10 ޖުލައި 2023 - 18:14
56 comments
މިދިޔަ ރިޔާސީ އިންތިހާބުގައި ރައީސް އަބްދުﷲ ޔާމީންގެ ރަނިންމޭޓަކަށް ހުންނެވި ޑރ. މުހައްމަދު ޝަހީމް އަލީ ސައީދު އިދިކޮޅު ޕީޕީއެމާ ދުރަށް ޖެހިވަޑައިގެން ސަރުކާރަށް ތާއީދު ކުރައްވަނީތޯ އެ ޕާޓީގެ ސެނެޓުގައި ސުވާލު އުފައްދައިފި އެވެ.
އަދާލަތު ޕާޓީ އުފެއްދުމުގައި އިސްކޮށް އުޅުއްވި އަދި ޔާމީންގެ ސަރުކާރުގައި އިސްލާމިކް މިނިސްޓަރުގެ މަގާމް ވެސް އަދާ ކުރެއްވި ޑރ. ޝަހީމަކީ ޕީޕީއެމް/ޕީއެންސީ އަށް ޔާމީން ކަނޑައަޅާފައިވާ އެޑްވައިޒަރެކެވެ.
ނަމަވެސް ދީނީ އިލްމުވެރިޔާ ޑރ. ޝަހީމް ސަރުކާރާ ގުޅިވަޑައިގަންނަވަން ދައުވަތެއް އައިސްފައިވާ ކަމަށް ސޯޝަލް މީޑިއާގައި ވެސް ބައެއް މީހުން އަންނަނީ ބުނަމުންނެވެ.
ޕީޕީއެމްގެ ސެނެޓް މެންބަރު މުއާޒް ހަލީމް އެ ޕާޓީގެ ސެނެޓުގެ ވަޓްސްއެޕް ގްރޫޕްގައި ވެސް މިއަދު އެ ސުވާލު ޑރ. ޝަހީމާ ކުރެއްވި އެވެ. އެކަމަކު، އެ އަށް އެއްވެސް ޖަވާބެއް އޭނާ ނުދެއްވަ އެވެ.
ނަމަވެސް މުއާޒްގެ ސުވާލަށް ޖަވާބު ދެއްވަމުން މަހިބަދޫ ދާއިރާގެ މެންބަރު އަހުމަދު ތޯރިގު (ޓޮމް) ވިދާޅުވީ އެއީ ގްރޫޕްގައި ދައްކަން ޖެހޭ ވާހަކައެއް ނޫން ކަމަށެވެ. އެ ސުވާލު ސީދާ ޑރ. ޝަހީމާ ކުރައްވަން ޓޮމް އެދިވަޑައިގަތެވެ.
މިކަމާ ބެހޭ ގޮތުން "މިހާރު" އިން ޑރ. ޝަހީމްގެ ބަހެއް ހޯދަން ވެސް މަސައްކަތް ކުރި ނަމަވެސް ފޯނަށް ޖަވާބެއް ނުދެއްވަ އެވެ.
ރިޔާސީ އިންތިހާބަށް ދެ މަހަށް ވެފައިވާ އިރު ޕީޕީއެމް/ޕީއެންސީން ވަނީ ކުރީގެ ރައީސް މުހައްމަދު ނަޝީދު ފަހަތުގައި ހުންނަވައިގެން އުފައްދާފައިވާ ދަ ޑިމޮކްރެޓްސް އާ ވެސް މަޝްވަރާތައް ފަށައިފަ އެވެ.
އެފަދަ ބޮޑެތި ނިންމުންތައް ޕާޓީން ނިންމާއިރު ޕާޓީގެ އެޑްވައިޒަރުންނާއި ސެނެޓްގެ މެންބަރުން ކައިރީ ވެސް މަޝްވަރާ ނުހޯދާ ކަމުގެ ޝަކުވާ އޮވެ އެވެ. ޕީޕީއެމްގެ އިސް ބޭފުޅުންތައް އެކަހެރި ކުރައްވާ ވަކި ލީޑަޝިޕްގެ ވަކި މެންބަރުންތަކެއް އެ މަޝްވަރާތަކަށް އިސް ނަގާ ކަމުގެ ޝަކުވާ ވެސް ޕާޓީގެ ތެރޭގައި އެބަ އޮތެވެ.
ނަމަވެސް ޕީޕީއެމުން ޕާޓީގެ ތެރޭގައި އެފަދަ އެއްވެސް މައްސަލައެއް އޮތް ކަމަކަށް އެއްބަހެއް ނުވެ އެވެ. އެ ޕާޓީން ބުނާ ގޮތުން ޑިމޮކްރެޓްސްއާ މަޝްވަރާ ކުރުމާއި އެހެނިހެން ނިންމުންތައް ވެސް ނިންމަނީ ޔާމީން ދެއްވާ އިރުޝާދުގެ މަތިންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރަދުއިބްރާހީމް
11 July 2023
ޑރ ޝަހީމް ސިޔާސީގޮތުން ނުކަތިލާ ފެންނަމުންމިދާ ބޮޑުމަންޒަރާމެދު ފިކުރުކޮށްލަބަލަ ، އެމް.އެމް.އާރު އުވިއްޖެ، އެމް.ޑީ.ޕީ ބަލިވެ އިނދެ ވިހައިފި ( އާޕާޓީއެއް ) މިހާރު މި ފެންމަތިވަނީ ޑރ ޝަހީމް ޑރ މުއީޒް ރަނިންގްމޭޓަކަށް ހަދަން އުޅޭވާހަކަ ، ކޮންމެއަކަސް ސިޔާސީޕާޓީތަކަށް ނިއުކުލިއަރ އެއް އެބައޮޕަރޭޓްކުރޭދޯ ، ކެތްތެރިކަމާ ހިކުމަތްތެރިކަން އިސްކޮށް ވަމުންދާގޮތް ދެނެގަނެ ،ބުނާހާ އެއްޗަކަށް ކޮށިނާރުވާ ވިސްނުން އިސްކުރާން އެބަޖެހޭ .
މޮލަ
11 July 2023
ހަމަ ގުޅެންވީ އަވަސްކުރަންވީ. ރަނގަޅުވާނެ އަދުރޭއަށް ވުރެ އިބޫ ގައިމުވެސް ރަނގަޅު
އާދޭހޭ
11 July 2023
ހުޅުމާލެއިން މާ ސިންގާ ބިމެއް ސްކޫލެއް އަޅަން ހިލޭ ދިނީމާ، ފެއަށް ނުޖެހި އުޅެވޭނެ ހެއްޔެވެ؟ ހަކުރުދެންޏާ ބޮޑުބޭބެ ނުވާނީ ކާކު ހެއްޔެވެ؟
މަށަށްފެންނަގޮތް
11 July 2023
މަށަށް ފެންނަނީ، ޝަހީމާއި، މުއިއްޒުއާއި، ދެންވެސް ޕާޓީގައި ތިބި ޢިލްމީ ހިންގުންތެރިންނާއި، އުމަރު ނަސީރާއި، މި އެންމެން ވަކި ޕާޓީއެއް ހަދަން. އަހަރެން ސޮއިކުރާނަން.
ނުކެރޭނެދޯ
11 July 2023
ސެނެޓަށް ކެރޭނެތަ ޔާމީނު، އަންނިއާ ގުޅެނީތޯ ސުވާލުކޮށްލަން؟ ނުކެރޭނެ. ޖަަލު ނޯޓަކުން ސެނެޓް އުވާލާނެ
ރަނގަޅުކނޑޑޓ
11 July 2023
ޝަހީމަކީ އަސްލު މިވަަގުތު ޕީޕީއެމް އިން ނެރެންވީ ކެންޑިޑޭޓް. ތަޢުލީމީގޮތުން ފެންވަރު ހުރި، ހިންގުންތެރި، މަޝްވަރާކުރުމުގެ އުސޫލަށް އިސްކަންދޭ، ދީނީ ޢިލްމުހުރި މެދުމިނުގެ ވެރިއެއް. އަދި ޚުދު ޔާމީނުވެސް އެމަނިކުފާނުގެ ނައިބަކަށް 2018 ގައި ނެންގެވި ބޭފުޅާ. އަދި ޕާޓީގެ އާންމު މެންބަރުންނަށް ގަބޫލުކުރެވޭ އިތުބާރުކުރާ ބޭފުޅެއް. ހަމައެކަނި މައްސަލައަކީ ތިޔަ ސެނެޓުގައި ތިބި ސިޔާސީ ވަގުންނަށް އޭނާ ކަމުނުދާކަން. އެއީ އޭނާ އިޚްލާސްތެރިއަކަށްވީތީ.
ދަ މޮކް ރެޓްސް
11 July 2023
ޕީޕީއެމް އާއި ރެޓްސްގެ އޮއްޓަރެއް ނެތްކަމުގެ ފައިދާ މުޅީންވެސް ސަރުކާރަށް. މިދާ ރޭޓުން އިބޫ އެއްބުރުން އިންތިޚާބު ކާމިޔާބުކުރާނެ. ވާދަވެރިން މިއުޅެނީ އެކަކު އަނެކަކު ކައި ހުސްކުރެވޭތޯ ވިއްޔާ.
ަލިލީ ޙުސައިންފުޅު
11 July 2023
ތިޔަ ކެނެރީގޭ އަންނި އެއްވެސް ބަޔަކާ ގާތްނުކުރޭ. އަދި ޕީޕީއެމަކީ ހަމަ އެކަނި ޢަބްދުއްރަހީމްގެ ސަނާ ގަނޑަކަށްވެގެންވެސް ކަމަކު ނުދާނެ.
މުހައެްމަދު ސައީދު
11 July 2023
2018 ގައި ޔާމީންގެ ރަނިންގް މޭޓަކަށް ޝަހީމް ލައިގެން ލިބުނު މޮޅެއް އެބައޮތްތޯ ؟
އަންދަލޫސިޔާ
11 July 2023
ޕީޕީއެމް ފިކުރު ގަޑުބަޑުވެއްޖެ. ޑިމޮކްރަޓްސް ފިކުރު ނުވަތަ ފިކުރެއްގެ ދިރުން ވެސް ގަޑުބަޑުވެއްޖެ. ދެބައިމީހުންނަކީ ވެސް އަނެއްބައިގެ ހަލާކު. މި ފަހަރު ފެންނަނީ އިބޫ ބޮޑުތަނުން މޮޅުވާތަން. %55.