އައިލެންޑް އޭވިއޭޝަންގެ އިސް ވެރިން ނައިބު ރައީސް ފައިސަލް ނަސީމާ އެކު. އެކުންފުނީގެ ގެއްލުން ވަނީ 164 އަރާފައި-- ފޮޓޯ: ނިޝާން އަލީ / މިހާރު
13 ޖުލައި 2023 - 12:59
21 comments
މިދިޔަ އަހަރު ގައުމީ އެއާލައިން، މޯލްޑިވިއަން ހިންގާ އައިލެންޑް އޭވިއޭޝަނަށް 164 މިލިއަން ރުފިޔާގެ ގެއްލުން ލިބިއްޖެ އެވެ.
ޕީބީސީއިން އާންމުކޮށްފައިވާ ކުއާޓާލީ ރިޕޯޓުތަކުގައިވާ ގޮތުން އެ ކުންފުންޏަށް އެހާ ބޮޑު ގެއްލުމެއް ލިބުނީ ކުންފުނީގެ އާމްދަނީ ދަށްވެ، ކުންފުނީގެ މުވައްޒަފުންގެ މުސާރަ އާއި އިނާޔަތްތަކަށް ކުރި ހޭދަ ބޮޑުވުމުގެ ސަބަބުންނެވެ.
އެ ކުންފުންޏަށް 2021 ވަނަ އަހަރު ވެސް 159 މިލިއަން ރުފިޔާގެ ގެއްލުމެއް ލިބުނެވެ. އެހެންވެ، މިދިޔަ އަހަރު ކުންފުންޏަށް ލިބުނު ގެއްލުން ފަސް މިލިއަން ރުފިޔާ ވަނީ އިތުރުވެފަ އެވެ. މިދިޔަ އަހަރުގެ ހަތަރު ކުއާޓަރުގައި ވެސް އެ ކުންފުންޏަށް ލިބުނީ ގެއްލުމެވެ.
އެންމެ ބޮޑު ގެއްލުމެއް ލިބުނީ ދެވަނަ ކުއާޓަރުގަ އެވެ. އެ ކުއާޓަރުގައި 67 މިލިއަން ރުފިޔާގެ ގެއްލުން ލިބުނެވެ. އެ ކުއާޓަރުގައި އެހާ ބޮޑު ގެއްލުމެއް ލިބުނީ ލޯނާއި އިންޓްރެސްޓްގެ ގޮތުގައި 16 މިލިއަން ރުފިޔާ ދައްކަން ޖެހުމުގެ އިތުރުން ކުންފުނީގެ އާމްދަނީ ދަށްވުމުގެ ސަބަބުންނެވެ.
މިދިޔަ އަހަރު އެ ކުންފުންޏަށް ޖުމްލަ އާމްދަނީގެ ގޮތުގައި 1.8 ބިލިއަން ރުފިޔާ ލިބުނެވެ. އެންމެ ބޮޑު އާމްދަނީއެއް ލިބުނީ ޑޮމެސްޓިކް ދަތުރުތަކުންނެވެ.
ކޮވިޑާ ގުޅިގެން ބޯޑަރު ބަންދުކޮށް، ދަތުރުފަތުރު ކުރުން ހުއްޓާލުމާ ގުޅިގެން 2020 ވަނަ އަހަރު ވެސް އެ ކުންފުންޏަށް ބޮޑު ގެއްލުމެއް ވި އެވެ. އެ އަހަރު 400 މިލިއަން ރުފިޔާގެ ގެއްލުން ލިބުނެވެ. އޭގެ ފަހުން އެ ކުންފުންޏަށް ފައިދާ ލިބިފައެއް ނުވެ އެވެ.
އެ ކުންފުންޏަށް ކުރިއަށް އޮތްތަނުގައި ފައިދާ ހޯދުމަށް ކުންފުނީގެ ހަރަދުތައް ކުޑަކުރަން ޖެހޭ ކަމަށް ރިޕޯޓުގައި ބުނެފައިވެ އެވެ. މިދިޔަ އަހަރުގެ ފަހު ކުއާޓަރުގައި ވެސް މުވައްޒަފުންގެ މުސާރަ ދިނުމަށް 11 މިލިއަން ރުފިޔާ ވަނީ އިތުރު ވެފަ އެވެ.
ސަރުކާރުގެ 100 ޕަސެންޓް ހިއްސާ އޮންނަ އައިލޭންޑް އޭވިއޭޝަން އުފެއްދީ 2000 ގަ އެވެ. ދިވެހި ގައުމީ އެއާލައިންގެ ގޮތުގައި އައިލޭންޑް އޭވިއޭޝަންސް އިން ހިންގާ މޯލްޑިވިއަން އަކީ ރާއްޖޭގެ ވައިގެ ދަތުރުފަތުރުގައި ބޮޑު ދައުރެއް އަދާކުރަމުން އަންނަ އެއާލައިނެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮވެލި
17 July 2023
މިހާދު ކުރިން ހިންގި ތަންވެސް އެ ބޭފުޅާ ނިކުށް އިރު ޓަނުން ގެއްލުންވެފައި އޮތްކަން އެނގޭ. ދިވެހިން ބޭނުންވަނީ ހުރިހާ ކަމެއް ހިލޭ. ޓެކްސް އިތުރުވީމަ ޝަކުވަ
އުލޫމި
15 July 2023
ހިންގަން ނޭގޭ ވެރިން ލީމާ ވާނީ މިހެްން
ސައިޚް
15 July 2023
ގެއްލުމެއްނޫން، ކާލީ، އެހާ އަގުބޮޑުކޮއް ޓިކެޓް ވިއްކާފަ ، ބޯނެ ފެންފޮދެއް ނުދީ، ހުއްޓާނުލާ ދުއްވާއިރުވެސް ފައިދާނުވާނީ ވަރަކަށް ކެވުނީމަ،
ހަސަންފުތު90
14 July 2023
ވިޔަފާރިވެރިންނައް ކުރެޑިޓައް ދަތުރުކޮއްދީފާ އާއްމުރައްޔިތުން ފެލީމާ ބޮޑައްފައިދާވާނީ
މަޑު
13 July 2023
މޯލްޑިވިއަން ފައިދާހޯދަން މިސަރުކާރު އަދި އެހެންވެސް ސަރުކާރަކުން ކުރި ހަރުދަނާ ކަމެއް، ސިޔާސަތެއް ބުނެލަބަލަ !
ތިމާވެށި
13 July 2023
ރައީސް ޒިންމާ ވާން ޖެހެ އެވެ. ޖަވާބު ދޭންވީ ވޯޓުންނެވެ.
ގޮޅާބޯ
13 July 2023
މި ކުންފުނީގެ ފްލީޓުގަ އެ އުޅެނީ ހާދަހާ ނުލަފާ އެއަރކްރާފްޓް ތަކެކޭ. އަމާންރާއްޖެއަށް ހޭލުންތެރިވެސް ނުވި.
ހިތަދޫ ހުސެން
13 July 2023
މެނޭޖް ނުކުރެވެނީ އެކަނި މުސާރައެއް ނޫން. ބޭނުން ނުވާ ސްޕެއާ އަދި ބޮޑު އަގުގައި ގަތުން، އިންވެސްޓް ކޮށްގެން އޮއުޓްސޯސް ކުރާ މަސައްކަތް މަދު ކުރުން، ޕްރޮކިއުއާމަންޓް ނިޒާމް ހަރުދަނާ ކޮށް މޮނިޓާ ކުރުން. މިކަންކަން އެކަނި ކޮއްލިޔަސް ތިވަރެއް ނުވާނެ. ސަރުކާރު ވީމާ ބޭނުން ގޮތެއް ހަދަނީ ވެރިން، އިނގޭ ލާރި ޕަމްޕު ކުރާނެ ކަން. ދެރަ ކަންކަން. އެއްވެސް ކަހަލަ ނަޒާހަތްތެރިކަމެއް ނުހުރޭ.
ގެއަށް ކަޑާލާ
13 July 2023
ފުލައިޓް ތައް ދަތުރު ކުރަނީ ފުލްކޮށް. އެތައްދުވަހެއްކުރިން ބުކިން ނަހަދާ ޓިކެޓެއް ނުލިބޭ. އެންމެ އަގުބޮޑު ފެއާގަ ނޫނީ ޓިކެޓެއް ނުލިބޭ. ނަމަވެސް ކޮންމެ އަހަރަކު އަހަރީ ރިޕޯޓްގަ މިއޮންނަނީ އެތަކެއް ސަތޭކަ މިލިއަން ގެއްލުންވާ ވާހަކަ. ކޯވިޑް އަހަރު ފުލައިޓްތައް ދަތުރު ކުރިއެއްނޫން. އޮޕަރޭޝަނަލް ކޮސްޓެއް ނޯއްނާނެ. މުވައްޒިފުންގެ ފުލްސެލެރީއަށް 11މ. ދެން ކޮންޚަރަދެއް ކޮށްގެންތަ 2020 ގަ 400 މިލިއަން ގެއްލުންވި ވާހަކަ މިބުނަނީ.
އޮނަރަބްލް އަފީފު ދީދީ
13 July 2023
ބެންކް އޮފް މޯލްޑިވްސް އާއި މޯލްޑިވިއަން ފަދަ ކުންފުނިތަކުގެ ޗެއާރމަން އަށާއި ބޯޑް މެންބަރުން އަދި ސީނިއަރ މެނޭޖްމަންޓްގައި ތިބީ ވާދަވެރި ޕްރައިވެޓް ކުންފުނިތަކުގެ ޙިއްސާދާރުންނާއި އެމީހުންގެ އާއިލީ މީހުންގެ އިތުރުން މިދެންނެވި ކުންފުނިތަކުގައި މިހާރުވެސް ވަޒީފާއަދާކުރާ އެމީހުންގެ މުވައްޒިފުން. # ބަޔަކަށް ބައިއެޅިކަމުގައިވިޔަސް މިއީ ތަންކޮޅެއް ބޮޑުވަރު. މޯލްޑިވިއަން ބަކަތަޅައި މަރުފަލިޖަހާއިރު މިދެންނެވިމީހުންގެ އެއަރލައިން ކުރިއަރާދަނީ މިހެންވެ.