ޖަޕާންގެ ފޮރިން މިނިސްޓަރު ރާއްޖެ ވަޑައިގެންފި

ފޮރިން މިނިސްޓަރު އަބްދުﷲ ޝާހިދު މިދިޔަ އަހަރު ޖަޕާނަށް ކުރެއްވި ދަތުރުފުޅުގައި އެ ގައުމުގެ ފޮރިން މިނިސްޓަރު ހަޔާޝީ ޔޮޝިމަސާއެކު: އޭނާ މިރޭ ވަނީ ރާއްޖެ ވަޑައިގެންފައި --- ފޮޓޯ/ފޮރިން މިނިސްޓްރީ

ފާތިމަތު އަޖްފާން، މިހާރު

29 ޖުލައި 2023 - 23:03

2 comments

ޖަޕާނުގެ ފޮރިން މިނިސްޓަރު ހަޔާޝީ ޔޮޝިމަސާ ރަސްމީ ދަތުރުފުޅެއްގައި މިރޭ ރާއްޖެ ވަޑައިގެންފި އެވެ.

އެއް ދުވަހަށް ކުރައްވާ ރަސްމީ އެ ދަތުރުފުޅަކީ ރާއްޖޭގެ ފޮރިން މިނިސްޓަރު އަބްދުﷲ ޝާހިދުގެ ދައުވަތަކަށް ކުރައްވާ ދަތުރުފުޅެކެވެ. އޭނާއަށް އެއާޕޯޓުން މަރުހަބާ ދެންނެވީ ސްޓޭޓް މިނިސްޓަރު އަހުމަދު ޚަލީލެވެ.

މި ދަތުރުފުޅުގައި ޖަޕާނާއި ރާއްޖެއާ ދެމެދު އިތުރަށް ގުޅުން ބަދަހި ކުރުމުގެ ރަސްމީ މަޝްވަރާތައް ބާއްވާނެ ކަމަށް ފޮރިން މިނިސްޓްރީން ބުންޏެވެ. އަދި ޑިފެންސް މިނިސްޓަރު މާރިޔާ އަހުމަދު ދީދީއާ ވެސް ހަޔާޝީ ބައްދަލު ކުރައްވާނެ ކަމަށް ފޮރިން މިނިސްޓްރީން ބުންޏެވެ.

މީގެ އިތުރުން ޖަޕާން ސަރުކާރުން ރާއްޖެއަށް ދޭ ހިއުމަން ޑިވެލޮޕްމެންޓު ސްކޮލާޝިޕްތަކާއި އެމްއެންޑީއެފްއަށް ދޭ އެހީތަކާ ގުޅޭ އެއްބަސްވުމުގައި ސޮއިކުރުމަށް ވެސް ވަނީ ހަމަޖެހިފަ އެވެ. އަދި ރާއްޖޭގެ ޑިޕްލޮމެޓިކް ޕާސްޕޯޓާއި އޮފިޝަލް ޕާސްޕޯޓް އޮންނަ ފަރާތްތަކަށް ޖަޕާނުން ވިސާ ލުއި ދިނުމުގެ އެއްބަސްވުމުގައި ވެސް ދެ ގައުމުން ސޮއިކުރާނެ ކަމަށް ފޮރިން މިނިސްޓްރީން ބުންޏެވެ.

އެންމެ ފަހުން ޖަޕާނުގެ ފޮރިން މިނިސްޓަރެއް ރާއްޖެ ވަޑައިގަތީ ކުރީގެ ރައީސް އަބްދުﷲ ޔާމީންގެ ވެރިކަމުގައި 2017 ވަނަ އަހަރެވެ.

ޖަޕާން އަބްދުﷲ ޝާހިދު (ކުރީގެ ފޮރިން މިނިސްޓަރު) ފޮރިން މިނިސްޓްރީ ޑިޕްލޮމެޓިކް ގުޅުން ރާއްޖެ-ޖަޕާން

2 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލި

30 July 2023

ޖަޕާނުގެ ފޮރިން މިނިސްޓަރު ވަޑައިގަތުމަކީ ނުހަނު އުފާ ކުރާ ކަމެއް. އެހެން ގައުމަކާއި ހިލާފަށް ޖަޕާނުގެ މިނިސްޓަރާއިއެކީ ގޮތް ނޭނގޭ ޑީލްތަކާއި އަޅުވެތިކުރުމުގެ އެޖެންޑާއެއް ނާންނާނެ. ކިތަންމެ ދުރުގައި އޮތަސް ޖަޕާނުން ދިވެހިރާއްޖެއަށް އެހީ ދޭތާ ބައި ގަރުނުވަރު ވެދާނެ. އެކަމުވެސް އެމީހުންގެ އަތްގަދަ ކުރުމާއި ނުފޫޒު ފޯރުވުމެއް ނުފެނޭ.