ޑިފެންސް ޗީފް ޝަމާލަށް ރައީސް ޕްރޮމޯޝަން ދެއްވަނީ: އޭނާއަކީ ސިފައިންގެ ތާރީހުގައި ލެފްޓިނެންޓް ޖެނެރަލްގެ ރޭންކް ލިބިވަޑައިގަތް ދެވަނަ ބޭފުޅާ --- ފޮޓޯ/އެމްއެންޑީއެފް
25 ޖުލައި 2023 - 18:40
41 comments
ސިފައިންގެ އިސް ހަތަރު ޖެނެރަލުންނަށް ރައީސް އިބްރާހިމް މުހައްމަދު ސޯލިހު މިއަދު މަގާމުގެ ކުރިއެރުން ދެއްވުމާ އެކު، ޗީފް އޮފް ޑިފެންސް ފޯސް އަބްދުﷲ ޝަމާލަށް ލެފްޓިނެންޓް ޖެނެރަލްގެ ރޭންކް މިއަދު ލިބިވަޑައިގެންފި އެވެ.
ލެފްޓިނެންޓް ޖެނެރަލަކީ ސިފައިން ރޭންކްތަކުގެ ތެރެއިން ދެވަނަ އަށް އެންމެ އިސް ރޭންކެވެ. ސިފައިންގެ ތާރީހުގައި އެ ރޭންކް މީގެ ކުރިން އޮތް ހަމައެކަނި ބޭފުޅަކީ ރިޓަޔާޑް ލެފްޓިނެންޓް ޖެނެރަލް އަންބަރީ އަބްދުއްސައްތާރެވެ.
ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ އިބްރާހީމް މުޙައްމަދު ޞާލިޙް، ސިފައިންގެ އެންމެ އިސް 4 ޖެނެރަލުންނަށް މިއަދު މަޤާމުގެ ކުރިއެރުން ދެއްވައިފިhttps://t.co/KARgXlVuyV pic.twitter.com/jWLPtdhmhd
— Maldives National Defence Force (@MNDF_Official) July 25, 2023
އެމްއެންޑީއެފްއިން ބުނީ ކުރިން މޭޖާ ޖެނެރަލެއްގެ ރޭންކްގައި ހުންނެވި ޗީފް އޮފް ޑިފެންސް ފޯސް ޝަމާލަށް ލެފްޓިނެންޓް ޖެނެރަލްގެ ރޭންކް ދެއްވީ ބަންޑާރަ ކޮށީގައި މިއަދު ބޭއްވި ރަސްމިއްޔާތެއްގައި ރައީސް އަދި ސިފައިންގެ އެންމެ މަތީވެރިޔާ އިބްރާހިމް މުހައްމަދު ސޯލިހް ކަމަށެވެ. ޝަމާލްގެ އިތުރުން ކުރިން ބްރިގޭޑިއާ ޖެނެރަލްގެ ރޭންކުގައި ހުންނެވި ވައިސް ޗީފް އޮފް ޑިފެންސް ފޯސް އަބްދުއްރަހީމް އަބްދުއްލަތީފް މޭޖާ ޖެނެރަލެއްގެ ރޭންކަށް ވެސް ވަނީ ޕްރޮމޯޓް ކޮށްފަ އެވެ.
މިއަދު މަގާމުގެ ކުރިން އެރުން ދެއްވި ސިފައިންގެ އެންމެ އިސް ހަތަރު އޮފިސަރުންނާ އެކު ރައީސް އިބްރާހިމް މުހައްމަދު ސޯލިހާއި ޑިފެންސް މިނިސްޓަރު މާރިޔާ އަހުމަދު ދީދީ ފޮޓޯފުޅެއް ނަންގަވަނީ.---ފޮޓޯ: އެމްއެންޑީއެފް
އެ ދެ ބޭފުޅުންގެ އިތުރުން ސިފައިންގެ މެރިން ކޯގެ ކޮމަޑަންޓް ވައިސް ވަހީދާއި ސާވިސްގެ ކޯގެ ކޮމަންޑަންޓް ހާމިދު ޝަފީގަށް މޭޖާ ޖެނެރަލްގެ ރޭންކް ވެސް ރައީސް މިއަދު ވަނީ ދެއްވައިފަ އެވެ. އެ ބޭފުޅުންނަށް މަގާމުގެ ލިޔުން ހަވާލުކޮށް ދެއްވީ ޑިފެންސް މިނިސްޓަރު މާރިޔާ އަހުމަދު ދީދީ އެވެ.
ސިފައިންގެ ރޭންކްތަކުގެ ތެރެއިން އެންމެ މަތީ ރޭންކަކީ ޖެނެރަލްގެ ރޭންކެވެ. ނަމަވެސް މަގާމުގެ ގޮތުން ސިފައިންގެ އެންމެ މަތީވެރިޔާ (ކޮމާންޑާ އިން ޗީފް) އަކީ ރައީސުލް ޖުމްހޫރިއްޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަހުދު.
26 July 2023
އިންތިޚާބު ބޯމަތިވާ ކޮންމެފަހަރަކު ކޮން ސަކަރާތެއް؟ މިއީ ހައްތަހާވެސް ކޮރަޕްޝަންގެ އަމަލުތައް.
ޖެނެރަލްއޮފްދައަރމީ
26 July 2023
ޖަލީލްއަކީ ގައުމުގެ ދިފާއުގަ ހަނގުރާމަކޮށް އަދި އަމިއްލަ ފުރާނަ ދުއްވާލަން ހުރިކަން ސާބިތުކޮށްފައިވާ ފަހުލާވާނެއް އަދި އަސްކަރީ ތަމްރީންގައި މިގައުމުގަ ދެވަނައެއްނެތް ފަރާތެއް. ޓޫޓޫ އަކީ އެހަނގުރާމައިގަ ދިވެހި ލަޝްކަރުގެ ކޮމާންޑަރު އަދި އެމްއެންޑީއެފް ތަރައްޤީގެ ބާނީ. މިދެފަރާތައް އެރޭންކްއަށް އިކުއިވެލަންޓްނުކޮށް ޝަމާލަށް އެރޭންކް ދިނުމަކީ ލަދުވެތިކަމެއް!! މުޅި ކެރިއަރ ދިޔައީ ސްޓާފް މަގާމްތަކުގަ. މިކޮމެންޓް ކިޔާނެކަމަށް ހީކުރަން.
މިނިވަން ބޯހިޔާ
26 July 2023
ކޮބާހޭ ފްލެޓް ލިސްޓު
ފެމުނު
26 July 2023
އެތައް ކުދިންނެއް ޕުރިމޯޝަންނުލިބި ތިއްބާ މިވެރިން މިޖަހާލީ …
ދޮންމޫސަ
26 July 2023
5000 އަށް ވުރެ ދަށުގެ ލަޝްކަރެއްގެ ކޮމާންޑަރަކަށް ހުންނަން ޖެހޭނީ ބްރިގޭޑިއަރ ޖެނެރަލެއް. އިންފަންޓްރީ ބްރިގޭޑެއްގެ ސައިޒަކީ އެއީ. ހަމަ ގައިމުވެސް މޭޖަރ ޖެނަރަލެއްގެ ރޭންކަށް ވުރެ މަތީ ރޭންކު މިފަދަ ކުޑަ އަސްކަރިއްޔާ އެއް އޮންނަ ޤައުމެއްގައި އޮވެގެން ނުވާނެ. އެހެންނޫނީ ދެން ޖެނަރަލްގެ ރޭންކުވެސް އުފައްދަަންވީ. ކޮންމެ އަތޮޅަކަށް މޭޖަރ ޖެނަރަލެއް ލާފަ. ބޯހަލާކު
ކެނެޑީ
26 July 2023
ކަލޯ ހާދަ އެނގެޔޭދޯ މަވެސް ކޯލް އޮފް ޑިއުޓީ ކުޅުނިން ތިވަރެއް ނޭގޭ :ޕ
ައަންޗޫ
26 July 2023
ބަލަ! މިއީ ދިވެހިރާއްޖެއޭ. މިތަނުގައި ބައިނަލްއަޤްވާމީ ހަމަ ހިފެހެއްޓުމެއް ނޯންނާނެ. ފީލްޑް މާޝަލްކަން ވެސް ދޭންވީ ކޮންމެ އަތޮޅަކަށް.
ވޯރ ހޯސް އެންޑް ވޯރ މެޝިން
25 July 2023
މިހާތަނަށް ފެނުނު އެންމެ ގާބިލު މީހުންގެ ލިސްޓު 1- ޝަމާލް 2- ފަރުޙަތު 3- ޖަލީލު 4- އަދުރޭ
ގެރިގާޑިޔާ
25 July 2023
ތިޔަ ވައިސް ވަހީދު އާއި ހާމިދު ތިޔައީ އަހަރެން ތިތަނުގައި އުޅުނުއިރު ދަށުގައި މަސައްކަތް ކުރަނީ އިންސާނުން ކަންވެސް ނުދަންނަ ދެމީހުން
ވޯލް
25 July 2023
ދައުލަތުގައި ނެތޭ ފައިސާއެއް، މިހާރުވެސް އަހަރުމެން ދައްކާ ޓެކްސް ބޮޑުކޮށްގެން ދެކޮޅު މިޖެހެނީ. ތިއި ކޮންމެހެން ދޭންޖެހޭ އަދި ކޮން މޮޅު ކަމެއް ކުރެވިގެން ދޭންޖެހޭ މަޤާމުގެ ކުރިއެރުމެއްތޯ. ރައްޔިތުންގެ ފައިސަ މުޅިން ތަޅާ ބޭލުން ނޫން ކަމެއް ނެތް.
އާއްޓެ
25 July 2023
ނާޒިމް ސިފައިންގޭގާ ހުރިނަމަ އެންމެ މަތީމީހަކަށް މިއަދު ހުންނާނީ އޭނާ. ނާޒިމަކީ ދަށުގާ މަސައްކަތްކުރާ މީހުންނަށް ވަރަށް ހެޔޮމީހެއް. ފުއްޕުމަކީ ނާޒިމުގައިގާ ހުންނަ ސިފައެއްނޫން.
ޔރ1978
25 July 2023
ސިވިލް ސާވަންޓުންނަކަށް ޕްރޮމޯޝަނެއް ނުލިބޭ، ޖެހެނީ މަޤާމެއް ހުސްވީމަ ކުރިމަތިލާން #ހަމަހަމަކަން
ދޮންހުސެއިން
26 July 2023
ރަނގަޅު ވާހަކައެއް. މޭޖަރ ޖެނަރަލް ރޭންކުގެ އެއް މަޤާމު ހުސްވީ. އެކަމަކު ތިން ބޭފުޅުންނަށް މޭޖަރ ޖެނެރަލް ރޭންކް. ދުނިޔޭގެ ނިސްބަތުން އަސްކަރީ ބްރިގޭޑެއްގަ ހުންނަވަރަށް ސިފައިން ރާއްޖޭގެ އުޅޭ ކަމަށް ލަފާކުރެވެނީ. އެހެންކަމުން ޗީފް އަކަށް ބްރިގޭޑިއަރ އެއް ބެހެއްޓޭނެ. މީހަމަ މިނިސްޓްރީއެއްގެ ކުޑަ ޔުނިޓަކަށް ދެތިން ސްޓާފުން ލާފަ ޔުނިޓު ހެޑަކަށް ސްޓޭޓް މިނިސްޓަރުން ލުން ފަދަ ކަމެއް.