ޓުވިޓާގެ ނަން "އެކްސް" އަށް ބަދަލުކޮށް، ކުންފުނި ރީބްރޭންޑް ކޮށްފި

25 ޖުލައި 2023 - 13:38

ސޯޝަލް މީޑިއާ ޕްލެޓްފޯމް، ޓުވިޓާ ކުންފުނީގެ ނަމާއި ލޯގޯ އަދި ބްރޭންޑް އެ ކުންފުނިން ބަދަލުކޮށްފި އެވެ.

ޓުވިޓާގެ ވެރިޔާ، މަހުޖަނު އީލޮން މަސްކް ވަނީ ކުންފުނި ރީބްރޭންޑް ކުރި ކަން އިއުލާން ކުރައްވައިފަ އެވެ.

މި ގެނައި ބަދަލާ އެކު، މިދިޔަ 17 އަހަރު ޓުވިޓާ އިން ބޭނުންކުރަމުން އައި ނޫ ކުލައިގެ ދޫންޏެއް އިންނަ ލޯގޯ، އިނގިރޭސި "އެކްސް" އަކުރަކަށް ވަނީ ބަދަލުކޮށްފަ އެވެ. ނޫ ކުލައިގެ ބަދަލުގައި ބޭނުންކުރަނީ ކަޅާއި ހުދު ކުލަ އެވެ. ޓުވިޓާގެ ޑޮމެއިން x.com އަށް ބަދަލުކުރަން ވެސް ވަނީ ނިންމައިފަ އެވެ.

pic.twitter.com/IwcbqMnQtA
— Elon Musk (@elonmusk) July 23, 2023

މަސްކް ވިދާޅުވި ގޮތުގައި، "ޓުވީޓް"ގެ ބަދަލުގައި އެ ޕްލެޓްފޯމުގައި ކުރާ ޕޯސްޓުތަކަށް ވެސް ދެން ކިޔާނީ "އެކްސް" އެވެ.

ޓުވިޓާ އާ ސީއީއޯ، ލިންޑާ ޔަކަރީނޯ ޔަގީންކަން ދެއްވި ގޮތުގައި، ރީބްރޭންޑް ކުރުމުން ކުންފުންޏަށް އާ ފުރުސަތުތައް ފަހިވާނެ އެވެ.

Our headquarters tonight pic.twitter.com/GO6yY8R7fO
— Elon Musk (@elonmusk) July 24, 2023

އާދައިގެ ސޯޝަލް މީޑިއާ ޕްލެޓްފޯމެއްގެ ބަދަލުގައި "ވީ ޗެޓް" އާއި "ޕޭޓީއެމް" ކަހަލަ ތަފާތު އިތުރު ހިދުމަތްތައް ދޭ "ސުޕަ އެޕް"އަކަށް ޓުވިޓާ ބަދަލުކޮށްލުމަކީ ވެސް މަސްކްގެ ވިސްނުމެވެ. އެ ކުންފުނި ރީބްރޭންޑްކުރުމުގެ މައިގަނޑު މަގުސަދުކީ ވެސް އެއީ އެވެ.

އެކްސް (ޓްވިޓާ) ސޯޝަލް މީޑިއާ މޮބައިލް އެޕްލިކޭޝަންސް

10 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާވިސްނޭ

27 July 2023

އަހަރެން ގެ ގަމާރު ކަމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސްޓްވީޓް

26 July 2023

މިގައުމުގަވެސް އުޅެނީ ރީބްރޭންޑްކުރުމުގެ މޮޔަ ވަބާއެއް ފެތުރިގެން. މަސްކުވެސް އެ މޮޔަކަމުން ސަލާމަތެއްނުވި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްކޫރާ ކާސިމާގަ

25 July 2023

އެކަމު މަ ޓްވިއްޓޭގަ އަދިވެސް އޮތީ ޓްވިޓަރު ޑޮޓު ކޮމް. މަގޭ އެކުސް މަތިން ވަރައްފޫހިވޭ. އަބަދު އެހެން ބިޓުންގެ ވާހަކަ ދައްކާތީ ކޮމިއިނިކޭށަން އެރާ އެކޭ ކިޔާފަ މަ ބަޗާފިން. އޮއްނާނެ ބިޓުންގެ ވާހަކަ ދެއްކިފަ މިހާރު