ރިޔާސީ އިންތިހާބުގެ ކެމްޕެއިނަށް ރައީސް އިބްރާހިމް މުހައްމަދު ސޯލިހު ކޮޅުފުއްޓަށް ވަޑައިގަތުމުން ބޭއްވި ބައްދަލުވުމުގައި، މި ރަށުގެ ކައުންސިލްގެ ރައީސް އަލީމް ވާހަކަދައްކަވަނީ.-- ފޮޓޯ: އެމްޑީޕީ ކެމްޕެއިން ޓީމް
15 ޖުލައި 2023 - 12:20
17 comments
މާލެއިން ބައްޕަ ގެންނަ ހަދިޔާ އަށް އިންތިޒާރުކުރާ ގޮތަށް، ރިޔާސީ ކެންޑިޑޭޓް ގެންނަ ޕްރޮޖެކްޓުތަކަށް މިހާރު މަޑުކުރާ ކަމަށް، މ. ކޮޅުފުށީ ކައުންސިލްގެ ރައީސް އަބްދުލްއަލީމް މިއަދު ވިދާޅުވެއްޖެ އެވެ.
ރިޔާސީ އިންތިހާބުގެ ކެމްޕެއިނަށް ރައީސް އިބްރާހިމް މުހައްމަދު ސޯލިހު މ. ކޮޅުފުއްޓަށް ވަޑައިގަތުމުން ބޭއްވި ބައްދަލުވުމުގައި، އަލީމް ވިދާޅުވީ ރިޔާސީ އިންތިހާބުގެ ކެމްޕެއިނަށް ކެންޑިޑޭޓަކު ރަށަކަށް ވަޑައިގަންނަވާއިރު ބައްޕަ މާލެއިން އަންނައިރު ގެންނަ ހަދިޔާ އަށް ދަރިން އިންތިޒާރު ކުރާ ގޮތަށް، އެ ކެންޑިޑޭޓަކު ގެންނަވާ މަޝްރޫއުތަކަށް ރައްޔިތުން އިންތިޒާރު ކުރާ ކަމަށެވެ.
ނަމަވެސް، ރައީސް އިބްރާހިމް މުހައްމަދު ސޯލިހާ ހަމައަށް އެކަން ވެފައިވަނީ ދައްކާލެވޭ ދަޅައަކާއި އަޅާ އަނދުނަކަށް ކަމަށެވެ. އެ ހުރިހާ ކަމެއް ރައީސް ބަދަލުކުރައްވާފައިވާ ކަމަށް އަލީމް ވިދާޅުވި އެވެ.
އަލީމް ވިދާޅުވީ ތަރައްގީގެ އެކި މަޝްރޫއުތަކަށް މި ރަށަށް އެކަނި ވެސް 300 މިލިއަން ރުފިޔާ ހަރަދުކޮށްފައިވާ ކަމަށެވެ. އެއީ ރިކޯޑެއް ކަމަށާއި ރިޔާސީ ދައުރެއްގައި މިހާތަނަށް އެއް ފަހަރާ އެހާ ގިނަ ޕްރޮޖެކްޓް ހިންގިފައިނުވާ ކަމަށް އޭނާ ވިދާޅުވި އެވެ.
"ދެހާސް އަށާރަ ވަނަ އަހަރުގެ ކެމްޕެއިނަށް މި ރަށަށް ވަޑައިގެން ހަތް މަޝްރޫއެއް ހިންގަވާނެ ކަމަށް އެމްޑީޕީގެ ރިޔާސީ ކެންޑިޑޭޓް އަދި މިހާރުގެ ރައީސް ވައުދުވެވަޑައިގެންނެވި. ކޮވިޑު ނަވާރައިގެ ސަބަބުން ކުރިމަތިވި ދަތިކަމުގައި ގާތްގަނޑަކަށް ތިން އަހަރު ހޭދަކުރަން ޖެހުމާއެކު ވެސް އޭގެ ތެރެއިން ތިން މަޝްރޫއެއް ނިންމައި، ހަތަރު މަޝްރޫއެއް މިހާރު ދަނީ ކުރިއަށް. ހަމައެއާއެކު، ވައުދެއްގެ ގޮތުގައި ނުހިމެނޭ އިތުރު ހަ މަޝްރޫއެއް މި ރަށުގައި ކުރިއަށް ގެންދެވިފައިވޭ." އަލީމް ވިދާޅުވި އެވެ.
ރިޔާސީ އިންތިހާބުގެ ކެމްޕެއިނަށް ރައީސް އިބްރާހިމް މުހައްމަދު ސޯލިހު އަދި އެ މަނިކުފާނުގެ ކެމްޕެއިން ޓީމް ކޮޅުފުއްޓަށް ވަޑައިގެން، ފެނުގެ ނިޒާމް ފައްޓަވައިދެއްވަނީ.-- ފޮޓޯ: އެމްޑީޕީ ކެމްޕެއިން ޓީމް
"މި ފަސް އަހަރުގެ ތެރޭގައި 13 މަޝްރޫއެއް ކުރިއަށް ގެންދެވިފައިވޭ."
އަލީމް ވިދާޅުވީ ތަރައްގީގެ އެކި މަޝްރޫއުތަކަށް މި ރަށަށް އެކަނި ވެސް 300 މިލިއަން ރުފިޔާ ހަރަދުކޮށްފައިވާ ކަމަށެވެ. އެއީ ރިކޯޑެއް ކަމަށާއި ރިޔާސީ ދައުރެއްގައި މިހާތަނަށް އެއް ފަހަރާ އެހާ ގިނަ ޕްރޮޖެކްޓް ހިންގިފައިނުވާ ކަމަށް އޭނާ ވިދާޅުވި އެވެ.
އޭނާ ވިދާޅުވީ ކުރީގެ ރައީސް އަބްދުﷲ ޔާމީންގެ ވެރިކަމުގައި، ކެމްޕެއިނަށް ވަޑައިގެން ދެއްކެވި ވާހަކަފުޅުގައި އެ މަނިކުފާނު އިސްކަންދެއްވީ 2،000 އިން މަތީގެ އަބާދީތަކަށް ކަމަށް ވިދާޅުވުމުން ރައްޔިތުން މާޔޫސްވި ކަމަށެވެ. މި ރަށް ހިމެނެނީ އަޅާނުލާ ދޫކޮށްލާ ކެޓަގަރީ ކަމަށް ވީތީ އެތައް އަހަރެއް ވަންދެން ރައްޔިތުން އެދުނު ހައުސިން ޔުނިޓުގެ އުއްމީދު ފަނޑުވެގެން ދިޔަ ކަމަށެވެ.
ނަމަވެސް، ރައީސް އިބްރާހިމް މުހައްމަދު ސޯލިހާ އެކު އުއްމީދު އާލާވެގެން ގޮސް، އާބާދީ ކުޑަވުމަކީ އިހުމާލުވާންޖެހޭ ކަމެއް ނޫންކަން އަމަލުން ދައްކަވާފައިވާ ކަމަށް ވެސް އަލީމް ވިދާޅުވި އެވެ.
"އަޅުގަނޑު ދިވެހި ރައްޔިތުންނަށް ގޮވާލަނީ ތަރައްގީ އާއި ތަހުޒީބަށް ވާސިލްވުމަށް ކުރާ ދަތުރުގައި ކާމިޔާބުކުރަން ބޭނުން ނަމަ ރައީސް އިބްރާހިމް މުހައްމަދު ސޯލިހަށް ދެ ވަނަ ދައުރެއް ދެއްވާށޭ." އޭނާ ވިދާޅުވި އެވެ.
އަލީމް ވިދާޅުވީ މި ވެރިކަމުގައި ކައުންސިލްތަކަށް ލިބުނު އެންމެ ބޮޑު އެއް ހަދިޔާއަކީ ލާމަރުކަޒީ އުސޫލުން ކައުންސިލްތައް ބާރުވެރިކުރުން ކަމަށާއި އެކަމުގެ ސަބަބުން ތަރައްގީގެ މަޝްރޫއުތައް ހިންގުމަށް ކައުންސިލްތަކަށް ބާރު ލިބި، އާމްދަނީ އެ ތަނަކަށް ވަންނަ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިރިދަވާދު
16 July 2023
މ.ކޮޅުފުށީގެ އާބާދީއަށާ ބޮޑު މިނަށް ބަލާލީމާ އިނގޭނެ އެކުރަނީ ކިހާ ބޮޑު އިސްރާފެއްކަން.
ޢެމެރިކާ
16 July 2023
މި ސަރުކާރު ހަދަނީ ދޮގު
ވިލުފުށި
16 July 2023
އިމްރާނުގެ އަމިއްލަ ރަށުގައި ތިތިބީ ދެ މީހުންނާ ފަޅިއެއްނު. އޭގައިވެސް %90 އަކާ މާލޭން ދިޔަ މީހުން. ތިހެން ވީމަ އެބަ އިގެޔޭ ރައްޔިތުން ވޯޓުލައިގެން އިންތިހާބުކުރާ ހަމަ އެއްވެސް އެއްޗަކުން ކާމިޔާބު ނުވާނެކަން. އެހެންވީމަ އަބަދުވެސް ސަރުކާރުތަކުގައި އެލިގަނެގެން އިމުރާނު އުޅެނީ ދޮގެ؟
ގައުމީއިގްތިސާދު
16 July 2023
ގައުމުގެ އިގްތިސާދު ސަލާމަތްކޮށް ފުދުންތެރި ރައްޔިތެއް ބިނާކުރުމަށް ރައްޔިތުން އެއްފަސްވާންޖެހޭ. އެއްފަސްކުރަންވެސް ޖެހޭ. އެއްފަސްނުވެ ތިބުމުގެ ސަބަބުން އެތައް ސަތޭކަ މިލިޔަން ރުފިޔާއެއްގެ ގެއްލުން ކޮންމެ އަހަރަކު ރައްޔިތުން ބޮލުގައި އަޅަން އެބަޖެހޭ.
އޭނަ
16 July 2023
ތަރައްގީ ކުރުމުގައި ވިސްނާނޏ 2000 އިން މަތީގެ އާބާދީތަކަށް ކަމަށް ރ.ޔާނީން ވިދާޅުވުން އެއީ އެއްވެސް މައްސަލައެއްނޫން. އެއީ ކަންކުރަންވާގޮތް. އަސްލުގައި އަތޮޅެއްގައި ގިނަވެގެން އޮންނަންވި ބޮޑު 2 ނުވަތަ 3 ރަށް. ތަރައްގީގެ ސައިޒް ބިނާވަނީ އާބާދީއަށް. ބިކަން ބަދަލއް ނުކުރެވޭނެ. ކުޑަރަށެއް ބޮޑުރަށެއް ނުބަލައި ތި ހިންގާ ޕްރޮޖެކްޓްތަކުން ދައުލަތް ދަރަނިވެރިވުން ނޫންކަމެއް ނުވާނެ. ތިކަމުން ތިއިން އެއްވެސް ރަށެއްގެ އާބާދީ އިތުރެއްނުވަނެ.
ގަބުޅި
16 July 2023
ދެރަކަމަކީ މި ސިޔާސީ ދާއިރާގައި އުޅޭ ބައެއް މީހުންނަށް ދިވެހިބަހުން ދައްކާ ވާހަކަ އަދި ލިޔެފައި ހުންނަ ތަކެތި ފެންނަން ހުންނައިރުވެސް މަކަރާ ހީލަތުން ދޮގުހަދާ އޮޅުވާލަން އުޅޭތީ. ( އޮނަރަަލް އަފީފު ދީދީ, މުރާސިލް ) މިފަދަ މީހުން ހީކުރަނީ ހައްތާވެސް ތިބޭނީ ތިމަންމެން ފަދަ ބީތާއިން ކަމަށްދޯ. ސިޔާސީގޮތުން ކަނުވިޔަސް މީ ތަންފުކެއް ބޮޑުވަރު!
ލޯމާފާން
16 July 2023
ކޮބާހޭ ތަރައްގީ؟ ބްރިޖެއް ނޭޅުނޭ، މާލޭ އެއަރޕޯޓް ނުނިމުނޭ، ރައްޔިތަކަށް ފްލެޓެއް އަޅާފަ ނުދެއްކުނޭ، 100 ބިލިޔަނުން ދަރައިފިއޭ، ތަކެތީގެ އަގު ބޮޑުވީ، ޓެކްސް މަތިވީ. ރަށުގަ ފުޓްސަލް ދަނޑެއް އެޅީމާ އެވީ ތަރައްގީތޯ؟
ހިއްކިބިން
15 July 2023
ހަގީގީ ތަރައްގީއާއި ތަހުޒީބަށް ވާސިލްވެވޭނީ ރައްޔިތު މީހާއަށް އާއްމުދަނީ އުފެދޭނެ ވަރުގެ ބިޔަ އާބާދީއަކާއި ފުރުސަތުތައް އޮތް ތަނެއްގަ. މިކަން ކުރެވޭނީ ހުޅުމާލެފަދަ ސިޓީތަކެއް ރާއްޖެ އެކި ދިމާލުގައި ހަދައިގެން. މީހުންއުޅޭ ކުދި ރަށްތައް ބޮޑުތަނުން މަދުކޮށްގެން. މިކަން ނުކޮށް ސިޔާސީ ބޭނުމަށް، ތަރައްގީގެ ނަމުގައި މި ކުރަނީ ބޮޑު އިސްރާފެއް. މީ ގައުމު ދަރަނިވެރިކޮށް އިނދަޖެއްސުން. މިތަަން ލަހެއް ނުވެ ފެނިދާނެ ތިބި ބަޔަކަށް.
ބާލީސް
15 July 2023
2000 އިން މަތީގެ އާބާދީތަކަށް ހަމަ އިސްކަން ދޭންވީ. އެންމެ 500 މީހުން އުޅޭ ތަނެއްގަވެސް ބަނދަރާ، ހޮސްޕިޓަލާ، ސްކޫލާ، ފެނާ ނަރުދަމާއާ އެޅެމަށްވުރެ އެއްފަސްކުރުން ރަނގަޅު. ދިވެހިންނަށް ނުވިސްނެނީ ކަމެއް ގޮތްދޫކުރަން ބޭނުންނުވަނީ ކަމެއް ނޭނގޭ.
ލުތުފީ
16 July 2023
2000 އާބާދީވެސް މާކުޑަ. 10000 ކިރިޔާވެސް ފުދެނީ.
ވެބޫ
15 July 2023
ޑުރެޖަރެއް ކުއްޔައް ގެނެސް ވެލި ފުނިޖެހިދާނެ .. އެކަމު އިގްތިސާދެއް ނެތޭ… ދިރުމެއްނެތޭ… ޑޮލަރެއް ނެތޭ