ސަލްޓަން ޕާކްގައި ރޭ ބޭއްވި ކެމްޕެއިން ހަރަކާތުގައި ނާޒިމާއި އެހެން ބައެއް ސަޕޯޓަރުން.---ފޮޓޯ: އެމްއެންޕީ
18 ޖުލައި 2023 - 09:00
41 comments
މި އަހަރުގެ ރިޔާސީ އިންތިހާބު ކާމިޔާބު ކުރެވިއްޖެ ނަމަ މާލެ އާއި ހުޅުމާލެއާ ދެމެދު މޮނޮރެއިލެއް އަޅައި އެ ކަން ދައްކަވާނެ ކަމުގެ ޔަގީންކަން އެމްއެންޕީގެ ރިޔާސީ ކެންޑިޑޭޓް މުހައްމަދު ނާޒިމް ރޭ ދެއްވައިފި އެވެ.
ސަލްޓަން ޕާކްގައި ބައެއް ޒުވާނުންނާ އެކު ބޭއްވި ކެމްޕެއިން ހަރަކާތެއްގައި ދަނގެތި ދާއިރާގެ މެމްބަރު ނާޒިމް ވިދާޅުވީ، ސިނަމާލެ ބްރިޖް ހެދި އަގަށް ވުރެ މާ ހެޔޮކޮށް މާލެ އާއި ހުޅުމާލެއާ ދެމެދު މޮނޮރެއިލް އެޅޭނެ ކަމަށެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި ހެދި ބްރިޖްގެ މަސައްކަތަށް ހޭދަކޮށްފައި ވަނީ 200 މިލިއަން ޑޮލަރެވެ. އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. ޗައިނާގެ ލޯނުގެ އަދަދަކީ 72 މިލިއަން ޑޮލަރެވެ. ދިވެހި ސަރުކާރުން އެ މަޝްރޫއަށް ހަރަދުކުރީ 12 މިލިއަން ޑޮލަރެވެ.
ނާޒިމް ވިދާޅުވިގޮތުގައި، މޮނޮރެއިލެއް އެޅުމަކީ "ވަރަށް ފީޒިބަލް" ކަމެކެވެ.
"ހަގީގަތުގައި އަޅުގަނޑުމެން ފުރަތަމަ ބްރިޖުގެ ކުރެހުން ކުރެހިއިރު މީގެ މޮނޮރެއިލް އަޅާފައި އޮންނާނެ،" ސިނަމާލެ ބްރިޖް ހެދުމާ ގުޅޭ ބައެއް މަޝްވަރާތަކުގައި އޭރުގެ ރައީސް ޔާމީންގެ އަރިހުގައި ބައިވެރިވެވަޑައިގެންނެވި ނާޒިމް ވިދާޅުވި އެވެ.
އޭނާ ވިދާޅުވީ، މާލެ އިން ހުޅުމާލެ އަށް ދާން މިހާރު 40 މިނިޓް ހޭދަވާ ކަމަށާއި މާލެ އާއި ހުޅުމާލޭގެ އާބާދީ އެތައް ހާހަކަށް މަތިވެފައި ވާއިރު ބްރިޖަށް ބާރު ބޮޑުވެފައިވާ ކަމަށެވެ.
"އެކަމަކު މިފަދަ ޓްރެއިންއަކުން ގުޅުވާލީމާ ކާކުތޯ ކޮންމެހެން ކާރުގައި ދާން ބޭނުންވާނީ. ކޮންޖެސްޝަން ފިލީއޭ. ކުރެވޭނެ،" ކުރީގެ ޑިފެންސް މިނިސްޓަރު ވިދާޅުވި އެވެ.
އެކި ކަހަލަ ފާޑުކިޔުންތަކަށް ރައްދު ދެއްވަމުން ނާޒިމް ވިދާޅުވީ، މާލެ އާއި ހުޅުމާލެއާ ދެމެދު ބްރިޖު އަޅަން ކުރީގެ ރައީސް މައުމޫން އަބްދުލްގައްޔޫމް އިއުލާން ކުރެއްވުމުން ވެސް އެއީ "ކޮސް ވާހަކައެއް" ކަމަށް ބުނެ ބައެއް ސިޔާސީ މީހުން ވާހަކަ ދެއްކި ކަމަށެވެ. އެކަމަކު، މިއަދު އެކަން ވެސް ކޮށްފައިވާ ކަން އޭނާ ފާހަގަކުރެއްވި އެވެ.
"ބްރިޖުގެ އަރިމަތިން ލާފައި މޮނޮޓްރެއިންއެއް މޮނޮރެއިލެއް ދިއުމަކީ އެއްވެސް ކަމެއް ނޫން. ހަމަ އާދައިގެ ކަމެއް. އެ ކަމަށް ބޭނުންވާނެ ފައިސާ ވެސް ލިބޭނެ،" ނާޒިމް ވިދާޅުވި އެވެ.
އޭގެ މިސާލެއްގެ ގޮތުގައި އޭނާ ދެއްކެވީ ސިނަމާލެ ބްރިޖް ހަދަން ފައިސާ ހޭދަކުރި ގޮތެވެ. ވިދާޅުވީ، ބްރިޖް ހަދާފައި ވަނީ ޗައިނާ ސަރުކާރުން ރާއްޖެ އަށް ކޮންމެ އަހަރަކު ދޭ ހިލޭ އެހީގެ ފައިސާ ތިން އަހަރަށް އެއްކޮށް ނަގައިގެން ކަމަށެވެ.
"ތިން އަހަރުގެ އެހީ [ޗައިނާ ސަރުކާރުގެ ހިލޭ އެހީ] އޭރުގައި ހުރި ރައީސުލްޖުމްހޫރިއްޔާ [ޔާމީން] ނެންގެވީ. ވިދާޅުވީ ތިމަންނަ އަށް ހެވޭ މި ތިން އަހަރު ޗައިނާ ސަރުކާރުން އެއްވެސް ކަމެއް ނުކޮށްދެއްވިޔަސް. ތިމަންނަ އަށް މި ބްރިޖު އަޅައިދޭށޭ. އަޅުގަނޑު ރައީސްގެ އަރިހުގައި އިނީމާ [އެކަން] އެނގެނީ،" ނާޒިމް ވިދާޅުވި އެވެ.
ބްރިޖުގެ އަރިމަތިން ލާފައި މޮނޮޓްރެއިންއެއް މޮނޮރެއިލެއް ދިއުމަކީ އެއްވެސް ކަމެއް ނޫން. ހަމަ އާދައިގެ ކަމެއް. އެ ކަމަށް ބޭނުންވާނެ ފައިސާ ވެސް ލިބޭނެ،"--- ނާޒިމް
"އެހެންވީމާ އަޅުގަނޑުމެންނަށް ހިލޭ އެހީގެ ބަޔަކާއި ފައިސާ ދީގެން [މޮނޮރެއިލް] އެޅޭނެ. އެ އަށް ވުރެ މާ ހަރަދު ކުޑަ ވާހަކައެއް މި ދައްކަނީ. މި ބްރިޖަށް ވުރެ މި މޮނޮރޮއިލް މާ އަގު ހެޔޮވާނެ."
ނާޒިމް ވިދާޅުވީ، ސިނަމާލެ ބްރިޖް ހަދަން ރޭވީ ހަ ލޭނަށް ކަމަށާއި އެއާ އެކު މޮނޮރެއިލެއް ވެސް ހިމެނި ކަމަށެވެ. އެކަމަކު، ޔާމީންގެ ސަރުކާރުން އެކަން ނުކުރީ ކަމަށް ވިދާޅުވި އެވެ.
"އަޅުގަނޑުމެން ބަލަންވީ ނުކުރެވޭނެއޭ ކިޔުމެއް ނޫން. ކުރެވޭނެ. ކުރާނަން. އެހެންވީމާ އިރާދަކުރެއްވިއްޔާ ޔަގީން ކުރައްވާ. ފަސް އަހަރުގެ ތެރޭގައި އެ މޮނޮރެއިލް އަޅާފައި އަޅުގަނޑުމެން ދައްކާނަން،" ނާޒިމް ވިދާޅުވި އެވެ.
އޭނާ ވިދާޅުވީ، ބްރިޖުގައި ދަތުރުކުރަން އިތުރު ލޭނުލައި ފުޅާކުރަން ޖެހޭ ކަމަށާއި ބްރިޖުގެ މަސައްކަތުގައި އުޅުނު ދިވެހި ބައެއް އިންޖިނިއަރުންނާ އެކު މަޝްވަރާ ކުރައްވާފައިވާ ކަމަށެވެ. ލޭނުތައް އިތުރު ކުރެވޭނެ ކަމަށް ކެރިގެން ވިދާޅުވާން މިހާރު ކެރިވަޑައިނުގަތަސް ނާޒިމް ވިދާޅުވިގޮތުގައި މާލެ އާއި ހުޅުމާލެއާ ދެމެދު މޮނޮރެއިލް އެޅޭނެ ކަމުގެ ޔަގީންކަން އޭނާ އަށް އެ އިންޖިނިއަރުން ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަަރިމް
19 July 2023
މޮނޮރެއިލް އަކީ ދުނިޔޭގަ އެއްވެސް ތަނެއްގަ ފައިދާ ވާއެއްޗެއްނޫން. ޢަނެއް ސަބްސިޑީ ދޭންޖެހޭ އެއްޗެއް ހަދަން އުޅޭނެކަމެއްނެއް.
އާދަނު.
18 July 2023
އޭއި ސަރު. ތިކަން ކޮށްދޭނީ އާރުސީސީގެ ބެންކުން އެކައުންޓުން ފައިސާ ނަގައިގެންތަ ؟
ގޯހޯމްބުރޯ
18 July 2023
ބުރިޖެއް އޮއްވަ މޮނޯރެއިލް އެޅުމަކީ ބޮޑު އިސްރާފެއް މި ކިޔަނީކީ ބައިސްކަލެއް ހުއްޓަ ސައިކަލެއް ގަންނަ ވާހަކައެއް ނޫންވިއްޔަ ހަމަ ޖެހޭ މީހަކު ހަމަ ވެރިކަމަށް ކުރިމަތި ލާނެ ގޮތެއް ނުވާނެތަ މީހަކު އަަަޅެ ހައިރާނެއް ނުވާނެ
އިހަށްބާއްވާ
18 July 2023
ވެރިކަމަށް އެރިއްޖެނަމަވެސް މޮނޯރެއިލްގެ ވާހަކަ ބާއްވާފަ ވިލިމާލެއާ ދިމާލަށް އެ އަޅާކަމަށް ކިޔާ ބްރިޖްގެ އެއްބައި ކަނޑުއަޑީގަ އޮވެގެން ވެހިކަލްތައް އެދިމާ ކަނޑަށް ވެއްޓެން އުޅޭތީ އެ ބްރިޖް އެޅުމައިގެން އިހަށް އުޅެންޖެހޭނީ.
ބޯކޯސްކަމާއވ
18 July 2023
ޙަރަދުކުރާނެކަންން މަދުވެގެނެއް ރައްޔިތުންނޫޅޭ. ވެރިކަމަށް އަންނަންފޫގަޅާފަ ހުރިއެކަކަށްވެސް އާމްދަނީ އިތުރުކުރެވޭނެގޮތެއްނޭގޭ، މުޅިިންވެސްކިޔާނީ ފައިސާހުސްކުރާނެ ގޮތުގެވާހަކަ.
ނޮޓް ސޯ ދަ ޑޮމޮކްރެޓް ޕާރޓީ
18 July 2023
މޮނޮރެއިލް އަކީ އެހުއްޓާ ޕޮއިންޓް ތަކަކީ އެއިން ދަތުރުކުރާ މީހާ ދާން ބޭނުންތަން ޖެހިގެން ހުންނަ ސްޓޭޝަންތައް. ހުޅުމާލެއާ މާލެއާ ދެމެދު މޮނޮރެއިލް އަޅަން ބަލާއިރު އެއަށް އަރަން ދަތުރެއްކޮށް އެއިން މާލެއައިސް ދަތުރެއް އެބަ ނަގަންޖެހޭ. އަނގައޮތީމާ ކޮންމެ ވާހަކައެއްވެސް ދެއްކިދާނެ. ފައިސާ ލިބޭނެޔޭ ބުނާއިރު އެހޯދާނެގޮތެއް ނުބެނެ އެއްދުވަހު ބަޔަކަށް ޕެޑް ދޭނަމޭ، އަނެއްދުވަހު ރަމަޟާން ދޭނަމޭ. ސްޓޫޑަންޓް ލޯންމާފުކުރާނމޭ ކިޔައިގެން ބޯގޯސް ވާހަކަދައްކަނީ
ރޭލު އިބުރޭ
18 July 2023
އަޅުގަޑުގެ ވެރިކަމެއްގަ، މާލެ އިން ހުޅުމާލެއަށް ދަތުރު ކުރާނީ ހެލިކަޕްޓަރު އަދި ވައިކުޑައިގަ. /
މުޑަހަންޖާ
18 July 2023
ރާއްޖޭގެ ވެރިކަން ޒަމާނުއްސުރެ ކުރަމުން އައިސްފައިވަނީ މާލޭބަޔަކު ރަށްކުރިއަރުވާ ކޮމެޓީއެއް ހިންގާގޮތަށް. ރަށުގެ އަތިރިމައްޗަށްނިކުމެލާފަ ފެންނަކަންކަން ކުރަނީ. ގެއިން ބޭރަށްނިކުންނައިރު ގޭދޮށުގަ ސައިކަލްޕާކުކޮށްފަހުންނާތީ އައިރުޅީގަ ރާއްޖޭ އެންމެންއަތުން %200 ޓެކްސް އެނަގަނީ. މިވެސް އެކަހަލަކަމެއް، މިހާރު ރަށުގަ ރޭލުނޭޅިގެން އޭނަ އެއުޅެނީ. މިސަކަރާތްޖަހަޖަހާފަ އެހެންރަށްރަށުގަ ގާތުން ކިރުދިނުމުގެ ޕުރޮގުރާމު ކިރިއާ ހިންގެނީ.
އަލީބެ
18 July 2023
ހުޅުމާލެ ޑިވެލޮޕްކުރިއިރު ރެއިލްދަތުރުތަކަށް ހާއްސަކޮށް މަގުތައް ހަދާފަނެތުން މައްސަލައަކީ. އެހެންނޫންނަމަ ބައެއް އިމާރާތްތަކުގެ ތެރެއަށް ރޭލްމަޑުކުރާގޮތަށް ހެދުނީސް. އެޗްޑީސީ އިން ވިސްނީ ހަމައެކަނީ ބިންވިއްކަން ދަތުރުފަތުރުގެ ނިޒާމަކަށް ވިސްނުމެއްނެތްކަން މިއޮތީ ފެންނަން. ބަހެއްދުއްވާލެވެންވެސް ނެތް. ސައިކަލާކާރު ގިނަވަނީ ޕަބްލިކް ޓްރާންސްޕޯޓް އަގުބޮޑުވެ އަދި ދަތުރަށް ހޭދަވާވަގުތު ގިނަވީމަ. އަދި އެމަގުތަކަށް ޚިދުމަތްދޭ ތަންތަން ބަދަލުކޮށްގެން.
ޖައާދު
18 July 2023
އޭއި ތިވާހަކަ ދައްކާއިރު ކަލެއަށް ލިބުނު ފުލެޓަށް ދައްކަންޖެހޭ ފައިސާ ދައްކަންތަ ؟ ރަން އިލޮށިން ކަދުރު ކާޏް ދިމާ ތިކުރަނީ އެވަރު ކޮށްލަން ނުކެރޭ މީހަކު
ޙުސައިން
18 July 2023
ބޭފުޅާއެވެ. އަނގަ އޮތަކަސް ހިތުހުރިހާ އެއްޗެއް ނުކިޔާށެވެ. ކޮންމެ ދުވަހަކު ހިތަށް އެރިހާ ވައުދެއް ވަމުން ދާއިރު، މި ގައުމުގެ ރައްޔިތުންނަށް އެންމެ މުހިންމީ ކޮން ކަމެއްތޯ ބަލާލަން ނަސޭހަތްތެރިވަމެވެ. ތިބޭފުޅާ މޮނޮރެއިލްއެއްގައި ހުޅުމާލެއަށް ދާން ބޭނުން ވިޔަސް، އެކަން އެހެން އެކަކަށް ވެސް މުހިންމެއް ނޫނެވެ. ޖީ.އެސް.ޓީ %8 އަށް ބޮޑުކުރަން މިދިޔައަހަރު ނިންމުމުން އެކަމާ ހަޅޭއްލެވި އިރު، ހޮވިއްޖެއާ ޖީއެސްޓީ ކުޑަކުރަން ބުނާނެ އެކަކުވެސް މިއަދު ނުވިއެވެ.