ހއ. އުލިގަމުގެ ބަނދަރު ބޮޑުކުރުމުގެ މަޝްރޫއުގެ އެއްބަސްވުމުގައި ސޮއިކުރުން.-- ފޮޓޯ: ޕްލޭނިން މިނިސްޓްރީ
18 ޖުލައި 2023 - 11:56
5 comments
ހއ. އަތޮޅުގައި ހިންގާ ގިނަ މަޝްރޫއުތަކެއްގެ އެއްބަސްވުމުގައި އިއްޔެ ސޮއިކޮށްފި އެވެ.
ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައި ވަނީ އެ އަތޮޅުގެ ހަތަރު ރަށެއްގައި ހިންގާ މަޝްރޫއުތަކުގެ އެއްބަސްވުމުގައި ކޮންޓްރެކްޓަރާ އެކު ސޮއިކޮށްފަ އެވެ. އެ ހުރިހާ މަޝްރޫއެއް ހަވާލުކުރީ އެމްޓީސީސީއާ އެވެ.
އެ މަޝްރޫއުތަކަކީ؛
ހއ. ދިއްދޫ ބިން ހިއްކުން
• 89.7 މިލިއަން ރުފިޔާ.
• މަސައްކަތް ނިންމަން ދިނީ އެއް އަހަރު
ހއ. ކެލާ ނެރު ފުންކުރުމާއި ބޭރުތޮށި ހެދުން
• 18.2 މިލިއަން ރުފިޔާ
• މަސައްކަތް ނިންމަން ދިނީ 10 މަސްދުވަސް
ހއ. ތުރާކުނު ބިން ހިއްކުން
• 164.2 މިލިއަން ރުފިޔާ.
• މަސައްކަތް ނިންމަން ދިނީ އެއް އަހަރާއި ހަތް މަސް ދުވަސް
ހއ. އުލިގަމު ބަނދަރު ބޮޑުކުރުމާއި ގޮނޑުދޮށް ހިމާޔަތްކުރުން
• 79.8 މިލިއަން ރުފިޔާ
• މަސައްކަތް ނިންމަން ދިނީ އެއް އަހަރާއި ހަ މަސް ދުވަސް
ހއ. އަތޮޅުގައި ހިންގާ މަޝްރޫއުތަކުގެ އެއްބަސްވުމުގައި ސޮއިކުރުން.-- ފޮޓޯ: ޕްލޭނިން މިނިސްޓްރީ
މި އެއްބަސްވުންތަކުގައި މިނިސްޓްރީގެ ފަރާތުން ސޮއިކުރެއްވީ ޑިރެކްޓަރު ޖެނެރަލް ފާތިމަތު ޝާނާ ފާރޫގެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއޯއޯ ޝާހިދު ހުސައިން މޫސާ އެވެ.
ހއ. އަތޮޅުގެ ގިނަ މަޝްރޫއުތަކެއްގައި އެއްބަސްވުމުގައި ސަރުކާރުން ސޮއިކުރި އިރު، ރައީސް އިބްރާހިމް މުހައްމަދު ސޯލިހު ރިޔާސީ ކެމްޕެއިނަށް މާދަމާ އެ އަތޮޅުގެ ހުރިހާ ރަށަކަށް ދަތުރުފުޅެއް ފައްޓަވާ ގޮތަށް މިހާރު އޮތީ ހަމަޖައްސަވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުބެއްޔާ
18 July 2023
"މިނިސްޓްރީގެ ފަރާތުން ސޮއިކުރެއްވީ ޑިރެކްޓަރު ޖެނެރަލް ފާތިމަތު ޝާނާ ފާރޫގެ" ސިޔާސީ މީހަކު ނެތީޔޯ މިނިސްޓްރީގަ
ދިއްދޫމީހާ
18 July 2023
އަހަރެމެން ހީކޮއްގެން މިތިބީ މައުމޫން ވެރިކަން ނިމުނީމަ ކަނޑަޖެހުމުގެ ސަގާފަތް ނިމުނީކަމަށް އެކަމް އެކަންތައް ދިރުވަން ބަޔަކު އެބައުޅޭތާ…
ދެބަންދިޔާރަ
18 July 2023
ހއ. އަތޮޅު ގެ އާބާދީ އާއި ހދ. ގެ އާބާދީ ތަރައްޤީ ރައްޔިތުންނަށް ގެނައުމުގައި މިސަރުކާރަށް ހަމަހަމަނުކުރެވުނު ކަމަށްބެލެވިދާނެ އެންމެ ބޮޑު އާބާދީއެއް އައްޑު އަތޮޅު ނަގާފައި އޮންނާނީ ހދ. ގައި ކޮބާ އެއަތޮޅަށް ގެނެވުނު ތަރައްޤިއެއް މީ ދައުލަތުން ވިސްނާލަން ޖެހޭ ކަމެއް/ ހަމަހަމޭ ނުކިޔާ ނުފޫޒާ އެކުވެގެން ތަރައްޤީ ގެ ކަންކަން ކުރިއަށް ގެނދެވިފައިވާކަން ފާހަގަ ކުރަން
ގެދާށޯމޮސް
18 July 2023
ވެރިކަމަށް ދެން ޔަގީން ނުވާވަރު ވީމާ ނޫނީ ނުވާވަރުގެ ގިނަމަޝްރޫޢުތަށް ފެންމަތި ނުކުރާނެއެވެ. މިވެރިކަން ނިމިދާއިރު މިކަން ކަން އެހެން ވެރިޔަކަށް ނުވިކަމުގެ ބަދަލުހިފައިގެން ގައުމު ހަލަބޮލި ކުރަން ނޫންގޮތަކަށް ތިފަދަ ކަންކަން ވެރިން ކޮށެއް ނޫޅެއެވެ. މީ ވެންމަސް ވެނަށް ކާންދިނުމެވެ.
ބޯހުދު އާދަންބެ
18 July 2023
ކުއްލިކުއްލިޔަށް އިންތިހާބަށް ވާހަކަތައް,މޮޅުކޮށް އަޅަނީ. ކަމެއްނުވޭ. ކުރަނީ ވައްކަން