ދުއްވާލީ ޗޮކުން. އެއީ ޖާނަށް އަނިޔާ ވެރިވެ ޚިޔާނާތްވާތީ. މިހާރު މީހާގެ ޖާނަށް އަނިޔާއެއް ނެތަސް ޚިޔާނާތް އޮތީ އިންތިހާއަށް. އެކަން މިރައީސެއް ނުބަލާ. ވީމާ ދިވެހިން މިވެރިކަންވެސް ޗޮކުން ދުއްވާލުމަކީ ނުވާނެ ކަމެއްނޫން.
ކޯޑިނޭޓަރ
27 June 2023
މިއީ ކޮންމެ ސަރުކާރެއްގައި ވެސް މިކަން ހިނގަމުން އަންނަ ގޮތް. އިލެކްޝަން ކޮމިޝަނުން އިސްނަގައިގެން މިކަން ހުއްޓުވަން ޤާނޫނެއް ނޫނީ ޤަވާއިދެއް ނަމަވެސް ހަދަން އެބަ ޖެހޭ
ހެހެހެހެެ
27 June 2023
ބަލަ، ޤައުމުގެ ވެރިކަން ކުރަމުންދާ ސަރުކާރުން، ރައްޔިތުންނަށް ބޭނުންވާ ކަންކަން އެމީހުން ބޭނުންވާ އިރަކުން ބޭނުންވާ ގޮތަކަށް ކުރެވޭނެ، އިލެކްޝަންސް ކޮމިޝަނަކާ ބެހޭކަމެއް ނޫން އެއީކީ، އަނެއްކާ މިކަމަކީ އިއްޔެ މިއަދަކު ކުރަން ބުނި ކަމެއްނޫން، މާ ކުރީއްސުރެ ދައްކަމުން އައި ވާހަކައެއް، ކަލޭމެން ހަޖަމް ކުރަން ދަސްކުރޭ.
ގުލްބަކާ
28 June 2023
ސަރުކާރުތަކުން ރައްޔިތުންނަށް ކޮއްދޭ ކަންތައްތައް އިލެކްޝަނުން ހުއްޓުވާށޭ؟ ނޫނޭ ކޯޑިނޭޓަރ، ކަލޭ ގަދަ.
ގުދުގުދާބެއްޔާ
27 June 2023
ކަލޭމެންގެ ވެރިކަމުގައި ހިޔާފުލެޓް ބެހީ ކިހިނެތް! ކަލޭމެންގެ މެންބަރ ނިލަންދޫ ހަލީލު މުޅި ޢާއިލާ އަށް ހިޔާފުލެޓް ބެހިގޮތް ކިޔާބަލަ! އަދި ދުވަހަކުވެސް މާލެ ނާންނަ މީހުންނަށް ރަށުގައި ތިއްބައި ކަލޭމެން ފުލެޓް ބެހިގޮތް ކީނަމަ މާތާހިރުވީސް!