ޔާމީންގެ ކެންޑިޑެސީ: ފަސް މިލިއަން ޑޮލަރުގެ ޖޫރިމަނާ އޮތުމުން އިތުރު މައްސަލައެއް!

ޔާމީން މިއަދުގެ އަޑުއެހުމުގައި: އެމަނިކުފާނުގެ ޖަލު ހުކުމުގެ އިތުރުން ފަސް މިލިއަން ޑޮލަރުގެ ޖޫރިމަނާއެއް އޮތުމުން ވެސް އެމަނިކުފާނަށް އިންތިހާބުގައި ވާދަ ނުކުރެވޭނެ ކަމަށް އިލެކްޝަންސް ކޮމިޝަނުން ބުނޭ

މުއިއްޒު އިބްރާހިމް، މިހާރު

04 އޯގަސްޓް 2023 - 19:37

17 comments

ކުރީގެ ރައީސް އަބްދުﷲ ޔާމީންގެ މައްޗަށް އިއްވާފައިވާ ފަސް މިލިއަން ޑޮލަރު (77 މިލިއަން ރުފިޔާ) ގެ ޖޫރިމަނާއެއް އޮތުމުން ރިޔާސީ އިންތިހާބަށް ވާދަކުރުމުގެ އެމަނިކުފާނުގެ ގާނޫނީ ޝަރުތާ މެދު އިތުރު މައްސަލައެއް މިއަދު ފެންމަތިވެއްޖެ އެވެ.

ރިޝްވަތާއި މަނީ ލޯންޑްރިންގެ ކުށުގައި ޔާމީންގެ މައްޗަށް 11 އަހަރުގެ ޖަލު ހުކުމަކާއި ފަސް މިލިއަން ޑޮލަރުގެ ޖޫރިމަނާއެއް ކްރިމިނަލް ކޯޓުން އިއްވި އެވެ. ރިޔާސީ އިންތިހާބުގައި ވާދަކުރުމުގެ ޝަރުތުތަކުގެ ތެރޭގައި އެއް އަހަރަށް ވުރެ ދިގު ހުކުމެއް ތަންފީޒު ކުރަމުން ނުދިއުމާއި ސާބިތު ދަރަންޏެއް އޮތްނަމަ ހުކުމާ އެއްގޮތަށް ފައިސާ ދައްކަމުން ގެންދިއުން ހިމެނެ އެވެ. އިލެކްޝަންސް ކޮމިޝަނުން ޔާމީންގެ ޝަރުތު ހަމަނުވާ ކަމަށް ނިންމީ އެ ދެ ސަބަބުގެ މައްޗަށް ބިނާކޮށެވެ.

ނަމަވެސް ޔާމީންގެ ފަރާތްޕުޅުން ސުޕްރީމް ކޯޓަށް ހުށަހެޅުއްވީ ޖަލު ހުކުމުގެ ސަބަބުން ކުރިމަތިނުލެއްވޭނެ ކަމަށް ނިންމި ބައެވެ. ސާބިތު ދަރަންޏެއް އޮތް ކަމަށް ކޮމިޝަނުން ނިންމި ބައި އިސްތިއުނާފު ނުކުރާތީ، ސުޕްރީމް ކޯޓުގައި މިއަދު ބޭއްވި އަޑުއެހުމުގައި އިލެކްޝަންސް ކޮމިޝަނުން އެކަން ފާހަގަކުރި އެވެ.

ޔާމީންގެ ވަކީލުން ވިދާޅުވީ ކޮމިޝަނުން އެންމެ ފުރަތަމަ ދިން ލިޔުމުގައި ސާބިތު ދަރަނީގެ މައްސަލަ ފާހަގަކޮށްފައި ނެތް ކަމަށާއި އެކަން އޮތީ އޭގެ ފަހުން ކޮމިޝަނުން ދިން ލިޔުމެއްގައި ކަމަށެވެ. އަދި އެ ލިޔުން ލިބުނީ ސުޕްރީމް ކޯޓަށް މައްސަލަ ހުށަހެޅި ފަހުން ކަމަށް ވަކީލުން ވިދާޅުވި އެވެ.

ޔާމީން ވިދާޅުވީ ޖޫރިމަނާއަކީ ޖަލު ހުކުމާ އެކު އިއްވި އެ ހުކުމުގެ ބައެއް ކަމަށެވެ. އަދި ޖޫރިމަނާ ދައްކަން ކޯޓުން ދިން މުއްދަތު ހަމަނުވާ ކަމަށާއި އަދި ޖޫރިމަނާ ދައްކަން މީރާއިން ވެސް އެމަނިކުފާނަށް އަންގާފައިނުވާ ކަމަށް އެމަނިކުފާނު ވިދާޅުވި އެވެ.

ފަނޑިޔާރުންގެ ބެންޗުން ވިދާޅުވީ ސާބިތު ދަރަނީގެ މައްސަލާގައި ނިންމި ނިންމުން އިސްތިއުނާފް ކޮށްފައި ނުވާތީ މި މައްސަލާގެ ބޭނުމެއް އެބައޮތްތޯ ސުވާލު އުފެދޭ ކަމަށެވެ.

"އިސްތިއުނާފް މައްސަލަ ތި ފަރާތާ އެއްކޮޅަށް ނިންމާ ހާލަތުގައި ވެސް ޔާމީން އަބްދުލްގައްޔޫމްގެ ނަން ވޯޓު ކަރުދާސް ކޮޅުގައި އޮންނާނެތޯ. އިލެކްޝަންސް ކޮމިޝަނުން އެ ވިދާޅުވަނީ ޑިސްކޮލިފައިވާ ހާލަތެއް އެބައޮތޭ މި ނޫނަސް." ފަނޑިޔާރު ހުސްނުއްސުއޫދު ވިދާޅުވި އެވެ.

ޔާމީންގެ ވަކީލުން އެދިވަޑައިގަތީ ސާބިތު ދަރަންޏެއް އޮތް ކަމަށް ބުނެ ލިޔުމެއް ދިނީ ފަހުން ކަމަށްވާތީ، ސުޕްރީމް ކޯޓަށް ހުށަހެޅި އިސްތިއުނާފް އިސްލާހު ކުރުމުގެ ފުރުސަތު ދިނުމަށެވެ. އެކަމާ މެދު ފަހުން ގޮތެއް ނިންމަވާނެ ކަމަށް ބެންޗުން ވިދާޅުވި އެވެ.

ސުޕްރީމް ކޯޓް އިލެކްޝަންސް ކޮމިޝަން ޕީޕީއެމް ރައީސް އަބްދުﷲ ޔާމީން ރިޔާސީ އިންތިޚާބު 2023

17 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުސާފިރު

05 August 2023

ދަރަންޏަކީ ކޮބައިކަން ނޭނގިތިބެ ދަރަނި ދަރަނި ނުކުޔަބަލަ. ޔާމީނު ދަރަނި ވެފައިވާ އެކަކުވެސް ނުހުންނާނެ. ދަރަންޏަކީ އަނބުރާ ދައްކާ ގޮތަށް ނަގާ ފައިސާ އާއި މުދަލަށް ނިސްބަތް ކުރަވޭ ތަކެތި. ޖޫރިމާނާއަކީ ޤާނޫނު ނުބަތަ ޤަވާއިދު ތަކަށް ނުކިޔަމަންތެރި ވުމުން ދޭ އަދަބަކަށް ކިޔާ ނަމެއް. ފައިސާއެއް ދައްކން ހުކުމް ކުރުމަކީ ދަރަނި ކަމުގައި އަދި ސާބިތު ދަރަނިކަމުގައި މާނަ ކޮށްގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސޭލ

05 August 2023

ރައްތިތުންގެ ފައިސާއިސާ ނަގައިގެން، މާފައިސާ ހުރިމީހަކައް ވެގެން މިއުޅެނީ. މީނަޔައް ކައިރީ އުޅޭނީވެސް މިކަހަލަމީހުން. ނިކަން ސަހަލު އެކަކުގެ ނަން ބުނެދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބްރޯސް

05 August 2023

ތީ ދެން އެމަނިކުފާނަށް ގޮތެއް ނިންމަވަން ވަރަށް ދަތިފުޅުކަމަކަށްވާނީ.. ތީހަމަ ގަސްދުގައި ކޮމިޝަނުން ކުރިކަމެއް.. އެމަނިިކުފާނަކީ އެހާ ޑާކޫ ބޭފުޅެއްކަން އެމީހުންނަށް އެނގޭ އަދު ފައިސާ އާއި ރައްޔިތުންނާ މިނެކިރާލާއިރު އެމަނިކުފާނު އަބަދުވެސް ފައިސާ އިސްކުރައްވާނެކަން އިނގޭ. 11 އަހަރު ޖަލުގައި އޮންނަން ޖެހި ޕީޕީއެމް ކެނޑިޑޭޓަކު ނުނެރެވި ދެ އަދުއުރު ދިޔަސް ތިފައިސާއެއް ނުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

05 August 2023

އޯކޭ އެހެންވިއްޔާ ކެންޑިޑެންސީ އެއް ބޭނުމެއްނޫން. ޑޮލަރު ކޮޅާ ބެހެންޏާ ތިޔަ ގޯސްވީ. ޖަލުގަވެސް ހުރެދާނަން ޑޮލަރު ކޮޅު ދޫކޮއްލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާޥާ

05 August 2023

މީނާ އަދި މިއޮތީ ދައުލަތަށް ދަރާފަދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ....!

05 August 2023

ދަރަނިދައްކަންޖެހެނީ އެނުދައްކައިގެން އާދޭސްކުރީމާތަ ބޯގޮވާފަ ހުރިމީހެއްތަމީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗަމަން

05 August 2023

ބޮޑު ޤާނޫނީ ވަކީލުންގެ ޓީމެއް ހަދައިގެން އުޅުނަސް ޙަމްޒާ ލަޠީފު ނޫނީ ނެތް އޮއްޓަރެއް ހުރި ވާހަކަ އެއް ދައްކަން އެނގޭ އެކަކު ވެސް ތިމީހުންގެ ތެރޭގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާހުއްޓާ

04 August 2023

ހެހެ..ޔާމީނު ވެރިކަމުގަ ވެސް ގޮވަމުންދިޔައީ ފައިސާފައިސާ. ވެރިކަމުން ބޭލީމަ އަދިވެސް ގޮވަނީ ފައިސާ ފައިސާ. ހެޔޮނުވާނެ ޔާމީނުގެ ޓީމްވެސް ގަބޫލުކުރޭ މިކަން ނުވާނެކަން.