ހުތުބާގައި ސައްހަ ނޫން ވާހަކަ ހުރި ކަމަށް ބުނެ ބައެއް އިލްމުވެރިންގެ ކަންބޮޑުވުން

މޫސާ ރަޝީދު، މިހާރު

22 ޖުލައި 2023 - 12:35

އާޝޫރާ ދުވަހާ ގުޅޭ ގޮތުން އިއްޔެގެ ހުކުރު ހުތުބާގައި ދެއްކި ބައެއް ވާހަކަތައް ސައްހަ ނޫން ކަމަށް ބައެއް ދީނީ އިލްމުވެރިން ކަންބޮޑުވުން ފާޅު ކުރައްވައިފި އެވެ.

އިއްޔެގެ ހުތުބާގެ މައުލޫއަކީ "އާޝޫރާ ދުވަހުގެ މާތް ކަން" އެވެ. އެއީ ކޮންމެ އަހަރަކު މުހައްރަމް 10 ވަނަ ދުވަހު މުސްލިމުން ފާހަގަކުރާ ދުވަހެކެވެ.

އެ ދުވަހާ ގުޅޭ ގޮތުން ހުތުބާގައި ބުނެފައި ވަނީ އެއީ ފިރުއައުނުގެ ކިބައިން މޫސާގެފާނު ސަލާމަތް ކުރައްވައި ފިރުއައުނާއި އޭނާގެ ލަޝްކަރު ޣަރަގު ކުރެއްވި ދުވަހެވެ.

އޭގެ އިތުރުން ތަފްސީރު ފޮތްތަކާ ހަވާލާ ދެއްވައި އެ ދުވަސް ބައެއް އެހެން ނަބީބޭކަލުންނާ ވެސް ހުތުބާގައި ވަނީ ގުޅުވައިފަ އެވެ.

އެގޮތުން އާދަމްގެފާނުގެ ތައުބާ ގަބޫލުފުޅު ކުރެއްވުމާއި، ނޫހުގެފާނާއި އެކަލޭގެފާނަށް އީމާންވި މީހުން ތޫފާނުން ސަލާމަތް ކުރެއްވުމާއި، އިބްރާހިމްގެފާނު އަލިފާނުން ސަލާމަތް ކުރެއްވުމާއި ޔޫސުފްގެފާނު އެކަލޭގެފާނުގެ ބައްޕާފުޅު ޔައުގޫބްގެފާނާ ބައްދަލުވުމާއި، ޔޫނުސްގެފާނު މަހުގެ ބަނޑުތެރެއިން ސަލާމަތް ކުރެއްވުމުގެ އިތުރުން އައްޔޫބްގެފާނު އާލާސްކަންފުޅުން ސަލާމަތް ކުރެއްވުން ވެސް ދިމާވަނީ އެ ދުވަހާ ކަމަށް ހުތުބާގައި ބުންޏެވެ.

އެހެން ނަމަވެސް އެކަމާ ބައެއް ދީނީ އިލްމުވެރިން ހިޔާލު ތަފާތެވެ.

މަޝްހޫރު ދީނީ އިލްމުވެރިޔާ އަދި ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އޭނާގެ ފޭސްބުކްގައި ވިދާޅުވީ އާޝޫރާ ދުވަހާ ގުޅިގެން ސާބިތުވެފައި ވަނީ އެއީ މޫސާގެފާނު ފިރުއައުނުގެ ކިބައިން ސަލާމަތް ކުރެއްވި ދުވަސް ގޮތުގައި ކަމަށެވެ.

އެހެން ނަބީބޭކަލުން އެ ދުވަހާ ގުޅުވައި ހުތުބާގައި ބަޔާން ކޮށްފައިވާ ވާހަކަތަކަކީ ސައްހަ ވާހަކަތަކެއް ނޫން ކަމަށް ޝަހީމް ވިދާޅުވި އެވެ.

ދީނީ އިލްމުވެރިޔާ އާދަމް ނިޝަން ވެސް ވަނީ ހުތުބާގައި ސައްހަ ނޫން ވާހަކަތަކެއް ހިމަނާފައިވާ ކަމަށް ބުނެ ކަންބޮޑުވުން ފާޅު ކުރައްވައިފަ އެވެ.

އޭނާ ވިދާޅުވީ ހުތުބާ ލިޔަނީ ޝެއިހެއް ކަމަށާއި ހުތުބާ ފާސް ކުރަން ވެސް ބޮޑު ކޮމިޓީއެއް އެކުލަވާލާފައި އޮންނަ ކަމަށެވެ. ނަމަވެސް އެފަދަ މައްސަލަތައް ތަކުރާރުވަމުން އަންނަ ކަމަށް އޭނާ ވިދާޅުވި އެވެ.

އެކަމާ ގުޅޭ ގޮތުން އިސްލާމިކް މިނިސްޓްރީގެ ބަހެއް އަދި ނުލިބެ އެވެ.

އިސްލާމިކް މިނިސްޓްރީ ދީނީ ދަރުސް ހުތުބާ

31 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުލުމީ

24 July 2023

ހުކުރުހުތުބާވެސް ސިޔާސަކުރަނީ މިދައުރުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހި މުސްކުޅިޔާ

24 July 2023

ދިވެހި ދައުލަތުގެ ދީނަކީ އިސްލާމް ދީން ކަމަށް އަސާސީ ގަ ލިޔެފަވާތީ ، ހުކުރު ހުތުބާ ވާނީ، ދައުލަތުން ނެރޭ ސްޓޭޓް މަންޓްއެއް ކަމަށެވެ. ވީމާ، ހުކުރު ހުތުބާ ލިޔެ ފާސް ކުރާއިރު ދޭދޭ ގައުމު ތަކުގެ ގުޅުމަށާ ބައިނަލް އަގުވާމީ އެއްބަސްވެފައިވާ މުއާހަދާ ދަކަށް ވެސް ބުރުނާރާނެ ގޮތަށް ލިޔުމާ، ދީނީ ހިޔާލް ތަފާތު މައްސަލަ ތައް ވަކި އަތަކަށް ނުޖެހި ލިޔުން މުހިންމު ކަމުގައި ދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރާ

23 July 2023

އިސްލާމިކް މިނިސްޓްރީގެ ބަހެއް ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހްސަން ފަރީދު

23 July 2023

ހިޖްރީ ކަލަންޑަރ ފެށިފައިވަނީ 622އޭޑީ. މޫސާގެފާނު ގައުމު މީހުން އަނޑަ ވޯޓާރ-ބްރިޖް ހުރަސްކޮށް ފިރުއައުނު ކިބައިން ސަލާމަށްވެ ނަސްރު ލިބުނު ދުވަސް.. އެދުވަސް ފާހަނގަ ކުރަނީ ޖުވިޝް ތެރޭ އަހަރު ގުނަމުން އައި ކަލަނޑާރ ދުވަސް ތަކުން. އެއީ މީލާދީ ނުވަތަ ހިޖްރީކަލަންޑަރއެއް ވެސްނޫން. މައިގަންޑު 9 ކަލަންޑަރ އުޅޭއިރު އެކި ދީންތަކުގެ ހާއްސަ ދުވަސް ފާހަނގަ ކުރޭ.. އިތިއޯޕިޔާ މީހުންވެސް އަހަރު ގުނަނީ 13 މަސް ދުވަސް. 7އަހަރު ފަތުގަ އުޅޭ ގައުމެއް.