ފުއްގިރި މައްސަލަ: ސިޔާމާއި މައުރޫފް ހެކިބަސް ދޭން ބޭނުމެއް ނުވި

ރ. ފުއްގިރި ކުއްޔަށް ދޫކުރި މައްސަލާގައި ޝަރީއަތަށް ދައުލަތުގެ ހެކިންގެ ގޮތުގައި ހުށަހަޅާފައިވާ މީދޫ ދާއިރާގެ މެންބަރު އަހުމަދު ސިޔާމާއި ކެނދިކުޅުދޫ ދާއިރާގެ ކުރީގެ މެންބަރު އަލީ މައުރޫފް ހެކިބަސް ދެއްވަން ދެކޮޅު ހައްދަވައިފި އެވެ.

ރިޝްވަތުގެ ގޮތުގައި 1.1 މިލިއަން ޑޮލަރު ހޯދައި، އެ ފައިސާ ލޯންޑާކުރި ކަމަށް ބުނެ ކުރީގެ ރައީސް އަބްދުﷲ ޔާމީންގެ މައްޗަށް މި މައްސަލާގައި މަނީ ލޯންޑަރިން އާއި ރިޝްވަތުގެ ދައުވާކުރެ އެވެ. މި މައްސަލާގައި ސަން ކޮންސްޓްރަކްޝަން ކުންފުންޏާއި ސަން އިންވެސްޓްމަންޓްގެ މައްޗަށް ވެސް ވަނީ މަނީ ލޯންޑްރިންގެ ދައުވާކޮށްފަ އެވެ. އެ ދައުވާކުރަނީ އެހެން ފަރާތަކަށް ފުއްގިރި ކުއްޔަށް ދޫކުރުމުން ރިޝްވަތުގެ ގޮތުގައި ޔާމީން ގަބޫލުކުރި އެއް މިލިއަން ޑޮލަރު ސަން އިންވެސްޓްމަންޓް ކުންފުނިން ލޯންޑާ ކޮށްދިން ކަމަށް ބުނެ އެވެ.

މިއަދުގެ އަޑުއެހުމުގައި މައްސަލަ ބައްލަވާ ގާޒީ އަލީ ނަދީމް ވިދާޅުވީ ހެކިބަސް ދެއްވަން ކޯޓަށް ހާޒިރުވާން ބޭނުން ނުވާ ކަމަށް ބަޔާންކޮށް، ސިޔާމާއި މައުރޫފް ސިޓީ ފޮނުއްވާފައިވާ ކަމަށެވެ. އެކަމާ ގުޅިގެން ޕްރޮސިކިއުޓާ ޖެނަރަލްގެ ވަކީލް ވިދާޅުވީ އެ ދެ ބޭފުޅުންގެ ހެކިބަސް ނަގަން މިހާރު ދައުލަތުން ބޭނުން ނުވާ ކަމަށެވެ.

މި ދެ ބޭފުޅުންނަކީ މި މައްސަލާގައި ފުލުހުންގެ ތަހުގީގަށް ބަޔާން ވެސް ދެއްވާފައިވާ ދެ ބޭފުޅުންނެވެ. އެގޮތުން އެ ބަޔާނުގައި ސިޔާމް ވިދާޅުވެފައިވާ ގޮތުގައި، ސަންގެ ކުންފުނިން ހިންގާފައި ވަނީ ޑޮލަރުގެ މުއާމަލާތެކެވެ.

Fuggiri masala: Badhdhaluvun oiy thanan Adeeb dhin dhabaheh gendhiya kamah hekibas dheefi

The most trusted news source in the Maldives

Mihaaru

މިއަދު އޮތް އަޑުއެހުމުގައި ކުރީގެ ނައިބު ރައީސް އަހުމަދު އަދީބުގެ ބޮޑީގާޑް އަހުމަދު އާމިރު ހެކިބަސް ދީފައިވާއިރު، އޭނާ ވަނީ އަދީބާއި ޒިޔަތާ އެކު ބޭއްވި ބައްދަލުވުމެއްގައި މައުރޫފާއި ސިޔާމްގެ ކޮއްކޮއެއް ކަމަށްވާ ސާލިމް ބައިވެރިވި ކަމަށެވެ.

އެ ބައްދަލުވުމަށް އަދީބު އަންގަވައިގެން ދަބަހެއް ވެސް ގެންގޮސްދިން ކަމަށާއި ނަމަވެސް، ބައްދަލަވުމުގައި ދެއްކި އެއްވެސް ވާހަކައެއް ނޭނގޭ ކަމަށް އާމިރު ބުންޏެވެ. އާމިރު ބުނާ ބައްދަލުވުމުގައި ފުއްގިރި މައްސަލާގައި ޔާމީނަށް ރިޝްވަތު ދިން ކަމަށް ތުހުމަތުވާ އަހުމަދު ކްރިކް ރިޒާ ވެސް ބައިވެރިވި އެވެ.

ސިޔާމާއި މައުރޫފްގެ އިތުރުން ވެސް އެހެން ދެ ހެއްކަކު ވަނީ ހެކިބަސް ދޭން ބޭނުން ނުވާ ކަމަށް ބުނެ ކޯޓަށް ހުށަހަޅައިފަ އެވެ. އެ ދެ ހެކިވެރިންގެ ހެކިބަސް ނަގަން ވެސް ދައުލަތުން މިހާރު ބޭނުމެއް ނުވެ އެވެ.

މި މައްސަލާގައި ދެން ހެކިބަސް ނަގަން ބާކީ ތިބީ ދެ ހެކިންގެ އެވެ. އެ އަޑުއެހުން އަންނަ ބުރާސްފަތި ދުވަހަށް ވަނީ ތާވަލުކޮށްފަ އެވެ.

ފުއްގިރި މައްސަލާގެ ޝަރީއަތް ކްރިމިނަލް ކޯޓުން ބާރުސްޕީޑްގައި ކުރިއަށް ގެންދާއިރު ވ. އާރަށު މައްސަލާގައި ޔާމީންގެ މައްޗަށް އިއްވާފައިވާ 11 އަހަރުގެ ޖަލު ހުކުމްގެ އިސްތިއުނާފު ހައި ކޯޓުގައި ވަނީ މަޑުޖެހިފަ އެވެ. ޖިނާއީ ކުށެއް ސާބިތުވެފައި އޮތުމަކީ ރައީސް ކަމަށް ކުރިމަތިލުމަށް ޝަރުތެއް އުނިވާ ކަމެކެވެ.